হাউসিং অমসুং অর্বান এফিয়র্স মন্ত্রালয়গী সেক্রেতরী শ্রী দুর্গা শঙ্কর মিশ্রানা পি.এম. স্ত্রীদ বেন্দরগী অত্মানির্ভর নিধি (পি.এম. এস.ভি.এন.নিধি)গী মোবাইল এপ্লিকেসন ঙসি হৌদোকখ্রে। এপ অসিনা স্কিম অসিগী মখাদা লেন্দিং ইন্সতিত্যুৎশিং (এল.আই.শিং) অমসুং মখোয়গী স্ত্রীদ বেন্দরগী লোন থারকপদা পীনবগী মথৌ তৌরিবা লমশিংগী য়ুজরনা শীজিন্নবা নুংঙাইগদবা দিজিতেল ইন্তর্ফেস পীনবা পান্দম থম্লি। হৌদোকপগী থৌরম অসি ভিদিও কনফরেন্স অমগী খুত্থাংদা শিনখি মসিদা মন্ত্রাল্য়গী মকোক থোংবা ওফিসিএলশীং, অর্বান দিবেলপমেন্ত বিভাগকী প্রিন্সিপল সেক্রেতরীশিং অমসুং শরুক বারিবা স্তেৎশিং/য়ু.তি.শিংগী অতোপ্পা ওফিসিএলশিংনা য়াওখি।

পি.এম. এস.ভি.এন.নিধি মোবাইল এপ অসি দিজিতেল তেক্নোলোজী শীজিন্নবা হেনগৎনবা হোৎনবগী খোঙথাং অমনি অমসুং মসিনা লম অসিদা মথৌ তৌরিবা বেঙ্কিং কোরেস্পোন্দেন্তশিং (বি.সি.শিং) অমসুং নন-বেঙ্কিং ফাইনান্সিএল কম্পনীশিং (এন.বি.এফ.সি.শিং)গী এজেন্তশিং/ মাইক্রো ফাইনান্স ইন্সতিত্যুৎ (এম.এফ.আই.শিং) অসিগুম্বা স্ত্রীদ বেন্দরশিংগা নকনা লোয়নরিবা অসিনা স্কিম অসিনা পুম্নমক কোনশিনবা ঙমহনগনি। মোবাইল এপ অসি হৌদোকপনা স্ত্রীদ বেন্দরশিংদা চং-চাং য়াওদনা দিজিতেলদা মাইক্রো-ক্রেদিৎকী খুদোংচাবাশিং অসি ফংহনবগী মথক্তা স্কিম অসি ইমপ্লিমেন্ত তৌনবা ললোং য়াৎপদা থৌনা হাপলগনি হায়না থাজবা থম্লি।

মন্ত্রালয় অসিনা জুন ২৯, ২০২০দা ৱেব পোর্তেল হৌদোকখ্রে। এপ অসিদা পি.এম. এস.ভি.এন.নিধিগী ৱেব পোর্তেলদা য়াওবা ফিচর পুম্নমক চপ মান্ননা য়াওবগা লোয়ননা লাইনা শীজিন্নবা য়ানবা ফিচর হাপচিল্লি। ফিচরশিং অসিদা সর্ভে দেতাদা বেন্দর সর্চ তৌবা, এপ্লিকেন্তশিংগী ই-কে.আই.সি. এপ্লিকেসনগী থবক হৌবা, অমসুং রিএল তাইম মোনিতরিং য়াওরি। এপ অসি এল.আই.শিং অমসুং লম অসিদা মথৌ তৌরিবশিংনা গুল প্লেস্তোরদগী দাউনলোদ তৌবা য়াগনি। পি.এম. এস.ভি.এন.নিধিগী মখাদা জুলাই ২, ২০২০দগী হৌনা লেন্দিংগী থবক হৌখিবগা লোয়ননা স্তেৎশিং/য়ু.তি.শিংদা ৱার্কিং কেপিতেল লোনগীদমক স্ত্রী বেন্দর ১,৫৪,০০০ হেনবনা লৌনবা থারকখ্রে অমসুং মসিগী মনুংদা ৪৮,০০০গী ওইনদি কায়থখ্রে।

পি.এম. এস.ভি.এন.নিধি অসি কোবিদ-১৯গী লোকদাউন অসিনা মরম ওইগা শোকহল্লবা স্ত্রীদ বেন্দরগী হিংনবগী পাম্বৈশিং অমুক হন্না হৌনবা শিংবা ঙমগদবা ৱার্কিং কেপিতেল লোন ফংহন্নবা হাউশিং অমসুং অর্বান এফিয়র্স মন্ত্রালয়না হৌদোকখি। স্কিম অসিনা সহরগী নক্নবা মফমগী অকোয়বা/ খুঙ্গংগী মফমশিং য়াওনা সহরগী মফমশিংদা মার্চ ২৪, ২০২০ নত্রগা মমাংদা ফম্লমবা স্ত্রীদ বেন্দর লাখ ৫০ হেনবদা কান্নবা ফংহন্নবা পান্দম থম্লি। স্কিম অসিগী মখাদা বেন্দরশিংনা চহি অমগী মতমগী মতুংদা থাগী ওইনা শিংগৎপা য়াবা ৱার্কিং কেপিতাল লোন লুপা ১০,০০০ ফাওবা লৌবা য়াই। লোন অসি মতম চানা/ঙন্না শিংদোক্লবদি দাইরেক্ত বেনিফিৎ ত্রান্সফরগী খুত্থাংদা থা অহুম খুদিংগী বেনিফিসরীশিংগী বেঙ্ক একাউন্তশিংদা চহি অমদা @ ৭%গী শেন্দোইগী সবসিদী চংগনি। লোন অসি ঙন্না শিংদোকপদা পেনাল্তী লৈরোই। স্কিম অসিনা থা অমদা লুপা ১০০ ফাওবগী শেনমগী কেশ বেক্কী কান্নবগা লোয়ননা দিজিতেল ত্রাঞ্জেক্সনশিং থৌগৎলি। মসিগী মথক্তা লোন অসিগী ক্রেদিৎ লিমিৎকী মনুংদা মতম চানা/ ঙন্না শিংদোকপগী খুদোংচাবা ফংবা হেনগৎহন্দুনা শেন্মীৎলোন ফগৎনবা পান্দম অদুসু বেন্দরশিংনা ফংবা ঙম্লগনি।

***