প্রধান মন্ত্রীগী আত্মনির্ভর ভারতকী অথোইবা মীৎয়েং অসি মপুং ফাহনবদা মতেং পাংনবগীদমক্তা য়ুথ এফেয়র্স অমসুং স্পোর্তসকী কেন্দ্র মন্ত্রীনা  শ্রী কিরন রিজিজুনা ভারত্তা নহা ওইরিবা ভোলুন্তিয়র কোতী ১রোমদা ৱাখল্লোন লৈহন্নবগী পান্দম অসি মপুং ফাহ্ন্নবগীদমক্তা য়ুথ এফেয়র্স অমসুং স্পোর্তস মন্ত্রালয়দগী ভারতকী নহাশিংদা মশানা য়ানা থবক তৌজরক্নবগী পুক্নিং থৌগৎনবগা লোয়ন-লোয়ননা মখোয়বু মহৈ-মশিং অমসুং মহৈ চাগদবা থবক তোহন্নবগীদমক্তা ৱাখল-লৌশিং ফংহনবদা মতেং পাংনবগীদমক্তা খুৎশম্ননা থবক তৌমিন্ননবগীদমক্তা, হৈথোই-শিংথোইনা থবক নিংথিনা তৌবা ঙম্বা নাগরিক ওইহন্নবগীদমক্তা য়ুবা(য়ুনিসেফনা শেম্বা স্তেকহোলদর ময়াম অমগী প্লেৎফোর্ম)গী ওইনা ৱাফম থমখিবা মতমদা খুৎয়েক পীনখ্রে।  মসিগী খুৎশম্নবা অসি হৌদোকখিবা য়ুথ এফেয়র্সকী সেক্রতরী শ্রীমতী উশা শর্মা অমসুং ভারতকী য়ুনিসেফকী মীহুৎ দা. য়াসমীন অলি হকনা  য়ুথ এফেয়র্স অমসুং স্পোর্তসকী কেন্দ্র মন্ত্রী  শ্রী কিরন রিজিজু য়াওরগা তৌনখিবনি। 

খুৎশম্নবা অসিগী মরুওইবগী মতাংদা ৱাফম ফোংদোক্লদুনা শ্রী কিরন রিজিজুনা হায়খি, “মসিগী শিংননিংঙাই ওইরবা মতম অসিগা অমগা-অমগা খুৎশম্ননা য়াম্না মতাং চাই। মসিনা ঐখোয়গী লৈরিবা থৌশীল-থৌরাংশিং অসিদা হেন্না মপাঙ্গল কনখৎহনগনি হায়বা থাজৈ।  প্রধান মন্ত্রীনা ভারতকী নহারোলশিং অসিগীদমক্তা ময়েক শেংনা লম্বি য়াৎপিখ্রে অমসুং ভারতকী নহারোলশিংনা খোংজং চংশিন্দুনা আত্মনির্বর ভারত ওইবা ঙমহল্লগনি।  ভারত অসিদা মী মশিং কয়া অমা লৈবনা অনৌবা লৈবাক অসিদা মফম অমদা হেক্তা নহারোলশিংনা লৌবা থৌদাংনা চাওনা খেৎনবা পুরকপা ঙম্বদা নত্তনা মালেমগী ফম্বাক অসিদসু ঙম্মি। ”

কিরন রিজিজুনা মখা তানা হায়খি, “ভারত সরকারনা নহারোলশিংগী থম্মোয়গী ৱা অমসুং ৱাখল্লোন অসি শোইদনা তাগনি।  অনৌবা মওংগী ৱাখল্লোন অসি ভারত্তা লৈরিবা অমদি থেংনরিবা কয়াশিং অসি ফোংদোকপগী মথৌ তাবা অদুনি। মসিগী পোলোই অসিদা এম.ৱাই.এ.এস.না নহারোলশিংগা য়ুবা অমসুং সরকারগী মেছিনরী অসিগুম্বা অসি অফবা খুৎশম্নবগী থোং অমা ওইবা য়াই। "

খুৎশম্নবা অসিনা ভারতকী নহারোলশিংদা মহৈ-মশিং, হৈথোই-শিংথোইবা অমসুং থবক ফংদবগী অৱাবশিং অসি চাওনা কোকহনবা ঙম্নবগী শেম্মিন্নবা অমা ওইহনবদা অমসুং চৎনহনবদা নাহরোলশিংগা লোয়ননা পুন্না থবক তমিন্ননবগীদমক্তা মন্ত্রালয় অমসুং য়ুনিয়ন তেরিতোরী অনিমক্না পুন্না হোৎনমিন্নরিবশিংদগী কান্নবা লৌগনি। মসিদা ইন্তর্প্রিন্যুরশিপকী থবক হোৎনরিবা নহারোলশিংবু শৌগৎপিনবা নহোরোলশিংদা হৈথোই-শিংথোইবা, হৈনিংবগী ৱাখল লৈবা খু্নাইগী শেন্মিৎলোন ফগৎহনবগী থুদোংচাবশিংগা মরি ফগৎহনবা, নহারোলশিংগী মরক্তা অহোংবা পুরকপা অমসুং নাগরিক ওইবগী থৌদাং অদু হেনগৎহনবা, নহারোলশিংবু লমজিং-লমতাকপদা মতেং পাংবা, হকথেংননা ৱারী শান্নবদা শৌগৎপা অমসুং নহারোলশিং অমসুং চৎন-কাংলোন শেম্লিবা স্তেকহোলদরশিংগী মরক্তা ফীদবেক্কী তন্ত্র অমা শেমগৎপা, লেপ্তনা চাওখৎহন্নবগী পান্দম অদু ফংননবগীদমক্তা এন.এস.এস. অমসুং এন.ৱাই.কে.এস. অমদি কেজর ফোর্সকী মরক্তা থবক পাংথোকপা ঙম্নবা শেম্বদা তেংবাং ফংবা য়াওগনি।  

য়ুথ এফেয়র্সকী সেক্রতরী শ্রীমতী উশা শর্মনা খুৎশম্নবা অসিগী মতাংদা হায়খি, “য়ুথ এফেয়র্স অমসুং স্পোর্তস মন্ত্রালয়দা লৈরিবা ঐখোয়না য়ুবা অসি ‘নহারোলশিংগীদমক্তা অমসুং নহারোলশিংগা লোয়ননা নহারোলশিংগী’ অনিংবা-অপাম্বা অমসুং মংলানশিং অদু মপুং ফাহনবা ঙম্বা প্লেৎফোর্ম অমনি হায়বা খংলে’। খুৎশম্নবা অসিনা ঐখোয়গী এন.ৱাই.কে.এস., এন.এস.এস. কী ভোলুন্তিয়রশিংদা অচৌবা প্লেৎফোর্ম অমা ফংহন্দুনা মালেমগী অখং-অহৈশিংগা ৱারী শান্নবগী খুদোংচাবফাওবা ফংহন্নবগী ৱাশক্লি।”

ভারতকী য়ুনিসেফকী মীহুৎ অমসুং য়ু.এন.গী রেসিদেন্ত কোওর্দিনেতর এ.আই. দা. য়সমিন অলি হকনা হায়খি, “য়ুবাগী মরুওইবা স্তেকহোলদর অমা ওইরিবা “য়ুথ এফেয়র্স অমসুং স্পোর্তস মন্ত্রালয়না চহি কয়াদগী নহারোলশিং ফগৎহন্নবা অমদি নহারোলশিংগী থৌদাং লৌনবগীদমক লিচিং ওইদুনা লাক্লি। ভারত্তা য়ুথ এফেয়র্স অমসুং স্পোর্তস মন্ত্রালয়গা অমসুং য়ু.এন.গী এজেন্সীশিং খুৎশম্নবা অসিদগী য়ুবানা দা মশাগী ওইবা এজেন্দা অসি শেম্নবা, লিচিং ওইনবদা অমদি ফগৎহনবদা লৈবাক অসিগী নহারোলশিংবু মতেং ফংহনগনি। ঙসি মসি মরু ওইনা মরি লৈনরিবা অসি নহারোলশিংবু য়াংনা হোংলক্লিবা মালেম অসিগীদমক্তা মখোয়গী ৱারেপ লৌবদা য়াওবা ঙম্নবা অমসুং ৱাফমশিং/মতাংশিং অদুদা মখোয়গী ৱাখল্লোন অদু খুমাং চাওশিনবা ঙম্নবা মখোয়গী পুন্সিগীদমক্তা মখোয়না ৱাখল খন্নবা অমসুং থবক চত্থনবগীদমক্তা ইথীল পীরি। 

***