কোবিদ-১৯ মরম ওইদুনা মী শিবগী চাং হন্থহন্নবগী থবক ফগৎহন্নবা ২০২০গী জুলাই ৮দগী লৈবাক শীনবা থুংনা লৈরিবা আই.সি.য়ু দোক্তরশিংগা লোয়ননা এ.আই.আই.এ.এস. নই দিল্লীনা “ই-আই.সি.য়ু.” ভিদিও কন্সলতেন্সনগী থবক পায়খৎপা হৌরে। মসিগী পান্দমদি লৈবাক শীনবা থুংনা লৈরিবা কোবিদ-১৯ লায়েংনবা হোস্পিতালশিংগী অনাবশিং লায়েংলিবা দোক্তরশিংগী মরক্তা লায়েং-কাংলোনশিংগী মতাংদা ৱারি শানবনি। আই.সি.য়ুশিংদা লৈরিবা অনাবশিং য়াওনা কোবিদ-১৯গী অনাবশিং লায়েংলিবা দোক্তরশিং অমসুং এ.আই.আই.এ.এস. নই দিল্লীগী দোক্তরশিংগী মরক্তা লায়েংবগী মতাংদা লৌশিং পীথোক-পীশিন তৌনগনি।

ৱারি শানবা অসিগী মরুওইবা পান্দমদি কোবিদ-১৯ না শিবগী চাং হন্থহনবা অমসুং ফম্মুং ১০০০ ফাওবা লৈবা হোস্পিতাশিংদা লায়েংলিবা মীওইশিংদা খ্বাইদগী ফবা লায়েংবগী থবক ফংহনবনি। হৌজিক ফাওবদা ইন্সতিতুৎ ৪৩দা সেসন মরি পাংথোকখ্রে, মখোয় অদুদি ; মুম্বাই (১), গৱা (৩), দিল্লী (৩), গুজরাত (৩), তেলঙ্গনা (২), অসম(৫), কর্নাতকা (১), বিহার (১), অন্ধ্র প্রদেস (১), কেরলা (১), তামিল নাদু ( ১৩) নি।  

ভিদিও কনফরেন্সকী খুৎথাংদা পাংথোকখিবা সেন্সনশিং অদু পুং ১.৫দগী পুং ২ ফাওবা শাংখি। খন্নবা অদুদা কোবিদ-১৯ লায়েংবগা মরী লৈনবা হিরমশিং কোনশিনখি। থৌরম অদুদা মরম চানা রামদেসেবির, কনভাআলেসসেন্ত প্লাজমা অমসুং তোসিলিজুমাব শীজিন্নবগী মতাং য়াওনা মরুওইবা ৱাফমশিং খন্নখি। হায়রিবা হিদাকশিং অসি মথোং-মরম খঙদনবা শীজিন্নবদগী ওইরকপা য়াবা অমাঙবশিং অমসুং সোসিএল মেদিয়াদা পীরকপা ইথিলদা য়ুমফম ওইরগা হিদাক থাবগী থবক হন্থহনবগী দরকার ওইবা অদু কাংবু অদুনা খন্নখি।

থৌরম অদুদা প্রোনিং শীজিন্নবা, ওক্সিজেন চাং য়াম্না শীজিন্নবা, নন-ইভসিব ভেন্তিলেসন অমসুং ভেন্তিলেতর সেতিংগী মতাংদা খন্নখি। কোবিদ-১৯ অনাবা মশক খঙদোক্নবা হোৎনবদা শীজিন্নরিবা তোঙান-তোঙানবা চাংয়েং মখলশিংগী মতাংদসু খন্নখি। হঞ্জিন-হঞ্জিন চাংয়েং তৌবা, মিং চনবা অমসুং দিসচার্জ তৌবগী নিয়মশিং, দিসচার্জ তৌরবা মতুংদা লাকপা লাইওংশিং লায়েংবা অমসুং মহৌশাগুম্বা থবক-ইনখাং শুবা মতমদা থেংনবা খুদোংচাদবশিংগী মতাংদা খন্নখি।

অনাবশিংগা ই-পাউ ফাওনবা, হকশেলগী থবক তৌরিবা মীওশিং চাংয়েং তৌবা, দাইবেতিস লায়েংবা, স্ত্রোক, দাইরিয়া অমসুং মাইয়োকারদিএল ইনফ্রেক্সন লায়েংবা অসিনচিংবগী মতাংদা থেংনরিবা খুদোংচাদবশিংসু খন্নখি। এ.আই.আই.এ.এস নই দিল্লীগী কাংবু অসিনা ভিদিও কনফরেন্সকী খুৎথাংদা থোঙ ওইদুনা কাংবু অমগা কাংবু অমগগী মরক্তা লৈদুনা মখোয়না হৈজবা অমসুং খঙজবশিং পীথোক-পীশিন তৌনরি।

মতুংদা পাংথোক্কদৌরিবা “ই-আই.সি.য়ু ভিদিও কন্সলতেসনগী থৌরমশিংদা লৈবাক অসিদা লৈরিবা ফম্মুং ৫০০ অমসুং মসিগী মথক্তা লৈবা হোস্পিতালশিংগী আই.সি.য়ু দোক্তরশিং কোনশিনগনি।

****