প্রধানমন্ত্রীগী লোইশঙ

প্রধান মন্ত্রী শ্রী নরেন্দ্র মোদীনা নিংথৌকাবা নুমীৎ, ওগস্ত ১০, ২০২০দা অন্দমান অমসুং নিকোবার ইথৎ (এ. অমসুং এন.আই.) য়ৌগদবা সবমেরিন কেবল কন্নেক্তিবিতী শঙ্গারগনি

অন্দমান অমসুং নিকোবার ইথত্তা খোঙজেল থুবা ব্রোদবেন্দ কন্নেক্তিবিতী ফংলগনি

চেন্নই-পোর্ত ব্লেয়ার অমসুং পোর্ত ব্লেয়ার অমদি ইথৎ ৭ ফাওবদা সমুদ্র মনুংদা পুরিবা কেবল অসি চাউরাক্না কিলোমীতর ২৩০০ শাংই

ই.-গবর্নেন্স, লম-কোয়বা অমসুং ইনফোর্মেসন তেক্নোলোজীদা অচৌবা খুমাং চাউশিনবা অমা

Posted On: 07 AUG 2020 2:41PM by PIB Imphal

প্রধান মন্ত্রী শ্রী নরেন্দ্র মোদীনা ভিদিও কনফরেন্সিংগী খুত্থাংদা চেন্নই অমসুং পোর্ত ব্লেয়ারগা শম্নহনগদবা সমুদ্র মনুংদা পুবা ওপ্তিকেল ফাইবর কেবল (ও.এফ.সি.) অসি ওগস্ত ১০, ২০২০দা শঙ্গাদুনা লৈবাক্তা খুৎশিন্নরগনি। সবমেরিন কেবল অসিনা পোর্ত ব্লেয়ারদগী স্বরাজ দ্বীপ (হেবলোক), লিত্তল অন্দমান, কার নিকোবার, কমোরতা, গ্রেৎ নিকোবার, লোং আইলেন্দ অমসুং রঙ্গৎসু শম্নহনগনি। মসিগী কন্নেস্কতিবিতী অসিনা ভারতকী অতৈ মফমশিংদা লৈবগুম অন্দমান অমসুং নিকোবার ইত্থত্তসু অয়াঙবা অমসুং শিজিন্না নুংঙাইবা মোবাইল অমসুং লেন্দলাইন তেলিকোম সর্বিস পীরগনি। প্রধান মন্ত্রীনা দিসেম্বর ৩০, ২০১৮দা পোর্ত ব্লেয়ারদা প্রোজেক্ত অসিগী উরেপ উয়ুং তমখিবনি।

সবমেরিন ও.এফ.সি. অসিনা হেক শঙ্গাবগা চেন্নই অমসুং পোর্ত ব্লেয়ারগী মরক্তা ২x২০০ গিগাবিৎস পর সেকেন্দ (জি.বি.পি.এস.) অমসুং পোর্ত ব্লেয়ার অমসুং অতোপ্পা ইথৎশিংদা ২x১০০ গিগাবিৎস পর সেকেন্দ (জি.বি.পি.এস.)গী অয়াংবা পীগনি। ইথৎশিং অসিদা শিজিন্নবা নুংঙাইবা, অচৌবা অমসুং খোঙজেল য়াঙবা তেলিকোম অমসুং ব্রোদবেন্দগী খুদোংচাবশিং পীবা অসি কঞ্জ্যুমর অমসুং স্ত্রেতজিক ওইবা অমসুং লৈঙাকপগী মিৎয়েংদদি য়াম্না মশক থোকপা থৌওং অমনি। সেতিলাইৎকী খুত্থাংদা পীবদা বেন্দৱীথকী হীরমদা অকক্নবা খরা লৈবদগী পীবা ঙমখিদবা ৪জি. সর্বিস্তসু অচৌবা অহোংবা অমা লাক্লগনি।

তেলিকোম অমসুং ব্রোদবেন্দ কন্নেক্তিবিতী ফগৎহনবা অসিনা লম-কোয়বগী হীরমদা হেন্না খুমাং চাউশিলহন্দুনা ইথৎ অসিদা থবক ফংবগী খুদোংচাবা হেনগৎলগনি অমসুং মসিগা লোয়ন লোয়ননা মফমসিগী শেন্মিৎলোন্দা শাফু পীদুনা মফমসিগী পুন্সি মহিংদসু ফগৎপা ওইরগনি। অফবা কন্নেক্তিবিতী লৈবা অসিনা তেলিমেদিসিন অমসুং তেলি-এজুকেসনগুম্বা ই.-গবর্নেন্সকী থবকশিংসু খুমাং চাউশিলহল্লগনি। অপিকপা ইন্তর্প্রাইসশিংসু ই.-কম্মর্স্তগী, মহৈ-মশিংগী ইন্সতিত্যুসনশিংসু ই.-লর্নিং অমসুং লৌশিং লান্নবগী হীরমদা কন্নেক্তিবিতী নুংঙাইবা বেন্দৱীথ ফংবগী মরম ওইদুনা খুদোংচাবা হেন্না ফংলগনি। কারবারগী থৌওংশিং আউৎসোর্স তৌবগী সর্বিসশিং অমসুং অতোপ্পা ময়ায় ওইরপ ওইবা অমদি অচৌবা ইন্তর্প্রাইসশিংসু মসিদগী অহেনবা কান্নবা ফংলগনি।

ভারত সরকারনা কম্ম্যুনিকেসন মন্ত্রালয়গী তেলিকম্ম্যুনিকেসনস বিভাগকী মখাদা লৈবা য়ুনিবর্সেল সর্বিস ওব্লিগেসন ফন্দ (য়ু.এস.ও.এফ.)গী খুত্থাংদা প্রোজেক্ত অসিদা শেন্থং পীথবনি। ভারত সঞ্চার নিগম লিমিতেদ (বি.এস.এন.এল.)না প্রোজেক্ত অসিবু থবক ওইনা পাঙথোকখি অমসুং মসিদা তেলিকম্ম্যুনিকেসন্স কন্সলতেন্ত ওফ ইন্দিয়া লিমিতেদ (তি.সি.আই.এল.)না তেক্কনিকেল কন্সলতেন্ত ওইনা থৌ পুখি। চাউরাক্না কিলোমীতর ২৩০০ শাংবা ঈশিং মনুংদা পুবা ও.এফ.সি. কেবল অসি থাবদা চাউরাক্না লুপা কোতি ১২২৪ চংখি অমসুং প্রোজেক্ত অসি মতম চানা লোইবা ঙমখি।

*******



(Release ID: 1644084) Visitor Counter : 62