PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 03 AUG 2020 6:37PM by PIB Imphal

Coat of arms of India PNG images free download

 

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

 

  • ভারতকী অচৌবা মায় পাকপা ওইনা কোবিদকী তেস্ত করোর ২ হেন্না তৌখ্রে
  • তেস্ত পর মিলিয়ন অসি ১৪৬৪০দা হেনগৎখ্রে
  • পুনেগী সীরম ইন্সতিত্যুত্তা ওক্সফোর্দ য়ুনিবর্সিতী বেক্সিনগী ফেজ ২+৩গী ত্রাইএল তৌবগী দি.জি.সি.আই.না অয়াবা পীখ্রে;
  • ভারতকী কেস ফর্তিলিতী রেৎ (সি.এফ.আর.) অসি মখা তানা ২.১১%দা তাথখ্রে;
  • নাবা ফরবা অপুনবা মশিং লাখ ১১.৮ হেনখ্রে

পুনেগী সীরম ইন্সতিত্যুত্তা ওক্সফোর্দ য়ুনিবর্সিতী বেক্সিনগী ফেজ ২+৩গী ত্রাইএল তৌবগী দি.জি.সি.আই.না অয়াবা পীখ্রে; ভারতকী কেস ফর্তিলিতী রেৎ (সি.এফ.আর.) অসি মখা তানা ২.১১%দা তাথখ্রে; নাবা ফরবা অপুনবা মশিং লাখ ১১.৮ হেনখ্রে

দ্রগস কন্ত্রোল্লর জেনেরেল ওফ ইন্দিয়া (দি.জি.সি.আই.)না পুনেগী সীরম ইন্সতিত্যুৎ ওফ ইন্দিয়াদা ওক্সফোর্দ য়ুনিবর্সিতী-এস্ত্রা জেনেকা কোবিদ-১৯ বেক্সিন (কে.ও.ভি.আই.এস.ঐচ.আই.ই.এল.দি.) গী ফেজ ২+৩গী ক্লিনিকেল ত্রাইএল অসি ভারত্তা পাঙথোকপগী অয়াবা পীখ্রে। মসিনা কোবিদ-১৯গী বেক্সিন পুথোকপগী খোঙজেল য়াংহল্লগনি। ভারতকী কেস ফেতেলিতী রেৎ (সি.এফ.আর.) ফগৎপা হেনগৎলক্লি অমসুং মসিনা মরম ওইদুনা মালেমগী মনুংদা কোবিদ ফেতেলিতী রেৎ খ্বাইদগী নেম্বশিংগী মনুংদা লৈরি। মখা তানা হন্থরক্তুনা ঙসিদি হায়রিবা অসি ২.১১%দা লৈখ্রে। হৌখিবা পুং ২৪দা ভারত্তা মীওই ৪০,৫৭৪দগী হেন্না নাবা ফখি। মসিনা অপুনবা নাবা ফরবা মশিং অসি ১১,৮৬,২০৩ য়ৌহন্দুনা কোবিদ-১৯গী অনাবশিংগী রিকোবরী রেৎ ৬৫.৭৭%দা লৈহল্লি। নোঙমদা নাবা ফবগী মশিং হেনগৎলকপদগী নাবা ফরবা অমসুং এক্তিব কেসকী মরক্তা লৈবা অহাঙবা অসি হৌজিক্তি লাখ ৬ হেল্লে। অহাঙবা অসি হৌজিক ৬,০৬,৮৪৬ ওইরি। মসিনা হায়বদি এক্তিব কেসকী তসেংবা মশিং অসি ৫,৭৯,৩৫৭নি অমসুং মখোয়শিং অসি কন্না লায়েংলি।

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643136

ভারতকী অচৌবা মায় পাকপা ওইনা কোবিদকী তেস্ত করোর ২ হেন্না তৌখ্রে ; তেস্ত পর মিলিয়ন অসি ১৪৬৪০দা হেনগৎখ্রে

অচৌবা মায় পাকপা অমা ওইনা, ভারত্তা ঙসি ফাওবদা কোবিদ-১৯গী সেম্পল ২,০২,০২,৮৫৮ তেস্ত তৌখ্রে। হৌখিবা পুং ২৪দা সেম্পল ৩,৮১,০২৭ তেস্ত তৌখিবগা লোয়ননা, তেস্ত পর মিলিয়ন (তি.পি.এম.)গী মশিং অসি ১৪৬৪০ য়ৌখ্রে। হৌজিক্কী ওইনা ভারতকী মিলিয়ন অমদা তৌবা তেস্ত অসি ১৪৬৪০ ওইরি। অমরোমদা লৈবাক অসিগী তি.পি.এম. তপ্না তপ্না হেনগৎলকপনা তেস্তিং নেৎৱার্ক হেনগৎলক্লি হায়বা তাক্লি, রাজ্য অমদি য়ু.তি. ২৪না লৈবাক্কী ওইরিবা চাংচৎ অসিদগী হেন্না ৱাংনা মিলিয়ন অমদা তেস্ত তৌখিবগী রিপোর্ত লাক্লি। লৈবাক অসিদা লেব ১৩৪৮ লৈবগা লোয়ননা তেস্তিং লেবকী নেৎৱার্ক লেপ্পা লৈতনা হেনগৎলক্লি; লৈঙাক্কী লেব ৯১৪ অমদি লন্নাইগী লেব ৪৩৪গা লৈরে।

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643143

ইলেক্ত্রোনিক ভেক্সিন ইন্তেলিজেন্স নেৎৱার্ক (ই.ভি.আই.এন.)না কোবিদ লাইচৎকী মনুংদা তঙাইফদবা তিকা থাবগী থবকশিং মপুং ফানা পাঙথোকহল্লি

ইলেক্ত্রোনিক ভেক্সিন ইন্তেলিজেন্স নেৎৱার্ক (ই.ভি.আই.এন.) হায়বসি লৈবাক অসিদা লৈরিবা তিকা থাবগী সপ্লাই চেন অসি মপাঙ্গল হেনগৎহন্নবা হোৎনরিবা অনৌবা তেক্নোলোজিগী ওইবা থৌরাং অমনি। হায়রিবসি হকশেল অমসুং য়াইফ-য়ুম্বাল মন্ত্রালয়গী মখাদা নেসনেল হেলথ মিসন (এন.ঐচ.এম.)গী খুথাংদা থবক ওইনা পায়খৎলি। ই.ভি.আই.এন.না লৈবাক অসিদা লৈরিবা তিকাগী লৈরিবা মশীং অমসুং চৎখিবগী চাং অমসুং কোল্দ চেন পোইন্তশিংদা লৈবা অইং অশাগী চাং খুদক্কী ওইনা পীবা ঙম্মি। হায়রিবা মপাঙ্গল লৈরবা সিস্তেম অসি কোবিদ-১৯ লাইচৎ অসিগী মনুংদা অঙাং অমসুং মীরোনবী নুপীশিংবু তিকানা কনবা ঙম্বা লাইনাশিংদগী ঙাকথোক্নবগীদমক তঙাইফদনা থাগদবা তিকাশিং থাবা য়াহনলি। ই.ভি.আই.এন.না অনৌবা তেক্নোলোজীশিং, মপাঙ্গল লৈরবা আই.তি.গী ইনফ্রাস্ত্রকচর অমসুং মপুং ফানা তাকপী তম্বীরবা মীওইশিংগা পুনশিন্নদুনা লৈবাক অসিগী মফম কয়াদা লৈরিবা তিকা থম্ফমশিংগী অইং অশা অমসুং কয়াম লৈরিবগে হায়বদু খুদক্তা য়েংবা য়াহল্লি। ই.ভি.আই.এন. অসি রাজ্য অমসুং য়ুনিয়ন তেরিতোরী ৩২দা লৈরে অমসুং লেমহৌরিবা রাজ্যশিং অমসুং অন্দমান অমসুং নিকোবার আইলেন্দ, চন্দিগর, লদাখ অমসুং সিক্কিম হায়রিবা য়ু.তি.শিং অসিদা অত্থুবদা থম্লগনি। হৌজিক্কী ওইনা কোল্দ চেন পোইন্ত ২৩,৫০৭ রাজ্য ২২ অমসুং য়ু.তি. ২গী জিল্লা ৫৮৫দা তিকাশিংবু পুথোক পুশিন তৌবা য়ানবগীদমক ই.ভি.আই.এন. তেক্নোলোজী শীজিন্নরি। ভেক্সিন কোল্দ চেন হেন্দলর ৪১,৪২০দা ই.ভি.আই.এন.গী মতাংদা তাকপী তম্বীদুনা দিজিতেল রেকোর্দ-কিপ্পিং শীজিন্নহল্লি। ভেক্সিন কোল্দ চেন ইক্বিপমেন্তশিংদা থম্লিবা তিকাশিং অদুগী অইং অশাশিং চপ চানা খঙনবগীদমক ইলেক্ত্রোনিক তেম্পরেচর লোগর ২৩,৯০০ হাপখ্রে।

অকুপ্পা মরোলগীদমক্তা: https://pib.gov.in/PressReleseDetail.aspx?PRID=1643172

পি.এম. অমসুং ইস্লামিক রিপব্লিক ওফ অফগানিস্তানগী রাস্ত্রপতিগী মরক্তা তেলিফোন্দা ৱারী শানখ্রে

প্রধান মন্ত্রী শ্রী নরেন্দ্র মোদী অমসুং ইস্লামিক রিপব্লিক ওফ অফগানিস্তানগী রাস্ত্রপতিগা ঙসি তেলিফোন্দা ৱারী শানখ্রে। লুচিংবা অনিনা নুংঙাইরবা ইদ-উল-অধাগী য়াইফ পাউজেল পীনখি। রাস্ত্রপতি ঘানিনা প্রধান মন্ত্রী মোদীবু ভারতনা অফঘানগী তঙাই ফদবা হিদাক-লাংথক অমসুং চানবা পোৎলমশিং মতাং চানা তেংবাংলকপগী থাগৎপা ফোঙদোকখি। প্রধান মন্ত্রীনা ভারতকী মীয়ামশিংনা অফগানিস্তানবু চাউথৎপা পুরক্নবা লৈবাক অসিগী লুচিংবশিংগী মায়কৈদা লেংদনা লেপ্পী হায়বা ৱাফম কয়া অমুক্কা হন্না পনখি। 

 

ফিল্দ ওফিসশিংদগী লাকপা ইনপুৎশিং

    • পঞ্জাবঃ কোরোনা ভাইরস্তগী মীরোনবী নুপীশিংবু তেক্ত কায়হন্দনবা হায়দুনা হকশেল অমসুং য়াইফ য়ুম্বাল বিভাগনা মীরোনবী নুপীশিংদা তেলি-মেদিসিন কন্সলতেসন পীনবা গাইনোকোলোজিস্ত ৭০দা ত্রেনিং পীবা হৌখ্রে। মসিদা নত্তনা, কোবিদ-১৯না পোজিতিব ওইরবা নুপীশিংগী ওইবা জিলাগী হোস্পিতাল খুদিংদা তোঙানবা অঙাং উনফম কা শেমখ্রে।
    • মহারাস্ত্রাঃ মহারাস্ত্রগী খুঙ্গংগী মফমশিংদা লোকদাউন লৌথোকখ্রবা তুংদা কোবিদ-১৯গী কেস মশিং য়ামখৎলক্লি। মুম্বাইগী সেতিলাইৎ শহরশিংগা থংননা লৈরিবা – থানে, রাইগাদেদসু কেস মশিং য়ামখৎলকখ্রে। নাশিক, ঔরঙ্গাবাদা, ধুলে অমসুং সাঙ্গলিনচিংবা খুঙ্গংগী অতোপ্পা জিলাশিংদসু কেস মশিং হেনগৎলকখি। নোঙমাইজিং নুমিত্তা মীওই ৯৯২৬ দিসচার্জ তৌখ্রবসু মহারাস্ত্রদা অনৌবা কেস ৯৫০৯ লাকখি। রাজ্য অসিগী অপুনবা এক্তিব কেস মশিং অসি ১৪৮৫৩৭ ওইরি। রিকোবরী রেৎ ফগৎলকপগী মরম ওইদুনা মখোয়গী অকিবা থাদোক্তুনা তেস্ত তৌবা লাক্নরি।
    • গুজরাতঃ রাজ্যসিদা নোঙমাইজিং নুমিত্তা কোবিদ-১৯দগী নাবা ফবা মীওই ৮০৫ দিসচার্জ তৌদুনা রিকোবরী রেৎ অসি ৭৩.১৬%দা হেনগৎখ্রে। হৌজিক ফাওবদা রাজ্যসিদা মীওই ৪৬৫৮৭ নাবা ফখ্রে। অনৌবা কেস ১১০১ লাক্তুনা অপুনবা কেস মশিং ৬৩৬৭৫ য়ৌখ্রে। খ্বাইদগী য়াম্বা অনৌবা কেসশিং অসি সুরৎ (২০৯) অমসুং এহমেদবাদ (১৪৩)তগীনি। হৌজিক এক্তিব কেস মশিং ১৪৬০১ লৈরি।
    • রাজস্থানঃ রাজ্যসিদা নোংমাইজিং নুমিত্তা কোবিদ-১৯না মরম ওইদুনা মীওই ১২ লৈখিদবগা লোয়ননা রাজ্যসিগী লৈখিদ্রবা অপুনবা মশিং অসি ৭০৬ য়ৌখ্রে। ঙসি অয়ুক্তা অনৌবা কেস ৫৬৫ লাক্তুনা অপুনবা কেস মশিং ৪৪৯৭৫ য়ৌখ্রে। মসিগী মনুংদগী ১২৪৮৮না এক্তিব কেসনি। হৌজিক ফাওবদা মীওই ২৬৬৯৭ নাবা ফখ্রে।
    • মধ্যা প্রদেশঃ নোংমাইজিং নুমিত্তা অনৌবা কেস ৯২১ লাক্তুনা অপুনবা কেস মশিং ৩৩৫৩৫ য়ৌখ্রে। রাজ্যগী হেলথ বুল্লেতিনগী মতুং ইন্না নোংমাইজিং নুমিত্তা কোরোনাভাইরসকী অনাবা ৫৮১ হোস্পিতালদগী দিসচার্জ তৌখিবগা লোয়ননা নাবা ফরবা অপুনবা মশিং অসি ২৩৫৫০ য়ৌখ্রে। হৌজিক এক্তিব কেস ৯০৯৯ লৈরি অমসুং পুন্না মীওই ৮৮৬ লৈখিদ্রে। রাজ্যসিদা হৌজিক হৌজিক এক্তিব ওইবা কন্তেনমেন্ত জোন ৩২৪৬ লৈরি।
    • ছতিসগরঃ সিম্পতম উত্তবা অমসুং অকনবা সিম্পতম উত্তবা কোরোনাগী অনাবশিং লায়েংনবা রাজ্য সরকারনা অপুনবা  ফমুং ১৮৫৯৮ লৈদুনা কোবিদ কেয়র সেন্তর ১৫৭ শেমখ্রে। অপুনবা ফমুং মশিং অসি ২৫০০০দা হেনগৎহন্নবা অকনবা থৌরাং লৌখৎলি। রাজ্যসিদা এক্তিব কেস ২৪৮২ লৈরি।
    • গোৱা: নোংমাইজিং নুমিত্তা কোবিদ-১৯গী অনৌবা কেস মশিং খ্বাইদগী য়াম্বা ৩৩৭ লাক্তুনা রাজ্যসিগী অপুনবা কেস মশিং ৬৫৩০ য়ৌখ্রে অমসুং মীওই ৫ লৈখিদবদগী অপুনবা মশিং ৫৩ য়ৌখ্রে। তাল্লকসিদা রাজ্য সরকারনা কোরোনা ভাইরসনা শাথিনা নারবা মীওইশিংবু লায়েংনবা কনবালেসসেন্ত প্লাস্মা থেরাপীনা লায়েংবগী থৌওং শিজিন্নবা হৌখ্রে।
    • মনিপুরঃ মনিপুরগী সি.এম. এন.বিরেন্না ঙসি লম্বোইখোঙনাংখোঙদা লৈবা মনিপুর ত্রেদ অমসুং এক্সপো সেন্তরদা লৈবা ফমুং ৩০০ লৈবা কোবিকদ কেয়র সেন্তর শঙ্গাদুনা থবক তৌবা হৌহনখ্রে। মসিগী ফেসিলিতী অসি তঙাই ফদবগী মতুং ইন্না ফমুং ১০০০ লৈবা সেন্তর ওইনা ওন্থোরকপ্সু য়াই।
    • মিজোরমঃ ঙসি কোবিদ-১৯দগী নাবা ফরবা মীওই ৮ দিসচার্জ তৌখ্রে। রাজ্যসগী অপুনবা কেস মশিং ৪৮২ লৈরি। মসিগী মনুংদা এক্তিব কেসকী মশিং অসি ২১৬নি অমসুং মীওই ২৬৬না দিসচার্জ তৌখ্রবনি।
    • নাগালেন্দঃ ঙসি রাজ্যসিদা অনৌবা কেস কোবিদ-১৯গী কেস ১৯৪ লাকখি। হায়রিবশিং অসি দিমাপুরদগী ১৩৬, জুনহেবোতোদগী ৩৬ অমসুং কোহিমাদগী ২২নি। রাজ্যসিদা লাক্লিবা অনৌবা কেসশিংগী কন্তেক্ত ত্রেসিং পাক শন্না তৌবা হৌখ্রে অমসুং প্রাইমরী কন্তেক্তশিংনা হোম আইসোলেসন তৌনখ্রে।
    • কেরলাঃ সি.এম. পিনরায়া বিজয়ন্না লাইথোকপা অমসুং চেকশিন্দবনা রাজ্যসিদা কোবিদ-১৯ শন্দোকপদা তেংবাংবনি হায়খ্রে। হৌজিক ওইরিবা ফিভম অসি কোবিদকী কাংলোনশিং ইন্দবা অমসুং চেকশিন্দবদগী থোকপনি হায়খি। ভিদিও কনফরেন্সিংগী খুত্থাংদা ফেমিলী হেলথকেয়র সেন্তর ১০২ শঙ্গাবগী থৌরমদা মহাক্না হৌজিক্তগী হৌনা সরকারগী কাংলোন ঙাক্তবশিংগী মায়োক্তা অকনবা থবক লৌখৎলগনি হায়খ্রে। ঙসি রাজ্যসিদা মীওই ৩ লৈতবগী রিপোর্ত লাক্তুনা লৈখিদবা অপুনবা মশিং ৮৫ য়ৌখ্রে। রাজ্যসিদা কোবিদকী অনাবগী মশিং হেনগৎলক্লি। ঙরাং মীওই ১১৬৯ পোজিতিব ওইখি। নুমিৎ ১১গী মনুংদা মীওই ১০৭৮৮ পোজিতিব ওইখি। মসিগী মনুংদা ৯৯১দি শোক্ন শম্নরুবা মীওইশিংনি অমসুং মীওই ৫৬কী হৌরকফমদি খঙদ্রি। লায়না অসিনা নাবা মীওই ১১৩৪২ হৌজিক লায়েং চত্থরি অমসুং রাজ্য শিনবা থুংনা মীওই লাখ ১.৪৫না য়েংশিন্দুনা থম্লি।
    • তামিল নাদুঃ পুদুচেরীদা মীওই ৪ লৈখিদ্রে, অনৌবা কেস ১৭৮ লাকখি অমসুং এক্তিব কেস ১৫১৫ অমসুং লৈখিদবা ৫৬ য়াওনা অপুনবা কেস ৩৯৮২ য়ৌখ্রে। নিংথৌকাবা নুমিত্তগী সরকারগী আরৎস কোলেজনা মখোয়গী অনিশুবা অমসুং অহুমশুবা চহিগী মহৈরোয়শিংগী ওনলাইন ক্লাস হৌগদবা অসিগা লোয়ননা ফেকলতীশিং অসিনা গ্রেদ ১গা মান্নবা মওংদা গ্রেদ ২গী কোলেজশিংসু অসিগুম্বা ওনলাইন ক্লাস হৌবা য়ানবা শেন্থং পীয়ু হায়খ্রে। নাগাপত্তিনমদগী সি.পি.আই.গী এম.পি. এম. সেল্বারাসুনা কোবিদ-১৯ পোজিতিব ওইখ্রবা নোঙমগী মতুংদা অতোপ্পা সিবগঙ্গা কন্সতিত্বেন্সীদগী লোক সভাগী এম.পি. কার্তি পি. চিদম্বরনসু নিংথৌকাবা নুমিত্তা পোজিতিব ওইখ্রে। চেন্নইগী য়ুম্লোন্নবা শহরশিংদা কেস মশিং হেনগৎলক্লি অমসুং চেঙ্গালপত্তুদা কেস ৪৪৬, কাঞ্চীপুরমদা কেস ৩৯৩ অমসুং তিরুবল্লুরদা কেস ৩১৭ লাকপগী রিপোর্ত লাকখি। ঙরাং অনৌবা কেস ৫৮৭৫ অমসুং লৈখিদবা মীওই ৯৮ ওইখি। অপুনবা কেস ২৫৭৬১৩, এক্তিব কেস ৫৬৯৯৮ অমসুং লৈখিদবা ৪১৩২নি।
    • করনাতকাঃ মুখ্য মন্ত্রী বি.এস. য়েদ্যুরপ্পা তেস্ত তৌবদা পোজিতিব ওইখ্রে অমসুং হোস্পিতালদা লৈখ্রে। হোস্পিতালগী মতুং ইন্না মহাক্কী হকচাংগী ফিভম ফনা লৈরি হায়না রিপোর্ত অমনা হায়রি। হৌজিক কোবিদ কেয়র সেন্তরশিংদা লৈরিবা ফমুংশিং অসিগী ৬০-৬৫% অসি নুমিৎ ১০নিগী মমাংদা হাঙখিদ্রবসু মসিগী মশিং হেনগৎহনবগী থবক হৌজিক্কী ওইনা লেপখ্রে। নোঙমাইজিং নুমিত্তা অপুনবা দিসচার্জ তৌখিবা অনাবা মশিংদগী বেঙ্গালোরদগী দিসচার্জ তৌখিবা মশিংদগী হেনখি। মীওই ২৩৩১ দিসচার্জ তৌখ্রে অমসুং অনৌবা কেস ২১০৫ লাকখি। ঙরাং অনৌবা কেস ৫৫৩২ লাকখি অমসুং মীওই ৮৪ লৈখিদে। হৌজিক ফাওবগী অপুনবা কেস-১৩৪৮১৯, এক্তিব কেস-৭৪৫৯০ অমসুং লৈখিদবা-২৪৯৬নি।
    • আন্ধ্র প্রদেশঃ কৃষ্ণ জিলাদা নোঙমাইজিং নুমিত্তা কোবিদ-১৯গী কেসকী মশিং ৭৫০০ হেনখিবদা ঙসিদগী হৌনা মাচিলিপতনমদা চয়োল অনিগী কমপ্লীৎ লোকদাউন থমখ্রে। ভিসাখা ইন্সতিত্যুৎ ওফ মেদিকেল সাইন্স (ভি.আই.এম.এস.)তা লৈবা কোবিদকী অনাবশিংনা ৱাকৎপগী ভিদিও অমা সোসিএল মীদিয়াদা ভাইরেল ওইখ্রবা মতুংদা ভি.আই.এম.এস.তা সিফৎ খুদিংগী ওইনা নর্স ১০০ লৈহনখ্রবনি অমসুং নোঙমগী মনুংদা অনৌবা নর্স ২১৩ লৌবগী থবকসু লোয়শিল্লগনি হায়না দিস্ত্রিক্ত কল্লেক্তরনা শেঙদোকখ্রে। ঙরাং অনৌবা কেস ৮৫৫৫ লাকখি অমসুং মীওই ৬৭ লৈখিদে। অপুনবা কেস-১৫৮৭৬৪, এক্তিব কেস-৭৪৪০৪ অমসুং লৈখিদবা-১৪৭৪।
  • তেলঙ্গানাঃ রাজ্যগী বুল্লেতিনগী মতুং ইন্না সরকারগী, লন্নাইগী অমসুং কোর্পোরেৎ হোস্পিতালশিংদা কোবিদ-১৯গী অনাবগী ফমুংগী অৱাৎপা লৈতে হায়রি। হৌজিক অপুনবা ওইনা ফমুং ১৪৫৭১ হাঙলি অমসুং মসিগী মনুংদা সরকারগী হোস্পিতালগী ওইবা মশিং অসি ৫৯৩৬নি। হৌখিবা পুং ২৪দা অনৌবা কেস ৯৮৩, নাবা ফখিবা ১০১৯ অমসুং মীওই ১১ লৈখিদবগী রিপোর্ত লাকখি। মসিগী অনৌবা কেসশিং অসিগী মনুংদগী কেস ২৭৩দি জি.ঐচ.এম.সি.দগীনি। অপুনবা কেস- ৬৭৬৬০, এক্তিব কেস-১৮৫০০, লৈখিদবা-৫৫১ অমসুং দিসচার্জ তৌখিবা-৪৮৬০৯নি।

Image

Image

************

 



(Release ID: 1643237) Visitor Counter : 3