কেন্দ্র অমসুং স্তেত/য়ু.তি. লৈঙাকশিংগী অনা লায়েংশঙদা পুখৎলকবা কেসশিংগী পান্দম নাইবা থৌরাংনা মরম ওইরগা ভারতকী কেস ফেতেলিতী রেত চাদা ২.৫গী মখাদা হন্থখ্রে‍। ইচঙ থৌবা লাকশিনবগী লাল্লোং, অকনবা তেস্তিং অমসুং পরীং চুমবা লায়েং পথাপ্তা য়ুম্ফম ওইদুনা মান্ননা শেম্লবা ক্লিনিকেল মেনেজমেন্ত প্রোতোকোলশিংনা মরম ওইরগা কেস ফেতেলিতী রেত অসি হন্থরকপনি‍। কেস ফেতেলিতী রেত চাং নাইনা হন্থরক্লি অমদি হৌজিক্কী ওইনা মসি চাদা ২.৪৯দা লৈরি‍। মালেমগী ওইনা খ্বাইদগী নেমবা চাংদা মী শিবশিংগী মরক্তা ভারতসু অমা ওইরি‍।

কেন্দ্রগী লমজিং মখাদা, স্তেত/য়ু.তি লৈঙাকশিংনা লৈঙাক্কী অমদি লনাইগী সেক্তরশিং পুনশিন্দুনা তেস্ত তৌবগী অমদি অনা লায়েংশঙশিংগী মচাক মথুম হেনগৎহল্লে‍। স্তেত কয়ানা অহল ওইরবশিং, মীরোনবী নুপীশিং অমসুং অতোপ্পা লায়না লৈবা মীওইশিংগুম্বা খুদোংথিনিংঙাই ওইবশিং খঙদোক্ননবা পোপুলেসন সর্ভে পাঙথোকখ্রে‍। মোবাইল এপকুমবা তেক্নোলোজিকেল পাম্বৈশিংগী লোয়নরগা মসিনা খুদোংথিনিংঙাই ওইবা মীওই কাঙলূপশিংবু লেপ্তনা য়েংশিন্দুনা থমবদা মতেং পাংদুনা, ঙন্না অনাবা খঙদোকপদা, মতম চানা লায়েং পীবদা অমদি শিবগী চাং হন্থহনবদা কান্নহল্লি‍। গ্রাউন্দ লেবেলদা অশা অমদি এ.এন.এম.গুম্বা মাঙজিন থাবা হকশেল থৌমীশিংনা মপান্দগী হল্লকপা মীয়াম পানবদা অমদি কৈরোয় লৈকায়গী থাক্তা মরীক চূম্না খঙহনবদা শিংথানিংঙাই ওইবা থবক পাঙথোক্লি‍। মসিনা মরম ওইরগা ভারতকী চাংচত্তগী হন্থনা সি.এফ.আর. লৈবা স্তেত অমসুং য়ু.তি. ২৯ লৈরে‍। স্তেত অমদি য়ু.তি. ৫দি সি.এফ.আর. জিরো লৈ‍রি‍। স্তেৎ অমসুং য়ু.তি. ১৪না সি.এফ.আর. চাদা ১দগী হন্থনা লৈরি‍। মসিনা লৈবাকসিগী মীয়ামগী হকশেলগী থৌমীশিংনা তৌরিবা শিংথানিংঙাই ওইরবা থবকসিবু উৎলি‍।

তেক্নিকেল ইসু, চৎন-কাংলোন অমদি পাউতাক ৱারোলশিংগা মরী লৈনবা কোবিদ-১৯গী মতাংদা অচুম্বা অমদি অনৌবা ৱাফমশিংগীদমক চাং নাইনা চঙবিয়ু: https://www.mohfw.gov.in/ অমদি @MoHFW_INDIA.

কোবিদ-১৯গা মরী লৈনবা তেক্নিকেল ওইবা ৱাহংশিং technicalquery.covid19[at]gov[dot]in দা অমদি অতোপ্পা ৱাহংশিংনা ncov2019[at]gov[dot]in অমদি @CovidIndiaSeva দা থারকপা য়াগনি‍।

কোবিদ-১৯গী মতাংদা হংবিনিংবা লৈরগনি, হকশেল অমদি য়াইফ-য়ুম্বাল মন্ত্রালয়গী তেংবাং নম্বরদা কোল তৌবিয়ু:  +91-11-23978046 নৎত্রগা 1075 (তোল ফ্রী). কোবিদ-১৯গী মতাংদা স্তেত/য়ু.তি.শিংগী তেংবাং নম্বরশিংগী লিস্ত ফংফম https://www.mohfw.gov.in/pdf/coronvavirushelplinenumber.pdf

****