কংফাল মনুংগী ঈশিংগী চত্থোক চৎশিনগী পাম্বৈ য়োকখৎনবা সিপ্পিং মন্ত্রালয়না ঈশিং লম্বী শীজিন্নবগী চার্জ লৈহনদ্রে

মহৌশাগা চূনবা অমদি হেন্না হোঙবা পোৎ  পুথোক পুশিনগী পাম্বৈ অসিনা লল্লোন ইতিক তৌবদা হেন্না নুংঙাইবা পুরক্কনি: শ্রী মনসুখ মন্দাবিয়া

ভারত লৈঙাক্না কংফাল মনুংগী ঈশিংগী লম্বীশিংবু অতোপ্পা, মহৌশাগা চূনবা অমদি  হেন্না হোঙবা চত্থোক চৎশিনগী পাম্বৈ অমা ওইনা য়োকখৎনবা মীৎয়েং থম্লিবা অসিগী য়েংলগা সিপ্পিং মন্ত্রালয়না ঈশিং লম্বী শীজিন্নবদা লৌরমবা শেনফম খুদক্তগী কোকথোক্নবা ফিরেপ লৌরে‍। হায়রিবা শেনফম কোকথোকপসি অহানবগী ওইনা চহী অহুমগী ওইগনি‍।

হৌজিক হৌজিক্কী ওইনা অপুনবা কার্গোগী চাদা ২ খক্তমক ঈশিং লম্বীদা পুথোক পুশিন তৌরি‍ হায়না সিপ্পিংগী কেন্দ্রগী রাজ্য মন্ত্রী (ইন চার্জ) শ্রী মনসুখ মন্দাবিয়ানা ফোঙদোকখি‍। ঈশিং লম্বী শীজিন্নবদা লৌরমবা শেনফম কোকথোকনবগী ফিরেপ অসিনা ইন্দস্ত্রীশিংদা মখোয়গী পোৎ পুথোক পুশিনগী মথৌ তাবদু নেসনেল ৱাতরৱেজ শীজিন্নবদা পুক্নীং চিংশিল্লগনি‍। পোৎ পুথোক পুশিনগী পাম্বৈ অসি মহৌশাগা চূনবা অমদি হেন্না হোঙবা মরম্না মসিনা অতোপ্পা চত্থোক চৎশিনগী পাম্বৈদা লৈরিবা পোৎলুম অসি হন্থহনবতা নত্তনা লল্লোন ইতিক তৌবদা হেন্না নুংঙাইবা পুরক্কনি হায়না মন্ত্রীনা মখা তাখি‍।

নেসনেল ৱাতরৱেজ পুম্নমক্তা হিগুম্বা শীজিন্নদুনা চৎপা খুদিংদা ঈশিং লম্বী শীজিন্নবগী শেনফম লৌরম্মী‍। মসিনা ত্রাফিক মুভবেন্তকী এদমিনিস্ত্রেসনদা অমদি ত্রাফিক দেতা খোমগৎপদা খোঙলৌ পল্লৌবা অমা ওইরম্মী‍। নেসনেল ৱাতরৱেজতা ইনলেন্দ ৱাতরৱেজ ওথোরিতী ওফ ইন্দিয়ানা হৌজিক্কী ওইনা ঈশিং লম্বী শীজিন্নবগী লৌরিবা শেনফম অসি কংফাল মনুংগী কার্গো ভেসেলদা পুবদা গ্রোস রেজিস্তর্দ তোন্নেজ (জি.আর.তি.) অমদা কিলোমিতর অমদা লুপা ০.০২নি অদুগা ক্রুজ ভেসেলদা পুবদা গ্রোস রেজিস্তর্দ তোন্নেজ (জি.আর.তি.) অমদা কিলোমিতর অমদা লুপা ০.০৫নি‍।

লৌরিবা ফিরেপ অসিনা কংফাল মনুংগী ঈশিংগী লম্বীদা ত্রাফিক মুভমেন্ত ২০১৯-২০দা এম.এম.তি. ৭২ লৈরম্বদগী ২০২২-২৩দা এম.এম.তি. ১১০দা হেনগৎলক্কনি হায়না পারি‍। মসিনা লমদমসিদা শেন্মিৎলোনগী থবক থৌরমশিংদা অমদি চাওখৎপা পুরকপদা কান্নবা পীগনি‍।

***