প্রধানমন্ত্রীগী লোইশঙ

১৫শুবা ভারত-ই.য়ু. (ভর্চুএল) সম্মিত: প্রধান মন্ত্রী শ্রী নরেন্দ্র মোদীনা পীখিবা হৌদোক-ৱারোল

Posted On: 15 JUL 2020 5:16PM by PIB Imphal

থোইদোক হেন্দোক্লবশিং, খুরুমজরি!

মার্চ থাদা পাঙথোক্লমগদবা ভারত-ই.য়ু. সম্মিত অসি কোবিদ-১৯না মরম ওইদুনা ঐখোয়না য়ৈথোকপা তাখি‍। নুংঙাইবা ৱাফমদি ঙসি ঐখোয়না ভর্চুএল মেদিয়মগী খুত্থাঙদা উনরি‍। অহানবমক্তদা, য়ুরোপ্তা কোরোনানা মাংহন তাকহল্লিবশিংগীদমক্তা ঐনা নুংঙাইতবা ফোঙদোকচরি‍। অদোমগী হৌদোক-ৱারোলগীদমক থাগৎচরি‍। অদোমগুম্না, ঐসু ভারত অমসুং ই.য়ু.গী মরক্তা লৈনরিবা মরী অসি হেন্না চেৎশিন্নবা অমদি হেন্না মপাঙ্গল কনখৎহন্নবা চপ য়ুংনা লেপ্লি‍। মসিগীদমক ঐখোয়না অশাংবা মতমগী ওইবা মীৎয়েং শানবা খুজিন থৌরাং অমা শীজিন্নবা মথৌ তাই‍।

মসিগী মথক্তা, অকক্নবা মতম অমগী মনুংদা পায়খৎপা য়াবা থবক্তা য়ুম্ফম ওইবা এজেন্দা অমা শেমগৎকদবনি‍। ভারত অমসুং ই.য়ু. মহৌশাগী ওইবা খোঙবুনি‍। ঐখোয়বু খোঙবু ওইবগী মরী অসি মালেমসি ইং চিকনা, তংদু লৈতানা লৈহনবদা মরুওই‍। হায়রিবা ৱাফমসিমক ঙসিগী মালেমগী ওইরিবা ফীভমসিদা হেন্না ময়েক শেংলক্লি‍।

দিমোক্রেসী, প্লুরেলিজম, ইনক্লুজিভিতী, মালেমগী ইনস্তিত্যুসনশিংবু ইকায়খুম্নবা, মল্তিলেতরেলিজম, নীংখা তমবা অমদি লৌথুপ লৌকোয় লৈতবনচিংবা পুম্নমক্না য়ানবা ৱাখল্লোনশিং নাকল অনিমক্তা লৈ‍। কোবিদ-১৯গী মতুংদা মালেমগী শেন্মিৎলোনগী লমা অনৌবা সমস্যা কয়া থোরক্লি‍। মসিদা দিমোক্রেতিক লৈবাকশিংগী মরক্তা হেন্না মতেং পাংনবা মথৌ তারি‍।

ঙসিদি, ঐখোয়গী মীয়ামগী হকশেল অমসুং নুংঙাই য়াইফবা অনিমক্তা শীংনবা কয়া থেংনরি‍। চৎন-কাংলোন কয়াদা য়ুম্ফম মালেমগী মওং অসিদা শাফু মখা কয়ানা য়ৈররি‍। অসিগুম্বা ফীভম অসিদা ভারত-ই.য়ু.গী খোঙবু অসিনা শেন্মিৎলোন অমুক হন্না শেমগৎপদা, অমদি মীওইবদা অমদি মীওইবা খুন্নাইদা য়ুম্ফম ওইবা গ্লোবেলাইজেসন অমা শাগৎপদা মশক থোকপা থৌদাং লৌবা ঙমগনি‍। হৌজিক থেংনরিবা শীংনবসিগী মথক্তা, অইং-অশাগী খল কায়থরকপনচিংবা অশাংবা মতমগী ওইবা শীংনবশিং অসিসু ভারত অমসুং ই.য়ু. অনিমক্না অকনবা মীৎয়েং চঙলি‍।

ভারত্তা রিনিউএবল ইনর্জী শীজিন্নবা হেনগৎহনবগী ঐখোয়গী থৌরাংগী মখাদা, ঐখোয়না য়ুরোপ্তগী শেন থাদবা অমদি তেক্নোলোজীশিং পুরক্নবা কৌরি‍। ভর্চুএল সম্মিত অসিগী খুত্থাঙদা ঐখোয়গী মরী অসি হেন্না খুমাঙ চাওশিল্লক্কনি হায়না ঐনা থাজবা থমই‍।

তোইদোক হেন্দোক্লবশিং, অদোমগা ৱারী ৱাতাই শান্নবগী তাঞ্জা ফংবসিদা ঐনা অমুক্কা হন্না নুংঙাইবা ফোঙদোকচরি‍।

 

*****



(Release ID: 1639317) Visitor Counter : 245