প্রধান মন্ত্রী শ্রী নরেন্দ্র মোদীনা ওগস্ত ১, ২০২০গী নুমিদাং পুং ৭তগী হৌনা ভিদিও কনফরেন্সকী থোংদা মালেমগী খ্বাইদগী চাওবা ওনলাইন হেকাথোনগী গ্রান্দ ফিনালেদা ৱা ঙাংগনি। মসি লাউথোকপদা কেন্দ্রগী ঐচ.আর.দি. মন্ত্রী শ্রী রামেশ পোখ্রিয়ল ‘নিশঙ্ক’না ঙসি ফোঙদোকখি মদুদি স্মার্ত ইন্দিয়া হেকাথোন (সোফৱেয়র) ২০২০গী গ্রান্দ ফিনালে অসি ওগস্ত ১দগী ৩, ২০২০ ফাওবা পাঙথোক্লগনি। হেকাথোন অসি ভারত সরকারগী হ্যুমেন রিসোর্স দিবেলপমেন্ত মন্ত্রালয়, ওল ইন্দিয়া কাউন্সিল ফোর তেক্নিকেল ইদুকেসন (এ.আই.সি.তি.ই.), পর্সিস্তেন্ত সিস্তেমশিং অমসুং আই৪সি অসিনা শিনবনি।

কেন্দ্রগী ঐচ.আর.দি. মন্ত্রী শ্রী রামেশ পোখ্রিয়ল ‘নিশঙ্ক’না ঙসি স্মার্ত ইন্দিয়া হেকাথোনগী অমসুং মমাংদা পাঙথোকখিবা মায় পাকখ্রবা হেকাথোনশিংগী মতাংদা অৱাংবা থক্কী মীফম অমদা চ্যের লৌখি। মীফম অসি হায়র ইদুকেসনগী সেক্রেতরী শ্রী এমিৎ খারে, এ.আই.সি.তি.ই.গী চ্যেরমেন শ্রী অনিল সহাসরবুধে, এম.ঐচ.আর.দি.গী এদিস্নেল সেক্রেতরী শ্রী রাকেশ রঞ্জন অমসুং এম.ঐচ.আর.দি.গী চীফ ইন্নোবেসন ওফিসর শ্রী অবে জেরেনা শরুক য়াখি। দি.গরী অনিল সহাসরবুধে, এম.ঐ মা

কেন্দ্রগী মন্ত্রীনা হায় স্মার্ত ইন্দিয়া হেকাথোন অসি ঐখোয়গী লৈবাক অসিনা মায়োক্নরিবা খুদোংচাদবশিং অসিগী ৱারোইশিন পুরক্নবা অনৌবা অমসুং শীংথানিংঙাই ওইবা ইজিতেল তেক্নোলোজীগী ইন্নোবেসনশিং খঙদোক্নবা তোপ তোপ্পা খোঙথাং অমনি। মসি তেক্নোলোজীদা থোকহল্লিবা সমস্যাশিংগী ইন্নোবেতিব ওইবা ৱারোইশিনশিং পুরক্নবা মহৈরোয়শিংগী ওইবা দিজিতেল প্রদক্ত দিবেলপ তৌনবা লেপ্তনা চত্থবা কম্পিতিসন অমনি। মহৈরোয়শিংনা সরকারগী বিভাগশিং অমসুং লনাই সে্তরগী ওর্গনাইজেসনশিংনা মায়োক্নরিবা খুদোংচাদবশিংগী মখোয়না ইনৌ নৌবা অমসুং মালেমগী থাক্কী ওইবা ৱারোইশিনশিং পুথোক্নবা খুদোংচাবা পীরি।

এস.আই.ঐচ. ২০২০গী অহানবা তাঙ্কক্কী মহৈরোয়শিংগী ৱাখল্লোনগী স্ক্রীনিং অসি কোলেজকী থাক্কী হেকাথোন অমগী খুত্থাংদা জনুৱারীদা পাঙথোকখি অমসুং কোলেজকী থাক্তগী কারক্লবা তীমশিং অদুনা নেস্নেল রাউন্দগী এস.আই.ঐচ.তা শরুক য়াবা য়াহল্লি। নেস্নেলগী থাক্তা অমুক ৱাখল্লোনশিং অসি এক্সপর্তশিংনা অমসুং ইভালুএতরশিংনা স্ক্রীন তৌখি অমসুং মসিদা খনগৎলবা তীমশিং খক্তনা গ্রান্দ ফিনালে অসিদা চাংদম্নগনি। 

এস.আই.ঐচ.না চাওখৎলকপা অসি য়েংলগা, শ্রী নিশঙ্কনা হায় ঐখোয়না এস.আই.ঐচ.কী ইদিসন অহুম মায় পাক্না পাঙথোকখ্রে। এস.আই.ঐচ.-২০১৭গী অহানবা ইদিসনদা মহৈরোয় লিশিং ৪২না শরুক য়াখি মসিদগী হেগৎলক্তুনা এস.আই.ঐচ.-২০১৮দা লাখ ১ ওইখি অমসুং মতুংদা এস.আই.ঐচ.-২০১৯দা লাখ ২.০ ওইখি। এস.আই.ঐচ.-২০২০ অসি এস.আই.ঐচ.-২০১৯গা য়েংনবদা মশিং য়াম্না হেনখি অমসুং অহানবা রাউন্দগী ওইনা মহৈরোয় লাখ ৪.৫ হেনবনা শরুক য়াবা থেংনখি। ঐখোয়না ঐখোয়গী মহৈ লোয়শঙশিংদা ইন্নোবেসন অমসুং ওন্তর্প্রিনাওশিপকী ৱাখল্লোন থৌগৎনবা য়াম্না কন্না হোৎনরি। ঐখোয়গী অচৌবা খোঙথাং ওইরিবা স্মার্ত ইন্দিয়া হেকাথোন অসি হৌজিক মালেমগী খ্বাইদগী চাওবা ওপন ইন্নোবেসন মোদেল ওইরে। মসিগী মথক্তা এস.আই.ঐচ. অসি সরকার অমদি লনাই পার্তনর্শিপকী খ্বাইদগী ফবা খুদম অমসু ওইরি।

স্মার্ত ইন্দিয়া হেকাথোনগী ফল ওইনা ঙসি ফাওবদা প্রোতোতাইপ ৩৩১ দিবেলপ তৌখ্রে, স্তার্তঅপ ৭১ লিংখৎনবা তোরি, স্তার্তঅপ ১৯ মায় পাক্না রেজিস্তর তৌখ্রে। মখা তানা, তোঙান তোঙানবা বিভাগশিংদা সোলুসন ৩৯ দিপ্লোই তৌখ্রে অমসুং পোতেন্সিএল সোলুসন ৬৪ মখা তানা দিবেলপ তৌনবা ফন্দ থাদখ্রে।

ঐচ.আর.দি. মন্ত্রীনা হায় ঐস.আই.ঐচ.কী খুত্থাংদা লাকপা ৱাখল্লোনশিং অসি ঐখোয়না লেপ্তনা থিজিনবা মথৌ তাই। অত্মা নির্ভর ভারত অমা ওইহন্নবগীদমক্তা ঐখোয়না তীমশিং অসিবু আইদিএসন স্তেজতগী প্রোতোতাইপ স্তেজ ফাওবা লমজিংবীবা তঙাই ফদে। মহাক্না হায় মহৈরোয়শিংদগী ৱাখল্লোন অসি খঙলবা মতুংদা লমজিংলিবা মীওই অদুনা ৱাখল্লোন অসি স্তার্তঅপ নত্রগা বিভাগকী খুত্থাংদা ইমপ্লিমেন্ত তৌনবগী থৌদাং অদু লৌগদবনি। ৱাখল্লোন অদু লেম্না মাংহল্লোইদবনি অমসুং বিভাগ/মন্ত্রালয়না মখোয় হৌদোকচনবা প্লেৎফোর্ম অমা পীগদবনি। মহাক্না মরু ওইনা হায়খি মদুদি প্রোতোতাইপ অমগা স্তার্তঅপশিং লিংখৎপগী মরক্তা লৈরিবা অহোবা অসি মেনশিনবিদুনা ৱাখল্লোনশিং অসি স্তার্তঅপশিংদা ওন্থোকহনগদবনি। মন্ত্রালয়শিংগা লোয়ননা চুংশিন্নদুনা হেকাথোনদা মায় পাকখ্রবা ৱাখল্লোনশিং অদু লমজিংবিদুনা অমসুং মপুং ফানা ইমপ্লিমেন্ত তৌবা য়ানবা ইকো-সিস্তেম অমা শেম্নবা মহাক্না ফোঙদোকখি।

শ্রী নিশঙ্কনা হায় এম.ঐচ.আর.দি.গী সেক্রেতরীনা ৱাখল্লোনশিং অসি থবক ওইনা ওন্থোক্নবা অতোপ্পা সেক্রেতরী পুম্নমক্কা চুংশিন্নগনি। এম.ঐচ.আর.দি.না এস.আই.ঐচ.গী ৱাখল্লোন অসি ইমপ্লিমেন্ত তৌনবা য়েংশিল্লিবা মন্ত্রালয় অদু ওইগনি। ৱাখল্লোনশিংগী ৯০% স্তার্তঅপ শেম্বা ঙমহৌদ্রবা অদু ইমপ্লিমেন্ত তৌনবা বিভাগশিংদা শিন্নগনি। ঙমহন্নবা প্রোবিজনশিং অদু শোইদনা দিবেলপ তৌহনগনি। মন্ত্রীনা হায় মহাক্না কেনিনেৎ সেক্রেতরীদা হায়জদুনা এস.আই.ঐচ.দা দিবেলপ তৌবা ৱাখল্লোনশিং অসি সেক্রেতরীশিংগী কম্মিতিগী এজেন্দাগী শরুক অমা ওইহনগনি।

লৈবাক অসিদা অনৌবা পোৎ পুথোকপগী ৱাখল্লোনশিং লৈহন্নবা, মন্ত্রালয় অসিনা হায় ইন্নোবেসন অসি স্কুলগী থাক্তগী হৌনা খনবা হৌহনগদবনি অমসুং হীরম অসিগীদমক অতল তিঙ্করিং লেবশিং শীজিন্নগদবনি। স্কুলশিং অমসুং ইঞ্জিনীয়রিং কোলেজশিংগী মহৈরোয়শিংগী করিকুলমগী মরক্তা অফবা মরী অমা থম্বা মথৌ তাই।

অহেনবা পাউগীফমক মসিদা চংবিয়ূ: https://www.sih.gov.in/

*****