কেমিকেল্স অমসুং ফর্তিলাইজর মন্ত্রালয়
সরকারনা হারগী সেক্তরদা ইজ ওফ দুইং বিজিনেস হেনগৎনবা অঙম্বা থাক্তা হোৎনরি
Posted On:
25 JUL 2020 1:54PM by PIB Imphal
কেমিকেলস অমসুং ফর্তিলাইজর্সকী কেন্দ্রগী মন্ত্রী শ্রী দি.ভি. সদানন্দ গোরানা হায় এন.দি.এ. সরকারনা হারগী সেক্তরদা ইজ ওফ দুইং বিজিনেস হেনগৎনবা অঙম্বা থাক্তা হোৎন্দুনা অত্মানির্বারগী ৱাখল্লোন পোকহল্লি অমসুং লৌমীশিংদা মতেং ওইরগনি।
হীরম অসিদা সরকারনা লৌখৎপা তোঙান তোঙানবা খোঙথাংশিংগী মতাংদা পল্লদুনা শ্রী গোরানা হায় হৌজিক লৈরিবা দি.বি.তি. সিস্তেম অসি ফগৎহন্নবা অমসুং শীজিন্নবা নুংঙাইহন্নবা জুলাই ২০১৯দা লৌমীদা কান্নবা পীগদবা দি.বি.তি. ২.০. ভর্জন অমা ফর্তিলাইজর্স বিভাগনা পুথোকখ্রে। দি.বি.তি. ২.০. ভর্জন অসিদা মচাক অহুম য়াওরি মমিং ওইনা পল্লবদা, দি.বি.তি. দেশবোর্দ, পি.ও.এস. ৩.০ সোফৱের অমসুং দেক্সতোপ পি.ও.এস. ভর্জন অসিনি।
দি.বি.তি. দেশবোর্দশিংনা মখল কয়াগী হারশিংগী সপ্লাইগী/ফংবগী/মথৌ তাবগী ফীভম অদুগী মতাংদা অচুম্বা রিএল তাইম ইনফোর্মেসন পীরি। মসি মীয়াম্না https://urvarak.nic.in দা চংদুনা য়েংবা য়াগনি।
পি.ও.এস. ৩.০ সোফৱের অসিনা তোঙান তোঙানবা কাংলুপশিংগী বায়রশিংদা য়োনখিবা অদু হাপ্লি, লোল মখল কয়াদা য়োনখিবগী চেনিং পীরি অমসুং হারশিংগী চাং চান্নবা মওংদা হাপ্নবা লৌমীশিংদা লৈবাক্কী ফীভমগী মতাংদা তাক্লি। দেক্সতোপ পি.ও.এস. ভর্জন অসি হেন্না ফবা অমসুং চেকশিনবা পি.ও.এস. দিবাইজশিংগী মহুৎ অমা নত্রগা অহেনবা খুদোংচাবা অমা ওইরি।
দি.বি.তি. ফর্তিলাইজর্সনা মনা ২(অনি) ফংখি মমিং ওইনা পল্লবদা, ২৫.৯.২০১৯দা “এস.কে.ও.সি.ঐচ. গোল্দ এৱার্দ ফোর গোভর্নান্স” অমসুং নোবেম্বর ৬, ২০১৯দা “গোভর্নান্স নাও” দিজিতেল ত্রান্সফোর্মেসন এৱার্দ অসিনি।
লৈবাক অসিদা হারশিং সপ্লাই তৌবগী নেৎৱার্ক ফগৎহন্নবা সরকারনা লৌখৎলিবা খোঙথাংশিংগী মতাংদা পল্লদুনা শ্রী গোরানা হায় পোৎ পুথোক পুশিন তৌনবা অহেনবা পাম্বৈ অমা ওইনা কোস্তেল শিপিং তৌখ্রে। পোলিসী অসিগী ওইনা কোস্তেল শিপিং নত্রগা ঈশিংগী লম্বীগী খুত্থাংদা সবসিদাইজ তৌবা হারশিং য়েন্থোকপগী ফ্রাইদ সবসিদীগী রিইমবর্সমেন্ত তৌনবা ১৭.০৬.২০১৯ অমসুং ১৮.৯.২০১৯দা লাউথোকখ্রে। ২০১৯-২০গী মনুংদা কোস্তেল শিপিংগী খুত্থাংদা হার এল.এম.তি. ১.১৪ হোনখি।
য়ুরিয়া য়ুনিৎশিংগী মমল লেপ্পগী কাংলোনশিং পল্লদুনা কেন্দ্রগী মন্ত্রীনা হায় সি.সি.ই.এ.গী অয়াবগা লোয়ননা মহাক্কী বিভাগনা ২০২০গী মার্চ ৩০দা থোকখিবা নোতিফিকেসন্দা শেমদোক্লবা এন.পি.এস.-IIIদা য়াওবা চয়েৎনবশিং লৌথোকখ্রে। মসিনা শেমদোক্লবা এন.পি.এস.-III লাইনা ইমপ্লিমেন্ত তৌহল্লগনি অমসুং মসিনা মরম ওইরগা য়ুরিয়া য়ুনিৎ ৩০দা এম.তি. অমদা লুপা ৩৫০গী মমল লেপ্নবা অহেনবা শেন্থং অমসুং চহি ৩০ হেল্লবা অমসুং গ্যাসতা ওন্থোক্তুনা য়ুনিৎশিং অসি মতম শাংনা পুথোকপা ঙমহনবদা কান্নহল্লগদবা য়ুরিয়া য়ুনিৎশিংদা এম.তি. অমদা লুপা ১৫০গী অখন্নবা কম্পেন্সেসনগী শেন্থং ফংহল্লগনি। মসিনা লৌমীশিংদা মতম শাংনা অমসুং চাং নাইনা য়ুরিয়া সপ্লাই ঔনবা য়ুরিয়া য়ুনিৎশিং লেপ্তনা চল্লাইবদসু মতেং ওইরগনি।
******
(Release ID: 1641250)
Visitor Counter : 194