এন.তি.পি.সি. লিমিতেদনা থোকপা ৱারোল অমগী মতুং ইন্না এন.তি.পি.সি. গ্রুপ্না চৎলিবা শেনবা চহিসিগী ওইনা অপুনবা বিলিয়ন য়ুনিৎ (বি.য়ু.) ১০০ হেন্না পুথোকপা ঙমদুনা গ্রুপ অসিনা মখোয়গী প্লান্ত খুদিংদা নীংথিনা থবক পাঙথোকপগী থৌওংবু হেন্না খোংফম চেৎপা ওইহনখ্রে হায়রি।

সেন্ত্রেল ইলেক্ত্রিসিতী ওথোরিতী (সি.ই.এ.)না ফোঙবা দেতাগী মতুং ইন্না ছতিসগরগী এন.তি.পি.সি. কোর্বা (এম.দবল্যু. ২৬০০) না এপ্রিল-জুলাই ২০২০গী মনুংদা প্লান্ত লোদ ফেক্তর (পি.এল.এফ.) ৯৭.৪২% লৈদুনা ভারতকী ওইনা খ্বাইদগী নীংথিনা থবক তৌবা পাৱর প্লান্ত ওইরে হায়খি।

এন.তি.পি.সি.গী অতোপ্পা ফ্লেগশিপ পাৱর প্লান্ত ৫সু মশক থোকপা থবক তৌবা ঙমখি। ছতিসগরগী এন.তি.পি.সি.  সিপাৎ (এম.দবল্যু. ২৯৮০), উত্তর প্রদেশকী এন.তি.পি.সি. রিহান্দ (এম.দবল্যু. ৩০০০) অমসুং এন.তি.পি.সি. বিন্দ্যাচল  (এম.দবল্যু.৪৭৬০), ওরিশাগী এন.তি.পি.সি. তালচের কনিহা (এম.দবল্যু.৩০০০) অমসুং এন.তি.পি.সি. তালচের থর্মেল  (এম.দবল্যু.৪৬০)সু পি.এল.এফ.তা য়ুম্ফম ওইবা লৈবাক অসিগী থবক নীংথিনা তৌবা পাৱর প্লান্ত ১০গী মনুং চনখি।

মখা তাবা ওইনা জনুৱারি ১৯৮৪ অমসুং জুন ১৯৮২দা মথংশিৎনা থবক হৌখিবা উত্তর প্রদেশকী এম.দবল্যু. ২০০ য়ুনিৎ অনি, এন.তি.পি.সি. সিঙ্গরাউলিগী য়ুনিত ৪ অমসুং য়ুনিৎ ১না এপ্রিল-জুলাই ২০২০গী মনুংদা মথঙ্গশিৎনা পি.এল.এফ. ৯৯.৯০% অমসুং ৯৯.৮৭% য়ৌবা ঙমখি। মসিনা এন.তি.পি.সি.না পাৱর প্লান্ত চলায়বা অমসুং শেন্নবগী থৌশিলদা হৈবা অমসুং নীংথিনা থবক তৌবা ঙম্বগী মতিক উৎলি।

অপুনবা জি.দবল্যু. ৬২.৯গী ইন্সতোল্দ কেপাসিতীগা লোয়ননা এন.তি.পি.সি. গ্রুপকী কোয়লাগী ২৪, কম্বাইন্দ সাইকল গ্যাস/লিক্বিদ ফুএলগী ৭, হাইদ্রোগী ১, রিন্যুএবল ১৩গা লোয়ননা সবসিদরী অমসুং জে.ভি. পাৱর স্তেসন ২৫ লৈদুনা অপুনবা ওইনা পাৱর স্তেসন ৭০ লৈ। গ্রুপ অসিগী জি.দবল্যু. ৫গী রিন্যুএবল ইনর্জী প্রোজেক্ত ৫ য়াওনা জি.দবল্যু. কেপাসিতী  ওইবা প্রোজেক্ত ২০ হৌজিক শেম-শারি।

*****