ভারতনা মালেমগী প্লেৎফোর্মদা কোবিদ-১৯গী মোর্তেলিতী রেৎ খ্বাইদগী নেম্বা ওইদুনা লাক্লি। ঙসি নুমিত্তা ওইবা কেস ফেতেলিতী রেৎ অসি ২.১৫%নি অমসুং মসিনা অহানবা লোকদাউন হৌখিবদগী খ্বাইদগী নেম্বা ওইরি। জুন ময়ায়দা ওইরম্বা ৩.৩৩%দগী লেপ্তনা হন্থরক্লি।

মসি মিৎয়েং চংবা, খুৎশম্নদুনা পাংথোকমিন্নবা, হকথেংনবা, থাক খায়বা অমসুং মতমগী মতুং ইন্না ফগৎলক্লিবা “তেস্ত ত্রেক ত্রীৎ”কী থৌরাংশিং অমসুং কেন্দ্র অমসুং রাজ্য সরকারনা খুৎশম্নদুনা পাংথোকমিন্নবা থবক থৌরম কয়াগী মহৈনি। পাক শন্না তেস্ত তৌদুনা অনাবা ঙন্না খংদোকপদা মিৎয়েং চংবা অমসুং হোস্পিতালদা লৈরবা অনাবশিংবু নীংথিনা লায়েংবগী থৌওংশিংগী মহৈ ওইনা কেস ফেতেলিতী রেৎ হন্থহন্দুনা ভারতনা কোবিদ-১৯গী ফেতেলিতী রেৎ হন্থহনবদা মায় পাক্লে তাক্লিবনি।

সি.এফ.আর.গী চাং নেম্না থম্বতা নত্তনা নীংথিনা কন্তেনমেন্ত তৌবগী থৌওং, পাক শন্না তেস্তিং তৌবা অমসুং পাক শনবা স্তেন্দর্দ কেয়রগী থৌওংদা য়ুম্ফম ওইবা মতমগা চান্নবা ক্লিনিকেল মেনেজমেন্ত তৌবগী কাংলোনশিং অসিনা নুংতিগী মীওই ৩০,০০০দগী হেন্না নাবা ফহল্লে।

নাবা ফরবা অপুনবা মীওইগী মশিং অসি চাউরাক্না লাখ ১১ য়ৌরে। হৌখিবা পুং ২৪দা অনাবা ৩৬,৫৬৯ দিসচার্জ তৌখ্রবা তুংদা নাবা ফরবা অপুনবা মীওইগী মশিং অসি ১০,৯৪,৩৭৪নি। কোবিদ-১৯না নাবা ফরবা মীওইশিংগী রিকোবরী রেৎ অসি ৬৪.৫৩% ওইরি।

অসিগুম্বা নাবা ফবা মশিং হেনগৎপদা লেপ্তবা অসিনা নাবা ফরবা অমসুং কোবিদ-১৯গী এক্তিব কেসকী মশিংগী অহাংবা অসি হৌজিক ৫,২৯,২৭১ ওইরে। এক্তিব কেস (৫,৬৫,১০৩)শিং অসি হৌজিক নীংথিনা লায়েংদুনা লৈরি।

অনাবা শেন্নবগী মরিক চুম্বা পথাপ লৈবা তাইয়র-৩গী হোস্পিতালশিং অসিনা অনাবশিংবু লুবগী মতুং ইন্না অহান-অকোন খায়দোক্তুনা নীংথিনা লায়েংহনবা ঙম্লে। ঙসি ফাওবদা আইসোলেসন বেদ ২,৪৯,৩৫৮, আই.সি.য়ু. বেদ ৩১,৬৩৯, ওক্সিজেন বেদ ১,০৯,১১৯ অমসুং বেন্তিলেতর ১৬,৬৭৮ লৈদুনা অপুনবা ওইনা দেদিকেতেদ কোবিদ হোস্পিতাল ১৪৮৮ লৈরে। আইসোলেসন বেদ ২,০৭,২৩৯, আই.সি.য়ু. বেদ ১৮,৬১৩, ওক্সিজেন বেদ ৭৪,১৩০ অমসুং বেন্তিলেতর ৬,৬৬৮ লৈবা অপুনবা কোবিদ হেলথ সেন্তর ৩২৩১সু মথৌ তৌদুনা লৈরি। মসিগী মথক্তা কোবিদ কেয়র সেন্তর ১০,৭৫৫না ফমুং মশিং ১০,০২,৬৮১ লৈদুনা লৈবাক অসিদা কোবিদ-১৯গা লান্থেংনরি। কেন্দ্র সরকারনা রাজ্য/য়ু.তি./কেন্দ্রগী ইন্সতিত্যুসনশিংদা এন.৯৫. মাস্ক লাখ ২৭৩.৮৫, পর্সনেল প্রোতেক্তিব ইক্বিপমেন্ত (পি.পি.পি.ই.) লাখ ১২১.৫ অমসুং ঐচ.সি.ক্যু. গুলি লাখ ১০৮৩.৭৭ পীখ্রে।

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid19[at]gov[dot]in দা থাবীয়ু অমসুং অতোপ্পশিংগী ওইনা ncov2019[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবীগনি।

*****