হকশেল অমসুং য়াইফ-য়ুম্বাল মন্ত্রালয়

দবল্যু .ঐচ.ও.গী পাওতাক্কী মতুং ইন্না রাজ্য/য়ুনিয়ন তেরিতোরী ১৯না মী মশিং মিলিয়নগী ওইনা নোংমদা তেস্ত ১৪০ পাংথোক্লি

ভারত্তা হৌজিক-হৌজিক পোজিতিব ওইবগী চাং অসি চাদা ৮.০৭

ভারতকী ওইবা চাংচৎতগী রাজ্য/য়ুনিয়ন তেরিতোরী ৩০দা পোজিতিব ওইবগী হন্থবা চাং

Posted On: 21 JUL 2020 7:38PM by PIB Imphal

 “তেস্ত, ত্রেক, ত্রিত"কী লাল্লোংনা কোবিদ-১৯বু নিংথিজনা য়েংশিন্নবগীদমক অশেংবা মওংদা শেম্লবা ফ্রেমৱর্ক অসিদা পুনশিন্দুনা শেম্মি। কেন্দ্রনা লুচিংদুনা রাজ্য/য়ুনিয়ন তেরিতোরী সরকারশিংনা তোঙান-তোঙানবা থবক-থৌরাংশিং পাংথোকহনখ্রে। রাজ্য/য়ুনিয়ন তেরিতোরীশিংদা মখোয়গী লেপ্তনা তেস্ত তৌবগী নেতৱর্ক অসি পাকথোক-চাওথোকহনখিদুনা য়াম্লবা মীশিং তেস্ত তৌবগী অচৌবা থবক পায়খৎখ্রে। মসিগী মহৈ ওইনা হৌজিক্কী ওইনা লৈবাক অসিদা নোংমদা লেপ্তনা তেস্ত তৌবগী চাং অসি মী মশিং মিলিয়ন্দা ১৮০ য়ৌবা ঙমখ্রে।

 “কোবিদ-১৯গী মতাংদা মীয়ামগী হকশেল অমসুং ময়ামগী ওইবা থৌরাংশিং চানবা মওংদা শেম্নবগীদমক মীয়ামগী হকশেলগী ক্রাইতেরিয়া”গী মতাংদা দবল্যু.ঐচ.ও.গী লমজিং-লমতাক্তা কোবিদ-১৯ কেসশিং লৈবগী চিংনবা অথোইবা মওংদা য়েংশিন্নবা পাওতাক পীখ্রে। দবল্যু.ঐচ.ও.না নোংমদা মী মশিং মিলিয়ন্দা  তেস্ত ১৪০ পাংথোক্নবা হায়খ্রে।

Combined Final 21st July Press Brief.jpg

হৌজিক-হৌজিক রাজ্য/য়ুনিয়ন তেরিতোরী ১৯না মী মশিং মিলিয়ন্দা নোংমদা তেস্ত ১৪০ পাংথোক্লি। গোৱানা মী মশিং মিলিয়নগী ওইনা খ্বাইদগী চাং ৱাংনা নোংমদা তেস্ত ১৩৩৩ পাংথোক্লি। 

কেন্দ্র অমসুং আই.সি.এম.আর.না রাজ্য/য়ুনিয়ন তেরিতোরীশিংদা তেস্ত তৌবগী মশিং হেনগৎহন্নবা লেপ্তনা পাওতাক পীখ্রে। তেংবাং পীনদুনা পুন্না হোৎনমিন্নবদগী ভারতকী তেস্তিং পর মিলিয়ন(তি.পি.এম.) অসি ১০৪২১দা হেনগৎখ্রে।  মসিনা লায়না লৈবা-লৈতবা অসি ঙন্না অমদি মতম চানা খংদোকপদা অমদি নিংথিজনাকোবিদ-১৯ লায়েং চত্থবদা মতেং ওইহনখ্রে। 

তেস্ত তৌবগী মশিংদা হেনগৎলকপগী মওং অসিনা ভারতকী কনফর্মগী চাং নত্রগা পোজিতিবগী চাং অসি লেপ্তনা হন্থরক্লি অমসুং হৌজিক চাদা ৮.০৭গী চাংদা লৈরি। 

লৈবাক অসিগী ওইবা চাংগা য়েংনবদা রাজ্য/য়ুনিয়ন তেরিতোরী ৩০দা পোজিতিব ওইবগী হন্থবা চাংদা লৈরি। মসিদগী তেস্ত তৌবগী চাং হেনগৎনবা ভারত সরকারনা লুচিংদুনা পায়খৎপা থবক-থৌরাং অসিগী মহৈ অসি অফবা মওংদা ওইরক্লি হায়বসি তাকই।

Combined Final 21st July Press Brief 1.jpg

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA  দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid১৯[at]gov[dot]in দা থাবীয়ু অমসুং অতোপ্পশিংগী ওইনা ncov২০১৯[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবীগনি।

********



(Release ID: 1640289) Visitor Counter : 93