(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• রিকোবরী রেৎ অসি অনৌবা অৱাংবা ওইনা ৬৮%দা হেনগৎখ্রে ; হৌখিবা পুং ২৪দা মীওই ৪৯,৭৬৯ নাবা ফখ্রে
• হৌখিবা চয়োল অনিদা নোঙমদা নাবা ফবগী চাংচৎ (নুমিৎ ৭নিগী ওইনা পাবদা) অসি কেস ২৬০০০দগী কেস ৪৪০০০দা হেনগৎলে।
• কেস ফেতেলিতী রেৎ (সি.এফ.আর.) লেপ্তনা তারক্লি, ঙসিগী ফাওবদা ২.০৫%দা লৈরে
• ভারত অসি মালেমদা শমুদ্রদা হি হোন্দোক্তুনা চৎলিবা মীওইশিংনা ওনলাইন্দা পরিখা থাবা লম অমা ওইরি।
• দিল্লী এয়রপোর্তনা ভারতকী মফম শিনবা থুংবদা লাক্লিবা ইন্তর্নেস্নেল পেসেঞ্জরশিংগী পোর্তেল অমা শেমখ্রে

রিকোবরী রেৎ অসি অনৌবা অৱাংবা ওইনা ৬৮%দা হেনগৎখ্রে; কেস ফেতেলিতী রেৎ (সি.এফ.আর.) লেপ্তনা তারক্লি, ঙসিগী ফাওবদা ২.০৫%দা লৈরে

কোবিদ-১৯গী অনাবশিং ফগৎলকপগী চাং হেনগৎপা অমসুং মালেমগী চাংচত্তগী তাথনা লৈবা কেস ফেতেলিতী রেত্তা লৈরিবা অচৌবা মায় পাকপগী থৌওং অনিসিনা মরম ওইদুনা ভারতনা কোবিদ-১৯ লাকশিনবগী লম্বীদা নীংথিনা চৎলি। অহানবা অসিনা খ্বাইদগী ফবা ৬৮%গী চাংদা অমসুং অকোনবা অসিনা খ্বাইদগী নেম্বা ২.০৫%দা লৈরি। হায়রিবা মওং অসিনা চান্ননা চৎপদগী নাবা ফরবা মীওই অমসুং এক্তিব কেসকী মশিংগী অহাঙবা (লাখ ৭.৭ হেনবা) অসি য়াম্না হেনগৎলক্লি। হৌখিবা পুং ২৪দা মীওই ৪৯,৭৬৯ নাবা ফদুনা অপুনবা নাবা ফরবা মীওইগী মশিং ১৩,৭৮,১০৫ নাবা ফখ্রে। হোস্পিতালগী ইনফ্রস্ত্রকচরশিং ফগৎহনবা অমসুং হেনগৎহনবা অমদি কেন্দ্র সরকারগী ক্লিনিকেল ত্রীতমেন্ত প্রোতোকোলগী কাঙলোন ইনবা স্তেন্দর্দ কেয়রগী খুত্থাংদা হোস্পিতালদা লৈরিবা অনাবশিংবু নীংথিনা লায়েংবগী থৌশিল অসিনা নাবা ফবা মীওইগী মশিং হেনগৎহনবা ঙম্লিবনি। হৌখিবা চয়োল অনিদা নোঙমদা নাবা ফবগী চাংচৎ (নুমিৎ ৭নিগী ওইনা পাবদা) অসি কেস ২৬০০০দগী কেস ৪৪০০০দা হেনগৎলে।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644012

ইন্দিয়ানা পুং ২৪দা তেস্ত ৬,৬৪,৯৪৯ তৌদুনা অনৌবা তেস্ত রেকোর্দ থমখ্রে; নুমিৎ হুম্নি থংন-থংননা লাখ ৬ হেন্না তেস্ত তৌখ্রে তেস্ত পর মিলিয়ন (তি.পি.এম.) ১৬,০০০ লানখ্রে

“তেস্ত, ত্রেক অমসুং ত্রীত” লালোংদা পুক্নিং চংদুনা, ইন্দিয়ানা লাখ ৬ হেনবা কোভিদ-১৯ সেম্পল তেস্ত নুমিৎ হুম্নি থংন-থংননা তৌখ্রে। তেস্ত মথং মথং তৌরকপনা মশীং ২,২১,৪৯,৩৫১ য়ৌখ্রে। অদুগা তেস্ত পর মিলিয়নসু চপ চানা ১৬,০৫০ হেনগৎখ্রে। মসি পোজিতিব কেস খংদোক্নবা, মখোয়গা শম্নরুবা থিদোক্নবা অমদি মখোয়বু নাইতোম থম্দুনা মতিক চাবা লাইয়েং পীনবা নম্ফুদা তৌবা তেস্ত অমনি।ভ“তেস্ত, ত্রেক অমসুং ত্রীত” লালোংবু মায় পাক্না শিজিন্দুনা লৈবাক পুম্বদা লেপ্পা লৈতনা দাইগ্নোস্তিক লেব শন্দোক্লি। লেব অসিগী নেতৱার্ক অসি ঙসিদি ১৩৭০ লেবস; ৯২১ লেবস অমনা সরকারগী মাইকৈদা অমসুং ৪৪৯ অমনা লনাইগী লেবসকী মাইকৈদনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1643871

হায়র এজুকেসন কনক্লেভতা পি.এম.না থৌরম হৌদোকপগী ৱারোল পীখ্রে

প্রধান মন্ত্রী শ্রী নরেন্দ্র মোদীনা হায়র এজুকেসনগী কনক্লেভতা থৌরম হৌদোকপগী ৱারোল পীখ্রে। নেস্নেল এজুকেসন পোলিসী অসি চহি ৩-৪ হেন্না কুপ্না খন্নরবা মতুং অমসুং পাউতাক লাখ-লাখকী মথক্তা লৌশিল্লবা মতুংদা অয়াবা পীখিবনি হায়না পি.এম.না থমখি। লৈবাক শিনবা থুংনা নেস্নেল এজুকেসন পোলিসীগী মতাংদা অফবা দেবেৎ অমসুং খন্ন ন্নৈনবা কয়া পাঙথোকখি। জাতিগী কান্নবশিং অমসুং জাতিগী পান্দমশিংদা মীৎয়েং থমদুনা নহাশিং তুংগীদমক শেম-শানবা নেস্নেল এজুকেসন পোলিসীনা পান্দম থম্লি। শ্রী নরেন্দ্র মোদীনা হায় পোলিসী অসিনা অনৌবা ভারত, ২১শুবা চহিচাগী ভারত, ভারত মপাঙ্গল কনখৎনবা নহাশিংগী এজুকেসন অমসুং স্কিল পীবদা, চাউখৎপগী অৱাংবা থাক্তা পুখৎপা অমসুং মখা তানা ভারতকী প্রজাশিংবু মখোয়গা চান্নবা খুদোংচাবা খ্বাইদগী য়াম্না ফংহন্নবা য়ুম্বী ওইরগনি। প্রধান মন্ত্রীনা হায় নেস্নেল এজুকেসন পোলিসী অসিনা গুরু রবিন্দ্রনাথকী এজুকেসনদা লৈরম্বা ৱাখল্লোন অদু য়াওরি, মহাক্কী পান্দমদি লৈরিবা মীওইবশিংগী মরক্তা শন্তি লৈনবা হিংমিন্নবনি। মহাক্না হায়, নেস্নেল এজুকেসন পোলিসী অসি মায় পাকপা ঙম্নবা অপুনবগী ওইবা খোঙথাং অমা মথৌ তাই।  

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644051

হায়র এজুকেসন কলক্লেবতা প্রধান মন্ত্রীগী ৱারোল

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644025

প্রধান মন্ত্রী গরিব কল্যান অন্ন য়োজনা ফেজ- I; মার্চ ২০২০দগী জুন ২০২০গী মনুংদা ফুদ কোর্পোরেসন ওফ ইন্দিয়ানা অপুনবা চেং হৱাই এল.এম.তি. ১৩৯ হোনখি

ফুদ এন্দ পব্লিক দিস্ত্রিব্যুসন বিভাগকী মখাদা ফুদ কোর্পোরেসন ওফ ইন্দিয়ানা মার্চ ২৪দগী জুন ৩০, ২০২০ ফাওবগী মনুংদা রেক ৫,০০০ শীজিন্নদুনা অপুনবা চেং হৱাই এল.এম.তি. ১৩৯ হোনখি অমসুং ত্রক্ত ৯১,৮৭৪গী খুত্থাংদা এলএ.তি. ১৪.৭ রোম লৈবাক শিনবা থুংনা হোনখি। অন্দামান অমসুং নিকোবর ঈথৎ অমসুং লাক্ষাদ্বীপ ঈথৎকী এল্লোকেৎ তৌরিবা চেং হৱাইশিং অদু জহাজশিং শীজিন্নদুনা সপ্লাই তৌখি। ইন্দিয়র এয়র ফোর্সনা রেলৱেজ অমসুং শিপ্পিংগী মন্ত্রালয়গী মতেং লৌদুনা হায়রিবা ওপরেসনশিং অসি মায় পাক্না লৌখৎপদা মরু ওইবা থৌদাং অমা লৌখি। বেনিফিসরীশিংদা চেং হৱাই হন্থোক্নবগীদমক্তা, লৈবাক শিনবা থুংনা ফিয়র প্রাইজ শোপ (এফ.পি.এস.) লাখ ৫.৪রোমগী নেৎৱার্ক শীজিন্নখি, মতম পুম্বদা সোসিএল দিস্তেন্সিং তৌদুনা অনৌবা খোঙথাংশিং লৌখৎতুনা বেনিফিসরীশিংদা চেং হৱাই য়েন্থোকপগী মথক্তা সোসিএল দিস্তেন্সিং থম্বা, ফেস মাস্কশিং উপ্পা, হেন্দ সেনিতাইজরশিং, হেন্দ হাইজিনগীদমক সাপোন অমদি ঈশিং ফংহনবা, মতম খায়দোক্তুনা য়েন্থোকপা, ই.পি.ও.এস. দিবাইজশিং তোয়না সেনিতাইজেসন তৌবা অসিগুম্বা কোবিদ-১৯ শন্দোক্তনবা প্রোতোকলগী চেকশিল থৌরাং পুম্নমক রাজ্য/য়ু.তি. খুদিংমক্তা ঙাক্না চৎলি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1643869

মহৈরোয়শিংদা পোৎলুম হন্থহনবগীদমক উপ-রাস্ত্রপতিনা অনৌবা ইজুকেসন পোলিসি থাগৎলি

সেল্লেবেস হন্থহন্দুনা মহৈরোয়শিংগী পোৎলুম হন্থহনবগীদমক ঙসি ভারতকী উপ-রাস্ত্রপতি এম. ভেনকিয়া নাইদুনা অনৌবা ইজুকেসন পোলিসি থাগৎখ্রে।

ভিদিও কনফরেন্সকী খুৎথাংদা অহানবা রাজালক্সমি পারথাসরাথি মেমোরিএল লেকচর পীবদা উপ-রাস্ত্রপতিনা হায়খি মহৈরোয়শিং শাজেল অমসুং শান্নবদা চপ মান্ননা শরুক য়ানবা পুক্নিং থৌগৎকদবনি। চহি নৌরিঙৈদগী হোনা য়োগা অসি স্কুল করিকুলমগী শরুক অমা ওইহনগদবনি অমসুং মহৈরোয়শিংনা শান্নবুং অমসুং ক্লাসরুমশিং চপ মান্নবা মতম শীজিন্নগদবনি। মহাক্না হায়খি য়োগা অসি পুক্নিং অমসুং হকচাংগী শাজেল অমনি অমসুং য়োগাগী লাইনিং লৈতে। মসি কলা অমসুং সাইন্স অমনি। উপ-রাস্ত্রপতিনা হায়খি, অনৌবা ইজুকেসন পোলিসি-২০২০ অসিনা মহৈরোয়শিং চাউখৎহন্নবা পান্দম থম্লি অমসুং মসিনা মহৈরোয়শিংদা য়ুম্ফম ওইরি অমসুং ভারত অসি লৌশিং লৈবা খুন্নাই অমা ওন্থোক্নবা পান্দম থম্লি। অনৌবা ইজুকেসন পোলিসি-২০২০দা মমালোন মরুওইনা লৌবা অসিদা হরাওবা ফোংদোক্লদুনা শ্রী নাইদুনা হায়খি ভারতকী ইনাকখুল্লবা লোনশিং কনবা অমসুং য়োকখৎপা মরুওই। ঐনা হঞ্জিন হঞ্জিন হায়রি মদুদি লোন অমতদা অথিংবা থম্লোইদবনি অমসুং লোন অমতদা অপনবা পীরোইদবনি। মহাক্না হায়খি মহৈরোয়শিংদা লৈবাক্কী ৱাখল্লোন, লৈবাক অসি কমদৌনা শেম্লকখি হায়বা মহৈরোয়শিংদা তম্বীগদবনি। মীওই করোর ১৩০ লৈবা লৈবাক অমদা খুদিংমক সরকার মথন্তনা পাংথোকপা ঙম্লোই অমসুং লনাই কাংবু শরুক য়াবা দরকার ওই। লনাই কাংবু অমসুং এন.জি.ওশিং পান্দম লৈগদবনি অমসুং অচুম্বা ৱাখল্লোন্না লমজিংগদবনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1643873

নরেন্দ্র সিংহ তোমার অমসুং পিয়ুস গোয়ালনা অতৈ শক্নাইরবশিংগা লোয়ন্না, দেবলালি (মহারাস্ত্রা)দগী ধানাপুর (বিহার) ফাওবা অখন্নবা পোৎ পুবা অহানবা ত্রেন “কিসান রেল” লমথাখ্রে

দেবলালিদগী ধানাপুর ফাওবা চেনবা অহানবা “কিসান রেল” ঙসি দেবলালিদগী ভারত রেলৱেজনা লমথাখ্রে। ভিদিও কনফরেন্সকী খুৎথাংদা ত্রেন অদু এগ্রিকলচর অমসুং ফামরস ৱেলফিয়ার, রুরেল দিবলপমেন্ত অমসুং পঞ্জয়াতি রাজগী য়ুনিয়ন মিনিস্তর নরেন্দ্র সিংহ তোমার অমসুং রেলৱেজ অমসুং কমর্স অমসুং ইন্দস্ত্রিগী য়ুনিয়ন মিনিস্তর পিয়ুস গোয়ালনা লমথাখি। থৌরম অদুদা নরেন্দ্র সিংহ তোমারনা হায়খি মসি লৌমীশিংগী মরুওইবা নুমিৎ অমনি। কিসান রেল বজেৎতা লাউথোকখিবনি। লৌউ-শিংউগী পোৎথোকশিং ফজনা য়েন্থোকপা অমসুং শেন ফংবা দরকার ওই। করিগুম্বা শিংনবা নৎত্রগা অৱা-অনা অমতনা মখোয় অপনবা পীবা ঙম্লোই হায়বা ভারতকী লৌমীশিংনা উৎলে। কিসান রেলনা লৌউ-শিংউগী পোৎথোকশিং লৈবাক অসিগী কাচিন অমদগী কাচিন অমা ফাওবা পুগনি। মসিগী ত্রেন অসিনা লৌমীশিং অমসুং পোৎ লৈরিবশিং কান্নবা পীগনি। লৈবাক শীনবা থুংনা লৌউ-শিংউগী পোৎথোকশিং য়াংনা পুবদা কিসান রেলনা অহোংবা অমা পুরক্লগনি। কোবিদ লাইচৎ মতমদা চানবা মহৈ-মরোংশিং ফংহনবগীদমক শ্রী তোমারনা ভারত রেলৱেজ থাগৎখি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644077

দিল্লী এয়রপোর্তনা ভারতকী মফম শিনবা থুংবদা লাক্লিবা ইন্তর্নেস্নেল পেসেঞ্জরশিংগী পোর্তেল অমা শেমখ্রে

জি.এম.আর.না লুচিংবা কন্সোর্তিয়ম ওইরিবা দিল্লী ইন্তর্নেস্নেল এয়রপোর্তস লিমিতেদ (দি.আই.এ.এল.)না ঙসি ভারত্তা লাক্কদবা ইন্তর্নেস্নেল ফ্লাইয়রশিংনা তঙাই ফদবা শেল্ফ-দিক্লারেসন ফোর্ম মেনবা অমসুং তঙাই ফদবা ইনিস্তিত্যুসন ক্বারেন্তাইনগী থৌওংশিং তৌদনবা ওলাইন্দা ফোর্ম পীশিনবা য়াবা অহানবা মখলগী পোর্তেল অমা শেম্লে হায়না লাঊথোকখ্রে।  এম.ও.সি.এ.গী চৎন-কাঙলোনগী মতুং ইন্না মসিগী খুদোংচাবা অসি ওগস্ত ৮, ২০২০দগী হৌনা ইন্তর্নেস্নেল এরাইবিং পেসেঞ্জরশিংদা ফংহল্লগনি হায়খি। মসিগী থৌওং অসিনা পেসেঞ্জরশিংনা চত্থোক চৎশিন তৌবদা নুংঙাইবা অমা ওইরগনি মরমদি মখোয়না য়ৌরকপা মতমদা অমগা অমগা শোক্নদনা ফোর্ম মেনবগী থৌওং তৌররোই। ভারতনা অতোপ্পা লম কয়া অমগা নোংথক্কী লম্বী হাংদোক্নবগা লোয়ননা ইন্তর্নেস্নেল এরাইবেলগী মশিং য়ামখৎলক্কনি হায়বগী থাজবা লৈ। মরম অদুনা মসিগী ওনলাইন্দা শেল্ফ-দিক্লারেসন তৌবা অমসুং ক্বারেন্তাইন তৌদ্রসু য়ারে হায়নবা পোর্তেল অনোবগী থৌওং অসিনা সরকারগী থবক তৌরিবা মীওইশিংনা লাক্কদৌরিবা মীওইশিংগী অকুপ্পা ৱারোল অমসুং খ্বাইদগী নৌবা হকশেলগী ফিভম খঙদুনা ইন্তর্নেস্নেল এরাইবেল পেসেঞ্জরশিং অসিগী মতাংদা অথুবা অমসুং অচুম্বা ৱারেপ লৌবদা তেংবাংগনি।

অকুপ্পা ৱারোলগীদমক, https://pib.gov.in/PressReleseDetail.aspx?PRID=1644076

শ্রী মন্সুখ মন্দবিয়ানা ওনলাইন একজিৎ একজামিনেসন সিস্তেম অমা শমুদ্রদা হি হোন্দুনা চৎলিবশিংগীদমক হাংদোকখ্রে

কেন্দ্রগী সিপ্পিংগী রাজ্যগী মন্ত্রী শ্রী মন্সুখ মান্দবিয়ানা ওনলাইন একজিৎ পোর্তেল অমা শমুদ্রদা হি হোন্দুনা চৎলিবা মীওইশিংগীদমক ঙসি ভর্চুএল ওইনা পাঙথোকখিবা থৌরম অমদা হৌদোকখ্রে। দিরেক্তোরেৎ জেনরেল ওব সিপ্পিংগী মখাদা তোঙান-তোঙানবা মেরিতাইম ত্রেনিং ইন্সতিত্যুৎশিংদা ত্রেনিং তৌরিবা মীওইশিংনা কোবিদ-১৯গী খুদোংচাদ্রবা মতম অসিদা শমুদ্রদা হি হোল্লিবশিং ময়ুমদগী পরিখা থাবা য়ারগনি। শী মান্দবিয়ানা হায়খি মদুদি ভারত অসি মালেমদা শমুদ্রদা হি হোন্দোক্তুনা চৎলিবা মীওইশিংনা ওনলাইন্দা পরিখা থাবা লম অমা ওইরি। মহাক্না হায়খি, ওনলাইন একজাম অসিনা কেন্দিদেৎশিংদা য়ুনিফোর্মিতী অমসুং এসেস্মেন্ত পীবা য়ারগনি।

অকুপ্পা ৱারোলগীদমক,  https://pib.gov.in/PressReleseDetail.aspx?PRID=1644120

পি.আই.বি. ফিল্দ ওফিসশিংদগী ফংবা পাউ

• চন্দিগরঃ এদমিনিস্ত্রেতর, য়ু.তি. চন্দিগরনা কেস মশীং হেনগৎলক্লিবসি য়েংদুনা হৌজিক মরুওইবা মেদিকেল ইন্সতিত্যুৎ অহুমদা লৈরিবা ফেসিলিতীশিং নৈনবা অমসুং কোবিদ লাইয়েংদা চঙবা ফমুংগী ফিবম ফগৎনবগী মওং অমা তাক্নবগীদমক মেদিকেল এক্সপর্তকী কম্মিতী অমা শেমগদ্গবনি হায়না পাউতাক পীখ্রে। মহাক্না মখা তানা জিম্নাজিয়ম অমসুং য়োগা ইন্সতিত্যুৎশিংনা মফমশিং অসি হাংবদা চৎন কাংলোনশিং হকচিন্না ইনগদবনি হায়না হায়খি। করিগুম্বা ইল্লমদ্রবদি লোনশিনহনগনি হায়রি।
• পঞ্জাবঃ পঞ্জাব তুরিজম দিপার্ত্মেন্তনা কোবিদ-১৯গী মতুংদা তুরিজম অমসুং হোস্পিতালিতীগী হীরমদা মাই ওনশিনবা পাম্বা নহাশিংবু লেম্না ত্রেনিং অমসুং স্কিল দিবেলপমেন্ত পীগদৌরি। তুরিজম অমসুং কলচরেল এফিয়র্স মন্ত্রী শ্রী চরঞ্জিৎ সিংহ চন্নিনা হায়খি মদুদি মহৈরোই ২০০০ হেনবনা 'হুনার সে রোজগার তক' হায়বা অশুপ্পা স্কিম অসিগী মখাদা ত্রেনিং ফংগদৌরি অমসুং মখোয়দা প্লেস্মেন্তকী খুদোংচাবসু পীবীনবা হোৎনগনি। মহৈরোই ১০০০ হেনবদা স্কিল তেস্তিং অমসুং ওন্ত্রপ্রিন্যুর্শিপ প্রোগ্রামগী মখাদা সর্তিফিকেৎ পীগনি। 
• হরিয়ানাঃ হরিয়ানাগী মুখ্য মন্ত্রীনা কোবিদ-১৯দগী নাবা ফরবা মীওইশিংনা চোংথোকপীরক্তুনা লাইনা অসিনা নারবা মীওইশিংবু লাইচৎ অসিগা লান্থেংনবদা নিংহন্নবা তৌদনা থেংননবগীদমক হোৎনহন্নিংবগী ইথিল পীবীনবা হায়রি। মহাক্না মখা তানা কোবিদ-১৯দগী নাবা ফখ্রবা মীওইশিংদা মখোয়গী প্লাজমা খুদোল তৌবীনবা আপিল তৌরক্লি। মুখ্য মন্ত্রী অসিনা ওফিসরশিংদা কোবিদ-১৯দগী নাবা ফখ্রবা মীওইশিংনা তেস্ত তৌগদবা মতমদা মমাংদা নত্ত্রগা মতুংদা মখোয়বু লৌবা অমসুং থিন্নবগীদমক লেম্না এম্বুলেন্স পীগনি হায়খ্রে।
• অরুনাচল প্রদেশঃ অরুনাচল প্রদেশতা হৌজিক ফাওবদা কোবিদ-১৯ তেস্ত তৌনবগীদমক সেম্পল ৯৮,০০০ লৌখৎখ্রে। নমসাই জিল্লাগী এদমিনিস্ত্রেসন্না পোর্তর্স রিক্রুইত্মেন্ত রেল্লীদা শরুক য়ারুবা মীওইশিংদা রেল্লী অসিগা মরী লৈননা মীওই ৫৫ পোজিতিব ওইরকপদগী য়ামদ্রবদা নুমিৎ ১৪নিদি হোম ক্বারেন্তিন চেকশিন্না তৌবীনবা নোতিস অমা থোকখ্রে।
• মনিপুরঃ মনিপুর লৈঙাক্না পব্লিক অমসুং প্রাইবেৎ হোস্পিতালশিংদা কোবিদ নাবা নত্তবা অনাবশিংবু অনা লাইয়েং পীবদা থেংথবা তৌদনা লাইয়েংবগী থবক মখা চত্থনবা খঙহনখ্রে। মনিপুর লৈঙাক্না হোস্পিতাল খুদিংমক্তা দিরেক্তোরেৎ ওব হেলথ সর্বিসেস্কী মখাদা রেপিদ এন্তিজেন তেস্ত কিৎ পীগদৌরি। 
• মিজোরমঃ মিজোরমদা অয়ুক্কী পুং ৯ ফাওবদা রেপিদ এন্তিজেন তেস্ত শীজিন্নদুনা মীওই ৩২০ তেস্ত তৌখ্রে অমসুং ত্রক দ্রাইবর ১৮ অমসুং লোকেল অমা কোবিদ-১৯ পোজিতিব ওইখ্রে।
• সিক্কিমঃ সিক্কিমদা অনৌবা কোবিদ-১৯ পোজিতিব কেস ২৫ লাকখ্রে। রাজ্য অসিদা হৌজিক ফাওবদা অনাবা ৩৯৯ নাবা ফখ্রে অমসুং এক্তিব কেস ৪৪৬ লৈরি।
• কেরলাঃ অনৌবা কোবিদ-১৯গা মরী লৈননা কসর্গোদতগী মীওই অমা রাজ্য অসিদা লৈখিদ্রে। রাজ্য অসিদা লৈরিবা অপুনবা কোবিদ-১৯ অনাবা মশীং অসি ঙরাং ফাওবদা অনৌবা কেস ১,২৯৮ লাকপগা লোইননা ৩০০০০ শুখ্রে। অনাবা মীওই ১১,৯৮৩না হৌজিক লাইয়েং চত্থরি অমসুং ১,৪৮,০৩৯না রাজ্য অসিদা কুপনা য়েংশিন্দুনা লৈরি।
• তমিল নাদুঃ পুদুচেরীদা অনৌবা কোবিদ-১৯ কেস ২৪৪ লাকখ্রে; অপুনবা মশীং ৪,৮৬২ শুখ্রে, এক্তিব কেস্না ১,৮৭৩ লৈরি অমসুং য়ু.তি. অসিদা লৈখিদ্রবা মশীংনা ৭৫নি। তমিল নাদুগী মুখ্য মন্ত্রীগী তিরুনেল্বেলি থৌরমদা বার্তোন তৌখিবা মীওইশিংগী মরক্তা কোবিদ পোজিতিব ওইবা য়াওরম্লে; দোক্তর য়াওনা স্তাফ ১০ হেনবসু লাইনা অসিদগী পোজিতিব ওইরে। ই-পাস সিস্তেম লাইথোকহন্নবা খোংথাং লৌখৎলগনি হায়না মুখ্য মন্ত্রী পালানিস্বামিনা মদুরাইদা ভাইরস অসিনা মরম ওইদুনা লৈখিদ্রবা ইমুং মনুংগী মীওইশিংদা শেলগী তেংবাং পীনবগী থৌরম অমদা হায়খ্রে। ঙরাং অনৌবা কেস ৫৬৮৪, নাবা ফখ্রবা ৬২৭২ অমসুং লৈখিদ্রবা ১০ রিপোর্ত তৌরকখ্রে। অপুনবা কেসঃ ২৭৯১৪৪, এক্তিব কেসঃ ৫৩৪৮৬, লৈখিদ্রবাঃ ৪৫৭১, চেন্নইগী এক্তিব কেস ১১৭২০।
• করনাতাকাঃ হৌখিবা চয়োল অমরোম অসিদা নাবা ফগৎলকপগী চাং অসি বেঙ্গলোর শহর য়াওনা রাজ্য অসিদা হেনগৎলক্লি হায়না মেদিকেল এজুকেসন মন্ত্রীনা ফোংদোকখ্রে। জুলাই ৩০দা লৈরম্বা রিকোবরী রেৎ অসি ৩৯.৩৬%নি অমসুং বেঙ্গলোর শহরদনা ২৯.৫১%নি, চয়োল অমগী মনুংদা, চাং অসি ৫০.৭২% অমসুং ৫০.৩৪%দা লৈরে হায়না মহাক্না হায়খি। ঙরাং অনৌবা কেস ৬৮০৫, দিসচার্জ ৫৬০২ অমসুং ৯৩ লৈখিদ্রে, বেঙ্গলোর শহরদা লৈবা কেসনা ২৫৪৪নি। অপুনবা পোজিতিব কেসঃ ১৫৮২৫৪, এক্তিব কেসঃ ৭৫০৬৮, লৈখিদ্রবাঃ ২৮৯৭, দিসচার্জঃ ৮০২৮১।
• অন্ধ্র প্রদেশঃ রাজামুন্দ্রি সেন্ত্রেল জেলদা লৈবা প্রিজনর ২৬৫ কোরোনা ভাইরস পোজিতিব ওইরে। সেন্ত্রেল জেল অসিদা অপুনবা ওইনা মীওই ১,৬৭৫ লৈ। জেল অসিদা লৈবা ইন্মেন্তশিংগা শম্নরুবা স্তাফ ২৪ অমসু হোম আইসোলেসন তৌদুনা লাইয়েংলি। প্রকসম জিল্লাদা, কোরোনা পোজিতিব ওইরবা অনাবা ১৫০ মাংখ্রে। বি.জে.পি.গী রাজ্য সভা মেম্বর সি.এম. রমেশসু কোরোনা ভাইরস পোজিতিব ওইরে। বিশাখাপত্নম জিল্লাগী ওথোরিতীশিংনা ইস্তর্ন ঘাৎকী খ্বাইদগী ফজবা হিল স্তেসন ওইরিবা  অরাকু তম্পাক্তা ঙসিদগী হৌদুনা কোরোনা কেস ৱাংখৎলকপনা মরম ওইদুনা কমপ্লিৎ লোকদাউন থমখ্রে। ঙরাং অনৌবা কেস ১০৩২৮, দিসচার্জ ৮৫১৬ অমসুং ৭২ লৈখিদ্রে। অপুনবা কেসঃ ১৯৬৭৮৯, এক্তিব কেসঃ ৮২১৬৬, লৈখিদ্রবাঃ ১৭৫৩।
• তেলঙ্গানাঃ রাজ্য অসিদা কোবিদ-১৯ কেস কা হেন্না হেনগৎলকপনা মরম ওইদুনা হেলথ কেয়র ইনফ্রাস্ত্রকচরদা পোৎলুম অমা থাংগৎলে। ফিসি (তেলঙ্গানা) অমসুং ফেদরেসন ওব তেলঙ্গানা চেম্বর্স ওব কম্মর্স অমসুং ইন্দস্ত্রী (এফ.তি.সি.সি.আই.)না এদমিনিস্ত্রেতিব স্তাফ ওব কোলেজ ওব এসিয়া (এ.এস.সি.আই.)গা পুন্না সরকারনা রাজ্য অসিগী কোরোনাভাইরস অনাবশিংগীদমক সেন্ত্রেলাইজ হোস্পিতাল এদমিসন সিস্তেম অমা শেমগৎনবগীদমক হৌদোকখ্রে। হৌখিবা পুং ২৪ অসিদা অনৌবা কেস ২২০৭, রিকোবরী ১১৩৬, অমসুং ১২ লৈখিদ্রে, কেস ২২০৭ অসিগী মনুংদগী ৫৩২দি জি.ঐচ.এম.সি.দগী লাকখিবনি।  হৌজিক ফাওবদা ওইবা  অপুনবা কেসঃ ৭৫২৫৭, এক্তিব কেসঃ ২১৪১৭, লৈখিদ্রবাঃ ৬০১ দিসচার্জঃ ৫৩২৩৯।
• মহারাস্ত্রাঃ মুম্বাই অমসুং পুনে জিল্লাগী মতুংদা থানেনা শগোলশেল নুমিত্তা লাখ অমা হেনবা অহুমশুবা জিল্লা ওইদুনা ১,০০,৮৭৫ কেস লৈখ্রে। রাজ্য অসিদা লৈরিবা অপুনবা কেস মশীংনা লাখ ৪.৭৯নি অমসুং লাখ ১.৪৬না এক্তিব কেসনি। মুম্বাইদা শগোলশেল নুমিত্তা কেস ৯১০ অমগসু হাপচিনখ্রে মসিনা মরম ওইদুনা অপুনবদা মশীং ১,২০,১৫০ য়ৌহনখ্রে। অদুমওইনমক মুম্বাইনা রাজ্য অসিগী অপুনবা মশীংদা হেনগৎহনবগী চাং অসি নোংম-নোংমগী হন্থরক্তুনা শগোলশেল নুমিত্তা ৮%দা লৈখ্রে, মরক অসিদা মহারাস্ত্রদা অনৌবা কেস ১১,৫১৪ লাক্তুনা নোংমগী মনুংদা লাকপা কেসতা খ্বাইদগী ৱাংবা ওইরে।  
• গুজরাৎঃ অহেমদবাদ, সুরৎ অমসুং রাজকোৎকী সিবিক ওথোরিতীনা শগোলশেল নুমিত্তা কোবিদ-১৯ হোস্পিতাল অমদা মৈপোক লাংহৌ থোকপদগী অনাবা মীওই ৮ লৈখিদবদুদগী অসিগুম্বা হোস্পিতালশিংদা চেকশিল থৌরাং লৌখৎনবা খন্নখ্রে। নবরঙ্গপুরদা লৈবা কোবিদকী হোস্পিতাল ওইরিবা  শ্রে হোস্পিতালদা মৈ চাকখিবদু ফাইয়র সেফতী এন.ও.সি. য়াওরমদে হায়না অহেমদবাদ ম্যুনিসিপাল কোরপোরেসনগী ফাইয়র সেফতী ওফিসরনা ফোংদোকখ্রে। মরক অসিদা গুজরাত্তা অনৌবা কোরোনা ভাইরস কেস ১,০৩৪ লাকখ্রে মসিনা রাজ্য অসিগী অপুনবদা ৬৭,৮১৮ শুহনখ্রে। মসিগী মনুংদগী ১৪,৯০৫তি এক্তিব কেসনি।
• মধ্য প্রদেশঃ মধ্য প্রদেশ সরকারনা কোরোনানা শোকহল্লবা জিল্লাশিংদা নুমিদাংদা থম্বা কর্ফ্যুদু পুং অনী কোম্থোকখ্রে অমসুং চয়োলগী অরোইবদা তৌবা লোকদাউনসু তংখাই অমা লৌথোকখ্রে হায়না ওফিসিএল অমনা হায়রি। নুমিদাংগী কর্ফ্যুশিংসু হান্না নুমিদাং পুং ৮দগী অয়ুক পুং ৫ ফাওবা ওইরম্বদু হৌজিক্তি নুমিদাং পুং ১০দগী অয়ুক পুং ৫ ফাওবদা ওইরগনি। রাজ্য অসিদা অনৌবা কেস ৮০৩ লাক্তুনা এক্তিব কেস মশীংনা ৮৭১৬ ওইরি।
• ছতিশগরঃ রাইপুর অমসুং অতোপ্পা ছতিশগরগী শহরশিংদা লৈবা দুকান অমসুং কম্মর্সিএল ইস্তাব্লিশ্মেন্তশিং চয়োল অনীরোম হেন্না লৈরম্বা লোকদাউন অদু শগোলশেল নুমিত্তা লৌথোকখিবগা লোইননা ইরাই নুমিত্তগী অখন্নবা অথিংবা খরগা লোইননা হাংবা হৌখ্রে। রাজ্য অসিগী কোনুং ওইরিবা রাইপুরগী লম্বীশিংসু জুলাই ২২দগী লোকদাউন্না মরম ওইদুনা চৎনরুদ্রবা মতুংদা রাজ্যগী অমসুং প্রাইবেৎকী ওফিসশিং ইরাই নুমিত্তগী মথৌ তৌবা হৌনবগা লোইননা চৎনবা উরে।
• গোৱাঃ গোৱাদা রেমদেসিবির এন্তি ভাইরেল দ্রগশিং কোবিদ-১৯ অনাবশিংদা থাবা হৌরগনি। সিপ্লাদগী গোৱাগী হকশেল বিভাগ্না রেমদেসিবিরগী বাইয়ল ১,০০৮ লৌখ্রে। গোৱা অসি হৌজিক হৌজিক কোবিদ-১৯ কেস হেনগৎলক্লিবনি। রাজ্য অসিদা অপুনবা মশীং ৭৬১৪ য়ৌখ্রে মসিগী মনুংদা এক্তিব কেস মশীং ২০৯৫ লৈরি।

*****