প্রধানমন্ত্রীগী লোইশঙ
প্রধান মন্ত্রী অমসুং শ্রী লঙ্কাগী প্রধান মন্ত্রী অনিগী মরক্তা তেলিফোন্দা ৱারি শানখ্রে
प्रविष्टि तिथि:
06 AUG 2020 9:02PM by PIB Imphal
ঙসি প্রধান মন্ত্রী নরেন্দ্র মোদীনা শ্রী লঙ্কাগী প্রধান মন্ত্রী মহিন্দ্র রাজাপাকসাগা ৱারি শান্নখ্রে অমসুং ঙরাং শ্রী লঙ্কাদা সংসদকী মীখলশিং মাইপাক্না পাংথোকখিবদা মহাক থাগৎখি। কোবিদ-১৯ লাইচৎ মরক্তা নিংথিনা মীখলশিং পাংথোকখিবগীদমক প্রধান মন্ত্রীনা শ্রী লঙ্কা সরকার অমসুং মীখলগী ইন্সিতুতুৎশিং থাগৎখি। মীখলশিংদা মখোয়না হরাও-তয়াম্না শরুক য়াবদা শ্রী লঙ্কাগী মীয়াম থাগৎলদুনা মহাক্না হায়খি, লৈবাক অনিমক্না শরুক য়ারিবা গনতন্ত্রগী গুনশিং অদু মীখল অসিদা মমি তারে।
প্রধান মন্ত্রী মোদীনা হায়খি লাউথোক্কদৌরিবা মীখলগী ফলশিং অসিদা শ্রী লঙ্কা পোদুজানা পেরামুনা পার্তিনা চাউনা মাইপাক্কনি হায়বগী খুদম উৎলে অমসুং মসিগীদমক মহাক্না মহিন্দ্রা রাজাপাকসাদা মহাক্কী য়াই-পাউজেল পীখি অমসুং থাগৎখি।
মমাংদা মখোয়না মরুপ-মপাং ওইনা অমসুং কান্নবা ৱারিশিং শানখিবা অদু নিংশিংলদুনা, চহি কুইরবা অমসুং মাইথোঙ য়াম্বা ভারত-শ্রী লঙ্কাগী মরী হেন্না কনখৎহন্নবা লুচিংবা অনিনা থাজবা অমুক হন্না পীনখি। হিরম খুদিংমক্তা নাকল অনিগী মতেং পাংনবা খুমাং চাউশিনহন্নবা মখোয়না তকশিনখি।
ভারত্তা লৈবা বুধিস্ত লাইখুরুমফম সহর ওইরিবা কুসিনগরদা ইন্তরনেসনেল এয়রপোর্ত অমা শেমগৎলে হায়না প্রধান মন্ত্রীনা রাজাপাকসাদা খঙহনখি অমসুং মহাক্না হায়খি সহর অসিনা শ্রী লঙ্কাগী লমকোয়বা মীওইশিং ওক্নবা ঙাইদুনা লৈরে।
লৈবাক অনিমক কোবিদ-১৯ লাইচৎ থেংনরিবা মরম্না তোইনা পাউ ফাওনবা হায়না লুচিংবশিংনা য়ানখি অমসুং লাক্কদৌরিবা নুমিৎশিংদা নাকল অনিগী মরী অৱাংবা থাক্তদা পুখৎনবা ৱারেপ লৌখি।
****
(रिलीज़ आईडी: 1643925)
आगंतुक पटल : 214
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam