ৱান নেসন ৱান রেসন কার্দকী খুদোংচাবা অসি স্তেৎ অমদগী স্তেৎ অমদা শীজিন্নবা য়াবা রেসন কার্দ ওইনা স্তেৎ ৪দা ওগস্ত ২০১৯দগী চৎনবা হৌখি। মসিদগী হৌনা অপুনবা স্তেৎ/য়ু.তি. ২০না লেপ্পা নাইরোইদবা নেস্নেল পোর্তেবিলিতী ক্লস্তর অমা ওইনা জুন ২০২০দগী হৌদুনা পুন্না পুনশিনখ্রে। অসুম তৌদুনা খুদোংচাবা অসি হৌজিক্কী ওইনা স্তেৎ/য়ু.তি. ২০দা নফসা কার্দ পাইবশিংদা ফংহনখ্রে। হায়রিবা স্তেৎশিং/য়ু.তি.শিং অদুদি অন্ধ্র প্রদেশ, হরিয়ানা, কর্নতক, মহারাস্ত্র, ওরিশা, সিক্কিম, মিজোরাম, তেলঙ্গনা, কেরেলা, পঞ্জাব, ত্রিপুরা, বিহার, গোৱা, হিমাচল প্রদেশ, দদ্রা অমসুং নগর হবেলি অমসুং দমন অমসুং দিয়ু, গুজরাত, উত্তর প্রদেশ,ঝর্খন্দ, মধ্য প্রদেশ অমসুং রাজাস্থাননি।

হৌজিক্কী ওইনা জম্মু অমসুং কাশমির, মনিপুর, নাগালেন্দ অমসুং উত্তরাখন্দ, অহেনবা স্তেৎ/য়ু.তি. ৪ অসিদা লৈবাক পুম্বদা শীজিন্নবা য়ারবা খুদোংচাবা অসি ৱান নেসন ৱান রেসন কার্দকী মখাদা অথুবদা ফংহন্নবা ত্রাইএল অমসুং তেস্তিং তৌবা লোইখ্রে। মসিগী মথক্তা সেন্ত্রেল দেশবোর্দকী খুত্থাংদা স্তেৎশিং/য়ু.তি.শিং অসিগী স্তেৎ অমগা অমগী মরক্তা ত্রাঞ্জেক্সনশিং অমসুং য়েংশিন্নবা মথৌ তাবা ৱেব-সর্ভিস অদুসু এক্তিবেৎ তৌখ্রে। অতোপ্পা স্তেৎ/য়ু.তি. পুম্নমক্না মার্চ ২০২১গী মমাংদা পুনশিন্নবা পান্দম থমখ্রে।

স্তেৎ/য়ু.তি. পুম্নমক্কা চুংশিন্নদুনা হৌজিক চত্থরিবা সেন্ত্রেল সেক্তর স্কিম “ইন্তিগ্রেতেদ মেনেজমেন্ত ওফ পব্লিক দিস্ত্রিব্যুসন সিস্তেম (আই.এম.-পি.দি.এস.)কী মখাদা লৈবাক অসিগী মফম অমা হেক্তদা লৈরবসু  লৈবাক পুম্বদা শীজিন্নবা য়ারবা রেসন কার্দশিং ইমপ্লিমেন্ত তৌদুনা ৱান নেসন ৱান রেসন কার্দকী খুদোংচাবা অসি ফুদ অমসুং পব্লিক দিসত্রিব্যুসন বিভাগনা নেস্নেল ফুদ সেক্যুরিতী এক্ত (নফসা), ২০১৩গী মখাদা কোনশিল্লিবা বেনিফিসরী পুম্নমক্তা ফংফম থোকপা ফুদ সেক্যুরিতীশিং ফংহন্নবা আশা লৈবা অচৌবা থৌরাং অমনি।

সিস্তেম অসিগী খুত্থাংদা, থবক থিবনা মরম ওইরগা লৈফম তোয়না হোংদোক হোংজিন তৌরিবা মাইগ্রেতরী নফসা বেনিফিসরীশিংনা এফ.পি.এস.শিংদা ইন্সতোল তৌরিবা ইলেক্ত্রোনিক পোইন্ত ওফ সেল (ই.পি.ও.এস.) দিবাইজ অমনা ওথেন্তিফিকেসন তৌরবা মখোয়গী চপ মান্নবা/হান্না লৈরবা রেসন কার্দকা লোয়ননা বাইওমেত্রিক/আধার শীজিন্নরগা লৈবাক অসিগী মফম অমা হেক্তদা মখোয়না অপাম্বা ফিয়র প্রাইস শোপ (এফ.পি.এস) অমা হেক্তদগী মখোয়গী ফংফম থোকপা চেঙ হৱাইগী শরুক অদু হৌজিক্তি লৌনবা খুদোংচাবা লৈরগনি। 

অসুম্না লৈবাক অসিদা লৈরিবা এফ.পি.এস. অমা হেক্তদা বেনিফিসরীশিংনা মখোয়গী রেসন কার্দ নম্বর নত্রগা আধার নম্বর হায়রগা লৌবা য়াহল্লিবা সিস্তেম অসিগী মরু ওইরিবা অসি এফ.পি.এস.শিংদা ই.পি.ও.এস. দিবাইজশিং ইন্সতোল তৌবা অমসুং বাইওমেত্রিক/আধার ওথেন্তিকেসনগীদমক্তা বেনিফিসরীশিংগী আধার সীদিং তৌবা অসিনি। রেসন কার্দতা আধার সীদিং তৌখ্রবা ইমুং অদুগী মীওই অমা হেক্তনা রেসন লৌনবা ওথেন্তিকেসন তৌবা য়াগনি। কান্নবা অসি ফংনবা রেসন দিলরগী মনাক চৎপদা রেসন কার্দ নত্রগা আধার কার্দ পুবগী মথৌ তাররোই। বেনিফিসরীশিংনা মখোয়গী ফিঙ্গর প্রিন্তশিং নত্রগা মীনহাদা য়ুম্ফম ওইবা শাক তাক্নবা শীজিন্নরগা আধার ওথেন্তিকেসন তৌবা য়াই।

****