ଭାରତରେ କନୋନା ଆରୋଗ୍ୟ ରୋଗୀଙ୍କ ସଂଖ୍ୟା 15 ଲକ୍ଷ ଟପିଛି । ଦ୍ରୁତ ପରୀକ୍ଷଣ, ଚିହ୍ନଟ ଓ ଦକ୍ଷ ଚିକିତ୍ସା ଯୋଗୁଁ 15,35,743 ଜଣ ରୋଗୀ ଏପର୍ଯ୍ୟନ୍ତ ସୁସ୍ଥ ହୋଇପାରିଛନ୍ତି । ଉନ୍ନତ ଆମ୍ବୁଲାନ୍ସ ସେବା, ଗୁଣାତ୍ମକ ସେବା ଓ ଉପଯୁକ୍ତ ଅମ୍ଳଜାନ ଚିକିତ୍ସା ଯୋଗୁଁ ଏହି ଆକାଂକ୍ଷିତ ସଫଳତା ମିଳିପାରିଛି ।

ଗତ 24 ଘଣ୍ଟା ମଧ୍ୟରେ 54,859 ଜଣ ରୋଗୀ ସୁସ୍ଥ ହୋଇଥିବା ବେଳେ ଦେଶରେ କୋଭିଡ-19 ଆରୋଗ୍ୟ ହାର ପାଖାପାଖି 70 ପ୍ରତିଶତରେ ପହଞ୍ଚିଛି ।

ଏହି ରେକର୍ଡ ସଂଖ୍ୟକ ମାମଲା ଯୋଗୁଁ ଦେଶରେ ପ୍ରକୃତ ସକ୍ରିୟ ମାମଲା ହ୍ରାସ ପାଇ ମୋଟ ସକାରାତ୍ମକ ମାମଲା ମାତ୍ର 28.66 ପ୍ରତିଶତରେ ରହିଛି । ଦେଶରେ ସକ୍ରିୟ କରୋନା ରୋଗୀ 6,34,945 ଥିବା ବେଳେ ଆରୋଗ୍ୟଙ୍କ ସଂଖ୍ୟା 9 ଲକ୍ଷ ଅତିକ୍ରମ କରିଛି ।

କେନ୍ଦ୍ର ଓ ରାଜ୍ୟ ସରକାରଙ୍କ ମିଳିତ ରଣନୀତି ସ୍ୱରୂପ ସଅଳ ଚିହ୍ନଟ, ବ୍ୟାପକ ପରୀକ୍ଷା ଏବଂ ଦକ୍ଷ ଉପଚାର ଯୋଗୁଁ ମୃତ୍ୟୁ ସଂଖ୍ୟା ମଧ୍ୟ ଦ୍ରୁତ ଗତିରେ ହ୍ରାସ ପାଉଛି । ଆଜି ଏହା ଶତକଡା 2 ଭାଗ ଥିବାବେଳେ ଏହା କ୍ରମଶଃ ହ୍ରାସ ପାଇବାରେ ଲାଗିଛି । ସଅଳ ଚିହ୍ନଟ ପ୍ରକ୍ରିୟା ଯୋଗୁଁ ସକ୍ରିୟ ମାମଲା ମଧ୍ୟ ହ୍ରାସ ପାଉଛି ।

ତୁରନ୍ତ ଚିହ୍ନଟ ସହିତ ସ୍ୱଳ୍ପ ଓ ସାମାନ୍ୟ ଲକ୍ଷଣ ଥିବା ମାମଲାଗୁଡିକୁ ଘରୋଇ ଏକାନ୍ତବାସ ଓ ଅଧିକ ଲକ୍ଷଣ ଯୁକ୍ତ ମାମଲାଗୁଡିକର ହସ୍ପିଟାଲ ଚିକିତ୍ସା ଯୋଗୁଁ ଏହି ଉନ୍ନତି ପରିଲକ୍ଷିତ ହୋଇଛି ।

ଏଠାରେ ଉଲ୍ଲେଖାଯୋଗ୍ୟ ଯେ, ଦେଶର 10ଟି ରାଜ୍ୟରେ ଶତକଡା 80ରୁ ଅଧିକ ନୂଆ ମାମଲା ସାମନାକୁ ଆସିଛି । ଦ୍ରୁତ ଚିହ୍ନଟିକରଣ ଓ ଘରକୁ ଘର ବୁଲି ସର୍ଭେ ତଥା ଆବଧାଞ୍ଚଳ ପରିଚାଳନା ଯୋଗୁଁ ପ୍ରଥମେ ପ୍ରଥମେ ସଂକ୍ରମିତ ରୋଗୀଙ୍କ ସଂଖ୍ୟା ବୃଦ୍ଧି ପାଇଥିଲେ ମଧ୍ୟ ସମୟକ୍ରମେ ଏହା ହ୍ରାସ ପାଇବାକୁ ଲାଗିବ ।  

କୋଭିଡ୍‌ ଜନିତ ସମସ୍ତ ପ୍ରକାର ବୈଷୟିକ ପ୍ରସଙ୍ଗରେ ନିର୍ଭୁଲ ଏବଂ ସର୍ବଶେଷ ତଥ୍ୟ, ନିର୍ଦେଶାବଳୀ ଓ ପରାମର୍ଶ ପାଇଁ ଭିଜିଟ୍‌ କରନ୍ତୁ: https://www.mohfw.gov.in/ and @MoHFW_INDIA ।

କୋଭିଡ୍‌ ସଂକ୍ରାନ୍ତ ବୈଷୟିକ ପ୍ରଶ୍ନ ପଠାଇବା ପାଇଁ covid19[at]gov[dot]in ଏବଂ ଅନ୍ୟାନ୍ୟ ପ୍ରଶ୍ନ ncov2019[at]gov[dot]in and @CovidIndiaSeva ।

କୋଭିଡ-19 ସଂକ୍ରାନ୍ତ କୌଣସି ପ୍ରଶ୍ନ ମଧ୍ୟ ସ୍ୱାସ୍ଥ୍ୟ ଓ ପରିବାର ମନ୍ତ୍ରଣାଳୟର ହେଲ୍‌ପଲାଇନ ନଂ – +91-11-23978046 କିମ୍ବା 1075 (ନିଃଶୁଳ୍କ)କୁ ପଚରା ଯାଇପାରିବ ।

ରାଜ୍ୟଗୁଡିକର ହେଲ୍‌ପଲାଇନ ନଂ: https://www.mohfw.gov.in/pdf/ coronvavirushelplinenumber.pdf ରେ ଉପଲବ୍ଧ ।

**********