ମାନ୍ୟବରଗଣ

ଭଦ୍ର ମହିଳା ଓ ପୁରୁଷଗଣ,

ଚଳିତ ବର୍ଷ ଆମେମାନେ ମିଳିତ ଜାତିସଂଘ ପ୍ରତିଷ୍ଠାର 75 ତମ ବର୍ଷ ପୂର୍ତ୍ତି ପାଳନ କରୁଛନ୍ତି । ମାନବ ଜାତି ପ୍ରଗତି ପାଇଁ ଜାତିସଂଘର ବହୁ ଅବଦାନକୁ ସ୍ୱୀକୃତି ଦେବା ପାଇଁ ଏହା ଏକ ଅବସର । ଜାତିସଂଘର ଭୂମିକା ତଥା ଏବେକାର ବିଶ୍ୱରେ ଏହାର ଆବଶ୍ୟକତା ଏବଂ ଏକ ଉତ୍ତମ ଭବିଷ୍ୟତ ନିମନ୍ତେ ସମୀକ୍ଷା କରିବା ପାଇଁ ଏହା ଏକ ସୁଯୋଗ ।

ମାନ୍ୟବରଗଣ,

ଦ୍ୱିତୀୟ ବିଶ୍ୱଯୁଦ୍ଧର ତତ୍କାଳ ପରେ ପରେ ମିଳିତ ଜାତିସଂଘର 50 ପ୍ରତିଷ୍ଠାତା ସଦସ୍ୟଙ୍କ ମଧ୍ୟରୁ ଭାରତ ଅନ୍ୟତମ । ଏହାପରଠାରୁ ଅନେକ ପରିବର୍ତ୍ତନ ଆସିଛି । ଆଜି ମିଳିତ ଜାତିସଂଘ 193ଟି ସଦସ୍ୟ ରାଷ୍ଟ୍ରକୁ ଏକତ୍ରିତ କରିପାରିଛି । ଏହାର ସଦସ୍ୟତା ସମେତ ସଂଗଠନଠାରୁ ଆଶା ମଧ୍ୟ ବଢ଼ିଛି । ଅପର ପକ୍ଷରେ ଏହି ସମୟରେ ବହୁ ପକ୍ଷବାଦ ଏବେ ଅନେକ ସମସ୍ୟାର ସମ୍ମୁଖୀନ ହେଉଛି ।

ମାନ୍ୟବରଗଣ,

ଆରମ୍ଭରୁ ହିଁ ଭାରତ ସକ୍ରିୟ ଭାବେ ମିଳିତ ଜାତିସଂଘର ବିକାଶମୂଳକ କାର୍ଯ୍ୟ ଓଇସିଓଏସ୍ଓସିକୁ ସମର୍ଥନ କରିଆସିଛି । ଇସିଓଏସ୍ଓସିର ପ୍ରଥମ ସଭାପତି ଭାରତୀୟ ଥିଲେ ।  ନିରନ୍ତର ବିକାଶ ଲକ୍ଷ୍ୟ ସମେତ ଇସିଓଏସ୍ଓସିର ବିଭିନ୍ନ ଏଜେଣ୍ଡାକୁ ଆକାର ଦେବାରେ ଭାରତର ଅବଦାନ ରହିଛି । ଆଜି ଆମର ଘରୋଇ ପଦକ୍ଷେପ କାରଣରୁ ଆମେମାନେ 2030 ଏଜେଣ୍ଡା ଓ ନିରନ୍ତର ବିକାଶ ଲକ୍ଷ୍ୟକୁ ହାସଲ କରିବାକୁ ଯାଉଛେ । ଆମେମାନେ ଅନ୍ୟ ବିକାଶଶୀଳ ରାଷ୍ଟ୍ରଗୁଡ଼ିକୁ ମଧ୍ୟ ସେମାନଙ୍କର ନିରନ୍ତର ବିକାଶ ଲକ୍ଷ୍ୟ ହାସଲରେ ସହାୟତା କରୁଛେ ।

ମାନ୍ୟବରଗଣ,

ମାନବ ଜାତିର ଏକ ଷଷ୍ଠାଂଶ ଭାରତରେ ବାସ କରୁଛନ୍ତି । ଆମେମାନେ ଆମ ଦାୟିତ୍ୱ ନେଇ ବେଶ ଅବଗତ । ଆମେ ଜାଣିଛୁ ଯେ ଭାରତ ନିଜର ବିକାଶ ମୂଳକ ଲକ୍ଷ୍ୟକୁ ସଫଳ ତାର ସହ ହାସଲ କରୁଛି, ବୈଶ୍ବିକ ଲକ୍ଷ୍ୟକୁ ହାସଲ କରିବାରେ ମଧ୍ୟ ଏହା ଚେଷ୍ଟାରତ ଏବଂ ସେଥିପାଇଁ ଆମେ ଆମର ରାଜ୍ୟ, ସ୍ଥାନୀୟ ସରକାର, ନାଗରିକ

ସମାଜ, ଗୋଷ୍ଠୀ ଓ ଲୋକମାନଙ୍କୁ ନିୟୋଜିତ କରିଛୁ ।

ଆମର ଲକ୍ଷ୍ୟ ହେଉଛି, ସବକା ସାଥ୍, ସବକା ବିକାଶ, ସବକା ବିଶ୍ୱାସ- ଅର୍ଥାତ ସମସ୍ତଙ୍କର ଅଭିବୃଦ୍ଧି ପାଇଁ ସମସ୍ତଙ୍କ ବିଶ୍ୱାସ ସହ ଏକତ୍ରିତ ହେବା । କାହାକୁ ପଛରେ ନଛାଡ଼ିବା ନେଇ ଏସଡିଜିର ମୁଖ୍ୟ ସିଦ୍ଧାନ୍ତକୁ ଏହା ପ୍ରତିଫଳିତ କରୁଛି । ପୋଷକ ହେଉବା ସ୍ୱାସ୍ଥ୍ୟ, ଶିକ୍ଷା, ବିଜୁଳି କିମ୍ବା ହାଉସିଂ- ସବୁଥିରେ ସାମଗ୍ରିକ କାର୍ଯ୍ୟକ୍ରମ ଜରିଆରେ ଆମେ ପ୍ରଗତି ଜାରି ରଖିଛୁ ।

ମାନ୍ୟବରଗଣ,

ଗତବର୍ଷ, ଆମେ ଦେଶର 6 ଲକ୍ଷ ଗ୍ରାମରେ ସମ୍ପୂର୍ଣ୍ଣ ପରିମଳ ବ୍ୟବସ୍ଥାକୁ ହାସଲ କରି ଜାତିର ପିତା ମହାତ୍ମାଗାନ୍ଧୀଙ୍କ 150 ତମ ଜନ୍ମବାର୍ଷିକୀ ପାଳନ କରିଥିଲୁ ।

5 ବର୍ଷ ଭିତରେ ଆମେ 110 ନିୟୁତ ଘରେ ଶୌଚାଳୟ ନିର୍ମାଣ କରି ବ୍ୟାପକ ସଚେତନତା ତଥା ମହିଳାଙ୍କୁ ସଶକ୍ତ କରି ଗ୍ରାମୀଣ ପରିମଳକୁ 38%ରୁ 100%ରେ ପହଂଚାଇଛୁ । ପ୍ରାଥମିକ ଓ ମାଧ୍ୟମିକ ଶିକ୍ଷାରେ ଲିଙ୍ଗଗତ ସମାନତା ହାସଲ କରିଛୁ । ଆମର ଜୀବିକା ମିଶନ ଅଧୀନରେ ପାଖାପାଖି 70 ନିୟୁତ ଗ୍ରାମୀଣ ମହିଳା ସ୍ୱୟଂ ସହାୟକ ଗୋଷ୍ଠୀର ଅଂଶ ହୋଇ ପାରିଛନ୍ତି । ସେମାନେ ବୃହତ ଆକାରରେ ଜୀବନ ଓ ଜୀବିକାରେ ପରିବର୍ତ୍ତନ ଆଣୁଛନ୍ତି । 1 ନିୟୁତରୁ ଅଧିକ ମହିଳା ଆମର ସ୍ଥାନୀୟ ସରକାରକୁ ପ୍ରତିନିଧି ଭାବେ ନିର୍ବାଚିତ ହୋଇ ବିକାଶ ପ୍ରକ୍ରିୟାରେ ସାମିଲ ହୋଇଛନ୍ତି । ଗତ 6 ବର୍ଷ ମଧ୍ୟରେ ଆମେ ଅଣବ୍ୟାଙ୍କିଙ୍ଗ୍ ଅଂଚଳରେ 400 ନିୟୁତ ବ୍ୟାଙ୍କ ଖାତା ଖୋଲିଛୁ, ସେଥି ମଧ୍ୟରୁ 220 ନିୟୁତ ମହିଳାଙ୍କ ନାମରେ ଖୋଲାଯାଇଛି । ଆର୍ଥିକ ଅନ୍ତର୍ଭୁକ୍ତୀକରଣ ପାଇଁ ଆମେ ଟେକ୍ନୋଲୋଜିର କ୍ଷମତାକୁ ବ୍ୟବହାର କରିଛୁ । ଏକକ ପରିଚୟ ପତ୍ର, ଏକ ବ୍ୟାଙ୍କ ଖାତା ଓ ମୋବାଇଲ ନମ୍ବର ଜରିଆରେ ଏହା ସମ୍ଭବପର ହୋଇପାରିଛି । ଏହା ମାଧ୍ୟମରେ ଆମେ 700 ନିୟୁତ ବ୍ୟକ୍ତିଙ୍କ ନିକଟକୁ 150 ବିଲିୟନ ଡଲାର ସହାୟତା ରାଶି ପ୍ରତ୍ୟକ୍ଷ ଲାଭ ହସ୍ତାନ୍ତର ପ୍ରକ୍ରିୟାରେ ପ୍ରଦାନ କରିଛୁ ।  ଆମର ଖାଦ୍ୟ ନିରାପତା କାର୍ଯ୍ୟକ୍ରମ 813 ନିୟୁତ ନାଗରିକଙ୍କ ପାଖରେ ପହଂଚିଛି ।

ଆମ ‘ହାଉସିଂ ଫର୍ଅଲ୍’ କାର୍ଯ୍ୟକ୍ରମରେ 2022 ସୁଦ୍ଧା ଦେଶ ସ୍ୱାଧୀନତାର 75 ବର୍ଷ ପୂର୍ତ୍ତି ଅବସରରେ ଦେଶର ପ୍ରତିଟି ନାଗରିକଙ୍କ ମୁଣ୍ଡ ଉପରେ ଏକ ସୁରକ୍ଷିତ ଓ ନିରାପଦ ଛାତ ସୁନିଶ୍ଚିତ କରିବାକୁ ଲକ୍ଷ୍ୟ ରଖିଛୁ । ସେତେବେଳକୁ ଏହି କାର୍ଯ୍ୟକ୍ରମ ଅଧୀନରେ 40 ନିୟୁତ ନୂଆ ବାସ ଗୃହ ନିର୍ମାଣ କରାଯିବ- ଯାହାକି ବହୁରାଷ୍ଟ୍ରର ମୋଟ ପରିବାର ତୁଳନାରେ ଢେର ଅଧିକ । ଆଜି ଆମର ‘ଆୟୂଷ୍ମାନ ଭାରତ’ ସ୍କିମ ବିଶ୍ୱର ସର୍ବବୃହତ ସ୍ୱାସ୍ଥ୍ୟ ନିରାପତା କାର୍ଯ୍ୟକ୍ରମରେ ପରିଣତ ହୋଇଛି । ଏହା ଅଧୀନରେ 500 ନିୟୁତ ଲୋକଙ୍କ ସ୍ୱାସ୍ଥ୍ୟକୁ ନିରାପତା ଦିଆଯାଇ ପାରିଛି । କରୋନା ବିରୋଧୀ ଲଢ଼େଇରେ ଆମର ତୃଣମୂଳସ୍ତରର ସ୍ୱାସ୍ଥ୍ୟ ବ୍ୟବସ୍ଥାର ସହଯୋଗ କାରଣରୁ ଭାରତ ବିଶ୍ୱର ଅନ୍ୟତମ ସର୍ବୋତମ ଆରୋଗ୍ୟ ହାରକୁ ସୁନିଶ୍ଚିତ କରିପାରିଛି । 2025 ସୁଦ୍ଧା ଟିବିକୁ ହଟାଇବା ପାଇଁ ଆମେ କାର୍ଯ୍ୟ କରୁଛୁ । ଅନ୍ୟ ବିକାଶଶୀଳ ରାଷ୍ଟ୍ରଗୁଡ଼ିକ ଭାରତର ବ୍ୟାପକ ବିକାଶ ମୂଳକ କାର୍ଯ୍ୟକ୍ରମର ସଫଳତାରୁ ଶିଖିବା ଉଚିତ । ଏହା ସହ ଆମେ ନିୟୋଜିତ କରିଥିବା ଟେକ୍ନୋଲୋଜି ଓ ସୃଜନଶୀଳତାରୁ ମଧ୍ୟ ।

ମାନ୍ୟବରଗଣ,

ବିକାଶର ପଥରେ ଆଗେଇ ଚାଲିଥିବା ବେଳେ ଆମେ ଆମ ଦୁନିଆ ପ୍ରତିଥିବା ଦାୟିତ୍ୱବୋଧକୁ ମଧ୍ୟ ଭୁଲି ନାହୁଁ । ଗତ କିଛି ବର୍ଷ ମଧ୍ୟରେ ଆମେ ଅଙ୍ଗାରକ ନିର୍ଗମନକୁ ବାର୍ଷିକ 38 ନିୟୁତ ଟନ ହ୍ରାସ କରିଛୁ । ଆମର ଗ୍ରାମ ଗୁଡ଼ିକୁ ବିଦ୍ୟୁତୀକରଣ କରିବା ସହ 80 ନିୟୁତ ଗରିବ ପରିବାରକୁ ସ୍ୱଚ୍ଛ ରୋଷେଇ ଇନ୍ଧନ ଯୋଗାଇ ତଥା ଶକ୍ତି ସଂଚୟକାରୀ ପଦକ୍ଷେପ ଜରିଆରେ ଏହା ହାସଲ ହୋଇଛି ।  2030 ସୁଦ୍ଧା 450 ଗିଗାୱାଟର ଅକ୍ଷୟ ଶକ୍ତି ସ୍ଥାପନ ସହ 26 ନିୟୁତ ହେକ୍ଟର ଜମିକୁ ପୁନରୁଦ୍ଧାର ପାଇଁ ଲକ୍ଷ୍ୟ ରଖିଛୁ । ପ୍ରକୃତି ସହ ବାସକରିବାର ଆମର ବର୍ଷ ପୁରୁଣା ପରମ୍ପରା ରହିଛି । ସଫେଇ ନେଇ ଆମେ ସର୍ବବୃହତ ଅଭିଯାନ ଆରମ୍ଭ କରିଥିଲୁ ଏବଂ ସିଙ୍ଗଲ-ୟୁଜର ପ୍ଲାଷ୍ଟିକ ବ୍ୟବହାରକୁ ନିରୁତ୍ସାହିତ କରିଛୁ । ଆନ୍ତର୍ଜାତିକ ସ୍ତରରେ, ଜଳବାୟୁ ପରିବର୍ତ୍ତନ ଲକ୍ଷ୍ୟକୁ ପୂରଣ କରିବା ପାଇଁ ଆମେ ଆନ୍ତର୍ଜାତିକ ସୋଲାର ଆଲିଆନ୍ସ ସ୍ଥାପନ କରିଛୁ । ସେହିଭଳି ବିପର୍ଯ୍ୟୟ ମୁକାବିଲାକାରୀ ଭିତ୍ତିଭୂମି ମେଂଟ ଏକ ବ୍ୟାପକରଣ ନୀତିରେ ସମସ୍ତ ଅଂଶୀଦାରଙ୍କୁ ଏକାଠି କରାଯାଇଛି । ଏକ ଜରୁରୀକାଳୀନ ବନ୍ଧୁ ଭାବେ ଆମ କ୍ଷେତ୍ରରେ ଆମେ ସବୁବେଳେ ପ୍ରଥମ ପ୍ରତିକ୍ରିୟାକାରୀ ଭାବେ ନିଜକୁ ଗୌରବାନ୍ୱିତ ମନେ କରୁଛୁ । ଭୂମିକମ୍ପ ହେଉ ଅବା ବାତ୍ୟା ଅଥବା ଅନ୍ୟ କେଉଁ ପ୍ରାକୃତିକ ଦୁର୍ବିପାକ କି ମନୁଷ୍ୟକୃତ ସଙ୍କଟ, ଭାରତ ତତ୍କାଳ

ଓ ସଂହତିର ସହ ପ୍ରତିକ୍ରିୟା କରିଛି । କୋଭିଡ ବିରୋଧୀ ଲଢ଼େଇରେ ଆମେ 150ରୁ ଅଧିକ ରାଷ୍ଟ୍ରକୁ ମେଡିକାଲ ଓ ଅନ୍ୟ ସହାୟତା ପଠାଇଛୁ । ଆମ ପଡ଼ୋଶୀ ରାଷ୍ଟ୍ରଗୁଡ଼ିକ ନିମନ୍ତେ ସାର୍କକୋଭିଡ୍ ଏମର୍ଜେନ୍ସି ପାଣ୍ଠି ଗଠନ ପାଇଁ ଆମେ ସହାୟତାକରିଛୁ ।

ମାନ୍ୟବରଗଣ,

କୋଭିଡ-19 ସମସ୍ତ ରାଷ୍ଟ୍ରର ନାମନୀୟତାକୁ ଗୁରୁତର ଭାବେ ପରୀକ୍ଷା କରିଛି । ଭାରତରେ ଆମେ ସରକାର ଓ ସମାଜର ମିଳିତ ପ୍ରଚେଷ୍ଟାରେ ମହାମାରୀ ବିରୋଧୀ ଲଢ଼େଇକୁ ଜନଆନ୍ଦୋଳନରେ ପରିଣତ କରିଛୁ । ଗରିବ ଲୋକଙ୍କୁ ଫାଇଦା ପହଂଚାଇବା ପାଇଁ ଆମେ ସର୍ବାଧିକ ପ୍ରାଧାନ୍ୟ ଦେଇଛୁ । ଆମେ 300 ବିଲିୟନ ଡଲାରରୁ ଅଧିକ ମୂଲ୍ୟର ପ୍ୟାକେଜ ଘୋଷଣା କରିଛୁ । ଏହା ଅର୍ଥନୀତିକୁ ଟ୍ରାକକୁ ଫେରାଇ ଆଣିବ, ଆଧୁନିକ ଭିତ୍ତିଭୂମି ନିର୍ମାଣ କରାଇବ ଏବଂ ଟେକ୍ନୋଲୋଜି ଚାଳିତ ସିଷ୍ଟମକୁ କାର୍ଯ୍ୟକ୍ଷମ କରାଇବ । ବିଶ୍ୱ ଅର୍ଥନୀତି ସହ ସମନ୍ୱିତ ହୋଇ ଏକ ଆତ୍ମନିର୍ଭରଶୀଳ ତଥା ନମନୀୟ ଭାରତ ‘ଆତ୍ମନିର୍ଭର ଭାରତ’ ଭିଜନ ନେଇ ଆମେ କାର୍ଯ୍ୟ କରୁଛୁ ।

ମାନ୍ୟବରଗଣ,

ବହୁପକ୍ଷୀୟ ବ୍ୟବସ୍ଥା ଜରିଆରେ ନିରନ୍ତର ଶାନ୍ତି ଓ ସମୃଦ୍ଧି ହାସଲ ପଥରେ ଭାରତ ଦୃଢ଼ ବିଶ୍ୱାସ ରଖେ । ପୃଥିବୀର ସନ୍ତାନ ଭାବେ ଆମେ ସର୍ବସାଧାରଣ ଆହ୍ୱାନ ଓ ସର୍ବସାଧାରଣ ଲକ୍ଷ୍ୟ ହାସଲ ପାଇଁ ହାତ ମିଶାଇବା ଉଚିତ । କିନ୍ତୁ ବହୁ ପକ୍ଷବାଦ ସମକାଳୀନ ବିଶ୍ୱର ବାସ୍ତବତାକୁ ପ୍ରତିଫଳନ କରିବା ଉଚିତ । ଏହାର କେନ୍ଦ୍ରରେ କେବଳ ଏକ ସଂଶୋଧିତ ବହୁପକ୍ଷବାଦ ସହ ସଂଶୋଧିତ ମିଳିତ ଜାତିସଂଘ ହିଁ ମାନବତାର ଆକାଂକ୍ଷାକୁ ପୂରଣ କରିପାରିବ । ଆଜି ମିଳିତ ଜାତିସଂଘର 75ତମ ବର୍ଷ ପୂର୍ତ୍ତି ପାଳନ ଅବସରରେ ଆସନ୍ତୁ ପ୍ରତିଜ୍ଞାବଦ୍ଧ ହେବା, ଗ୍ଲୋବାଲ ମଲ୍ଟି ଲାଟେରାଲ ସିଷ୍ଟମର ସଂଶୋଧନ କରିବା । ଏହାର ଆବଶ୍ୟକତାକୁ ସମ୍ପସାରଣ କରିବାପାଇଁ, ଏହାର ଦକ୍ଷତାକୁ ସୁଧାରିବା ପାଇଁ ଏବଂ ଏହାକୁ ଏକ ନୂଆ ମାନବ-କୈନ୍ଦ୍ରିକ ଗ୍ଲୋବାଲାଇଜେସନ୍ପ ପାଇଁ ମୂଳ ଆଧାରରେ ପରିଣତ କରିବା । ଦ୍ୱିତୀୟ ବିଶ୍ୱଯୁଦ୍ଧର ଅଗ୍ନିରୁ ମିଳିତ ଜାତିସଂଘର ଜନ୍ମ ହୋଇଥିଲା । ଆଜି ମହାମାରୀର ଅଗ୍ନି ଏହାର ପୁନର୍ଜନ୍ମ ଓ ସଂସ୍କାର ପାଇଁ ପ୍ରସଙ୍ଗ ପାଲଟିଛି । ଆସନ୍ତୁ ଏହି ସୁଯୋଗକୁ ହାତଛଡ଼ା କରିବା ନାହିଁ ।

ମାନ୍ୟବରଗଣ,

ଏହି ଗୁରୁତ୍ୱପୂର୍ଣ୍ଣ ସମୟରେ ଭାରତ ମିଳିତ ଜାତିସଂଘର ନିରାପତା ପରିଷଦକୁ ନିର୍ବାଚିତ ହୋଇଛି । ବିଶ୍ୱରେ ସୁସମ୍ପର୍କ ଜାରି ରଖିବା ସହ ସାମାଜିକ-ଅର୍ଥନୈତିକ ସମାନତାରେ ସୁଧାର ଏବଂ ପ୍ରକୃତିର ସନ୍ତୁଳନ ସଂରକ୍ଷଣ ରଖିବାକୁ ଗଭୀର ପ୍ରତିଶ୍ରୁତିବଦ୍ଧତା ନେଇ ଭାରତ ମିଳିତ ଜାତିସଂଘର ଏଜେଣ୍ଡାକୁ ସମର୍ଥନ ଜଣାଇ ନିଜ ଭୂମିକା ପୂର୍ଣ୍ଣ ଭାବେ ତୁଲାଇବ ।

*************