অচৌবা মায় পাকপা অমা ওইনা ভারতকী কোবিদ-১৯দগী ফরবা অপুনবা মশীং লাখ ১০ হেনখ্রে।

হায়রিবসি দোক্তর, নর্স অমসুং ফ্রন্তলাইন্দা লৈরিবা হেলথ ৱার্করশিংগী মথৌদা পুক্নিং চঙবা অমসুং মশাগী থিদনা কত্থোকপশিংনা কোবিদ-১৯ অনাবশিংবু মশীং অশুক্কী মতীক য়াম্না নাবা ফহনবা ঙম্লিবনি। কেন্দ্র অমসুং রাজ্য/য়ু.তি. সরকারশিংনা অপুনবা ওইনা হোৎনমিন্নদুনা লৌখৎলিবা কোবিদ-১৯ লাকশিন্নবগী থৌরাং কয়াসিনা নাবা ফবগী চাং অসি জুন হৌরকপদা লাখ ১ ওইরম্বদগী ঙসিদি লাখ ১০ য়ৌবা ঙম্লে।

লাকশিন্নবগী থৌরাংশিং মায় পাক্না থবক্তা ওন্থোকপা, তেস্ত তৌবগী মশীং হেনগৎপা অমসুং ক্লিনিকেল মেনেজমেন্তকী প্রোতোকোলশিংগী থাক ৱাংখৎহন্দুনা অপুনবা ওইনা চেকশিন থৌরাং লৌখৎপশিংনা নুমিৎ তরেৎনি থংন-থংননা নোংমদা অনাবা ৩০,০০০ হেন্না নাবা ফরে। নোংমদা নাবা ফবগী চাংচৎ অসিসু জুলাইগী অহৌবা চয়োলদা ১৫,০০০ ওইরম্বদগী অরোইবা চয়োলদা ৩৫,০০০ ওইরে।

হৌখিবা পুং ২৪ অসিদা অনাবা ৩২,৫৫৩ নাবা ফখিবগা লোইননা অপুনবা ওইনা নাবা ফখ্রবগী মশীং অসি ১০,২০,৫৮২ য়ৌরে। ঙসি লৈখিবা কোবিদ-১৯ নাবা ফবগী চাংনা ৬৪.৪৪% ওইখি। নাবা ফরবা মশীংগা কোবিদ-১৯ এক্তিব ওইরিবা মশীংগগী মরক্তা লৈবা খেন্নবসি হৌজিক্কী ওইনা ৪,৯২,৩৪০ ওইরে। মসিগী ফিগর অসিগা লোইননা নাবা ফরবগী চাং অসি এক্তিব কেসকী মশীংদগী শরুক ১.৯ ওইরি (মেদিকেল সুপর্বিজন পুম্নমক্কী মখাদা লৈরিবা ৫,২৮,২৪২)

রাজ্য/য়ু.তি. সরকারশিংনসু মখোঙদগী হৌদুনা হোস্পিতালগী ইনফ্রাস্ত্রকচর ফগৎহন্দুনা লাইয়েংবগী পথাপ ফগৎনবা হোৎনরি। মায় পাকপশিং অসি রাজ্য/য়ু.তি. ১৫ তা উবা ফংদুনা লৈবাক অসিগী নাবা ফবগী চাংচত্তগী হেন্না নাবা ফরি।

পব্লিক অমসুং প্রাইবেৎ সেক্তর পুনশিন্নদুনা হোস্পিতালগী ইনফ্রাস্ত্রকচর ফগৎহন্দুনা লৌখৎলকপা তেস্ত খোংলৈ থুনা তৌহৌবনা কোবিদ-১৯ অনাবশিংবু ঙন্না খঙদোক্তুনা লাইয়েং পথাপশিং পায়খত্তুনা শিবগী চাং অসি কা হেন্না নেমহনবা ঙম্লিবনি। লাকশিন্নবগী খোংথাংশিংসু হৌজিক্তি ঙন্না খঙদোকপা অমসুং হেন্না খুদোংথীনিংঙাই ওইবা কেস অমসুং হাই রিস্ক লৈবা মীওইশিং তোখাইনা থমদুনা মখোয়বুনা হান্না লাইয়েংনবা হোৎনরি। মসিনা মরম ওইদুনা মালেমগী চাংচৎ ৪% লৈরিবসিগা চাংদম্নবা মতমদা ভারত অসি ২.২১% লৈদুনা মালেমগী ওইনা কেস ফেতালিতী রেৎ নেম্বা লৈবাকশিংগী মনুং চললি। রাজ্য/য়ু.তি. ২৪না লৈবাক অসিগী চাংচত্তগী সি.এফ.আর. হেন্না নেম্লি অমসুং রাজ্য.য়ু.তি. ৮না সি.এফ.আর. অসি ১%দা লৈরি।

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA  দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid19[at]gov[dot]in দা থাবীয়ু অমসুং অতোপ্পশিংগী ওইনা ncov2019[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগীদমক হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf দা ফংবীগনি।

********