উপ-রাস্ত্রপতি শ্রী এম.ভেঙ্কয়া নাইদুনা ঙসি কোবিদ-১৯গী অনাবশিংবু তাথি-তাওইনা তৌবিবা অমসুং ভাইরস অসিগী লানফমদা মায়থিহনখ্রবা মীশিংবু নিংথিনা অরোইবা বিদাই পীবা য়াহন্দবদা নুংনাংবা ফোংদোকখ্রে।
অসিগুম্বা থৌদৌ অসি মপুং ওইনা থিংখ্রে অমসুং মফমদুদা লৈরিবা কাংলুপশিং অমসুং খুন্নাইশিংদা অসিগুম্বা থৌদৌ অসি অমুক হন্না হেক পাংথোরকপদা চাওনা থিংনবা তকশিন ৱাফম থমখ্রে। 

ফেসবুক্তা থাগৎলকখিবা পোস্ত অমদা শ্রী নায়দুনা হায়খি, “মতম অসিদা মথৌ তারিবা অসি অচুম-অরান খংদনা ৱাখলনা শাগৎপশিং অসি থেংনদুনা হেক হৌরকপদা মাংহন্নবা হোৎনবনি। অদু নত্তবা তারগদি অসিগুম্বা তোকঙা অমসুং অরানবা ই-পাওশিংনা অসিনা হেন্না মহু চেনবা হেনগৎলক্কনি”। মীপুম খুদিংমক্তা কোবিদ-১৯না নারবশিংবু ৱাখল লৈনা অমদি মীনুংশি লৈনা লোয়নবিনবা তকশিল্লদুনা মহাক্না হায়খি, “কনা অমত্তনা চপ-চানা শোহল্লক্লোই হাইনিঙাই লৈতে অমদি মশক উবা ঙমদবা ভাইরস অসি মী অমদা হেক্তা চংলকপা য়াই”।

নিংশিংবা ঙমদ্রবা মতমদগী হৌনা ভারত অসি অখাঙ কনবশিংগী লম ওইনা খংনরক্লি অমসুং কনাগুম্বা অমনা অৱাবা তাবা মতমদা তেংবাংনবগীদমক্তা মীনুংশি উৎপিবগী মওং-মতৌ ওইদুনা লাক্লি হায়না পুথোক্লদুনা উপ-রাস্ত্রপতিনা মীওই খরনা মেদিয়াদা রিপোর্তশিং অসিদা “অকায়বা” পীবগী মওংদা মরি-মতাশিং য়াওনা লায়না অসি লৌনরক্কনি হায়না কিবদগী কোরোনা ভাইকসনা নারবা মীশিংবু তাথি-তাওই তৌবিবা অমদি ইন্থোকপিবগী  পাওশিং লাক্লি হায়না উপ-রাস্ত্রপতিনা ফোংদোকখি।  কোবিদ-১৯না শিখিবা মীশিংবু লৈরোন চনবা য়াহন্দবগী থৌদৌশিং অসিগা মরি লৈননা মসি তশেংনা চৎনদবা অমসুং অৱাবা নংলিবা ইমুংগী মীশিংগীদমক্তা পুন্না হোৎনমিন্নবগী ভারতকী অরিবা চৎনবিগী মায়োক্তনি হায়না মহাক্না ফোংদোকখি। 

লাইরিক হৈতবা, মরম চাদনা ধর্মদা থাজবা, অরানবা পাও অমসুং তোকঙাশিংনচিবা অসিগুম্বা মরমশিং অসিনা মীশিংনা লান্না থাজবা অসিদা হেন্না মৈ য়াংশিল্লি অসি উরদুনা শ্রী নায়দুনা হকশেলগী থৌ পুরিবশিং অমসুং মেদিয়াদা কোরোনাভাইরসকা মরি লৈনবা অচুম্বশিং অমসুং মসি লৌনরকপগী মতাংদা মীশিংনা চেকশিন্না লৈনবা অমসুং মহৈ তম্বিনবদা মতেং ওইগদবা অখন্নবা কেম্পেন পাংথোক্নবা তকশিনখি। অচুম্বা পাউজেল অদু হঞ্জিন্না হায়নবা, কনশিলহন্নবা অমসুং পাক-শন্না শন্দোকপগী মওং অসি চপ চানা অফবা মায়কৈরোমদা অমদি অপাম্বা মওংদা অহোংবা পুরক্নবগী মওংদা অচুম্বা পাও অদু শন্দোক্কদবনি।  তমথিরবা লায়চৎ অসিগী মরম ওইদুনা অরুবা ফীভম অসি পুন্না অৱাবা অসি কোকহনবা ঙমগনি হোৎনমিন্নবগী ৱাখল্লোন থম্লদুনা খ্বাইদগী অহানবা অমদি খ্বাইদগী মরুওইবা থবক অসি অখোই-অরাকশিং অসি চুমথোক্নবা হোৎনবনি হায়না ফোংদোকখি। “নাগরিক খুদিংমক্না খুৎ তোইনা হামদুনা, মাস্ক উপ্তুনা লাপথোক্না লৈনবনচিংবা কাংলোনশিং অসি ঙাক্না চৎনবগীদমক্তা থবক পাংথোক্কদবনি”, হায়না অকনবা মওংদা হায়খি।  মহাক্না মীপুম খুদিংমক্তা হকচাং  ফগৎহন্নবগীদমক্তা ইম্যুনিতী হেনগৎহন্নবা অমসুং য়োগা তৌনবা তকশিনখি। মীয়াম্না লুরবা তানফম অসিদা মীশিংদা শাওনিংবা অমসুং লৈতাফম খংদবনচিংবা নত্তবা ৱাখল্লোনশিং খঞ্জিল্লকপা অসি য়েংলগা শ্রী নায়দুনা অপেনবা, তৌবিমল খংবা, মীনুংশি, ঙাকপিবনচিংবা অফবা ৱাখল্লোন অসিগী মথৌ তাবা লৈহন্নবা অকনবা ৱাফম থমখি। “তশেংনমক মসি স্পিরিচুএলগী ওইবা মওংগী নুংগী ৱাখল্লোন্নি”।

ঙসি কারগিল বিজয় দিবস অসিগী মতাংদা উপ-রাস্ত্রপতিনা ফোংদোকখি, “ঐখোয়গী কারগিল বিজয় দিবস অসিদা থৱায় কত্থোকখ্রবা লান্মীশিংগী মফমদা শ্রদ্ধাঞ্জলি কৎলদুনা লৈবাক অসিগী অপুনবা শক্তম ঙাক্নবগীদমক্তা অথৌবা, লৈবাক নিংবা অমসুং থৱায় কত্থোকখিবশিংগী মফমদা মতম পুম্বদা তৌবিংল খংবা উৎচরি”।

মহাক্না লৌমীশিং, চানবগী পোৎলমশিং শোইদনা ফংহল্লিবা অমসুং হেল্থকেয়র পর্সোনেলশিং, পুলিশ, মেদিয়া, সেনিতেসন ৱর্করশিং অমসুং পোৎ য়ৌহল্লকপগী থবক তৌরিবা  “মনা-মনিল নাইদনা কোবিদপু লান্থেংনরিবা” মীশিংশিংগী মফমদা তৌবিমল খংবা উৎখি।

*********