হকশেল অমসুং য়াইফ-য়ুম্বাল মন্ত্রালয়
নোংমগী মনুংদা খ্বাইদগী মশীং য়াম্না নাবা ফবা ঙমখ্রে; অনাবা ৩৬,০০০ হেন্না নাবা ফদুনা য়ুমদা থাখ্রে
এক্তিব কেস মশীংদগী নাবা ফবগী মশীংনা লাখ ৪ হেন্না লানখ্রে
ঙসি নাবা ফবগী চাং অসি চাদা ৬৪ য়ৌনা ৱাংখি
Posted On:
26 JUL 2020 2:25PM by PIB Imphal
ঙরাং নোংমদা মশীং খ্বাইদগী ৱাংবা ওইনা নাবা ফবগী রেকোর্দ লৈখি। হৌখিবা পুং ২৪ অসিদা কোবিদ-১৯ অনাবা মেওই ৩৬,১৪৫ নাবা ফখি অমসুং দিসচার্জ তৌখি। মসিনা নাবা ফরবগী অপুনবা মশীং অসি ৮,৮৫,৫৭৬ য়ৌখ্রে। নাবা ফবগী চাংসু খোংজেল য়াংখৎলক্তুনা অনৌবা ওইনা চাদা ৬৪ য়ৌশিনলক্লি। ঙসি ফাওবদা ৬৩.৯২% য়ৌখি। মসিনা তাক্লে মদুদি অনাবা কয়া অমা ফগৎলক্তুনা নাবা ফরবা মশীংগা কোবিদ-১৯ নারিবা এক্তিব কেস মশীংগগী মরক্তা লৈবা খেন্নবসু হেনগৎলক্লি। খেন্নবা মশীং অসি হৌজিক্কী ওইনা লাখ ৪ লান্দুনা ৪,১৭,৬৯৪ লৈরে। নাবা ফরবা কেস মশীংনা এক্তিব কেস মশীংদগী শরুক ১.৮৯ ওইরি (৪,৬৪৭,৮৮২)
কেন্দ্র সরকারনা রাজ্য/য়ু.তি.শিংদা "তেস্ত, ত্রেস, ত্রিৎ" খোংথাং নীংথীনা পায়খৎনবগীদমক খঙহনখ্রে। ইহান হানবা ওইনা নোংমদা রেকোর্দ ওইনা তেস্ত ৪,৪০,০০০ হেন্না তেস্ত তৌখি। হৌখিবা পুং ২৪ অসিদা সেম্পল ৪,৪২,২৬৩ তেস্ত তৌখিবগা লোইননা ভারত্তা মিল্লিয়ন অমদা তেস্ত তৌবগী চাং অসি ১১,৮০৫ য়ৌরে অমসুং অপুনবা ওইনা তেস্ত তৌখ্রবা সেমপল ১,৬২,৯১,৩৩১ য়ৌরে। অহানবা ওইনা সরকারগী লেবশিংনা নোংমদা সেম্পল ৩,৬২,১৫৩ তেস্ত তৌখি। প্রাইবেৎ লেবশিংনসু নোংমদা সেম্পল ৭৯,৮৭৮ য়ৌনা তেস্ত তৌখি।
হোস্পিতালগী ইনফ্রাস্ত্রকচর ফগৎলকপগা লোইননা পব্লিক অমসুং প্রাইবেৎ সেক্তরশিং পুনশিন্দুনা হোৎনবনা ঙন্না খঙদোকপা অমসুং কোবিদ-১৯ অনাবশিং খোংলৈ থুনা লাইয়েংবা ঙম্লকপনা শিবগী চাং নেম্লিবনি। মসিগী মরম্না, কেশশিংদা লৈতবগী চাং অসি তপনা তপনা হন্থরক্তুনা হৌজিক্তি ২.৩১%দা লৈরে। ভারতসু মালেমদা খ্বাইদগী শিবা নেম্বা লৈবাকশিংগী মনুংদা লৈরি।
অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA দা চাং নাইনা চঙবীয়ু।
কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid19[at]gov[dot]in দা থাবীয়ু অমসুং অতোপ্পশিংগী ওইনা ncov2019[at]gov[dot]in and @CovidIndiaSevaদা থাবীয়ু।
কোবিদ-১৯গী ক্বেরীশিংগীদমক হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী) দা কোল তৌবীয়ু
রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf দা ফংবীগনি।
*********
(Release ID: 1641360)
Visitor Counter : 193
Read this release in:
Punjabi
,
English
,
Urdu
,
Hindi
,
Marathi
,
Bengali
,
Assamese
,
Gujarati
,
Odia
,
Tamil
,
Telugu
,
Malayalam