"టెస్ట్, ట్రాక్, ట్రీట్" అంటే పరీక్షించడం, వ్యాప్తిని గుర్తించడం, చికిత్సనందించడం అనే వ్యహం కోవిడ్-19 కట్టడి చేసే మొత్తం ప్రణాళికను ముందుకు తీసుకువెళ్తోంది.   కేంద్ర ప్రభుత్వం నేతృత్వంలో, రాష్ట్ర / కేంద్ర పాలిత ప్రాంతాల ప్రభుత్వాలు ఈ ప్రణాళికను వివిధ చర్యల ద్వారా అమలు చేస్తున్నాయి.  రాష్ట్రాలు / కేంద్రపాలితప్రాంతాలు ఒక పక్క తమ పరీక్షా కేంద్రాల సంఖ్యను గణనీయంగా పెంచుతూనే, మరోపక్క ప్రజలు ఎక్కువ సంఖ్యలో పరీక్షలు చేయించుకునే విధంగా విస్తృతంగా చర్యలను కూడా చేపట్టారు. ఫలితంగా, జాతీయ స్థాయిలో రోజుకు, మిలియన్ మందికి, సగటు పరీక్షలు గణనీయంగా ఈ రోజుకు 180 కి పెరిగింది.

“కోవిడ్-19 సందర్భంలో ప్రజారోగ్యం మరియు సామాజిక చర్యలను సర్దుబాటు చేయడానికి ప్రజారోగ్య ప్రమాణాలు” అనే అంశంపై  ప్రపంచ ఆరోగ్య సంస్థ తన మార్గదర్శకాలు విడుదల చేస్తూ, అనుమానాస్పద కోవిద్-19 కేసుల కోసం సమగ్ర నిఘా అవసరమని సూచించింది.  ఏదైనా ఒక దేశంలో మిలియన్ జనాభాకు, రోజుకు 140 పరీక్షలు చేయవలసిన అవసరం ఉందని కూడా సూచించింది. 

ప్రస్తుతం భారతదేశంలోని 19 రాష్ట్రాలు / కేంద్రపాలితప్రాంతాలు మిలియన్ జనాభాకు, రోజుకు, 140 కి పైగా పరీక్షలు నిర్వహిస్తున్నాయి.  కాగా, గోవా రాష్ట్రం మిలియన్ జనాభాకు, రోజుకు, అత్యధికంగా, 1,333 పరీక్షలను చేస్తోంది. 

నిర్వహించవలసిన పరీక్షల సంఖ్యను పెంచాలని, కేంద్రప్రభుత్వం మరియు ఐ.సి.ఎం.ఆర్. నిరంతరం రాష్ట్రాలు / కేంద్రపాలితప్రాంతాల ప్రభుత్వాలకు సూచిస్తున్నాయి.  ఈ విధమైన సమన్వయ ప్రయత్నాల ద్వారా, భారతదేశంలో ప్రతి మిలియన్ జనాభాకు పరీక్షల సగటు (టి.పి.ఎం) 10,421 కి పెరిగింది. కోవిడ్-19 కేసులను ముందుగా గుర్తించడంతో పాటు, సకాలంలో, సమర్థవంతమైన చికిత్సనందించడానికి ఇది సహాయపడింది.

పరీక్షల సంఖ్య గణనీయంగా పెరగడంతో, భారతదేశంలో ధృవీకరణ రేటు లేదా పాజిటివ్ కేసుల నిరంతరం తగ్గుతోంది.  ప్రస్తుతం ఇది 8.07 శాతంగా ఉంది.  భారతదేశంలోని 30 రాష్ట్రాలు / కేంద్రపాలితప్రాంతాలు భారత సగటు కంటే తక్కువ పాజిటివ్ కేసుల రేటును కలిగి ఉన్నాయి. పరీక్షల సంఖ్య ను పెంచడంలో కేంద్రప్రభుత్వం తీసుకున్న చొరవ కారణంగానే, ఈ సానుకూల ఫలితాలను సాధించడానికి అవకాశం ఏర్పడిందన్న విషయాన్ని ఇది సూచిస్తోంది.  

కోవిడ్-19 కు సంబంధించిన సాంకేతిక సమస్యలు, మార్గదర్శకాలు, సలహాలు, సూచనలపై ప్రామాణికమైన, తాజా సమాచారం కోసం ఈ వెబ్ సైట్ ను క్రమం తప్పకుండా సందర్శించండి : 

 https://www.mohfw.gov.in/   మరియు  @MoHFW_INDIA.

కోవిడ్-19 కు సంబంధించిన సాంకేతిక సమస్యలకు పరిష్కారాలను దిగువ పేర్కొన్న ఈ మెయిల్ ను సంప్రదించడంద్వారా పొందవచ్చు : 

 technicalquery.covid19[at]gov[dot]in 

ఇతర సందేహాలు, అనుమానాలకు పరిష్కారాలను దిగువ పేర్కొన్న ఈ మెయిల్ ను సంప్రదించడం  ద్వారా పొందవచ్చు  :  

 ncov2019[at]gov[dot]in   మరియు   @CovidIndiaSeva .

కోవిడ్-19 పై ఎటువంటి అనుమానాలు, సమస్యలు, సమాచారానికైనా, ఆరోగ్యం, కుటుంబ సంక్షేమ మంత్రిత్వ శాఖకు చెందిన ఉచిత హెల్ప్ లైన్ నెంబర్ :  +91-11-23978046  లేదా  1075  టోల్ ఫ్రీ ను సంప్రదించవచ్చు. 

వివిధ రాష్ట్రాలు / కేంద్ర పాలిత ప్రాంతాల కు చెందిన కోవిడ్-19 హెల్ప్ లైన్ నెంబర్ల జాబితా కోసం ఈ వెబ్ సైట్ ని చూడండి :  

 https://www.mohfw.gov.in/pdf/coronvavirushelplinenumber.pdf

*****