লেবর অমসুং ইম্পলোয়মেন্তকী মিনিস্তর ওফ স্তেৎ (আই.সি.) শ্রী সন্তোশ কুমার গঙ্গৱর, অমসুং হরিয়ানাগী মুখ্য মন্ত্রী শ্রী মনোহর লাল খাত্তরনা ঙরাং অথেংবদা নই দিল্লীদা লৈবা হরিয়ানা ভৱন্দগী ভিদিও কনফরেন্সকী থোংদা ই.এস.আই.সি. মেদিকেল কোলেজদা প্লাজমা বেঙ্ক অমসুং ফারিদাবাদ (হরিয়ানা)দা হোস্পিতাল শঙ্গাখ্রে।

মহাক্কী ৱারোলদা শ্রী গঙ্গৱরনা হায় প্লাজমা বেঙ্ক অসি কোবিদ-১৯ অনাবশিং লায়েংবা মতমদা য়াম্না মরুওইবা খুদোংচাবা অমনি।

শ্রী গঙ্গৱরনা মখা তানা হায় মসিগী কোবিদকী অৱাবা ফীভম অসিদা লৈবাক পুম্বদা লৈবা ই.এস.আই.সি. হোস্পিতাল ২১ দেদিকেতেদ কোবিদ-১৯ হোস্পিতালশিংদা ওন্থোকখ্রে। মসিগী হোস্পিতালশিং অসিদা আইসোলেসন ফমুং ২৪০০, আই.সি.য়ু./ঐচ.দি.য়ু. ফমুং ৫৫০গা লোয়ননা ভেন্তিলেতর ২০০সু ফঙহল্লে। অলৱর (রাজস্থান), বিহতা, পত্না (বিহার), গুলবর্গা (কর্নাতক) অমসুং কোর্বা (ছত্তিশগর)দা লৈবা ০৪ ই.এস.আই.সি. হোস্পিতালশিংদা ক্বারিন্তিনগী খুদোংচাবা (চাউরাক্না ফমুং ১৩০০) ফংহল্লে। মসিগী মথক্তা ফারিদাবাদ (হরিয়ানা), বসাইদরাপুর (নই দিল্লী) অমসুং সনাথনগর হায়দরাবাদতা লৈবা ই.এস.আই.সি. হোস্পিতালদা কোবিদ-১৯ তেস্ত তৌবগী খুদোংচাবশিং ফংহল্লে। কোবিদ-১৯গী ফীভম শোকচিল্লবা অনাবশিং লায়েংনবা ফরিদাবাদ অমসুং সনাথনগর, হাবদরাবাদতা লৈবা ই.এস.আই.সি. হোস্পিতালশিংদা প্লাজমা থেরাপী ফংহনখ্রে। শ্রী গঙ্গৱরনা মহাক্কী মন্ত্রালয়গী মখাদা লৈবা ওর্গনাইজেসন অমা ওইরিবা ই.এস.আই.সি.না কোবিদ-১৯ লান্থেংনবদা লৌরিবা থৌদাংশিং থাগৎপা ফোঙদোকখি অমসুং মখা তারদুনা ই.এস.আই.সি.না হেক থোরকপদগী ভারততা লৈবা শোত্থরবা মীয়ামগী শেবা লেপ্পা লৈতনা তৌরক্লি। হৌখিবা চহি ৬৭কী খোংচত্তা ঙসিদি দিস্ত্রিক্ত ৭২২গী মনুংদা দিস্ত্রিক্ত ৫৬৬তা ই.এস.আই.সি.কী সর্ভিস অসি চাউথোকখ্রে। বেনিফিসরী কোতি ১২মুক্না ই.এস.আই.সি.কী খুদোংবাবশিং ফংলি।

হরিয়ানাগী মখ্য মন্ত্রী শ্রী মনোহর লাল খত্তারনা কোবিদ-১৯ লাইচৎ লান্থেংবদা হরিয়ানা সরকারনা লৌরিবা থৌদাংশিং ফোঙদোকখি। মহাক্না হরিয়ানাগী মফম ৩ হায়বদি পঞ্চকুলা, রোতক অমসুং গুরুগ্রামদা প্লাজমা থেরাপী হৌদোকপগী মতাংদা পনখি। অরোয়বদা মহাক্কী ৱারোল অদু লোইশিল্লদুনা কোবিদতগী ফগৎলবা অনাবশিংনা থোরক্তুনা মখোয়গী প্লাজমাশিং দোনেৎ তৌদুনা অতোপ্পাশিংগী পুন্সি কন্নবা ফোঙদোকখি।

মে ২০, ২০২০দা ইন্দিয়ন কাউন্সিল ওফ মেদিকেল রিসর্চকী অয়াবগা লোয়ননা প্লাসিদ ত্রাইলগী মখাদা ফারিদাবাদকী ই.এস.আই.সি. মেদিকেল কোলেজ এন্দ হোস্পিতালগী ইম্ম্যুনোহেমাতোলোজী এন্দ ব্লদ ত্রান্সফ্যুজন দিপার্তমেন্তনা কোনবলেসেন্ত প্লাজমা থেরাপী। অহানবা প্লাজমাফেরেসিস অসি জুন ২, ২০২০দা পাঙথোকখি অমসুং ঙসি ফাওবদা প্রোজিদ্যুর ২৫ হেন্না তৌখ্রে। মতুং তারকপা ওইনা অহানবা প্লাজমা থেরাপী জুন ৮, ২০২০দা তৌখি অমসুং হৌজিক ফাওবদা অপুনবা মীওই ৩৫দা ত্রান্সফ্যুজন তৌখ্রে।

ফারিদাবাদকী ই.এস.আই.সি. মেদিকেল কোলেজ এন্দ হোস্পিতালগী ইম্ম্যুনোহেমাতোলোজী এন্দ ব্লদ ত্রান্সফ্যুজন দিপার্তমেন্ত অসি প্লাজমাফেরেসিসকীদমক দ্রগ কন্ত্রোলর জেনরেল ওফ ইন্দিয়াদগী চৎনরিবা লাইসেন্স অমা পায়বগা লোয়ননা য়ুনিৎ ৪০০গী স্তোরেজ কেপাসিতী য়াওনা মথৌ তাবা খুশু খুলাই অমসুং মেনপাৱর পুম্নমক মপুং ফানা লৈরি। হোস্পিতাল অসিনা নোংমদা প্লাজমাফেরেসিস ৩০ তৌবা মপুং ফানা ঙম্লি, লোয়ননা ফেসিলিতী অসিদা নুমিৎ চুপ্পা এফেরেসিস মেছিনশিং মথৌ তৌরি। কোনবলেসেন্ত প্লাজমা অসি কোবিদ কেসশিংগী মশিং হেনগৎলকপা অসি য়েংলগা মরু ওইবা অমা ওইরি।

ফারিদাবাদকী ই.এস.আই.সি. মেদিকেল কোলেজ অসি হরিয়ানাগী ফমুং ৫৪০ থাবা কোবিদ হোসপিতাল অমনি লোয়ননা কোবিদ-১৯ নারবা মীওইশিং লায়েংনবা আই.সি.য়ু. বেদশিং লৈরি। মসিগী মথক্তা ফারিদাবাদকী ই.এস.আই.সি. হোস্পিতালদা (হরিয়ানা) কোবিদ-১৯ তেস্তিং ফেসিলিতীসু লৈরিমেদিকেল কোলেজ অসিদা খ্বাইদগী নৌবা খুশু খুলাইশিং, এয়র কন্দিসন ক্লাসরূমশিং, লেবশিং লৈরি।

মেদিকেল কোলেজ অসিগী হোস্পিতাল অসি ইনপেসেন অমসুং আউৎপেসেনগী দিপার্তমেন্তশিং এয়র কন্দিসন ওই অমসুং তোঙান তোঙানবা দিপার্তমেন্তশিংদা লায়েংবগী খুদোংচাবশিং ফংহল্লি। হোস্পিতাল অসিদা ও.পি.দি., আই.পি.সি., ৱার্দশিং, ইমর্জেন্সী, দাইগনোস্তিক সর্ভেসেস, ওপরেসন থিএতরশিং, আই.সি.য়ু. সি.তি.স্কেন, এম.আর.আই. অমসুং ইন্সুরেন্স য়াওবা মীওইশিং অমসুং মখোয়গী দেপেন্দেন্তশিংগী অহেনবা কয়া অমা লৈরি। হোস্পিতাল অসি ই.এস.আই. স্কিমগী মখাদা ইন্সুরেন্স য়াওবা মীওইশিং অমসুং মখোয়গী ইমুং মনুংগী মীহুৎশিংগীদমক অখন্ননা চল্লাইবনি।

থৌরম অসিদা লেবর এন্দ এমপ্লোইমেন্তগী সেক্রেতরী শ্রী হীরা লাল সমরিয়া, ই.এস.আই.সি.গী দিরেক্তর জেনরেল মিস অনুরাধা প্রসাদ অমসুং এম.ও.এল.ই, ই.এস.আই.সি অমসুং হরিয়ানা সরকারগী ওফিসরশিং য়াওখি।

******