কেন্দ্রগী তেক্সতাইল অমসুং নুপী অঙাং চাউখৎ থৌরাং মন্ত্রী শ্রীমতি স্মৃতী জুবিন ইরানিনা ৬শুবা জাতিগী ফিশা-লোনশা নুমিত্তা মীয়ামদা য়াইফ-পাউজেল পীরক্লি। জাতিগী ফিশা-লোমশা নুমিৎ পালন তৌনবা তেক্সতাইল মন্ত্রালয়, ভারত সরকারনা শীনবা ভর্চুএল ফংসন অমদা ৱা ঙাংলদুনা শ্রীমতি স্মৃতী ইরানিনা প্রধান মন্ত্রী শ্রী নরেন্দ্র মোদীবু চহী খুদিংগী ওগস্ত ৭পু লৈবাক অসিগী ফিশা-লোনশাগী নুমিৎ ওইরগনি হায়না অহানবা ওইনা স্বাদেশি ঈহৌগী হায়রিবা তারিখ অসিদা ১৯০৫দা হৌখিবা নুমিত্তগী চহী ১১০গী মতুংদা লাউথোকখিবগীদমক থাগৎপা ফোংদোকখি। মহাত্মা গান্ধীদা ইকাই খুম্নবা উৎলদুনা শ্রীমতি স্মৃতী ইরানিনা হায়খি মদুদিভারতকী নীংখা তম্বসি তরেংগী মতেংনা ফংবা ঙমখিবনি। হিমাচল প্রদেশকী মুখ্য মন্ত্রী শ্রী জাইরাম থাকুরনা কঙ্গ্রাদগী ভর্চুএল ওইনা শরুক য়াখি।

ফোতো

থৌরম অসিদা শ্রীমতি স্মৃতি ইরানিনা হেন্দলুম মার্ক স্কিম (ঐচ.এল.এম.)গী মোবাইল এপ অমসুং বেকেন্দ ৱেবসাইৎ হৌদোকখি। মন্ত্রীনা হায়খি মদুদি হেন্দলুম মার্ক অসি অশেংবা হেন্দলুমগী পোত্থোকশিংদা অপুনবগী মমিং অমা পুরক্নবগীদমক লিংখৎপনি। তেক্সতাইল কম্মিতী মুম্বাইনা মোবাইল এপ অসি রেজিস্ত্রেসনগী প্রোসেস পুল্লপ দিজিতেল ওইনবগীদমক বেকেন্দ ৱেবসাইৎ অমগা লোইননা পুথোকখিবনি। এপ অসি ইংলিশ অমসুং ভারতকী লোল ১০দা ফংগনি অমসুং লৈবাক অসিগী কাচিন কোয়া শিনবা থুংনা লৈরিবা ফিশা-লোনশা তৌরিবা মীওইশিংনা মখোয়গী ময়ুমদগী মোবাইলদা অমুক অনীরক নম্লগা হেন্দলুম মার্ক রেজিস্তর তৌবা য়ারগনি। মসিগী এপ অসিনা পুথোক্লিবা হেন্দলুমগী পোত্থোকশিংদা নপ্লিবা অখন্নবা অমসুং দাইনামিক ওইবা ক্যু.আর. কোদ অসিগী মতেংনা পোত্থোক অদু শেংব্রা শেংদব্রা অমসুং মমাংদা মশাগী ওইব্রা হায়বদু খঙবা ঙম্লগনি।

কেন্দ্রগী তেক্সতাইল মন্ত্রীনা "মাই হেন্দলুম" কৌবা তোঙান-তোঙানবা ফিশা-লোনশা তৌরিবশিংগীদমক অমসুং অতোপ্পা ওর্গনাইজেসনশিংনা ব্লোক লেবেল ক্লস্তর, হেন্দলুম মার্কেতিং এসিস্তেন্স অমসুং এৱার্দশিংগুম্বা তোঙান-তোঙানবা কান্নবা কয়া লৌনবগীদমক থাজিনবসু য়ারগনি। পোর্তেল অসিবু হৌদোক্লদুনা মহাক্না প্রধান মন্ত্রী শ্রী নরেন্দ্র মোদীবু ২০১৫তা অহানবা নেসনেল হেন্দলুম দেগী থৌরমদা "ইন্দিয়া হেন্দলুম" হৌদোকপীরম্বগীদমক থাগৎপা ফোংদোকখি। মহাক্না হায়খি মদুদি হৌজিক ফাওবদা ব্রান্দ অসিগী মখাদা পোত্থোক্কী কাংলুপ ১৮০ হেন্না লৈবা পোত্থোক ১৫৯০ মিং চনখ্রে। "সাইন-ইন" অমখক্তা য়াওবা পোর্তেল অসিনা হেন্দলুম স্কিমশিংগী ঈ পাউ কয়া য়াওবা ৱান স্তোপ শোপ ওইবদা নত্তনা নেসনেল হেন্দলুম দেবেলপমেন্ত প্রোগ্রামশিংগী মখাদা পায়খৎপা থৌরম কয়াগী হৌজিক ওইরিবা ফিবমশিং মনুং মপান ফাওনা উবা ঙম্লগনি, অমসুং তোঙান-তোঙানবা মুদ্রা লোন স্কিম, ৱেবর্স ইন্সুরেন্স, য়ার্ন সপ্লাই, কোন অমসুং খুৎলাইশিংগ য়েন্থবা, ত্রেনিং পীবা অসিনচিংবশিংগী ঈ পাউশিং পীরগনি। মেলা, দিলি হাৎস অসিনচিংবশিংদা স্তোল লৌনবগীদমক ওনলাইন লোত্তরী সিস্তেম অমসু অরোন অথুপ য়াদনবগীদমক হৌদোকখ্রে। পোর্তেল অসি ই.ওফিস অমসুং দি.বি.তি. পোর্তেলদা লিঙ্ক তৌগনি।

তেক্সতাইলগী কেন্দ্রগী মন্ত্রীনা ভর্চুএল তেক্সতাইল সোর্সিং ফেয়র ২০২০সু হৌদোকখি। কোবিদ-১৯ লাইচৎ অসিগী খুদোংথীরবা মতম অসিদা অমসুং মহৌশাগী কৈথেলগী মওং মতৌ হায়বদি একজিবিসন, মেলানচিংব কয়া পাঙথোকপা য়ারক্ত্রবসিদা সরকার অসিনা ফিশা-লোনশা তৌরিবশিংদা ওনলাইনগী খুথাংদা য়োনবা য়ানবগী থৌরাং পায়খৎলি। "আত্মনির্ভর ভারত"কী মংলান মংফাওনবা য়ানবগীদমক খোংথাং অমা থাংজিনবা ওইনা, হেন্দলুম এক্সপোর্ত প্রোমোসন কাউন্সিলনা ভর্চুএল ফেয়র অমা শীল্লি। ফেয়র অসিনা লৈবাক অসিদা লৈরিবা মফম কয়াদগী পার্তিসিপেন্ত ১৫০ রোম্না মখোয়গী পোত্থোকশিং অখন্নবা দিজাইনশিং অমসুং খুৎশা হৈবগী খুদম কয়াগা লোইননা পুথোক্কনি। ইন্দিয়ন তেক্সতাইল সোর্সিং ফেয়র অসি ওগস্ত ২০২০গী তাং ৭, ১০, অমসুং ১১দা হাংদোক্কনি। শো অসিনা মাংজৌননা মালেমগী থাক্তা লৈবা লৈগদবা মীওই কয়াগী পুক্নিং চিংশিনখ্রবনি।

ক্রাফ হেন্দলুম ভিল্লিজ, কুলুদা দিস্ত্রিক্ত এদমিনিস্ত্রেসন কুলুগা খুৎশম্নদুনা প্রজেন্তেসন অমসু শেমখ্রে। থৌরম অদুদা ৱা ঙাংলদুনা হিমাচল প্রদেশকী মুখ্য মন্ত্রী শ্রী জয় রাম থাকুরনা হিমাচল প্রদেশকী হেন্দলুমগী পোত্থোকপু উত্থোকচবগী তাঞ্জা অমা ফংবসিদা হরাউবা ফোংদোকখি অমসুং হায়খি মদুদি ফিশা-লোনশানা রাজ্য অসিগী নাৎ অমসুং অরিবা ইপা ইপুনা থম্বীরম্বশিংগী খুদমনি। মহাক্না হায়খি মদুদি রাজ্য অসিনা জিল্লা অমসুং পোত্থোকশিংবু মখোয়গী ওইবা তোপ-তোপ্পশিংদু উত্থোকপা য়ানবগীদমক জিল্লা অমা- পোত্থোক অমগী স্কিমবু থবক ওইনা পায়খৎনবা কন্না হোৎনরি।

থৌরম অসিবু মশক তাক্নবগীদমক অমসুং লৈবাক অসিদা লৈরিবা মীয়ামগী মরক্তা ফিশা-লোনশা তৌরিবশিংদা থবক শুবগী চাউথোকচবদু পোকচনবগীদমক হেন্দলুম ৱেবিং কম্ম্যুনিতীশিংগীদক চয়োল অনী চুপ্না পাঙথোক্কদবা সোসিএল মীদিয়া কেম্পেন অমা হৌদোকখ্রে। শ্রীমতি স্মৃতি ইরানিনা কাউন্সি ওব মেম্বরশিংদা লৈরিবা ইকাইখুম্নরবা মন্ত্রীশিং, লেফতনেন্ত গবর্নরশিং, ইকাই খুম্নজরবা রাজ্যশিংগী মুখ্য মন্ত্রীশিং অমসুং লোক সভা অমসুং রাজ্য সভাগী ইকাইখুম্নজরবা পার্লিয়ামেন্তকী মেম্বরশিং অমসুং ইন্দস্ত্রিএলিস্তশিংগী ইমুং মনুংশিংনা মখোয়গী সোসিএল মীদিয়াগী খুত্থাংদা অতোপ্পশিংবুসু পুক্নিং চিংশিনবীদুনা ফিশা-লোনশা তৌরিবা খুন্নাই অসিগা অপুনবা ওইনা লেপমিন্নরি হায়বদু উৎমিন্ননবা পুক্নিং চিংশিনখি।

তেক্সতাইল মন্ত্রালয়না ভারত সরকারগী সেক্রেতরীশিং অমসুং থাক মান্নবা ওফিসরশিংদসু মসিগা মান্না হায়জখি। মসিগী মথক্তা, রাজ্য খুদিংমক্কী সেক্রেতরীশিং, এক্সপোর্ত অমসুং প্রোমোসন কাউন্সিল, সেন্ত্রেল সিল্ক বোর্দ, নেসনেল জুৎ বোর্দকুম্বা সিস্তর তেক্সতাইল বোদীশিংদসু সোসিএল মীদিয়া কেম্পেন অসিবু কম্মন হেস্তেগ অমগী মখাদা পাকথোক চাউথোকহন্নবা খঙহনখি অমসুং এসোসিএৎশিং অমসুং ইমপ্লোয়ীশিংনা হেন্দলুমগী ফিরোলবু শীজিন্ননবা খঙহনখি। ই-কম্মর্স এন্তাইতীশিং, রিতেল কম্পেনী অমসুং দিজাইনর বোদীশিংদসু তেক্সতাইল মন্ত্রালয়না হেন্দলুমগী পোত্থোকশিংবু প্রোমোৎ তৌনবা হোৎনরিবসিবু মতেং পাংবীনবা হায়জখি।

মখা তানা হেন্দলুম্বু কম্মন হেস্তেগ #Vocal4Handmade অসিগা লোইননা মীদিয়া কেম্পেন অসিগী মখাদা হেন্দলুম, হেন্দলুমগী পোত্থোক, লৈবাক অসিগী তোঙান-তোঙানবা মফমশিংদগী পুথোকপা মমল ৱাংবা হেন্দলুমগী পোত্থোকশিং, মখোয়গী শারিবা মীওইশিং, ৱেবর/আর্তিসানশিংনা ত্বীৎ তৌদুনা অমসুং সেক্তর অসিবু অচম্বা মীয়ামদা খঙহন্নবগীদমক হৌদোকখ্রে।

সেক্রেতরী (তেক্সতাইল) শ্রী রবি কাপুর অমসুং দিবেলপমেন্ত কম্মিসনর (হেন্দলুম) শ্রী সঞ্জয় রাস্তোগীসু থৌরম অদুদা শরুক য়াখি। থৌরম অদু লৈবাক অসিগী কাচিন কোয়া কয়াদগী পাক শন্না শরুক য়াখি। লৈবাক অসিদা লৈরিবা হেন্দলুম ক্লস্তরশিং, ৱেবর্শিংগী সর্বিস সেন্তর ২৮ পুম্বা, ইন্দিয়ন ইন্সতিত্যুৎ ওব হেন্দলুম তেক্নোলোজী ৬, নেসনেল হেন্দলুম দিবেলপমেন্ত কোরপোরেসন, হেন্দলুম এক্সপোর্ত প্রোমোসন কাউন্সিল অমসুং এন.আই.এফ.তি. কেম্পসশিংসু শম্নখি। মসিগী মথক্তা, ক্রাফ হেন্দলুম ভিল্লিজ কুলু অমসুং মুম্বাইগী তেক্সতাইল কম্মিতীসু থৌরম অদুদা শম্নখি।

হেন্দলুম্বু পাক শন্না খঙহন্নবগীদমক, তেক্সতাইল মন্ত্রালয়না অনৌবা খোংথাং কয়া লৌখৎলি। সিশা-লোনশা তৌরিবশিংনা কেন্দ্র সরকারগী বিভাগশিংদা হকথেংননা পোৎ য়োনবা য়ানবগীদমক সরকারগী ই।–মার্কেৎ প্লেসতা থাগৎনবগীদমক খোংথাংশিংসু লৌখৎখ্রে।

তেক্সতাইল মন্ত্রালয়না লৈবাক অসিদা শীনবা থুংনা লৈরিবা প্রদ্যুসর্স কম্পেনীশিংদা হেন্দলুমগী স্কিম কয়া ফিশা-লোনশা তৌরিবা মীওইশিংদা মরুওইনা মতোমতা নত্ত্রগা শেল্ফ হেল্প গ্রুপশিং/প্রদ্যুসর গ্রুপশিংদা থবক তৌরিবশিংদা ফংহন্নবগীদমক হোৎননবা ই-পাউ কয়া পীরি।

*****