কঞ্জ্যুমর এফিয়র্স, ফুদ প্রোসেসিং অমসুং পাব্লিক দিস্ত্রিব্যুসন মন্ত্রালয়

ঙসিদগী কঞ্জুমর প্রোতেক্সন এক্ত, ২০১৯ চৎনবা হৌরে

এক্ত অসিদা সেন্ত্রেল কঞ্জুমর প্রোতেক্সন ওথোরিতি লিংখৎপা অমসুং ই-কমর্স প্লেতফোর্মসিংনা অরানবা তৌবা থিংনবা নিয়মশিং য়াওরি

কঞ্জুমর প্রোতেক্সন এক্ত, ২০১৯ অসি কঞ্জুমরশিংগী হক ঙাক্নবা; কঞ্জুরমশিংগী ৱাথোক ৱায়েনবগী থবক লাইহন্নবা অমসুং প্রদক লাইএবিলিতি হৌদোক্নবা খুৎলায় অমনি – রাম বিলাস পাসৱান

Posted On: 20 JUL 2020 4:53PM by PIB Imphal

ঙসি জুলাই ২০, ২০২০দগী কঞ্জুমর প্রোতেক্সন এক্ত, ২০১৯ চৎনবা হৌরে। ঙসি ভিদিও কনফরেন্সকী খুৎথাংদা কঞ্জুমর প্রোতেক্সন এক্ত, ২০১৯গী মতাংদা মেদিয়াদা ৱা ঙাংবদা কঞ্জুমর এফেয়ার্স, ফুদ অমসুং পব্লিক দিস্ত্রিবিউসনগী য়ুনিয়ন মিনিস্তর রাম বিলাস পাসৱান্না হায়খি তোঙান-তোঙানবা নিয়মশিং অমসুং কঞ্জুমর কাউন্সিলশিং, কঞ্জুমর রিদ্রেসেল কমিসনশিং, মেদিএসন, প্রদক লাইএবিলিগী প্রোবিজনশিংগী খুৎথাংদা কঞ্জুমরশিংগী হকশিং ঙাকপদা মসিগী অনৌবা এক্ত অসিনা মতেং পাংগনি।

মহাক্না হায়খি কঞ্জুমরশিংগী হকশিং ঙাক্নবা সেন্ত্রেল কঞ্জুমর প্রোতেক্সন ওথোরিতি লিংখৎপা এক্ত অসিদা য়াওরি। কঞ্জুমরশিংগী হকশিং খোঙ্গাওনবা মতমদা থিজিন্নবা, ফত্তবা পোৎ অমুক হন্নবা য়াথং পীনবা, অরানবা এদভারতাইজমেন্তশিং তৌরিবা কম্পেনিশিংগী মথক্তা চৈরাক পীনবা শক্তি ওথোরিতি অসিদা পীরি। ই-কমর্স প্লেতফোর্মশিংনা অরানবা থবকশিং তৌবা থিংনবা নিয়মশিং মসিগী এক্ত অসিদা য়াওরে।

য়ুনিয়ন মিনিস্তরনা হায়খি এক্ত অসিগী মখাদা ই-কমর্স ফার্ম খুদিংমক্না পোৎ য়োন্দ্রিঙৈ মমাংদা কঞ্জুমরশিংদা পোৎ অমুক হন্নবা, শেন হন্দোক্নবা, ৱারেন্তি, চার্জ-বেক , পোৎ অদুগী হৌরকফম লৈবাক মমিং পীবা দরকার ওই । ই-কমর্স প্লেতফোর্মশিংনা পুং ৪৮গী মনুংদা কঞ্জুমর অমনা তৌরকপা ৱাকৎ লৌগদবনি অমসুং এক্ত অসিগী মখাদা ৱাকৎ ফংবা নুমিৎতগী পারগা থা অমগী মনুংদা ৱাকৎ অদুগী ৱারোইশিন পুরক্কদবনি। অনৌবা এক্ত অসিদা প্রদক লাইএবিলিতি কৌবা অনৌবা অমা হাপচিল্লে অমসুং পোৎথোক অমগা মরী লৈনবা ৱাকৎ অমা হেক্তা পোৎ অদু শারিবশিংদা থাংগৎপা য়ারগনি।

শ্রী পাসৱান্না হায়খি অনৌবা এক্ত অসিনা কঞ্জুমর কমিসনশিংদা ৱায়েন চৎথবগী থবকশিং লাইহল্লে অমসুং স্তেৎ অমসুং দিস্ত্রিক কমিসনশিংদা মখোয় মশাগী য়াথংশিং অমুক হন্না য়েংশিনবগী শক্তি পীরে অমসুং কঞ্জুমর অমনা ৱাকৎশিং ইলেকত্রোনিক ওইনা পীশিনবা য়ারগনি অমসুং ভিদিও কনফরেন্সকী খুৎথাং         দা হিয়ারিং পাংথোকপা য়ারে।

মিনিস্তরনা হায়খি মেদিএসনগী খুৎথাংদা য়ানদ্রিবশিং লোইশিন্নবা অতোপ্পা থৌরাং অমা এক্ত অসিদা য়াওরে। মসিগী ৱায়েনবগী থবকশিং লাইহনগনি। নাকল অনিমক্না য়ারবদি মেদিএসন পাংথোকনবা কঞ্জুমর কমিসন অমনা ৱাকৎ অমা শীন্নবা য়াই। কঞ্জুমর কমিসনশিংগী মখাদা লিংখৎপা মেদিএসন সেলশিংদা মেদিএসনগী থবকশিং পাংথোক্কনি। মেদিএসনগী খুৎথাংদা য়ানবা পুরকখ্রবা মতুংদা অমুক লাকপা ৱাকৎ অমা লৌরোই।

মহাক্না হায়খি কঞ্জুমর দিসপুতস রিদ্রেসেল কমিসন রুলশিংগী মখাদা লুপা লাখ ৫ ফাওবগী কেসশিং থাগৎপগী শেন অমতা লৌরোই। কেসশিং ইলেকত্রোনিক ওইনা ফাইল তৌবা য়াগনি। স্তেৎ কমিসনশিংনা সেন্ত্রেল কমিসন্দা থা ৪/৪গী ওইনা পন্দুনা লৈরিবা কেসশিং , লোইশিনখ্রবা কেসশিং অমসুং অতোপ্পা ৱাফমশিংগী মতাংদা ই-পাউ পীগদবনি।

মিনিস্তরনা হায়খি অনৌবা এক্ত অসিদা প্রদক লাইএবিলিতি কৌবা অনৌবা অমা হাপচিল্লে অমসুং মসিদা পোৎ শারিবশিং, পোৎ য়োল্লিবশিংগী মথক্তা ৱাকৎ অমা হেক্তা থাংগৎপা য়ারে। ফত্তবা/শাশিন্নবা পোৎশিং য়োনবা নৎত্রগা শাবদা মতিক চাবা কোর্ত অমনা হেক্তা চৈরাক পীনবা প্রোবিজনশিং এক্ত অসিদা য়াওরে। অহানবা চৈরাক ওইনা কোর্ত অমনা চহি অনি ফাওবা লাইসেন্স অমা ককপা য়াই অমসুং অনিসুবা কেস নৎত্রগা চৈরাক ফংলকপা মতমদা লাইসেন্স ককপা য়াই।

অনৌবা এক্ত অসিগী মখাদা হান্নগী নিয়মশিং অসিগী মথক্তা, সেন্ত্রেল কঞ্জুমর প্রোতেক্সন কাউন্সিল রুলশিং, কঞ্জুমর দিসপুতস রিদ্রেসেল কমিসন রুলশিং, স্তেৎ/দিস্ত্রিক কমিসন রুলশিংদা প্রসিদেন্ত অমসুং মেম্বরশিং হাপ্পা, মেদিএসন রুলশিং, মোদেল রুলশিং, ই-কমর্স রুলশিং , মেদিএসন রিগুলেনশিং য়াওরে।

মিনিস্তরনা হায়খি কঞ্জুমর এফেয়ার্স, ফুদ অমসুং পব্লিক দিস্ত্রিবিউসনগী য়ুনিয়ন মিনিস্তরনা লুচিংবা সেন্ত্রেল কঞ্জুমর প্রোতেক্সন কাউন্সিল অমা শেম্নবা নিয়মশিং লৈরে। মসিদা কঞ্জুমর এফেয়ার্স, ফুদ অমসুং পব্লিক দিস্ত্রিবিউসনগী রাজ্য মন্ত্রীনা ভাইস-চেয়রপর্সন ওইগনি অমসুং তোঙান-তোঙানবা হিরমগী অতোপ্পা মেম্বর ৩৪ লৈগনি। কাউন্সিলগী মতম চহি অহুম ওইগনি অমসুং কঞ্জুমরগী থবক থৌরমশিংগী মতাংদা অৱাং, খা, নোংপোক , নোংচুপ অমসুং অৱাং-নোংপোক লমদমগী মিনিস্তর ইন-চার্জ অমমম লৈগনি।

মহাক্কী লোইশিনবগী ৱারোলদা , মিনিস্তরনা হায়খি মমাংগী কঞ্জুমর প্রোতেক্সন এক্ত, ১৯৮৬ অসি অচুম্বা ৱায়েন পীনবা হোৎনবদা মতম য়াম্না চংই। পোৎ লৈরিবশিংগী হকশিং ঙাক্নবা অনৌবা এক্ত অসিদা এমেন্দমেন্ত কয়া লৈরে অমসুং অনৌবা ওইনা ই-কমর্স প্লেতফোর্মশিংগী নিয়মশিং হাপচিল্লে। অনৌবা এক্ত অসিনা লৈবাক অসিগী কঞ্জুমরশিংগী হক কনবা ঙমলগনি।

Click here for presentation on salient features of CPA 2019

****



(Release ID: 1639993) Visitor Counter : 38