ঙসি জুলাই ২২, ২০২০দা নিউ দিল্লিগী এয়র হেদক্বাতর্স(বায়ু ভাবন)দা দিফেন্স মিনিস্তর রাজনাথ সিংহনা ইন্দিয়ান এয়র ফোর্স কমান্দর্স কনফরেন্স(এ এফ সি সি) হৌদোকখ্রে। চীফ ওফ এয়র স্তাফ, এয়র চীফ মার্সেল আর.কে.এস বাদৌরিয়া অমসুং মিনিস্ত্রিগী অতোপ্পা সেনিয়র ওফিসিএলশিংনা দিফেন্স মিনিস্তর তরাম্না ওকখি।

কনফরেন্স অদুদা দিফেন্স মিনিস্তরনা হায়খি বালাকোত্তা ইন্দিয়ান এয়র ফোর্সনা চৎথখিবা এয়র স্ত্রাইক অমসুং  নোংপোক থংবা লাদাখকী হৌজিক ওইরিবা ফিবম অসিদা মরুওইবা মফমশিংদা ইন্দিয়ান এয়র ফোর্সগী খুৎলায়শিং য়াংনা পৈশিল্লকপা অসিনা য়েক্নবশিংদা অকনবা পাউজেল অমা পীরে। লৈবাক অসিগী মনিংতম্বা ঙাক্নবা লৈবাক অসিনা লৌরিবা ৱারেপ অসিনা লৈবাক অসিগী লান্মীশিংদা মীয়াম্না থম্লিবা থাজবশিং হেন্না চেৎশিনহল্লে। এল.এ.সিদা উংখৎনবা হন্থহন্নবা হৌজিক পায়খৎলিবা থবকশিং মহাক্না থাগৎখি অমসুং থৌদোক অমা হেক্তা থোরকপদা থেংননবা থৌরাং তৌদুনা লৈনবা মহাক্না ইন্দিয়ান এয়র ফোর্সতা তকশিনখি।

কোবিদ-১৯ লাইচৎ থেংননবা লৈবাক অসিনা পায়খৎলিবা থবকশিং ইন্দিয়ান এয়র ফোর্সনা পাংখিবা মতেংশিং অমসুং হাদর মিসনশিংদা লৌখিবা থৌদাংশিংগীদমক মহাক্না থাগৎখি। মহাক্না হায়খি ঙাকশেনগী খুৎলায়শিং শাবদা মশা-মরোমদোম লেপচবা ঙম্বা অসি দরকার ওই অমসুং চহি অসিগী কনফরেন্স অসিগী পান্দম ‘মথং চহি ১০দা আই.এ.এফ’ অসি লৈবাক অসিনা মশাগী ওইবা পোৎথোকশিং পুথোকপা হেনগৎহন্নবা হোৎনরিবশিং অসিদা য়াম্না চুনরে। সি.দি.এস হাপ্পা অমসুং  দি.এম.এ শেম্বদগী সর্বিস অহুমগী মরক্তা মতেং পাংনবা অমসুং পুন্না থবক তৌমিন্নবা হেনগৎলে।

দিফেন্স মিনিস্তরনা হায়খি অনৌবা তেক্নোলোজিশিং শীজিন্নবা অমসুং নানো তেক্নোলোজি, আর্তিফিসিএল ইন্তিলিজেন্স, সাইবর ক্রাইম অমসুং স্পেস দোমেনশিংদা ইন্দিয়ান এয়র ফোর্সনা থবকশিং পায়খৎলে। আমর্দ ফোর্সশিংদা শেন-থুম নৎত্রগা অতোপ্পশিং মখোয়না পাম্লিবশিং ফংহনগনি হায়না মহাক্না কমান্দর্সশিংদা থাজবা পীখি।

চীফ ওফ এয়র স্তাফনা হায়খি, ইন্দিয়ান এয়র ফোর্সনা শিংনরকপশিং থেংননবা থৌরাং তৌদুনা লৈরি অমসুং য়েক্নবশিংনা খুৎ থারকপদা থেংননবা য়ুনিতশিংনা শেম-শাদুনা লৈরি। লান্মী অমসুং খুৎলায়শিং পৈশিনবা অমসুং থৌরাং তৌবগী মতাংদা কমান্দশিংনা পায়খৎলিবা থবকশিং অসি মতিক চারে অমসুং থাগৎনিঙাইনি। মতিক চাবা পাউখুম অমা পীনবা অতেনবা মতমগী মনুংদা ফিবমশিং লাকশিনবা ঙম্নবা মিৎয়েং চঙবা দরকার ওই।

নুমিৎ অহুমনিগী মীফম অদুদা, শিংনরকপশিং থেংননবা মথং চহি ১০দা ইন্দিয়ান এয়র ফোর্সকী তৌবা ঙম্বশিং শেমগৎনবা খন্নদ্রিঙৈ মমাংদা হৌজিক ওইরবা ফিবমশিং কমান্দরশিংনা অমুক হন্না য়েংশিনগনি।

****