ঙসি ফাওবদা অপুনবা ফগৎখিবশিং ১২,৩০,৫০৯ শুখিবগা লোয়ননা, ভারতী ফগৎলকখিবা কেসশিংনা এক্তিব কেসকী শরুক অনি ওইরে। হৌখিবা পুং ২৪দা মীওই ৪৪,৩০৬ লায়েংদুনা ফগৎখ্রে। মসিনা কোবিদ-১৯ নাবা মীওইশিংগী মরক্তা ফগৎপগী চাং অসি ৬৬.৩১% য়ৌহনখ্রে। কেন্দ্র অমদু রাজ্য/য়ু.তি. সরকারশিংনা কোবিদ-১৯ লাকশিন্নবা লালোং পুন্না লৌখৎপা অমদি ফ্রন্তলাইন হেল্থ ৱর্ক পুম্নমক্না কত্থোকপগা লোয়ননা হোৎনবনা লেপ্তনা ফগৎলকপশিং ৱাংখৎলকপা ঙম্বনি।

এক্তিব কেসশিংনা (৫,৮৬,২৯৮) অপুনবা পোজিতিব কেসশিংগী ৩১.৫৯% ওইতি অমদি মখোয় পুম্নমক লায়েং চত্থরি।

মপুং ফানা লাকশিন্নবা, তেস্ত তৌবা কনশিনবা অমসুং অফবা স্তেন্দর্দ ক্যের এপ্রোচতা য়ুম্ফম ওইবা স্তেন্দর্দাইজ ক্লিনিকেল মেনেজমেন্ত প্রোতোকলশিংনা মরম ওইরগা কেস ফেতেলিতী রেৎ (সি.এফ.আর.) লেপ্তনা হন্থহল্লি। অহানবা লোকদাউনদগী হৌরগা মালেমগী লৈরিবা চাংচৎকা চাংদম্নবদা ভারতনা সি.এফ.আর.খ্বাইদগী নেম্না রেজিস্তর তৌখি।

মোর্তেলিতী এনালাইসিসকী হৌজিক পীরিবা দেতা অসিনা উৎলি মদুদি শীখিবা ৫০%দি চহি ৬০ শুরবা অমদি মথক্কী কাংলুপ্তা ওইরি; শীখিবা ৩৭%না চহি ৪৫দগী ৬০ ফাওবগী কাংলুপ্তা ওইরি; অদুগা শীখিবা ১১%না ২৬-৪৪গী চহিগী কাংলুপ্তা ওইরি। মসিনা চহি ৪৫গী মথক্তা লৈবা মীইশিং খুদোংথিবা য়াবা কাংলুপ ওইরি অমসুং লৈবাক অসিগী লায়না লাকশিন্নবা লালোংদা মসিগী কাংলুপ অসিদা মীৎয়েং চংলি। জেন্দরদা য়েংলগা য়েন্থোকপদা, শীরিবা মীওইগী ৬৮%না নুপা ওই অমদি ৩২%না নুপী ওইখি।

কোবিদ-১৯ লায়চৎ অসি হৌরকপদগী হৌনা ভারতনা মতম চানা অমসুং গ্রেদেদ ওইবা খোঙথাংশিং লৌখৎতুনা ভেন্তিলেতরশিং ফংহন্নবা হোৎনখিবা অসিনা মালেম পুম্বদগী দিমান্দ তৌনবা হেনগৎলক্লি। মপালদগী পুশিল্লকপা ভেন্তিলেতরদা ৭৫% মখা পোনবা অমসুং লায়চৎ অসি কনশিল্লকপগা লোয়ননা মপালদগী পুশিল্লকপদা অথিংবশিং থম্বশিং হেনগৎলকপনা মরম ওইরগা ভারতনা ‘মেক ইন ইন্দিয়া’গী মখাদা লৈবাক অসি শাজবা  ভেন্তিলেতর সপ্লাই তৌবা হেনগৎনবা ৱারেপ লৌখি।

লৈবাক অসিগী মথৌ তারিবা ভেন্তিলেতর ৬০,০০০ অসি পীবা ঙম্নবা, হকশেল অমসুং য়াইফ য়ুম্বাল মন্ত্রালয়গী মখাদা লৈরিবা দিরেক্তোরেৎ জেনরেল ওফ হেল্থ সর্ভিসেস (দি.ই.ঐচ.এস.)গী মখাদা শেম্বা কম্মিতি ওফ তেক্নিকেল এক্সপর্তসনা কুপ্না খন্নরবা মতুংদা কোবিদ-১৯গীদমক শীজিন্নগদবা ইচম চম্বা ভেন্তিলেতরকী খ্বাইদগী তঙাই ফদবা স্পেসিফিকেসনশিং অদু পীখি। তঙাই ফদবা মেদিকেল সপ্লাইশিংগী ফংহনবদা থেংনরিবা সমস্যাশিং কোকহন্নবা এম্পাৱর্দ গ্রুপ (ই.জি.)-৩ শেমখি। চেকশিন্না ফিজিকেল দিমনস্ত্রেসন অমদি দোমেস্তিক বেন্তিলেতর মোদেল অসিগী ক্লিনিকেল ভেলিদেসন তৌরবা মতুংদা ওর্দরশিং তৌবা য়াহনখি।

অচৌবা ওর্রশিং অসি পব্লিক সেক্তর এন্তর্প্রাইজ (পি.এস.ই.শিং) অনি – ভারত ইলেক্ত্রোনিক্স লিমিতেদ (বেল) অমসুং অন্ধ্র মেদ-তেক জোন (এ.এম.তি.জেৎ.)তা তৌখি। মসিগী মথক্তা দিফেন্স রিসর্চ এন্দ দিবেলপমেন্ত ওর্গনাইজেসন (দি.আর.দি.ও.)গা লোয়ননা ওতোমোবাইল ইন্দস্ত্রীসু থোক্লকখি। হৌজিক ফাওবদা, ‘মেক ইন ইন্দিয়া’ ভেন্তিলেতরশিং অসি ভোল্যুমদা য়েংবদা মার্কেৎ সিয়র ৯৬% হেন্না লৈ অমসুং ভেল্যুদা য়েংবদনা ৯০% হেন্না লৈ। ঙসি ফাওবদা, হোস্পিতাল ৭০০ হেনবদা মসি ইন্সতোল তৌখ্রে। থা অনিগী মনুংদা রাজ্যশিং/য়ু.তি.শিং/কেন্দ্র সরকারগী হোস্পিতালশিং/দি.আর.দি.ও. ফেসিলিতীদা ভেন্তিলেতর ১৮০০০ হেন্না সপ্লাই তৌখ্রে।

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবাকোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ and @MoHFW_INDIA .

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু: +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf

*******