ভারত অমসুং য়ু.কে.গী ১৪শুবা জোইন্ত ইকোনোমিল এন্দ ত্রেদ কম্মিতিগী মীফম জুলাই ২৪, ২০২০ দা ভর্চ্যুএল ওইনা পাঙথোকখ্রে। মসিদা কম্মর্স অমসুং ইন্দস্ত্রীগী মন্ত্রী শ্রী পিয়ুশ গোয়ল অমসুং য়ু.কে.গী স্তেৎ ফোর ইন্তর্নেস্নেল ত্রেদকী সেক্রেতরী ঐচ.ই. মিস ইলিজাবেদ ত্রসকা পুন্না চ্যের লৌখি। কম্মর্স অমসুং ইন্দস্ত্রীগী মিনিস্তর ওফ স্তেৎ শ্রী হর্দীপ সিংহ পুরি অমসিং মহাক্কা মান্নবা ফম পায়রিবা য়ু.কে.গী ইন্তর্নেস্নেল ত্রেদকী মিনিস্তর ওফ স্তেৎ ঐচ.ই. মিস্তর রেনিল জয়াৱর্দেনা মাখোয়বু মতেং পাংখি।

মন্ত্রী গোয়ল অমসুং মিস ত্রসনা ফ্রী ত্রেদ এগ্রীমেন্ত অমগীদমক মখোয়না পুন্না হোৎন্ননবা থাজবা পীনখি অমসুং অর্লি হারবেস্ত দিলশিং অসি তাঙ্কক নাইবা মওংদা পায়খৎনবসু হায়নখি। এম.ও.এস. পুরি অমসুং মিনিস্তর জয়াৱর্দেনানা ৱারী শানবা অসি কনশিন্নবা থাগী ওইনা মীফমশিং ফমগনি।মন্ত্রী গোয়ল অমসুং এস.ও.এস. ত্রসনা ৱারী শাবা অসি মখা চত্থনবা ২০২০ লোইরকপদা ন্যু দিল্লীদা মীফম অমা পাঙথোক্নবা ৱারেপ লৌখি। মমাংগী জে.ই.তি.সি.ও.দা লিংখৎখিবা লাইফ সাইন্স, হকশেল, আই.সি.তি. অমসুং চান্না থক্নবগী জোইন্ত ৱার্কিং গ্রুপসকী ললোন ইতিক্কী তৌরিবগী কো-চ্যেরশিংনা মখোয়গী অপাম্বশিং অদু মন্ত্রীশিংদা ফোঙদোকখি।

ফোর্মল ওইনা ৱারী শাবা অদু কম্মর্স অমসুং ইন্দস্ত্রীগী মিনিস্তর ওফ স্তেৎ শ্রী হর্দীপ সিংহ পুরি, ইন্তর্নেস্নেল ত্রেদকী য়ু.কে. মিনিস্তর ওফ স্তেৎ মিনিস্তর রেনিল জয়াৱার্দেনা অমসুং ইনবেস্তমেন্তকী য়ু.কে. মিনিস্তর ওফ স্তেৎ মিস্তর গেরী গ্রিম্সতন্না শ্রী চন্দ্রজিৎ বেনর্জী দি.জি. সি.আই.আই. অমসুং ভারত য়ু.কে. সি.ই.ও.শিংগী ফোরমগী কো-চিয়র্মন শ্রী অলে পিরামল য়াওনা ললোল ইতিক্কী লুচিংবশিংগা ৱারী ৱাতাই শাদুনা প্লেনরী সেসন অমনা মখা শমথখি।

নাকল অনিমক্তগী ভারত অমসুং য়ু.কে.না ললোল-ইতিক অমসুং শেন্মীৎলোন্দা লৈরীবা মরী অদু মতম শাংনা চৎনবা শাবা ৱারী অদু অমনা অমগী মতেং পাংনবগী ওইবা ৱাখল্লোন্দা চত্থখি। নাকল অনিমক্না মরুওইনা হৌজিক ওইরিবা কোবিদ-১৯গী লায়চৎ অসিগী য়েংলগবা হকশেলগী লমদা অমনা অমগী মতেং পাংননবা ৱারেপ লৌখি।  

******