“ପରୀକ୍ଷା, ଚିହ୍ନଟ, ଚିକିତ୍ସା”କୁ ଆଧାର କରି କ୍ରମାଗତ ଭାବେ ଦୁଇ ଦିନରେ ଦିନ ପିଛା 5 ଲକ୍ଷରୁ ଅଧିକ କୋଭିଡ-19 ପରୀକ୍ଷଣ କରାଯିବା ଦ୍ଵାରା ଏହା ଏକ ନୂତନ ଶିଖରରେ ପହଞ୍ଚିଛି । କୋଭିଡ-19 ସକ୍ରିୟ ମାମଲାଗୁଡ଼ିକୁ ଶୀଘ୍ର ଚିହ୍ନଟ ଏବଂ ପୃଥକ କରିବାରେ ଗୁରୁତ୍ୱପୂର୍ଣ୍ଣ ପଦକ୍ଷେପ ଭାବରେ ଆକ୍ରମଣାତ୍ମକ ପରୀକ୍ଷଣ ଉପରେ ଜୋର ଦିଆଯାଇଛି। କେନ୍ଦ୍ର, ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ସରକାରଙ୍କ ମିଳିତ ତଥା ସମନ୍ଵିତ ପ୍ରୟାସ ଦ୍ଵାରା ଏହି ସଫଳତା ହାସଲ ହୋଇଛି । 26 ଜୁଲାଇରେ ଦେଶରେ ସମୁଦାୟ 5,15,000 ନମୁନା ପରୀକ୍ଷା କରାଯାଇଥିବା ବେଳେ 27 ଜୁଲାଇରେ ମୋଟ 5,28,000 ନମୁନା ପରୀକ୍ଷା କରାଯାଇଛି ।

ପରୀକ୍ଷାଗାରର ସଂପ୍ରସାରଣ ଯୋଗୁଁ ମୋଟ ପରୀକ୍ଷଣ ସଂଖ୍ୟା 1.73 କୋଟି ଅତିକ୍ରମ କରିଛି । ପ୍ରତି 10 ଲକ୍ଷ ଜନସଂଖ୍ୟା ପିଛା ପରୀକ୍ଷଣରେ ଅଭିବୃଦ୍ଧି ଘଟି ଏହା 12,562 ଅତିକ୍ରମ କରିଛି । ଦେଶର ନୋଏଡା, ମୁମ୍ବାଇ ଏବଂ କୋଲକାତାରେ ତିନୋଟି ଉଚ୍ଚକ୍ଷମତା ସମ୍ପନ୍ନ ପରୀକ୍ଷାଗାରର ସ୍ଥାପନା ଯୋଗୁଁ ଦେଶରେ ମୋଟ ପରୀକ୍ଷଣ ସାମର୍ଥ୍ୟ ବୃଦ୍ଧି ପାଇଛି । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଗତକାଲି ଏହି ପରୀକ୍ଷାଗାରଗୁଡିକର ଭର୍ଚୁଆଲ ଉଦ୍ଘାଟନ କରିଥିଲେ । 905ଟି ସରକାରୀ ଓ 405ଟି ବେସରକାରୀ ଏହିପରି ମୋଟ 1310ଟି ପରୀକ୍ଷାଗାରରେ ପରୀକ୍ଷା କରାଯାଉଛି ।

କୋଭିଡ-19 ସମ୍ବନ୍ଧୀୟ ବୈଷୟିକ ତଥ୍ୟ, ମାର୍ଗଦର୍ଶିକା ଓ ନିୟମାବଳୀର ସୂଚନା ପାଇଁ ନିୟମିତ ପରିଦର୍ଶନ କରନ୍ତୁ: https://www.mohfw.gov.in/ ଏବଂ @MoHFW_INDIA ।

ଏ ସମ୍ପର୍କିତ ବୈଷୟିକ ପ୍ରଶ୍ନାବଳୀ technicalquery.covid19[at]gov[dot]in ଏବଂ ncov2019[at]gov[dot]in ଏବଂ @CovidIndiaSeva କୁ ପଠାଇ ପାରିବେ ।

କୋଭିଡ-19 ଜନିତ କୌଣସି ସୂଚନା ପାଇଁ ଦୟାକରି ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ହେଲ୍ପଲାଇନ ନଂ : + 91-11-23978046 କିମ୍ବା 1075 (ଦେୟ ମୁକ୍ତ)ରେ ସମ୍ପର୍କ କରିପାରନ୍ତି । ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର କୋଭିଡ-19 ହେଲ୍ପଲାଇନ ନମ୍ବରଗୁଡ଼ିକର ତାଲିକା ନିମ୍ନ ୱେବସାଇଟରେ ଉପଲବ୍ଧ ।

https://www.mohfw.gov.in/pdf/coronvavirushelplinenumber.pdf

**********