তুংগী পান্দম অমসুং লম্বী খন্ননবা ঙসি প্রধান মন্ত্রী নরেন্দ্র মোদীনা বেঙ্কশিং অমসুং এন.বি.এফ.সিশিংগী অপুনবা মরী লৈনবশিংগা ৱারি শানখ্রে।

চাউখৎনবা মতেং পাংবদা ফাইনান্সিএল অমসুং বেঙ্কিংগী থবকশিংগী মরুওইবা থৌদাং খন্নখি। মখোয়গী দরকার ওইবা শেন্থং ফংনবা অমসুং চাউখৎনবা ইন্সতিতুৎশিংনা পীবা শেন্থং লৌনবা অপীকপা ওন্ত্রেপ্রেনিউয়রশিং, এস.ঐচ.জিশিং, লৌমীশিং পুক্নিং থৌগৎকদবনি হায়না মীফম অদুদা খন্নখি। শেন্থং পীবা হেনগৎহন্নবা বেঙ্কশিংনা মখোয়না পায়খৎলিবা থবকশিং অমুক হন্না য়েংশিনবা দরকার ওই। শেন্থং লৌনবা হায়রকপা খুদিংমক বেঙ্কশিংনা চপ মান্নবা নাপচৈ অমনা ওল্লোইদবনি অমসুং শেন থাদবা য়াবা থবকশিং খন্দোকপা অমসুং মশক খঙদোকপা দরকার ওই অমসুং মখোয়গী অফবশিং অদুদা য়েংলগা মখোয়দা ফন্দ পীগদবনি অমসুং মমাংগী এন.পি.এশিংগী মমিংদা অৱাবা নঙহল্লোইদবনি।

বেঙ্কগী থবকশিং সরকারনা মপুংফানা শৌগৎলি হায়না মীফম অদুদা ফোঙদোকখি। বেঙ্ক শৌগৎনবা অমসুং মসি চাউখৎপা হেনগৎহন্নবা দরকার ওইবা থবক অমা হেক্তা পায়খৎনবা সরকারনা থৌরাং তৌরি।

বেঙ্কশিংনা ফিনতেক হায়বদি সেন্ত্রেলাইজ দেতা প্লেতফোর্মশিং, দিজিতেল দোকুমেন্তেসন শীজিন্নগদবনি অমসুং কস্তমরশিংগী থবকশিং দিজিতেল ওন্থোক্নবা ই-পাউ লৌনবদা মতেং পীনগদবনি। মসিনা শেন্থং হেন্না পীবা, কস্তমরশিং থবক লাইনা পাংথোকপা, বেঙ্কশিংগী চাদিং হন্থহনবা অমসুং খদ্রক তৌবা হন্থহনবা ঙমগনি।

ভারতমচা খুদিংমক য়াম্না লাইনা অপাম্বা দিজিতেল ত্রান্সসেক্সনশিং পাংথোকপা য়ানবা অচৌবা,মমল হোংবা মচাক-মথুমশিং ভারতনা শেমগৎলে। বেঙ্কশিং অমসুং ফাইনান্সিএল ইন্সতিতুৎশিংনা মসিগী কস্তমরশিংগী মরক্তা রুপে অমসুং য়ু.পি.আই শীজিন্নবা হেনগৎহনগদবনি।

এম.এস.এম.ইগী শেন্থং পীবা, অহেনবা কে.সি.সি কার্দশিং ফংহনবা, এন.বি.এফ.সিগী লিকুইদিতিগী থবক অমসুং এফ.এফ.আই অমুক হন্না য়েংশিনগদবনি। স্কিম অয়াম্বা শিংথানিংঙাই ওইবা মওংদা খুমাং-চাউশিল্লে অমসুং অৱাবা তারবা মতম অসিদা ফংফম থোকপা বেনিফিসরিশিংদা মতম চানা শেন্থং ফংহন্নবা বেঙ্কশিংনা মরুওইবা থৌদাং লৌগদবনি অমসুং থবক ফজনা পাংথোক্কদবনি।

****