"তেস্ত, ত্রেক, ত্রিৎ" খোংথাংগী মখা তারকপা ওইনা, ভারত্তা নুমিৎ নিনি থংননা নোংমদা কোবিদ-১৯ তেস্ত লাখ ৫ তৌখ্রে। হায়রিবসি কেন্দ্র অমসুং রাজ্য/য়ু.তি. সরকারনা অপুনবা ওইনা লৌখৎলকপা কোবিদ-১৯ পোজিতিব কেস ঙন্না খঙদোকপা অমসুং তোখাইনা থম্বা হায়বসিগী মহানবা খোংথাংদি তেস্ত তৌবনা ওইগনি হায়বা ফিরেপ অসিদগী ওইহল্লকপনি। জুলাই ২৬তা ভারত্তা অপুনবা ওইনা সেম্পল ৫,১৫,০০০ তেস্ত তৌখি অমসুং জুলাই ২৭তা অপুনবা ওইনা সেম্পল ৫,২৮,০০০ তেস্ত তৌখি।

মথং মনাও নাইনা তপ্না তপ্না চাউখৎলক্তুনা লৈবাক অসিগী তেস্তিং নেৎৱার্কসু পাকথোক-চাউথোক্লক্লি, অমসুং হৌজিক ফাওবদা অপুনবা ওইনা তৌখ্রবা তেস্তকী মশীং অসি কোতি ১.৭৩ য়ৌখ্রে। মিল্লিয়ন অমদা তৌবা তেস্তকী মশীংনা ১২,৫৬২ য়ৌখ্রে।

ভারতকী তেস্ত তৌবা ঙম্বগী চাং অসি নোইদা, মুম্বাই অমসুং কোলকতাদা প্রধান মন্ত্রীনা ঙরাং ভর্চুএল ওইনা থ্রুপুৎ ৱাংবা তেস্ত তৌনবগী ফেসিলিতী অহুম লিংখৎখিবসিনা মশীং খংহেন-হেনগৎলকপনি। লৈবাক অসিগী তেস্তিং লেব নেৎৱার্ক অসি অপুনবা ওইনা লেব ১৩১০ লৈদুনা মপাঙ্গল কনখৎলক্লি; সরকারগী লেব ৯০৫ অমসুং প্রাইবেৎ লেব ৪০৫ শুরে। মসিগী মনুংদাঃ

• রিএল তাইম আর.তি. পি.সি.আর.দা য়ুম্ফম ওইবা তেস্ত তৌনবা লেবঃ ৬৬৮ (সরকারগী ৪০৭+ প্রাইবেৎঃ ২৬১)
• ত্রুনাৎতা য়ুম্ফম ওইবা তেস্তিং লেবঃ ৫৩৭ (সরকারগী ৪৬৭+ প্রাইবেৎঃ ৭০)
• সি.বি.এন.এ.এ.তি.দা য়ুম্ফম ওইবা তেস্তিং লেবঃ ১০৫ (সরকারগী ৩১+ প্রাইবেৎঃ ৭৪)

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA  দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid19[at]gov[dot]in দা থাবীয়ু অমসুং অতোপ্পশিংগী ওইনা ncov2019[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগীদমক হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf দা ফংবীগনি।

*****