লৈবাক অসিগী কেস ফেতালিতী রেৎ অসি তপ্না তপ্না লেপ্তনা হন্থরক্লি। ঙসিগী নুমিত্তা মসি ২.৪৬%তা তারে। ভারতনা মালেমগী ফেতালিতী রেৎ খ্বাইদগী নেম্বগী মনুং চনবা লৈবাক ওইরি। নিংথিনা পাংথোকপা চেকশিনবগী কাংলোন শিজিন্নবগী খুত্থাংদা ময়ায় ওইরপ্না অমসুং শাথিনা নাবা মীওইশিংবু নিংথিজনা লায়েংবা অমসুং য়েংশিনবদগী কোবিদ-১৯না নারবা মীওইশিং য়াম্না থুনা নাবা ফগৎপা ঙমহনবনি। কেন্দ্র সরকারনা কোবিদ-১৯গা পুন্না লান্থেংমিন্ননবগীদমক্তা রাজ্য/য়ু.তি.শিংবু শেন্নদুনা অমসুং শৌগত্তুনা অকনবা থৌরাং কয়া পায়খৎলি। মসিগুম্বা খোংথাংশিং অসিগী মনুংদা এমসকী ই.-আই.সি.য়ু. প্রোগ্রাম অসিসু অমনি। মী শিবগী চাং হন্থহনবদা পান্দম থমদুনা এমসনা রাজ্য ১১দা লৈবা অচৌবা হোস্পিতাল ৪৩বু আই.সি.য়ু.গী অনাবশিংবু নিংথিনা য়েংশিনবগী হীরমদা হৈ-শিংলবা অখং-অহৈ কয়াগী থেংনরকপগী লৌশিং অমসুং তেক্নিকেল ওইবা পাউতাক কয়াগী খুত্থাংদা তাকপিদুনা লাক্লি। মসিনা হোস্পিতালশিং অসিনা শাথিনা নাবা অনাবশিং লায়েংবদা চাউনা তেংবাংলি।

ঙসি ফাওবদা কোবিদ-১৯না নাবা মীওই লাখ ৭ হেন্না নাবা ফরবা তুংদা দিসচার্জ তৌখ্রে। মসিনা নাবা ফরবা (৭,০০,০৮৬) অমসুং কোবিদকী এক্তিব কেসকী মরক্তা লৈবা খেৎনবা অদু ৩,০৯,৬২৭ ওইদুনা চাউনা হেনগৎহল্লে। হৌখিবা পুং ২৪দা কোবিদ-১৯না নাবা মীওই ২২,৬৬৪ নাবা ফখি। মসিদগী রিকোবরী রেৎ অসি হৌজিক ৬২.৬২% য়ৌরে।

এক্তিব কেস ৩,৯০,৪৫৯ অসি হোস্পিতালশিং অমসুং য়ুমদা আইসোলেসন তৌদুনা নিংথিনা লায়েংলি।

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid19[at]gov[dot]in দা থাবীয়ু অমসুং অতোপ্পশিংগী ওইনা ncov2019[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবীগনি।

****