রেলৱে মন্ত্রালয়

প্রাইবেৎ ত্রেন প্রোজেক্তকী মতাংদা ঙসি প্রি-এপ্লিকেসন কনফরেন্স পাঙথোকখ্রে

কনফরেন্স অসিদা থাজবা য়াবা এপ্লিকান্ত ১৬না শরুক য়াখি

ত্রেনশিংনা পব্লিক প্রাইবেৎ পার্তনরশিপতা চেল্লগনি

মসিগী খোংথাং অসিনা অনৌবা তেক্নোলোজী পুশিল্লক্লগনি, রেবিন্যু হেন্না তাল্লগনি, অমসুং থবক্কী খুদোংচাবা হেন্না ফংহল্লগনি

হায়রিবা ত্রেন ৫১ অসি মমাংদগী চেল্লক্লিবা ত্রেনশিংগী মথক্তা অহেনবা ত্রেন্নি

থাজবা য়াবা এপ্লিকান্তশিং পুখৎলকপা খুদোংচাদবা অমসুং য়েংশিন্নিঙাই ওইবশিং খন্নখি অমসুং রেলৱে মন্ত্রালয় অমসুং নিতি আয়োগকী ওফিসিএলশিংনা শেংদোক্তুনা আর.এফ.ক্যু. অমসুং নিলাম লাউবগী ফ্রেমৱার্কশিংগী মতাংদা হেন্না ময়েক শেংনা তাকখি

ত্রেনশিংগী মথৌ তৌহন্নবা হোৎনবদা ওপরেতর মশীং য়ামহনবনা চাংদম্নবগী চাং হেনগত্তুনা থবক পাঙথোকপদা হেন্না ফগৎহনগনি

Posted On: 21 JUL 2020 6:26PM by PIB Imphal

রেলৱে মন্ত্রালয়না ঙসি প্রাইবেৎ ত্রেন প্রোজেক্তকী মতাংদা প্রি- এপ্লিকেসন কনফরেন্স পাঙথোকখ্রে। কনফরেন্স অসিবু থাজবা য়াবা এপ্লিকান্ত ১৬না শরুক য়াদুনা শিংথানখি।

রেলৱে মন্ত্রালয়না হৌজিক নেৎৱার্ক অসিদা চেল্লিবা ত্রেনশিং অসিগী মথক্তা অনৌবা ত্রেন (রাকেস) ১৫১ অমগা হাপচিন্দুনা ওরিজিন দেস্তিনেসন ১০৯দা লৈরিবা লম্বী জুরাশিং অসিদা প্রাইবেৎ ওইনা মী পুবা ত্রেন মথৌ তৌহন্নবগীদমক রিক্বেস্ত ১২ কৌখ্রে।

ইন্দিয়ন রেলৱে নেৎৱার্ক্তা মী পুবা ত্রেনশিংবু প্রাইবেৎ ওইনা শেল থাদহন্নবগী লৌখৎপা অহানবা খোংথাংনি। প্রোজেক্ত অসিনা লুপা কোতি ৩০,০০০ লোমগী প্রাইবেৎ সেক্তর ইনভেস্তমেন্তকী পুক্নিং চিংশিল্লগনি।

হায়রিবা খোংথাং অসি লৈবাক অসিদা লৈরিবা মীয়ামগী চত্থোক চৎশিনগী পাম্বৈ ফংবা হেনগৎনবনি, অনৌবা  তেক্নোলোজীগী য়াওরবা ত্রেন চেনবা হৌনবনি, অমসুং মীয়ামদা হেন্না নুংঙাইরবা খোংচৎ অমা পীনবগীদমক্তনি। ত্রেনশিংগী মথৌ তৌহনবদা ওপরেতর মশীং য়ামহনবনা চাংদম্নহন্দুনা থবক পাঙথোকপদা হেন্না ফগৎহনগনি। হায়রিবা খোংথাং অসি মী পুবা ত্রান্সপোর্তেসনগী সেক্তরদা দিমান্দ সপ্লাই দিফিসিৎ হন্থনবগীদমক হৌদোকপনি।

প্রোজেক্ত অসিবু পায়নবগীদমক লৌগদবা প্রাইবেৎকী এন্তাইতীশিং অসি তাংকক অনী থোক্না খনগদবা য়াম্না চাংদম্নিংঙাই ওইবা রিক্বেস্ত ফোর ক্বালিফিকেসন (আর.এফ.ক্যু.) অমসুং রিক্বেস্ত ফোর প্রোপোজেল (আর.এফ.পি.) হায়না পাঙথোক্কনি।

নিলাগী থৌওং অসিগী শরুক অমা ওইনা, রেলৱে মন্ত্রালয়না অহানবা প্রি এপ্লিকেসন কনফরেন্স অমা জুলাই ২১, ২০২০দা য়াম্না পাম্নবা মওং অমদা এপ্লিকান্ত ১৬না শরুক য়াদুনা পাঙথোকখ্রে। থাজবা য়াবা এপ্লিকান্তশিং পুখৎলকপা খুদোংচাদবা অমসুং য়েংশিন্নিঙাই ওইবশিং খন্নখি অমসুং রেলৱে মন্ত্রালয় অমসুং নিতি আয়োগকী ওফিসিএলশিংনা শেংদোক্তুনা আর.এফ.ক্যু. অমসুং নিলাম লাউবগী ফ্রেমৱার্কশিংগী মতাংদা হেন্না ময়েক শেংনা তাকখি। মখোয়না থাংগৎলকখিবা ৱাকৎশিংগী মনুংদা লৌবা য়াবগী ফিবম, নিলামগী থৌওং, রেকশিং লৈবা, ত্রেনশিং মথৌ তৌহনবা অমসুং ক্লস্তর শাগৎপশিং য়াওখি।

হোলেজ চার্জশিংগী মতাংদা ৱাহংশিং পুখৎলকখি, মসিদা রেলৱে মন্ত্রালয়না হোলেজ চার্জ অসি মাঙজৌননা পীগদবা ওইবনা চান্নবা মওংদা কন্সেসন পেরদ অদুমগী ওইনা ইন্দেক্স তৌবনা চয়েৎননিংঙাই অমত্তা লৈতনা মাংজৌননা খঙবা ঙমগনি হায়খি।

রেলৱে মন্ত্রালয়না নিলাম অসিগী মখাদা লৈগদবা মী পুদুনা চৎকদবা লম্বীগী অকুপ্পা মরোল থোরকখিগনি। মসিনা নিলাম লাউবদা শরুক য়ারিবশিংবু প্রোজেক্ত অসিদা হেন্না চেকশিনবা হেনগনি।

প্রোজেক্ত অসিগী মখাদা চেনগদবা ত্রেনশিং অসি প্রাইবেৎ এন্তাইতীশিংনা লৈজবা য়াই নত্ত্রগা অশানবা ওইনা ৱাইরবসু য়াই হায়না রেলৱে মন্ত্রালয়না শেংদোকখি। রেলৱে মন্ত্রালয়না মসিমসু হায়খি মদুদি ত্রেনশিং অসি মথৌ তৌহনবদা থোক্লকপা রিস্কসু পার্তীশিংদা চপ মান্নবা মওংদা পীগনি হায়খ্রে।

এপ্লিকান্তশিংনা হংলকপা ৱাহংশিংগী পাউখুম ওইনা রেলৱে মন্ত্রালয়না জুলাই ৩১, ২০২০ ফাওবগী মনুংদা ইদুনা পীগনি। অনীশুবা প্রি এপ্লিকেসন কনফরেন্স অসি ওগস্ত ১২, ২০২০দা পাঙথোক্নবা মতম লেপখ্রে। 

*****



(Release ID: 1640262) Visitor Counter : 27