প্রধান মন্ত্রী শ্রী নরেন্দ্র মোদীনা হাউসিং অমসুং অর্বান এফিয়র্স মন্ত্রালয়গী পি.এম.-এস.ভি.এ. নিধী স্কিমবু ঙসিগী অঙনবা শরুক্তা য়েংশিনখ্রে।

এপ্লিকেসন লাখ ২.৬ ফংলে, ৬৪,০০০না কাইথখ্রে অমসুং ৫,৫০০ হেনবনা থাদোকখ্রে হায়না পাউদমখি। মহাক্না ৱেব পোর্তেল অমসুং মোবাই এপ শীজিন্নদুনা স্কিম অসি থবক ওইনা পায়খৎপদা মনুং মপান ফাওনা উবা য়ানবা, থাজবা হেনগৎনবা অমসুং খোঙজেল য়াঙনবা হোৎনবদা মাইকৈ অনীমক্তা আই.তি.গী ওইবা উপাই শীজিন্নরম্বা থেংনবদা অপেনবা ফোংদোকখি।

হাউসিং অমসুং অর্বান এফিয়র্স মন্ত্রালয়না স্কিম অসিবু খুদোংচাদবা অমত্তা লৈহন্দনা মোবাইল এপ্লিকেসন য়াওনা আই.তি.গী মপুং ফাবা উপাই শীজিন্নরিবা অসিবু পল্লদুনা প্রধান মন্ত্রীনা হায়খি মদুদি স্কিম অসিগী দিজাইন অসিনা স্ত্রীৎ ভেন্দরশিংনা মপুং ওইনা নাকল অনীমক্তা দিজিতেল ত্রাঞ্জেক্সন তৌহনগদবনি। মসিনা মখোয়গী করবার পুম্বা কোনশিনবীগদবনি – রো মতিরিএলশিং খোমজিনবদগী হৌরগা য়োনবগী থৌরাং লৌখৎপফাওবদা। চুন্নবা ইন্সেন্তিবশিং অমসুং ত্রেনিংশিং মসিগীদমক পীবীগদবনি। দিজিতেল পেমেন্ত শীজিন্নবনা স্ত্রীৎ ভেন্দরশিংবু তুংদা শেলগী তঙাইফদবা লৈরকপদা লৌফম ওইনা ক্রেদিৎ প্রোফাইল অমা শেম্লগনি।

প্রধান মন্ত্রীনা হায়খি মদুদি স্কিম অসি স্ত্রীৎ ভেন্দরশিংদা লোন পীনবগী মীৎয়েংদতমক য়েংলোইদবনি। মসি স্ত্রীৎ ভেন্দরশিংগী শেন্মিৎলোন হেনগৎনবা অমসুং মখোয়গী অপুনবা ওইনা চাউখৎনবা হোৎননবা থৌরাং অমা ওইনা লৌগদবনি। মসিগী মাইকৈ অসিদা থাংজিনবা অহানবা খোঙথাংদি মতীক চাবা থৌসিল অমা পায়খৎনবগীদমক মখোয়গী অপুনবা সোসিও ইকোনোমিক দিতেলশিং লৌখৎপনি। অসিগুম্বা দেতা অসি ভারত সরকারগী তোঙান-তোঙানবা মন্ত্রালয়শিংনা মখোয়না ফংবা ইয়াবা তোঙান-তোঙানবা থৌশিলশিংগী কান্নবশিং হান্না পীনবগীদমক শীজিন্নবা য়াগনি। মসিদা পি.এম.এ.ৱাই.য়ু.গী মখাদা লৈবা হাউসিং, উজ্জ্বালাগী মখাদা চাক থোংনবা গ্যাস পীবা, সৌভাগ্যাগী মখাদা মৈ ফংহনবা, অয়ুশ্মন ভারতকী মখাদা হকশেল, দি-এন.য়ু.এল.এম.গী মখাদা স্কিল পীবা, জন ধনগী মখাদা বেঙ্ক একাউন্ত হাংবা অসিনচিংবা য়াওরি।

হৌরকফম

ভারত সরকারনা পি.এম. এস.ভি.এ.নিধী স্কিম অসি চহী অমগী ওইনা লুপা ১০,০০০ ফাওবগী কোলাতেরেল য়াওদবা ৱার্কিং কেপিতেল ওইনা স্ত্রীৎ ভেন্দর চাউরাক্না লাখ ৫০দা পীনবনি। ইন্তরেস্ততা কান্নবা পীবা ওইনা (চহীদা ৭%) অমসুং কেস বেক (চহীদা ১,২০০ ফাওবা) পীবীদুনা মথংশিৎনা শেল অমুক শিংগৎপগী হৈনবী লৈনবা অমসুং ত্রাঞ্জেক্সন তৌবগী হৈনবী লৈনবা পীরি। ইন্তরেস্ত সবসিদী অসিনা লুপা ১০,০০০দা চহীদা ২৪% ওইদুনা শেন্দোইগী অৱাবা পোৎলুম পীরম্বদুগী চাদা ৩০দি হন্থরনি।

মসিনা মরম ওইদুনা, ভেন্দরশিং অসিনা শেন্দোই অমত্তা পীবগী মহুত্তা মতম চানা শিংগৎলকপা মতমদা অমসুং রিসিৎ অমসুং পেমেন্ত খুদিং দিজিতেল ত্রাঞ্জেক্সন তৌবা মতমদা লোনগী শেনফম অদুগী সবসিদী ওইনা ফংলগনি। স্কিম অসিনা ঙন্না নত্ত্রগা মতম চানা পীখৎলকপা মতমদা মথংগী লোনগী শেনফম ফংবা হৌরবনি। লোন পীবগী থবক্তি আই.তি. প্লেৎফোর্ম "পি.এম. এস.ভি.এ.নিধী"গী মখাদা স্কিম অসি থবক ওইনা পায়খৎনবগীদমক ইমপ্লিমেন্তিং এজেন্সী অমা ওইরিবা স্মোল ইন্দস্ত্রীজ দিবেলপমেন্ত বেঙ্ক (সিদবী)গা লোইননা জুলাই ২, ২০২০দগী হৌখ্রবনি।

*****