दिल्ली-मुंबई, 03 ऑगस्ट 2020

(कोविड-19 संबंधी पत्र सूचना कार्यालयाद्वारे जारी बातम्‍या आणि सत्‍यता पडताळणी बातम्‍या समाविष्‍ट)

• राष्ट्रपती रामनाथ कोविंद यांनी आज राष्ट्रपतीभवनात परिचारिकांसमवेत रक्षाबंधन साजरा केला. ट्रेन्ड नर्सेस असोसिएशन ऑफ इंडिया, मिलीटरी नर्सिंग सर्व्हिस आणि राष्ट्रपती भवन रुग्णालयाच्या प्रतिनिधींनी राष्ट्रपतींची भेट घेऊन रक्षाबंधनाच्या शुभेच्छा दिल्या. परिचारिकांनी राष्ट्रपतींना राख्या बांधल्या आणि कोविड-19 संक्रमण परिस्थितीत आलेले अनुभव विशद केले. राष्ट्रपतींनी त्यांचा सत्कार केला आणि त्यांना तारणहार असे संबोधले आणि त्या कर्तव्य बजावत असताना स्वतःचा जीव धोक्यात घालून इतरांचे जीव वाचवत असल्याचे म्हटले. कर्तव्य कटीबद्धतेमुळे परिचारिकांनी आघाडीवरील कोविड योद्ध्याच्या रुपाने सन्मान प्राप्त केला आहे.
• कुटुंबव्यवस्था आणि नैतिक मूल्यांना  प्राधान्य हे भारतीय संस्कृतीचे असामान्य वैशिष्ट्य आहे आणि कुटुंबातील मूल्यांचे जतन आणि संवर्धन करण्यात सणांची महत्त्वाची भूमिका असते, असे उपराष्ट्रपती श्री.एम व्यंकय्या नायडू यांनी म्हटले आहे. आपल्या विविधरंगी उत्सव साजरे करण्याला या महामारीने आपल्या प्रभावामुळे खीळ घातली आहे  असे  सांगून श्री.नायडू पुढे म्हणाले,आपण सर्वांनी तीव्र इच्छाशक्ती आणि संघटीतपणे कार्य करत विषाणूला हरविण्याची गरज आहे. तोपर्यंत शारीरिक अंतर पाळत सर्वांनी सुरक्षित रहा आणि सरकारने घालून दिलेल्या मार्गदर्शक तत्वांचे पालन करा,असे आवाहन उपराष्ट्रपतींनी केले आहे.

• पंतप्रधान नरेंद्र मोदी आणि अफगाणिस्तान इस्लामिक रिपब्लिकचे अध्यक्ष डॉ अशरफ घनी यांच्या दरम्यान आज दूरध्वनीमार्फत संभाषण झाले. दोन्ही नेत्यांनी ‘ईद-उल-अदा’च्या सणानिमित्त एकमेकांना शुभेच्छा दिल्या. अफगाणिस्तानची गरज पूर्ण करण्यासाठी भारताच्यावतीने अन्नधान्य आणि वैद्यकीय सामग्री यांचा अतिशय योग्यवेळी पुरवठा केल्याबद्दल अफगाण राष्ट्राध्यक्ष घनी यांनी पंतप्रधान मोदी यांचे आभार मानले.

• पंतप्रधान श्री. नरेंद्र मोदी यांनी देशवासीयांना रक्षाबंधनाच्या शुभ दिनानिमित्त शुभेच्छा दिल्या आहेत. आपल्या ट्विटर संदेशात पंतप्रधान म्हणाले,"रक्षाबंधनाच्या पवित्र दिनानिमित्त सर्व देशवासीयांना खूप खूप शुभेच्छा !

आरोग्य मंत्रालयाची कोविड-19 घडामोडींवरील माहिती :

• भारत सरकारच्या औषध नियंत्रकांनी पुण्यातील सीरम इन्सिट्यूट ऑफ इंडियाला ऑक्सफर्ड विद्यापीठ-अँस्ट्रा झेनेका सोबत देशात कोविड विरोधी लस बनविण्याच्या (COVIDSHIELD) क्लिनिकल ट्रायल्सच्या दुसऱ्या आणि  तिसऱ्या  टप्प्यासाठी परवानगी दिली आहे.  यामुळे कोविड विरोधी लस बनविण्याच्या कार्याला वेग येईल.

• भारताच्या रुग्ण मृत्यू दरात आणखी घट झाली असून जगाच्या तुलनेत हा दर सर्वात कमी आहे. आज तो 2.11% इतका झाला आहे. कोविड व्यवस्थापनाच्या 'टेस्ट,  ट्रॅक अँड ट्रीट'  या उत्तम आणि  परीणामकारक कार्यवाहीमुळे देशात हा दर गाठणे शक्य झाले आहे. कोविड व्यवस्थापनाच्या धोरणाचे लक्ष्य त्वरित शोध, विलगीकरण,आणि रुग्णांचे सुरळीत व्यवस्थापन आणि अधिक धोकादायक लोकसंख्येच्या विभागात वैद्यकीय  कर्मचाऱ्यांची सेवा यामुळे देशात रुग्ण बरे होण्याच्या दरातील वाढ शक्य झाली आहे. गेल्या 24 तासात 40,574रुग्ण बरे होऊन घरी परतले आहेत. त्यामुळे बरे झालेल्या कोविड  रुग्णांची संख्या 11,86203 इतकी झाली असून बरे होण्याचा दर 65.77% इतका झाला आहे.दरदिवशी बरे होणाऱ्या रुग्णांची संख्या वाढत गेल्यामुळे बरे झालेले रुग्ण आणि प्रत्यक्ष रुग्ण यातील फरक 6 लाखांपेक्षा जास्त झाला आहे. सध्या तो 6,06,846 इतका आहे.  सध्या   5,79357 एवढे  रुग्ण उपचाराधिन आहेत. आरोग्य आणि कुटुंबकल्याण मंत्रालयाने परदेशातून परतणाऱ्या नागरीकांसाठी 24मे 2020 रोज जाहीर केलेल्या मार्गदर्शक तत्वांची फेररचना केली आहे. दि.8 ऑगस्ट 2020 रात्री एक वाजल्यापासून त्याची अंमलबजावणी सुरू होईल.
• देशभरातील लसीकरणाचा साखळी पुरवठा मजबूत करण्याचे कार्य इलेक्ट्रॉनिक व्हॅक्सीन इंटेलिजन्स नेटवर्ककडून (eVIN) अभिनव तंत्रज्ञानाच्या सहाय्याने केले जात. केंद्रीय आरोग्य मंत्रालयाच्या राष्ट्रीय आरोग्य मोहिमेअंतर्गत याची अंमलबजावणी केली जाते. ईवीनचा उद्देश लसींचा साठा आणि प्रवाह, देशभरातील सर्व शीत साखळीतील साठवणूक तापमानावर तात्काळ (रिअल-टाईम) माहिती पुरवली जाते. कोविड संक्रमण काळात आवश्यक लसीकरण सेवा सुरू ठेवण्यासाठी आणि बालकांना आणि गर्भवती मातांना लस प्रतिबंधक रोगापासून बचावासाठी आवश्यक असलेल्या सानुकूलनेसह या मजबूत प्रणालीचा वापर करण्यात आला आहे. कोविड-19 वर लस जेंव्हा केंव्हा उपलब्ध होईल, तेंव्हा या सशक्त व्यासपीठाचा लाभ घेता येईल एवढी यात क्षमता आहे.

इतर अपडेट्स:

• केंद्र सरकारने अधिसूचित केलेल्या 2020 च्या प्रेस नोट 3 नुसार औद्योगिक कोळसा खनन क्षेत्रातील थेट परदेशी गुंतवणूकीबाबतीत - ज्या देशाच्या सीमा भारताच्या भूप्रदेशाला लागून आहेत अथवा भारतात गुंतवणूक करणारा लाभधारक जर शेजारील राष्ट्रात असेल तर, अशी कंपनी केवळ भारत सरकारच्या माध्यमातून अशा गुंतवणूकीस पात्र असेल. पाकिस्तानी नागरिक अथवा पाकिस्तानातील संस्था केवळ भारत सरकारच्या माध्यमातून संरक्षण, अंतराळ, परमाणू ऊर्जा आणि अशा तत्सम क्षेत्रांव्यतिरीक्त इतर क्षेत्रात गुंतवणूकीसाठी पात्र ठरेल. याबाबत सुधारित निविदा जाहीर केली आहे.

• पर्यटन मंत्रालयाच्यावतीने ‘देखो अपना देश’ मालिकेमध्ये ‘‘हेरिटेज टुरिझम इन गुजरात’’ या विषयावर  44 व्या वेबिनारचे दि.1 ऑगस्ट,2020 रोजी आयोजन करण्यात आले होते. यामध्ये गुजरात राज्यातील पुरातन, पुरातत्व स्थळे, मध्ययुगातली भव्य स्मारके त्याचबरोबर आधुनिक वास्तू, पर्यटकांना आकर्षित करणा-या आणि वैविध्यपूर्ण वारशाची माहिती देण्यात आली.

महाराष्ट्र अपडेट्स :

टाळेबंदी शिथिल केल्यानंतर ग्रामीण महाराष्ट्रात कोविड-19 रुग्णांची संख्या वाढत आहे. मुंबईनजीकच्या ठाणे, रायगड शहरांमध्येही रुग्णसंख्या वाढत आहे. हीच परिस्थिती नाशिक, औरंगाबाद, धुळे आणि सांगली जिल्ह्यांतील ग्रामीण भागात दिसून येत आहे. महाराष्ट्रात रविवारी 9,926 रुग्णांना सुट्टी देण्यात आली, तरीही 9,509 नवीन कोविड रुग्णांची नोंद झाली. राज्यातील सक्रीय रुग्णांची संख्या 1,48, 537 एवढी आहे. रुग्ण बरे होण्याचे प्रमाण वाढत आहे, त्यामुळे अधिकाधिक लोक भीती बाजूला सारुन कोविड चाचण्यांसाठी समोर येत आहेत.  

***

M.Chopade/S.Thakur/P.Kor

***

सोशल मिडियावर आम्हाला फॉलो करा@PIBMumbai    /PIBMumbai    /pibmumbai  pibmumbai[at]gmail[dot]com