কেন্দ্রগী মন্ত্রী শ্রী অমিত শাহনা ইন্দিয়ন কাউন্সিল ফোর কলচরেল রিলেসন্সনা ন্যু দিল্লীদা পাংথোকখিবা অথৌবা নিংতম লান্মী লোকমান্য বাল গঙ্গাধর তিলক্কী লৈখিদবগী কুমওন ১০০ শুবগী ‘লোকমান্য তিলক-স্বরাজদগী মীপান তাংদবা ভারত’তা নুমিৎ নিনিগী ইন্তর্নেস্নেল ৱেবিনার অমা হৌদোকখ্রে।

শ্রী অমিত শাহনা মহাক্কী ৱাফম ফোংদোকখিবা মতমদা ভারতকী নিংতম ইহৌগী ময়েক অমসুং ৱাখল্লোন অসি মপুং ফাহনবদা লোকমান্য গঙ্গাধর তিলক্না মরুওইবা থৌদাং অমা লৌরমখি হায়না ফোংদোকখি। লোকমান্য তিলক্না নিংতম লালহৌদা অনিশুদবা থৌদাং লৌখি, মহাক্না মহাক্কী পুন্সিগী মিৎকুপ খুদিংমক লৈবাক অসিগীদমক্তা কত্থোকখি অমসুং ইহৌ হৌরক্লিবশিংদা মপুং ফাবা ৱাখল লৈবাবমীরোল  অমা শেমখি।

কেন্দ্রগী গৃহ মন্ত্রীনা ‘স্বরাজ’ অসি ঐখোয়গী পোকপদগী লৈজরক্লবা হক্নি অমদি মসি ঐগী ওইনা লৈফম থোকই হায়বা লোকমান্য তিলক্কী খোল্লাও অসিনা ভারতকী নিংতম ইহৌগী পুৱারীদা সনানা হক্তুনা লৈহোরগনি হায়না ফোংদোকখি। শ্রী অমিত শাহনা ঙসি য়াম্না লায়না উরি অদুবু ১৯শুবা চহি চাদা মসি হায়বা অমদি মসিগী অশেংবা মওং অসি ওইহনবদা মপুন্সি চুপ্পা কত্থোকপা অসি মীওই খরখক্তনা তৌবা ঙমখি। মসিগী খোল্লাও অসিনা ভারতকী খুন্নাইশিং মিৎকপ থোকহন্দুনা নিংতম ইহৌ অসিদা অপুনবা মওং অমদা চংশিনবগী মওংদা ওন্থোকখি, মরম অসিনা মহাক অসিবু লোকমান্য তিলক হায়না খংনরকখি। লোকমান্য তিলকজীনা কেন্দ্রগী গৃহ মন্ত্রীনা ‘গীতা’গী 'সন্যাস' হায়বসিগী মতাংদা করিসু খংলমখিদে অদুবু মহাক্না কৈশুমশঙদা লৈরিঙৈদা ‘গীতা রহস্য’ অসি ইখিরম্মি অমসুং মীয়ামগী মমাংদা ‘কর্ময়োগ’ ওইনা পুথোরক্নবা থবক তৌখি, তিলক্কী ‘গীতা রহস্য’ অসিনা হৌজিকসু মীয়াম্বু লমজিং-লমতাক্লি হায়না হায়খি।

লোকমান্য তিলক অসি মীগী থম্মোই য়ৌনা ৱা হায়বা ঙম্বা, খনবা ঙম্বা, ফিলোজোফর, মায় পাকপা জর্নেলিস্ত অমসুং খুন্নাইবু ফনবা তৌবশিং অসিগী শুনা মতিক-ময়াই চেনবা মীশক অমা ওইবদা নত্তনা য়াম্না মখা য়ৌনা মায় পাকপা অমসু ওইরমখি হায়না কেন্দ্রগী গৃহ মন্ত্রীনা হায়খি।  ভারত, ভারতকী চৎনবিঅমসুং ভারতকী কস্তমশিং অসি খংবা লোকমান্য তিলক অসি ঙসিসু অদুম্মক মতম অসিগী ওইরি হায়না কেন্দ্রগী গৃহ মন্ত্রীনা হায়খি।
কেন্দ্রগী মন্ত্রীনা নহারোনশিংদা করিগুম্বা মখোয়না ভারতকী ফাওরবা পুৱারী অসি খংনিংলবদি বাল গঙ্গাধর তিলক্না ইরম্বশিং অসি তঙাই ফদনা খংগদবনি হায়না হায়খি। মহাক্না নহারোলশিংদা তিলকজীগী অথোইবা মী অমা ওইবগী মতাংদা পারুবা খুদিংদা অনৌবা ৱাখল-লৌশিং অমা ফংগনি অমসুং মদুগী ইথীল ফংদুনা নহাশিংগী পুন্সিদা অনৌবা মায় পাকপা অমা ফংবা ঙমগনি হায়না মহাক্না হায়খি।

ভারতকী লোলশিং অমসুং ভারতকী চৎনবীদা লোকমান্য তিলক্কী থাজবা থমখিবগী মওং অসি প্রধান মন্ত্রী শ্রী নরেন্দ্র মোদী সরকারগী অনৌবা এদজুকেসনগী থৌশিল-থৌরাং অসিদা য়াওবগী মমি তাই হায়না শ্রী অমিত শাহনা ফোংদোকখি।

তিলক্কী ৱাখল্লোন অসি প্রধান মন্ত্রীগী অনৌবা ভারত অমসুং আত্মনির্ভর ভারত্তগী খুমাং চাওশিলহল্লি।  শ্রী অমিত শাহনা লোকমান্য তিলক্কী মমিং চৎলবা ৱাহৈ অশেংবা লৈবাক অমা ওইবগী মওং অসি অরিবা চৎনবি অমসুং নাৎখক্তংদগী য়ুম্ফম ওইদুনা শেম্বা ঙমগনি হায়বসি পন্দুনা হায়খি। । ঐখোয়গী হৌখিবা পুন্সিবু নমথবা অমসুং ইকাই খুম্নদ্রবদি অশেংবা লৈবাক অমা ওইহনবদা মতেং পাংবা ঙম্লোই।  বাল গঙ্গাধর তিলক্না ভারতকী চৎনবি অসিগী চাওথোকচনিংঙাই ওইবা অসিদা য়ুম্ফম ওইরগা ইরৈচাশিংগী মরৈবাক নুংশিংবগী ৱাখল্লোন অসি পোকহনবা পামখি হায়না শ্রী অমিত শাহনা ফোংদোকখি।   মসিগী মতাংদা মহাক্না জিম্নাজিয়মশিং, এরেনাশিং, শন হাৎপগী মায়োক্তা শেমখিবা লুপশিং শেমগৎখি।

লোকমান্য তিলক অসি শোক্ন-শম্নবা য়াদবগী কন্না য়ানিংদবা অমা ওইরম্মি, মহাক্না কাংলুপ অমদি তোঙানবা লাইনিংগী ওইনা খাইদোক্লিবশিং অসি খুন্নাই অমা ওইনা পুনশিন্ননবা ইহৌ অমা লাওথোকখি।  লাইনা শোক্ন-শম্নবা য়াদবশিং অসি য়াবা ওইরগদি করিগী ঐহাক্না লাই অদুবু য়াবা ঙম্লোই হায়না তিলক্না হায়খি।  

কেন্দ্রগী গৃহ মন্ত্রীনা লৈবাক্কী ইহৌ অসিদা থবক তৌরিবা কাংলুপশিং অসিগা শমজিন্ননবা থবক তৌবগী মরু ওইবা তিলক্কী ৱাফম অদুগা মরি লৈননা হায়খি। মতম চপ মান্ননা নিংতম ইহৌগা মীশিংগা শমজিন্ননবা লোকমান্য তিলক্না শিবাজী জয়েন্তী অমসুং গনেশ জয়েন্তী অসি কাংলুপকী কুহ্মৈশিং ওইনা পাংথোকখিবদগী নিংতম ইহৌ অসিগী মাইয়োন হোংলকখি।

মরন অমসুং স্মরন অসিদা শুপ্নতগী ময়েক তংখাই অখক্তমক খেৎনৈ অদুবু মসিদা ‘স’ অসি হাপচিন্নবা হোৎনবদা মীওই অমনা পুন্সি কত্থোকপা তাই অমসুং লোকমান্য তিলক অসি মসিগী খ্বাইদগী ফবা খুদম্নি। গান্ধী, বীর সবর্কর অমসুং মদন মোহন মালবিয়া য়াওনা নিংতম লান্মী কয়া লোকমান্য তিলক্না  পুক্নিং থৌগৎপিখি।
বাল গঙ্গাধর তিলক্কী অরোইবা মথৌ মঙম য়াওনবা গান্ধীনা মখোংদা করিসু য়াওদনা চত্তুনা তিলক্কীদমক্তা গান্ধীনা ইকাই খুম্নবা উৎখি।

ফাওরবা খু্ন্নাইবু শেমদোকপগী থবক তৌবা লোকশাহির অন্না  ভাউ সাথেজীনা শিখিবগী চহি চাগী কুমওনগী থৌরম অসিদা লৈ কৎখি। ৱেবিনার অসিদা ইন্দিয়ন কাউন্সিল ফোর কলচরেল রিলেসন্সকী অধ্যক্ষ অমসুং সংসদকী মীহুৎ দা. বিনয় সহাশ্রাবুদ্ধে, তিলক মহারাস্ত্র বিদ্যাপীথকী ভাইস চাঞ্চেলর শ্রী দীপক তিলক অমসুং দেক্কান এদজুকেসন সোসাইতীগী অধ্যক্ষ দা. শরদ কুন্তে য়াওনা মশক নাইবা মীওই কয়ানা শরুক য়াখি। 

*********