(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• কোবিদ-১৯গী মতাংদা ১৯শুবা গ্রুপ ওফ মিনিস্তরসগী মীফমদা দা. হর্শ বর্ধন্না চ্যের লৌখ্রে
• ভারতকী ফগৎখিবগী চাং ৬৪.৫৪%দা হেনগৎখ্রে।
• হৌখিবা পুং ২৪দা তেস্ত ৬,৪২,৫৮৮ তৌদুনা খ্বাইদগী য়াম্না তৌবা ওইখ্রে, মসিনা লৈবাক অসিদা তেস্ত তৌখিবগী অপুনবা মশিং কোতি ১.৮৮ হেনখ্রে।
• কেস ফেতেলিতী রেৎ অসিসু লেপ্তনা হন্থরক্লি অমসুং হৌজিক্কী ওইনা ২.১৮%দা লৈদুনা মালেমগী ওইনা খ্বাইদগী নেম্বা ওইরি
• ইন্দস্ত্রীনা লোন অমুক হন্না শাগৎপদা মথৌ তাবশিংগী মতাংদা সরকারনা আর.বি.আই.গা পুন্না থবক তৌমিন্নরিঃ ফাইনান্স মন্ত্রী
• কোল ইন্দিয়াগী থৌমী অমত্তা কোবিদ-১৯না মরম ওইদুনা লৈতবা য়াওরবদি এক্সিদেন্তেল দেথ ওইনা লৌগনি।

কোবিদ-১৯গী মতাংদা ১৯শুবা গ্রুপ ওফ মিনিস্তরস (জি.ও.এম.)গী মীফমদা দা. হর্শ বর্ধন্না চ্যের লৌখ্রে; হৌখিবা পুং ২৪দা কোবিদ-১৯গী তেস্ত ৬,৪২,৫৮৮ তৌদুনা খ্বাইদগী য়াম্বা ওইখ্রে

কেন্দ্রগী হকশেল অমসুং য়াইফ য়ুম্বাল মন্ত্রী দা. হর্শ বর্ধন্না কোবিদ-১৯গী মতাংদা ১৯শুবা অৱাংবা থাক্কী গ্রুপ ওফ মিনিস্তরস (জি.ও.এম.)গী মীফমদা ভিদিও-কনফরেন্সকী থোংদা ঙসি চ্যের লৌদুনা পাঙথোকখ্রে। দা. হর্শ বর্ধন্না হায় “ভারতনা ফগৎখিবশিংগী মশিং অসি কোতি ১ হেনবা ঙমখ্রে মসিনা ফগৎখিবগী চাং ৬৪.৫৪% য়ৌহনখি। মসিনা উৎলি মদুদি হৌজিক লায়েং চত্থরিবা এক্তিব কেস অসি ৩৩.২৭% খক্তা ওই নত্রগা অপুনবা পোজিতিব কেসকী শরুক অহুম থোকপগী অমনি। ভারতকী কেস ফেতেলিতী রেৎ অসিসু লেপ্তনা হন্থরক্লি অমসুং হৌজিক্কী ওইনা ২.১৮%দা লৈদুনা মালেমগী ওইনা খ্বাইদগী নেম্বা ওইরি।” দা. হর্শ বর্ধন্না হায় মদুদি, “অপুনবা এক্তিব কেসকী মনুংদা মীওই ০.২৮% খক্তা ভেন্তিলেতর শীজিন্নরি, মীওই ১.৬১%না আই.সি.য়ু. সপ্পোর্ত মথৌ তারি অমসুং মীওই ২.৩২%না ওক্সিজেন সপ্পোর্ত মথৌ তারি।” ভারতকী তেস্ত তৌবগী চাং অসি লেপ্তনা হেনগৎলিবা অসিদা কেন্দ্রগী হকশেল মন্ত্রীনা হায় ঙসি ফাওবদা, লেব ১৩৩১গী নেৎৱার্ক অমগী খুত্থাংদা (সরকারগী লেব- ৯১১ অমসুং লনাই লেব ৪২০) ভারত্তা হৌখিবা পুং ২৪দা তেস্ত ৬,৪২,৫৮৮ তৌদুনা খ্বাইদগী য়াম্না তৌবা ওইখ্রে। মসিনা তেস্ত তৌখিবগী অপুনবা মশিং কোতি ১.৮৮ হেনখ্রে। হেল্থক্যের লোজিস্তিকশিংগী ওইনা পুন্না এন৯৫ মাস্ক লাখ ২৬৮.২৫, পি.পি.ই. লাখ ১২০.৪০ অমসুং ঐচ.সি.ক্যু. তেব্লেৎ লাখ ১০৮৩.৭৭ রাজছশিং/য়ু.তি.শিং অমসুং সেন্ত্রেল ইন্সতিত্যুসনশিংদা য়েন্থোকখি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642567

ইন্দস্ত্রীনা লোন অমুক হন্না শাগৎপদা মথৌ তাবশিংগী মতাংদা সরকারনা আর.বি.আই.গা পুন্না থবক তৌমিন্নরিঃ ফাইনান্স মন্ত্রী

কেন্দ্রগী ফাইনান্স অমসুং কোর্পোরেত এফোয়র্সকী মন্ত্রী শ্রীমতী নির্মলা সিতারমন্না কোবিদ-১০না পীরিবা চৈথেং অসিনা মরম ওইদুনা ইন্দস্ত্রীনা লোন অমুক হন্না শাগৎলকপদা মথৌ তাবাশিংদা সরকারনা আর.বি.আই.গা পুন্না থবক তৌমিন্নরি হায়না ঙসি ফোংদোকখ্রে। ফেদরেসন ওফ ইন্দিয়ন চেম্বর্স ওফ কম্মর্স এন্দ ইন্দস্ত্রী(এফ.আই.সি.সি.আই.)গী নেস্নেল একজিক্যুতিব কমিতী মীতিং(এন.ই.সি.এম.)দা ৱা ঙাংবা মতমদা শ্রীমতী সিতারমন্না হায়খি, “পান্দম অসি অমুক হন্না শাগৎলকপদনি। শেল-থুমগী মন্ত্রালয়না আর.বি.আই.গা মসিগী মতাংদা নিংথিজনা থবক তৌরি। প্রিন্সিপল অসিদা অমুক হন্না শাগৎপগী মথৌ তাবগী ৱাখল্লোন অসিদা নিংথিজনা লৌখৎখ্রে।” লল্লোন-ইতিক তৌনখিবগী মতাংদা পীথোক-পীশিন তৌনবগী মথৌ তাবগী মতাংদা পল্লদুনা শ্রীমতি সিতারমন্না হায়খি, “পীথোক-পীশিন তৌনবগী থৌরাং অসি ঐখোয়না মার্কেৎশিং হাংদোকখ্রবা লৈবাকশিংদা হঙ্গৎখ্রে। ঐখোয়গী লল্লোন-ইতিক্কী মতাংদা য়াশিন্নবগী ৱারী-ৱাতাই শান্নবদা অমগা-অমগা পীথোক-পীশিন তৌবা হায়বসি য়াম্না মরুওইবা থবক অমনি।” হেল্থকেয়র অমসুং অতৈ পোৎলমশিংগী মমলদা জি.এস.তি. হন্থনবগী মতাংদা জি.এস.তি. কাউন্সিলনা থবক পায়খৎনবা ৱারেপ লৌরে হায়না ফাইনান্স মন্ত্রীনা হায়খি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642579

কোল ইন্দিয়াগী থৌমী অমত্তা কোবিদ-১৯না মরম ওইদুনা লৈতবা য়াওরবদি এক্সিদেন্তেল দেথ ওইনা লৌগনিঃ শ্রী প্রহলাদ জোশি

কোরোনা লায়চৎ অসিনা মরম ওইদুনা কোল ইন্দিয়াগী মীওই অমা হেক্তা লৈতবা থোক্লবদি মসিবু এক্সিদেন্তেল দেথ ওইনা লৌগনি অমসুং মহাক্কী ইমুং মনুংনা মীওই অমনা থবক তৌরিঙৈদা অশোয়-অঙাম য়াওবদগী লৈতবা মতমদা ফংবা খুদোংচাবা খুদিংমক ফংগনি হায়না কোল অমসুং মাইনগী কেন্দ্র মন্ত্রী শ্রী প্রহলাদ জোশিনা হায়খ্রে। মহাক্কী ঝারখন্দগী নোংমগী খোঙচৎ অসিগী মনুং চনবা ওইনা মীদিয়াগী মীওইশিংগা রাঞ্চিদা উন্নখিবদা শ্রী জোশিনা হায়রিবা ৱারেপ অসিনা কোল ইন্দিয়াগী মখাদা থবক তৌরিবা ওন-রোল অমসুং কেন্ত্রেক্ত শিন্মীশিং খুদিংনা মসিগী কান্নবা ফংগনি হায়খি। হৌজিক ফাওবদা কোবিদনা মরম ওইদুনা লৈখিদ্রবা মীওই খুদিংগী ইমুংনসু কান্নবশিং অসি ফংগনি। “কোবিদ লায়চৎ অসিগী মনুংদা কোল ইন্দিয়াগী থৌমীশিংনা মশাগী পুন্সিবু খুদোংথিবদা থমদুনা মশক থোকপা থবক পাংথোকখি। মখোয়না লেপ্পা নাইদবা অফবা থবক কয়া অমা তৌরি। মসিনা মরম ওইদুনা ঐহাক্না মখোয়বু কোয়লাগী লান্মী হায়না কৌরি অমসুং লৈবাক অসিগীদমক্তা মমল নাইদ্রবা থবকশিং অসি পাংথোকপগীদমক্তা মসিগী ৱারেপ অসি লাউথোকখিবনি”, হায়না শ্রী জোশিনা হায়খি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642415

শ্রী গোয়লনা কম্মর্স মন্ত্রালয়না এম.ই.আই.এস.কী ৱারোয়শিন ঙন্না পুরক্নবা হোৎনরি হায়খ্রে

ঙসি আত্মমানির্ভর ভারত ওইহন্নবা করবার তৌবা লায়হনবগী সি.আই.আই.গী নেস্নেল দিজিতেল কনফরেন্স হৌদোকপগী থৌরমদা মন্ত্রীনা হায়খিবদা ইন্দস্ত্রীএল এপ্রুবেলশিংগীদমক্তা সিঙ্গল ৱিন্দো সীস্তেম অমা অতুবা মতমদা থম্লগনি হায়খি। মহাক্না ইন্দস্ত্রীশিং অমসুং সরকারনা খোঙলোয় ওইনা চৎমিন্ননবা অমসুং তেক্স থীদবা মীওইশিংবু মশক খংদোক্তপদা ইন্দস্ত্রীনা সরকারবু তেংবাংনবা হায়খ্রে। কোবিদ ইরাং অসিগী মতাংদা পল্লদুনা মন্ত্রীনা লৈবাক অসিদা শেন্মিৎলোন ফবা হেনগৎলে অমসুং অথিংবা লৈবা কয়াসু তপ্না তপ্না লৌথোকপা হৌরে হায়খি। কোবিদ ইরাংগী মনুংদা লৈবাক অসিগী সর্বিস সেক্তরনা মালেমগী ক্লাইন্তশিংবু লেপ্তনা তেংবাংখিবশিংসু মহাক্না পনখি। মমাংগী চহিগী মান্নবা মতমগা চাংদম্নবদা হৌজিক ওইরিবা মপান লমদা পোত্থোক থাদোকপগী চাং অসি ৮৮%নি অমসুং মীরমদগী পোত্থোক পুশিল্লকপগী চাংনা ৭৫%নি হায়খি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642353

সি.এস.আই.আর.না দিবেলপ তৌবা কোবিদ-১৯গী তেক্নোলোজীগী কম্পেন্দিয়ম অমা অমসুং প্রদক্তশিং ফোঙখ্রে

সাইন্স অমসুং তেক্নোলোজী, আর্থ সাইন্সেস অমসুং হকশেল অমসুং য়াইফ য়ুম্বালগী মন্ত্রী, দা. হর্শ বর্ধন্না লাউথোকখ্রে মদুদি দি.বি.তি. অমসুং সি.এস.আই.আর.না সার্স-কোব-২ ভাইরেল জিনোম ১০০০ হেন্না সিক্বেন্স তৌদুনা লৈবাক অসিগী অচৌবা মায় পাকপা ওইখ্রে। “মসিনা হৌজিক লৈরিবা স্ত্রেনশিং অমসুং ভারত্তা মসিগী ম্যুতেসন স্পেক্তর্ম অসি হেন্না খঙবদা মতেং পাংগনি, মসিনা দাইগনোস্তিকশিং, দ্রগশিং অমসুং ভেক্সিনশিংদা মতেং পাংগনি।”হায়না মহাক্না ফোঙদোকখি। দা. হর্শ বর্ধন্না .এস.আই.আর.না দিবেলপ তৌবা কোবিদ-১৯গী তেক্নোলোজীগী কম্পেন্দিয়ম অমা অমসুং প্রদক্তশিং ফোঙবগী ঙসি পাঙথোকপা থৌরম অমদা ৱা ঙাংখি। “অতেনবা মতমদা তেক্নোলোজীশিং অমসুং প্রদক্তশিং দিবেলপ তৌবা ঙমখিবা অসিনা সি.এস.আই.আর.গী সাইন্তিস্তশিংনা তৌবা ঙম্বশিং অদুগী খুদম অমা ওইরে অমসুং মখোয়না য়াম্না অৱাবা তারিবা মতমদসু পাঙথোকপা ঙম্মি” হায়বা অদু উবা ফংলি হায়না দা. হর্শ বর্ধন্না ফোঙদোকখি। সিপ্লাগুম্বা ইন্দস্ত্রীগা লোয়ননা চুংশিন্নদুনা সি.এস.আই.আর.না কোবিদ-১৯ নারিবা মীওইশিং অসি ফেবিপিরাবিরগুম্বা কান্নরবা দ্রগশিং শীজিন্ননবা পুথোকপদা লৌরিবা থৌদাং অসি দা. হর্শ বর্ধন্না থাগৎখি। মহাক্না হায় অসিগুম্বা খোঙথাং অসিনা দ্রগশিং অসি হোংনা ফংহন্দুা কোবিদ-১৯ নারিবশিংদা কান্নবা ওইরগনি।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642423

হৌখিবা চহীগা চাংদম্নবা মতমদা খরিফ মহৈ মরোং হুনবগী লম চাদা ১৩.৯২ হেংগৎলে

লৌউ-শিংউ, কোওপরেসন অমসুং লৌমীশিংগী য়াইফ-থৌরাংগী বিভাগ, ভারত সরকারনা তোঙান-তোঙানবা খোংথাং কয়া লৌখত্তুনা লৌমী অমসুং লৌউ-শিংউগী থবকশিং কোবিদ-১৯ লাইচৎকী মনুংদা পায়খৎপা য়ানবা হোৎনরি। তাং ৩১.০৭.২০২০ ফাওবদা, অপুনবা খরিফ মহৈ-মরোংশিং অসি মসিগী মতম অসিদা মমাং চহীদা লৈখিবা হেক্তর লাখ ৭৭৪.৩৮দা হুনখিবদগী হেক্তর লাখ ৮২.১৮দা হুনখি, অসুম্না মমাং চহীদা ওইখিবা হুনফম লমগী পাক চাউবদগী হেনগৎলিবগী চাং অসি ১৩.৯২%নি। অসুম্না অপুনবা ওইনা য়েংবদা খরিফকী মহৈ-মরোং হুনবগী লমদদি কোবিদ-১৯না মরম ওইদুনা অয়েৎপা পীখিবা লৈতে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642607

ফেক্তনা কেরলা সরকারবু কোবিদ-১৯গী মাইয়োক্তা লান্থেংনবদা মতেং পাংলি

কেমিকেল অমসুং ফর্তিলাইজর মন্ত্রালয়গী মখাদা লৈবা পি.এস.য়ু. অমা ওইরিবা ফর্তিলাইজর্স অমসুং কেমিকেল ত্রাভাঙ্কোর লিমিতেদ (ফেক্ত)না কেরলা সরকারনা কোবিদ-১৯গী মাইয়োক্তা লান্থেংনরিবসিদা মখোয়গী এম.কে.কে. নায়র হোল হায়বা মরুওইরিবা ওদিতোরিয়ম অসিবু ফমুং ১০০ চনবা কোবিদ ফার্তস-লাইন ত্রিৎমেন্ত সেন্তর ওইনা ইলূর ম্যুনিসিপালিতীনা হাংদোক্তুনা মতেং পাংলি। মসিগীদমক কম্পেনী অসিনা ফৈজুপ, ফমুং অমসুং মোনপাক ফিদক্নচিংবশিং মখোয়গী সি.এস.আর.গী থৌরাংগী মখাদা খুৎশিন্নখ্রে।

অকুপ্পা ৱারোলগীদমক: https://pib.gov.in/PressReleseDetail.aspx?PRID=1642570

ফিল্দ ওফিসশিংদগী ফংবা পাউ

• কেরেলা:   রাজ্য সরকারনা লনাই হোস্পিতালশিংদা কোবিদ লায়েংবগী গাইদলাইনশিং থোকখ্রে। রাজ্য অসিগী করুনিয়া স্কিমগী মেম্বর ওইদবা অমসুং অতোপ্পা হকশেলগী স্কিম অমতগী মখাদা লৈতবা মীওইশিংনা মখোয় মশানা পৈশা পুথোকচগনি। ঙসি রাজ্য অসিদা কাসরাগুদ অমসুং ইর্নাকুলম জিলাশিং অসিদগী কোবিদ-১৯দগী মীওই অনি শীখিবগী রিপোর্ত লাকখি। ত্রান্সপোর্ত মন্ত্রী এ.কে. সসীন্দ্রননা হায় কন্তেনমেন্ত জোনশিংগী ৱাংমদা কে.এস.আর.তি.সি. বসশিংনা অৱাপ্পা মফমশিংদা হয়েংদগী চেনবা হৌরগনি। ২০৬ শাং লম্বীগী বস সর্ভিস হান্নগী তিকেৎ মমলদা ফংলগনি। কোবিদ-১৯গী চেকশিল থৌরাংশিং লৌখৎপগা লোয়ননা কেরেলাদা বক্রিদকী পালন তৌখি। রাজ্য অসিদা ঙরাং কোবিদ-১৯গী অনৌবা এক্তিব কেস ৫০৬ কনফর্ম তৌখি। মীওই ১০,০৫৬না হৌজিক লায়েং চত্থরি অমসুং তোঙান তোঙানবা জিলাশিংদা মীওই লাখ ১.৪না সর্বিলেন্সকী মখাদা থম্মি।
• তামিল নাদু:  ওগস্ত ৩১ ফাওবা রাজ্য অসিদা লোকদাউন শাংদোকখ্রে অদুবু কর্বশিংদি কোনশিন্দে। খুঙ্গংশিং/খুঙ্গংগী মফমশিংদা লৈবা চহিগী ইনকম লুপা ১০,০০০দগী তানা লাকপা অপিকপা লাইশঙ ২০,২০৪রোম মীয়ামগীদমক হাংনবা অয়াবা পীখ্রে। লনাই কম্পনীশিং অমসুং ইন্দস্ত্রীশিং শিন্মীগী চাদা ৭৫ লাক্তুনা থবক শুবা ওগস্ত ১দগী য়াবগা লোয়ননা, পব্লিক ত্রান্সপোর্ততা থম্লিবা অথিংবনা নোংমগী শুরগা চাজবশিং, অপিকপা করবারৱালাশিং অমসুং লম্বীগী ভেন্দরশিংগী মরক্তা অৱাবা মায়োক্নহল্লে। ঙরাং কোবিদনা মরম ওইদুনা শীখিবগী মশিং ৯৭ ওইদুনা রাজ্য অসিগী নোংমদা খ্বাইদগী য়াম্না শীখিবা ওইখি। অনৌবা কেস ৫৮৬৪ অমসুং ফগৎখিবা ৫২৯৫ ঙরাং রিপোর্ত তৌরকখি। হৌজিক ফাওবগী অপুনবা কেস: ২,৩৯,৯৭৮; এক্তিব কেস: ৫৭,৯৬২; শীখিবা: ৩৮৩৮; চেন্নাইগী এক্তিব কেস: ১২,৭৩৫।
• কর্নতক:  সি.এম.না ঙসি হোম পুবা মন্ত্রীগা লোয়ননা গভর্নর উন্নাখ্রে অমসুং রাজ্য অসিদা হৌজিক কোবিদ-১৯না ওইহল্লিবা ফীভম অমসুং রাজ্য সরকারনা কোবিদ লাকশিন্নবা হৌখৎলিবা খোঙথাংশিংগী মতাংদা খন্নখ্রে। গভর্নরনা সি.এম.দা তেস্ত তৌবা হেনগৎনবা শেম-শাবা অমসুং অয়ুর্বেদা অমসুং হোমিওপেথীগী হীদাক-লাংথক শীজিন্নদুনা কোবিদ লাকশিন্নবা হায়খি। বি.বি.এম.পি.না গনেশ কুম্মৈগী গাইদলাইনশিং থোক্লগনি। এম.ঐচ.এ.গী অনলোক ৩.০গী গাইদলাইন্দা য়ুম্ফম ওইরগা রাজ্য অসিনা ওগস্ত ১দগী চৎনবা হৌগদবা গাইদলাইনশিং থোকখ্রে। চৈরক অসিদা কোবিদ নাবা মীওইগীদমক বেদশিংগী ৫০% পীদবগীদমক সহর অসিদা হোস্পিতাল ১৯গী লাইসেন্স বি.বি.এম.পি.না ককথৎখ্রে। অনৌবা কেস ৬,১২৮ অমসুং দিচার্জ তৌখিবা ৩৭৯৩ অমসুং শীখিবা ৮৩ ঙরাং রিপোর্ত তৌরকখি। বেঙ্গলোর সিতীদা কেস ২২৩৩।  অপুনবা কেস: ১,১৮,৬৩২; এক্তিব কেস: ৬৯,৭০০; শীখিবা: ২২৩০।
• অন্ধ্র প্রদেশ: লম্বীগী খুত্থাংদা অন্ধ্র প্রদেশতা চংলকপা পাম্বা মীওইশিংগী ওগস্ত ১দগী রাজ্য অসিনা ই-পাসশিং ওতোমেতিক ওইনা জেনরেৎ তৌবা হৌরগনি। হোস্পিতালশিং অমসুং ক্বারেন্তিন সেন্তরশিংদগী অনাবা হোন্দোক হোঞ্জিন তৌবগী অচৌবা থৌদাং লৌরিবা এম্বুলেন্সকী ক্রিউ (দ্রাইবরশিং অমসুং ইমর্জেন্সী তেক্নিসিয়নশিং) ১০৮কী মনুংদা ৬১ কোবিদ-১৯ পোজিতিব ওইখ্রে। অনৌবা কেস ১০,১৬৭, ফগৎখিবা ৪৬১৮ অমসুং শীখিবা ৬৮ ঙরাং রিপোর্ত তৌরকখি। অপুনবা কেস: ১,৩০,৫৫৭; এক্তিব কেস: ৬৯,২৫২; শীখিবা: ১২৮১; দিসচার্জ তৌখিবা: ৬০,০২৪।
• তেলঙ্গনা: রাজ্যগী মেদিকেল বুলেতিনগী মতুং ইন্না কন্তেনমেন্ত জোন ১৯১ লৈদুনা তেলঙ্গনাদা কন্তেনমেন্ত জোনশিংগী মশিং খ্বাইদগী য়াম্না লৈবা মহাবুবনগরনা ওইরে;মসিগা চাংদম্নবদা অয়াম্বা পোজিতিব কেসশিং থেংনখিবা গ্রেতর হাইদ্রবাদকী ওইনা কন্তেনমেন্ত জোন ৯২ লৈরি। তেলঙ্গনাদা হৌখিবা পুং ২৪দা অনৌবা কেস ১৯৮৬, ফগৎখিবা ৮১৬ অমসুং শীখিবা ১৪  রিপোর্ত তৌরকখি, মসিদা কেস ৫৮৬না জি.ঐচ.এম.সি.দগী ওইখি। অপুনবা কেস: ৬২,৭০৩; এক্তিব কেস: ১৬,৭৯৬; শীখিবা: ৫১৯; দিসচার্জ তৌখিবা: ৪৫,৩৮৮।
• পঞ্জাব: কোবিদনা নাবা অমসুং শীহনখিবা হেনগৎলকপগী চৈরক অসিদা পঞ্জাবকী মুখ্য মন্ত্রী কেপ্তেন অমরিন্দর সিংহনা হায় রাজ্য সরকারনা প্লাসমা মথৌ তাবশিংদা মীওইশিংদা লেম্নবা পীগনি। সি.এম.না কোবিদ নাবা মী্‌ওইশিংদা প্লাসমা থেরাপীগীদমক শেল লৌরোইদনবা হকশেল বিভাগনা য়েংশিনগদবনি অমসুং কোরোনাভাইরসকী হীদাক পুথোক্ত্রিঙৈ মরক অসিদা কেস কয়াগী পুন্সি কনবা ঙমখ্রবনা প্লাসমা অসি কনাগুম্বনা লৈবা নত্রগা য়োনবা য়ারোই।
• হরিয়ানা: কোবিদ-১৯গী খল্লগা, ৱুমেন অমসুং চাইল্দ দিবেলপমেন্ত বিভাগনা রাজ্য অসিগী সেল্তর হোমশিংদা চংজফম লৌদুনা লৈরিবা মাইগ্রেন্ত ৱার্করশিংগী চাং নাইনা কাউন্সিলিং, মেদিতেসন, য়োগ ৱারকশোপশিং পাঙথোক্লি। সেল্তর হোমশিং অসিদা লৈরিবা অঙাংশিংগীদমক নুংঙাইনবা থবক থৌরমশিং পাঙথোক্লি। ফেস মাস্কশিং, পেপর নেপকিনশিং, সেনিতাইজরশিং, সেনিতরী নেপকিনশিং, দাইপরশিং অমসুং সাপোনশিংগী মথক্তা ‘পঞ্জিরি’, শঙ্গোম, উহৈশিং অমসুং বিসকিৎ য়াওনা চান্না থক্নবা মাইগ্রেন্ত ৱার্কর ৭৫৭২, নুপী ৫৬২৮ অমসুং অঙাং ১১১৮৪দা য়েন্থোকখ্রে।
• মহারাস্ত্র: শগোলশেন নুমিৎতা রাজ্য অসিদা কোবিদ পোজিতিব কেস ১১,১৪৭ রিপোর্ত তৌরকপগা লোয়ননা খ্বাইদগী য়াম্বা ওইদুনা অপুনবা কেসকী মশিং লাখ ৪.১১ হেবনখ্রে। হৌখিবা পুং ২৪দা ৮,৮৬০ ফগৎখিবগা লোয়ননা রাজ্য অসিদা এক্তিব কেসকী মশিং লাখ ১.৪৮ ওইরি। মুম্বাইনা অমুক হন্না অনৌবা কেস ১,২০৮ থেংনবগা লোয়ননা ১,০০০ হেনখ্রে। সহর অসিদা হৌজিক এক্তিব কেস ২০,১৫৮ লৈরি। পুনে ম্যুনিসিপাল কোর্পোরেসন অমসুং পুনেদা অনৌবা কেস ১,৮৮৯ রিপোর্ত তৌরকখ্রে।  হৌজিক খ্বাইদগী ফীভম শোক্লবা জিলা মঙাগী মনুংদা অহুমদি মহারাস্ত্রদা ওইরি – মুম্বাই, থানে অমসুং নবি মুম্বাই। অতোপ্পা অনিনা চেন্নাই অমসুং বেঙ্গলোরনা ওইরি।
• গুজরাত: গুজরাত্তা কোবিদ-১৯গী কেসকী অপুনবা মশিং ৬০,০০০ হেনখ্রে লোয়ননা হৌখিবা পুং ২৪দা অপুনবা কেস ১,১৫৯ রিপোর্ত তৌরকখি। মসি অনিরকশুবা ওইনা নোংমদা খ্বাইদগী য়াম্বা হেনগৎপা ওইরি। শগোলশেন নুমিতৎতা কোবিদ-১৯না মরম ওইদুনা মীওই ২২ শীখিবগা লোয়ননা লায়চৎ অসিনা মরম ওইরগা শীখিবগী মশিং ২,৪১৮ শুখ্রে। হৌখিবা পুং ২৪দা রাজ্য অসিগী তোঙান তোঙানবা হোস্পিতালশিংদগী মীওই ৮৭৯ দিসচার্জ তৌখ্রে, অপুনবা ফগৎপগী মশিং ৪৪,০৭৪ শুখ্রে। ঙসি ফাওবদা এক্তিব কেস ১৩,৭৯৩ লৈরি অমসুং রাজ্য অসিগী ফগৎপগী চাং ৭৩.১১% য়ৌখ্রে। ফমুং ১০০ লৈবা হোস্পিতালদা ফমুং ৫ অমসুং ফমুং ১০০গী মথক্তা লৈবা হোস্পিতালশিংদানা ফমুং ১০ কোবিদ ক্যেরদা মথৌ তৌরিবা দোক্তরশিং অমসুং হেল্থ ৱার্করশিংগীদমক খাক্তুনা থম্নবা রাজ্য সরকারনা লাউথোকখ্রে। করিগুম্বা ফ্রন্ত লাইনদা মথৌ তৌরিবা ৱার্করশংগী খাক্লিবা ফমুংশিং অসি হাংদুনা লৈরবদি লৈবাক মীয়ামগীদমক শীজিন্নবা য়াগনি।
• রাজস্থান: রাজস্থানগী চীফ মিনিস্তর অশোক গেহলোৎনা রাজ্য অসিদা লৈরিবা লাই খুরুমফম খুদিংমক সেপ্তেম্বর ১দগী হাংদোক্লগনি হায়না লাউথোকখ্রে। মসিগা মরী লৈননা হোম দিপার্তমেন্তনা তঙাই ফদবা চৎন-কাংলোনশিং থোক্লগনি। রাজ্য অসিদা ঙরাং রিপোর্ত তৌখিবা অনৌবা কেস ৩৬২ য়াওরগা এক্তিব কেস ১১, ৩১৯ শুখ্রে।
• মধ্য প্রদেশ: শগোলশেল নুমিত্তা মধ্য প্রদেশতা অনৌবা কেস ৮৩৪ রিপোর্ত তৌরদুনা রাজ্যগী অপুনবা মশিং ৩০,৯৬৮ শুখ্রে। খ্বাইদগী য়াম্বা কেসনা ভোপালদগী (২৩৩) রিপোর্ত তৌখি অদুগা মতুংদা ইন্দোর (৮৪) অমসুং বার্ৱানিদগী (৭৩)নি।
• ছত্তিশগর: রাজ্য অসিদা অনৌবা অনাবা ২৫৬ রিপোর্ত তৌদুনা রাজ্য অসিগী অপুনবা কোবিদ-১৯ কেস ৮,৮৫৬ শুখ্রবগী তুংদা হৌজিক এক্তিব ওইরিবা অনাবগী ঞশিং ২৮৮৪নি।

********