কেন্দ্রগী ইনফোর্মেসন এন্দ বোর্দকাস্তিং মন্ত্রী শ্রী প্রকাশ জাবদেকরনা ন্যু দিল্লিদগী ঙসি ভিদিও কনফরেন্সকী থোংদা পুং ২৪ শন্দোক্কদবা রাজ্য অসিগী দুরদর্শন অসম হৌদোকখ্রে। থৌরম অসিদা ৱা ঙাংলদুনা মন্ত্রী অসিনা হায় “ চেনেল অসি অসম মীয়ামদা তম্বা খুদোল অমনি অমসুং চেনেল অসিনা অসমগী মীয়াম পুম্নমক্তা য়ৌহনগনি অমসুং য়াম্না পাম্নগনি।”

থমন্ত্রীনা হায় রাজ্য পুম্নমক্কী মশাগী দুরদর্শন চেনেল লৈহনবা অসি মরু ওই। অতোপ্পা রাজ্যশিংগী চেনেলশিং দি দি ফ্রী দিশতা ফংগনি। মন্ত্রীনা দুরদর্শনগী নেস্নেল চেনেল তরুক্কী প্রোগ্রামশিং অসিবু থাগৎখি। প্রধান মন্ত্রী শ্রী নরেন্দ্র মোদীগী অৱাং নোংপোকপু ভারতকী চাউখৎপা পুরক্নবা ইঞ্জিন ওইহনগনি হায়বা ৱাখল্লোন অদু নৌহৌনা নিংশিংবা ওইনা শ্রী জাবদেকরনা হায়খি লমদম অসিদা মহৌশাগী ওইবা ফজবা অমদিং হ্যুমেন রিসোর্স কয়া লৈরি অমসুং লম্বী-থোংসু তপ্না-ত্না ফগৎলক্লি। অসমগী দুরদর্শন চেনেল অসি হৌজিক পাল্লিবা সরকার অসিগী মখাদা খ্বাইদগী অহানবা অমুক্তা পায়খৎখিদ্রিবা খোঙথাংগী শরুক অমনি।

থৌরম অদুদা অসমদগী রাজ্য অসিগী মুখ্য মন্ত্রী শ্রী সরবানন্দা সোনোৱলনা য়াওখি।অসম মীয়ামগী ওইনা নুমিৎ অসি মরু ওইবা নুমিৎ অমনি হায়না ফোঙদোক্লদুনা মন্ত্রীনা হায়খি, "চেনেল অসিনা অসমগী মীয়ামনা পাঙথোক্লিবা থবক্কী লম পুম্নমক য়ৌশিন্দুনা চাউখৎপদা মতেং ওইগনি, অমরোমদা মসিনা সরকারগী খোঙথাংশিং অমসুং প্রোগ্রামশিং মশিং য়ামখৎহনবদসু মতেং ওইরগনি।” শ্রী সোনোৱলনা প্রধান মন্ত্রী শ্রী নরেন্দ্র মোদীনা লৌখৎলিবা অসিবু তৌবিমল খঙবা উৎলদুনা হায়খি “পি.এম.মোদীনা অহৌবা নুমিৎ অমদগী হৌদুনা অৱাং নোংপোক্কী তৌবা ঙম্বশিং অমসুং পাঙথোকপা য়াবশিংদা থম্মোয় শেংনবা মীৎয়েং চংখি।”

অসমগী গভর্নর প্রোফেসর জগদিশ মুখিনা ভিদিও কনফরেন্সকী থোংদা থৌরম অসিদা ৱা ঙাংলদুনা হায়খি, “মসি অসমদা লৈরিবা ঐখোয় পুম্নমক্কী ওইনা হরাওবা মীৎকুপ অমনি মরমদি দি দি অসম হৌদোকখিবগা লোয়ননা পব্লিক ব্রোদকাস্তরকী ওইনা মায় পাকপা আমনি।” দুরদর্শন কেন্দ্র গুৱাহাতি অসিবু থাগৎলদুনা প্রোফেসর মুখিনা হায় মখোয়না লেপ্পা লৈতনা হোৎনবনা মরম ওইরগা অসমগী তোপ তোপ্পা, মখল কয়াগী নাৎ অসিবু লৈবাক পুম্বদগী থাগৎনরক্লি।

আই.বি. মন্ত্রালয়গী সেক্রেতরী শ্রী অমিৎ খরেনা ন্যু দিল্লিগী দুরদর্শন কেন্দ্রদগী ৱা ঙাংলদুনা হায় মমাং চহিদা প্রধান মন্ত্রীনা দি দি অরুন প্রভা লোঞ্চ তৌখিবদগী হৌনা মন্ত্রালয় অসিনা দি দি নোর্থ ইস্ত অসিদগী অসম খক্তগী ওইবা অনৌবা চেনেল অমা হৌদোক্নবা খন্নখি। শ্রী খরেনা হায় অসম অসি অৱাং-নোংপোক্কী গেৎৱে ওইরি অমদি অৱাং নোংপোক অসিনা অসিয়ন লৈবাকশিং গেৎৱে ওইরি, মখা তারদুনা মহাক্না হায় রাজ্য অসিনা ভারত অমদি অসিয়নগী মরক্তা অচৌবা মরী অমা থম্বা ঙমহনগনি। সেক্রেতরীনা হায় “দি দি অসমনা লমদম অসিদা লৈরিবা হৌগৎলক্লিবা তেলেন্তকী অনৌবা ফমপাক অমা পীরগনি অমসুং লেমহৌরিবা ভারত অসি অৱাং-নোংপোক্কা নকশিলহল্লগনি অমসুং অৱাং-নোংপোক্কী তেলেন্ত অসি ভারত পুম্বদা উৎপসু ঙম্লগনি।”

শ্রী খরেনা মখা তারদুনা হায়, “অতোপ্পা রেজনেল চেনেলশিংগুম্না দি দি অসমনসু মহৈ মশিংগী লমদা চাউখৎপা পুরকপদা অচৌবা লম্বী অমা পীরগনি। দি দি অসম অসিনা রিজনেল লোলশিংদা রাজ্য অসি শিনবা থুংনা ওনলাইন এজুকেসন পীনবা হোৎনবদা অচৌবা মায় পাকপা অমসু ওইরগনি।”

প্রসার ভারতিগী সি.ই.ও. শ্রী শশি শেখর বেম্পতিনা হায় দি দি অসম হৌদোকপগা লোয়ননা, অৱাং-নোংপোক্কী রাজ্য পুম্নমক্কী হৌজিক্তি রাজ্যকী অখন্নবা চেনেল লৈরে অমদি অহানবা ওইনা জাতি কয়ানা খুন্দারিবা অৱাং নোংপোক্কী ওইবা সেতলাইৎ ফুৎপ্রিন্ত অমা লৈরে মসিনা দি দি ফ্রী দিশ প্লেৎফোর্মগী খুত্থাংদা ভারতকী মফম অমা হেক্তদগী য়েংবা য়ারগনি।

বেকগ্রাউন্দ:

দি.দি. নোর্থ ইস্ত চেনেল অসি প্রসার ভারতিনা অৱাং নোংপোক্কী রাজ্য ৮গী ২৪x৭গী অপুনবা চেনেল ওইনা শেমখি অমসুং ০১.১১.১৯৯০দা কম্মিসন তৌখি; ১৫.০৮.১৯৯৪দা হৌদোকখি অমসুং ২১.১২.২০০০দগী পুং ২৪ শন্দোকপা চেনেল ওইহনখি।

দি.দি. অউরুনপ্রভা অসি মতুংদা অরুনাচল প্রদেশকীদমক হৌদোকখি মসি ইতানগরদগী শন্দোকখি। দি.দি. অউরুনপ্রভা চেনেল অসি প্রধান মন্ত্রীনা ০৯.০২.২০১৯দা হৌদোকখি।

মতুং তারকপদা প্রসার ভারতিনা তোঙান তোঙানবা অৱাং-নোংপোক রাজ্যশিংগী কেপিতেলদগী থারকপা চেনেলশিংগী অককনবা পুংশিং পুম্নমক ‘দি.দি. ফ্রী দিশ”দা নেস্নেলগী কন্নেক্ত তৌনবা ৱারেপ লৌখি। অৱাং-নোংপোক লমদমগী রাজ্যশিংগী চেনেল মঙাশিং মমিং ওইনা পল্লবদা দি.দি. মেঘালয়, দি.দি. মিজোরাম, দি.দি. ত্রিপুরা, দি.দি. মনিপুর অমসুং দি.দি. নাগালেন্দ অসি দুরদর্শন কেন্দ্র শিল্লোং, আইজোল, অগরতলা, ইম্ফাল, কোহিমাদগী মথং শিৎনা শন্দোকখিবা অসি দি.দি. ফ্রী দিশ (দি.তি.ঐচ.) প্লেৎফোর্মদা মার্চ , ২০২০দগী চৎনবা হৌদুনা হাপখি।

মসিগী মতুং তারকপদা অসমগী ওইনা দি.দি. নোর্থ ইস্ত চেনেল অসি অখন্নবা চেনেল ওইনা ওন্থোকপা মথৌ তারকখি। ২৪X৭ ওইবা চেনেল অসি দুরদর্শন কেন্দ্র গুৱাহাতিদগী শন্দোক্কনি অমদি অসম মীয়াম অমদি নাৎকীদমক কত্থোক্লি অমসুং মসিদা অসামিস প্রোগ্রাম পুং ৬ শন্দোক্কনি মসিদা বোরো গুম্বা অখন্নবা লোলশিংগী স্লোৎশিং য়াওরি। দি.দি. অসমগী চাংয়েং ওইনা শন্দোকপা অসি দিসেম্বের ১, ২০১৯দগী হৌখি।

হৌজিক ওইরিবা কোবিদ-১৯গী খুদোংথিবা মনুং অসিদা, মতম খরগী ওইবা খোঙথাং অমা ওইনা অৱাং-নোংপোক্কী রাজ্যশিংদগী শন্দোরকপা চেনেলশিংগী অপলিঙ্কিং  অসি নুমিৎ চুপ্পা তৌরি। এপ্রিল ২০২০দগী হৌদুনা, দি.দি. নাগালেন্দ, দি.দি. ত্রিপুরা, দি.দি. মনিপুর, দি.দি. মেঘালয়, দি.দি. মিজোরাম অসি অহানবগী ওইনা ২৪x৭গী চেনেলশিং ওইনা অককনবা পুংশিংগী চেনেলশিং ওইনা মশা মশাগী কেন্দ্রশিংগী লৈরিবা অককনবা রিসোর্স পীদুনা দি.দি. ন্যুস/দি.দি. ইন্দিয়ানা শন্দোক্লি। মসিনা চেনেল খুদিংমক ব্লেঙ্ক ওইদনবা অমসুং দি.দি. চেনেল পুম্নমক ২৪x৭ অসি লোকেল ন্যুস/কন্তেন্তশিং অখন্নবা পুংশিংদা শন্দোক্লি অমসুং নেস্নেল ন্যুস মতম অয়াম্বদা শন্দোক্লি।

দি.দি. অসমদা পুক্নিং চিংশিন্নিঙাই ওইবা কন্তেন্ত উৎনবা হোৎনরি, মসিদা মেগা-সিরিএলশিং, ঈশৈ নোংমাইগী প্রোগ্রামশিং, লমকোইবগী ৱারীশিং, রিয়েলিতী শোশিং, ফিচর ফিলমশিং য়াওগনি। কন্তেন্ত অসিদা লমদম অসিগী নাৎকী ওইবা চিঞ্জাক, ফীজেৎ লৈতেংশিং, ফোক কলচর অমসুং ত্রাইবেলগী পুন্সিগী মতাংদা য়াওগনি।

সৌরব সিংহ

********