کیمیکلز اور فرٹیلائزر کی وزارت
کیمیاوی کھاد کی فراہمی پورے ملک میں اطمینان بخش ہے:گوڑا
تلنگانہ کے وزیر زراعت جناب سِنگی ریڈی نرنجن ریڈی نے ریاست میں یوریا کی دستیابی کے بارے میں جناب گوڑا سے ملاقات کی
Posted On:
20 JUL 2020 4:19PM by PIB Delhi
نئی دہلی:20 جولائی:
کیمیاوی کھاد اور کیمیاوی اشیاء کے مرکزی وزیر جناب ڈی وی سدانند گوڑا نے کہا ہے کہ موجودہ خریف کے موسم کی وجہ سےپورے ملک میں کیمیاوی کھادوں کی مانگ میں کافی اضافہ ہوگیا ہے۔جناب گوڑا نے کہا کہ اس مانگ کو پورا کرنے کے لئے حکومت کھاد تیار کرنے والوں اور ریاستی حکومتوں سے قریبی رابطہ قائم رکھے ہوئے ہیں۔
مرکزی وزیر نےیہ بھی کہا کہ درآمدی سائیکل کو مختصر کردیا گیا ہے، تاکہ مانگ کے مطابق کیمیاوی کھاد فراہم ہوسکے۔
تلنگانہ کے وزیر زراعت جناب سِنگی ریڈی نرنجن ریڈی نے آج جناب گوڑا سے یہاں ان کے دفتر میں ریاست میں یوریا کے مانگ کے بارے میں ملاقات کی۔انہوں نے کہا کہ بہتر متوقع مانسون اور پچھلے سال کے مقابلے اس سال خریف کے موسم میں زیر کاشت علاقے میں اضافے کے سبب کسانوں کی طرف سے یوریا کے استعمال میں اضافے کی مانگ دیکھی جارہی ہے۔ انہوں نے وزیر موصوف سے درخواست کی کہ تلنگانہ کے لئے یوریا کی مناسب دستیابی کو یقینی بنایا جائے۔
جناب گوڑا نے کہا کہ اس وقت پورے ملک میں کیمیاوی کھادوں کی فراہمی اطمینان بخش ہے اور ریاستوں کے پاس کافی اسٹاک موجود ہے، لیکن پھر بھی اگر بوائی کے موسم کی وجہ سے کیمیاوی کھاد کی مانگ میں اضافہ ہوتا ہے، تو اس کی فراہمی کی رفتار تیز کردی جائے گی اور کسانوں کو یوریا بروقت فراہم کردیا جائے گا۔
-----------------------
م ن۔ج۔ ن ع
U NO: 4028
(Release ID: 1640084)
Visitor Counter : 188
Read this release in:
English
,
Hindi
,
Marathi
,
Bengali
,
Manipuri
,
Assamese
,
Punjabi
,
Odia
,
Tamil
,
Telugu
,
Malayalam