PIB Headquarters

কোবিদ-১৯গী মতাংদা নুমিৎ খুদিংগী ফোংবা পি.আই.বি.গী বুলেতিন

Posted On: 16 JUL 2020 6:21PM by PIB Imphal

 

(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

  • হৌজিক ফাওবদা কোবিদ-১৯না নারবা মীওই ৬১২৮১৪ নাবা ফখ্রে, নাবা ফখিবগী চাং চাদা ৬৩.২৫ য়ৌরে।
  • হৌখিবা পুং ২৪দা মীওই ২০,৭৮৩ কোবিদতগী নাবা ফখ্রে
  • লৈবাকসিদা লৈরিবা কোবিদ-১৯নাবা মীগী তশেংবা কেস লোদ শুপ্নতগী ৩,৩১,১৪৬ খক্তনি।
  • মহারাস্ত্র অমসুং তামিল নাদুনা লৈবাকসিগী অপুনবা এক্তিব কেস লোদকী চাদা ৪৮.১৫ ওইরি‍।
  • দা. হর্শ বর্ধন্না মখা তাখি মদুদি লাক্কদৌরিবা হপ্তা ১২ অসিদা তেস্তিং কেপাসিতী নোংমদা লাখ ১০দা মখা তানা হেঙ্গৎহল্লগনি
  • রেপিদ এন্তিজেন তেস্ত য়াওনা লেব ১২৩৪না মিল্লিয়ন অমদা পাঙথোকপা তেস্ত (তি.পি.এম.) মশীং ৯২৩১ য়ৌহনখ্রে
  • কোবিদ ১৯গী মায়োক্তা ভারতনা লান্থেংনরিবা অসিদা তেংবাংনবা ভোলুন্তীয়রশিংগী মোবিলাইজেসন করোর ১ ফাওবা হেঙ্গৎহন্নবা কেন্দ্র অমসুং রাজ্যনা পুন্না থবক তৌমিন্নগনি: শ্রী কিরেন রিজিজু

হকশেল অমসুং য়াইফ য়ুম্বাল মন্ত্রালয়দগী কোবিদ-১৯দা অপদেৎ: লৈবাকসিদা লৈরিবা কোবিদ-১৯নাবা মীগী তশেংবা কেস লোদ শুপ্নতগী ৩,৩১,১৪৬ খক্তনি: তশেংবা কেস লোদ অসি অপুনবা কেসকী ১/৩ লোম্নি: ফখ্রবা কেস লাখ ৬.১ হেল্লে


ঙসি ফাওবদা লৈরিবা লৈবাকসিগী কোবিদ-১৯ নাবা তশেংবা কেস লোদ মশিং অসি শুপ্নতগী ৩,৩১,‍১৪৬ খক্তনি‍। মসি হৌজিকফাওবদা থেংনরিবা অপুনবা কেস মশিংগী শরুক অহুম থোকপগী অমদগী খজিক্তং হেনবগী (চাদা ৩৪.১৮) চাংনি‍। জুন-২০২০ ময়ায় চল্লকপদগী ফগৎলকপগী চাং চাদা ৫০ লাল্লকপা মতমদগী ফগৎলকপগী চাংদা তপ্না তপ্না হেনগৎলকপা অমদি হৌজিক নারিবা মশিং তপ্না তপ্না হন্থরকপগী ফীভম থেংনরি‍। হৌজিক ফাওবদা কোবিইদ-১৯ নারবা মীওইগী চাদা ৬৩.২৫দি ফখ্রে‍। মসিগা ইরোয়ননা, হৌজিক নারিবা মীগী চাংসু জুন-২০২০ ময়ায়ৱাইদা চাদা ৪৫গী ময়াদা লৈরমবদগী হৌজক্কী ওইনা চাদা ৩৪.১৮গী ময়াদা লৈরে‍। হৌখিবা পুং ২৪সিদা কোবিদ নাবা ফখিবা অপুনবা মীশিং ২০,৭৮৩ অসিনা কোবিইদ-১৯ নারবা মীওইশিংগী মরক্তা ফখ্রবশিংগী অপুনবা মশিং ৬,১২,৮১৪ য়ৌহনখ্রে‍। অনাবা ফখ্রবা অমদি হৌজিক কোবিদ-১৯ নারিবা মীশিংগী মরক্তা লৈবা খেন্নবা ২,৮১,৬৬৮তা হেনগৎখ্রে‍। স্তেত অমসুং য়ু.তি. ৩৬গী মনুংদা শুপ্নতগী স্তেত ১০না অপুনবা এক্তিব কোস লোদকী চাদা ৮৪.৬২ ওইরি‍।

http://pibcms.nic.in/WriteReadData/userfiles/image/image001GO3V.png

 

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1639026

 

রেপিদ এন্তিজেন তেস্ত য়াওনা লেব ১২৩৪না মিল্লিয়ন অমদা পাঙথোকপা তেস্ত (তি.পি.এম.) মশীং ৯২৩১ য়ৌহনখ্রে

"তেস্ত, ত্রেস, ত্রিৎ" খোংথাংগী মতুং ইন্না, কেন্দ্র সরকারনা তেস্ত তৌনবগীদমক রাজ্য/য়ু.তি.শিংনা লৌখৎলক্লিবা খোংথাংশিংগী মপাঙ্গল হেনগৎনবা হোৎনরি। মসিগী ফলনা, লৈবাক অসিদা লৈরিবা তেস্তিং লেব মশীং তপ্না-তপ্না হেনগৎলক্লি। তেস্ত তৌবগী মশীং হেনগৎলকপসি আই.সি.এম.আর.গী চৎন-কাংলোনগী মখাদনি অমসুং মসিনা কেসশিং ঙন্না খঙদোকপদা মতেং পাংলি। হৌজিক্তি রেজিস্তর তৌরবা মেদিকেল প্রেক্তিসনর খুদিংমক্না তেস্ত তৌনবগীদমক পাউতাক পীবা য়ারগনি। রাজ্যশিং/য়ু.তি.শিংনা আর.তি.-পি.সি.আর. ত্রুনাৎ অমসুং সি.বি.এন.এ.এ.তি. লেব নেৎৱার্ক শীজিন্নদুনা পাক শন্না তেস্ত তৌনবা হোৎনরিবসিনা সেম্পল তেস্ত তৌবগী মশীং কা হেন্না ৱাংখৎলকপনি। হৌখিবা পুং ২৪ অসিদা সেম্পল ৩,২৬,৮২৬ তেস্ত তৌখি। অপুনবা ওইনা তেস্ত তৌখ্রবা সেমপল ১,২৭,৩৯,৪৯০না ভারত্তা মিল্লিয়ন অমদা তেস্ত তৌবগী চাং অসি ৯২৩১.৫ য়ৌরে। লৈবাক অসিগী তেস্ত তৌনবগী লেবকী নেৎৱার্ক অসি লেব ১২৩৪ লৈবগা লোইননা মপাঙ্গল হেনগৎলক্লি,  সরকারগী লেব ৮৭৪ অমসুং প্রাইবেৎ লেব ৩৬০ শুরে।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1639100

 

দা. হর্শ বর্ধন্না এইম্স দিল্লীগী রাজকুমারী অমৃত কৌর ও.পি.দি. ব্লোক শঙ্গাখ্রে

 

দা. হর্শ বর্ধন্না লৈবাক অসিগী অহানবা হকশেল মন্ত্রী অমসুং শক্নাইরবী ফ্রীদম ফাইতর শ্রীমতী রাজ কুমারী অমৃত কৌরগী মিংদা অনৌবা ও.পি.দি. অমা শঙ্গাখিবদা নুংঙাইবা ফোংদোকখ্রে। মহাক্না ফোংদোকখি মদুদি ঐখোয়না লাইচৎ অসিগী মায়োক্তা থেংনরিবা লান অসি মায় পাকপগী মায়কৈদা চংশিল্লি। কোবিদনা শোকহল্লবা অনাবশিংগী চাদা ২দগী তানা আই.সি.য়ু.দা লৈরি।

 

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1639085

 

প্রধান মন্ত্রীনা ই.সি.ও.এস.ও.সি.গী জুলাই, ১৭, ২০২০দা পাঙথোক্কদবা হাই লেবেল সেগমেন্তদা ৱা ঙাংগনি

 

প্রধান মন্ত্রী নরেন্দ্র মোদীনা ভর্চুএল ওইনা হন্দক চহীগী ওইনা জুলাই ১৭, ২০২০গী ইরাই নুমিত্তা পাঙথোক্কদবা য়ুনাইতেদ নেসন্স ইকোনোমিক এন্দ সোসিএল কাউন্সিলগী হাই লেবেল সেগমেন্ততা পুং ০৯৩০ – ১১৩০ (লোকেল তাইম)দা ন্যু-য়োর্ককী য়ূনাইতেদ নেসন্সতা মীফম অসিগী মরুওইবা ৱারোল থমগদৌরি। প্রধান মন্ত্রীনা লোইশিনবগী শরুক্তা নোর্ৱেগী প্রধান মন্ত্রী অমসুং য়ু.এন.গী এন্তোনিও গুতেরেগা লোইননা ৱা ঙাংগনি। চহীগী ওইনা পাঙথোকপা হাই লেবেল সেগমেন্ত মীফম অসিদা সরকার, প্রাইবেৎ সেক্তরশিং, সিবিল সোসাইতী অমসুং একাদেমিয়াশিংনা শরুক য়ারি। হন্দক চহীগী হাই লেবেল সেগমেন্ত অসিগী নুংগী ওইবা ৱাফমদি কোবিদ১৯গী মতুংদা মলতিলেতরেলিজম ৭৫শুবা চহী মপুং ফারকপদা ঐখোয়না করম্বা য়ু.এন. অমা মথৌ তাবগে, হায়বসিনি। হোংলক্লিবা অন্তর্জাতীগী ফিবম অমসুং কোবিদ-১৯ লাইচৎ অসি য়েংলদুনা, হন্দক্কী সেসন অসিনা মলতিলেতরেলিজমগী খোংজেল শাগৎপদা চঙবা মরুওইবা শাফুশিং অমসুং অকনবা লুচিং অমগী মখাদা মালেমগী হীরমশিং মপাঙ্গল কনখৎহনবা অমসুং মালেমগী মীয়াম্না শীজিন্নগদবা পোৎলমশিংগী মগুন হেনগৎহনবগী মতাংদা খন্নবা মীৎয়েং থম্লি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638986

রেলৱেজনা রেভেন্যু হেনগৎনবা, চাদিং হন্থহন্নবা, অশোই-অঙাম থোক্তবা হেনগৎহন্নবা অমসুং হৌজিক লৈরিবা মপ্লোয়িশিংগী য়াইফ-থৌরাংগীদমক মিৎয়েং চঙবা দরকার ওইরে –  শ্রী পিয়ুস গোয়ল

লৈবাক্কী মফম কয়াগী লাকপা রেলৱেজ ৱার্কস য়ুনিয়নগী মীহুৎশিংনা শরুক য়াবা অহানবা ওনলাইন ৱার্কমেন সঙ্গোসতি রেলৱেজ মিনিস্ত্রিনা পাংথোকখ্রে। য়ুনিয়ন মিনিস্তরনা হায়খি লোকদাউন মনুংদা খ্বাইদগী চাউবা থাক্তগী হৌরগা খ্বাইদগী নেম্বা ওফিসারশিং অমসুং স্তাফশিংনা থম্মোয় শেংনা মথৌ পাংথোকখি। লাইচৎ অসিনা মরম ওইদুনা হৌজিক ভারত রেলৱেজ অরুবা ফিবম অমা মায়োক্নরি। মসিগী অৱাবা অসি রেলৱেজনা কমদৌনা লাকশিনগনি হায়বগী ৱাখল্লোনশিং পুথোক্নবা ফেদেরেসনশিংগী লুচিংবশিংদা মিনিস্তরনা খঙহনখি। মহাক্না হায়খি রেলৱেজগী ফিবম ফগৎহন্নবা অমসুং চাউখৎহন্নবা ফেদেরেসনশিংনা অনৌবা ৱাখল্লোনশিং পুথোরক্কদবনি। হৌজিক লৈরিবা স্তাফশিং অশোই-অঙাম থোকহন্দনা হোৎনবা দরকার ওই। অখন্নবা খোঙথাং অমা ওইনা,  রেলৱেজনা রেভেন্যু হেনগৎনবা, খরচ হন্থহন্নবা, অশোই-অঙাম থোক্তবা হেনগৎহন্নবা চুংশিন্নদুনা ৱাখল্লোনশিং পুথোক্নবা মিনিস্তরনা খঙহনখি। জেনেরেল মেনেজরশিং অমসুং দিবিজনেল রেলৱেজ মেনেজরশিংনা এমপ্লোয়িশিংদগী অনৌবা ৱাখল্লোনশিং লৌশিল্লবা মতুংদা মদু মিনিস্ত্রিদা পীখৎলক্কদবনি হায়না রেলৱেজ মিনিস্তরনা খঙহনখি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638089

 

দিপার্তমেন্ত ওফ বাইওতেক্নোলোজীনা শৌগৎলগা জাইদসনা শেমদুনা পুথোকপা কোবিদ-১৯ ভেক্সিন – জাইকোভ-দি এদাপ্তিব ফেজ ১/২ ক্লিনিকেল ত্রাইএল হৌরে

 

জাইদসনা শেমদুনা পুথোকপা ভারত লৈঙাক্কী দিপের্তমেন্ত ওফ বাইওতেক্নোলোজীনা শরুক খরা শেন থাদবা প্লাজমিদ দি.এন.এ. ভেক্সিন জাইকোব-দি মশা মউ ফবা সবজেক্তশিংদা ফেজ ১/২ ক্লিনিকেল ত্রাইএল হৌদুনা ভারতকী ওইনা ইরমদমসিদা শাজবা মীওইবদা কাপশিনবা অহানবা কোবিদ-১৯গী ভেক্সিন ওইরে হায়না বাইওতেক্নোজী ইন্দস্ত্রী রিসর্স এসিসতেন্স কাউন্সিল (বি.আই.আর.এ.সি.)না লাউথোকখ্রে। এদাপ্তিব ফেজ ১/২ দোজ এস্কেলেসন, মল্তি-সেন্ত্রিক স্তদী অদুনা ভেক্সিন অদুগী শাফগদবা চাং, খাংবা ঙমবগী চাং অমসুং মহিক্তুদগী ঙাকথোকপা ঙমবগী চাং য়েংশিনগনি‍। দি.বি.তি.গী সেক্রেতরী অমসুং বি.আই.আর.এ.সি.গী চেয়রমেন দা: রেনু স্বরুপনা হায়, “নেসনেল বাইওফার্মা মিসনগী মখাদা ইরমদমসিগী ওইবা ভেক্সিন অমা থুনা পুথোক্নবগীদমক্তা ভারত লৈঙাক্কী দিপার্তমেন্ত ওফ বাইওতেক্নোলোজীনা জাইদসকা খোঙবু ওইনা চৎমিন্নবনি‍।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638979

 

শ্রী ধর্মেন্দ্র প্রধাননা ভারতকী চাউখৎলক্লিবা অসিদা অচৌবা খুদোংচাবা লৌহৌনবা য়ু.এস.কী ইনবেস্তরশিংদা বর্তন তৌখ্রে

 

য়ু.এস.-ইন্দিয়া বিজিনেস কাউন্সিল (য়ু.এস.আই.বি.সি.)না শিন্দুনা পেত্রোলিয়ম অমসুং নেচরেল গ্যাস অমসুং স্তীলগী মন্ত্রী শ্রী ধর্মেন্দ্র প্রধানগা ভারত অমসুং য়ু.এস.কী ইনর্জীগী সেক্রেতরী ঐচ.ই. দেন ব্রুয়েৎকা লোয়ননা য়ুমশকৈশা নুমিত্তা পুন্না চিয়র লৌদুনা ইন্দস্ত্রী-লেবেলগী ৱারী ৱাতাই শাখ্রে। মন্ত্রী অসিনা তোঙান্না চিয়র লৌদুনা য়ু.এস.-ইন্দিয়া চেবেলগী ৱারী ৱাতাই শাবদুনা স্ত্রেতেজিক ইনর্জী পার্তনর্শিপকী (য়ু.এস.আই.এস.পি.এফ.)না শিনবা ইন্দস্ত্রী-লেবেলগী ৱারী ৱাতাই শাবা অমা লৈবাকপোকপা নুমিত্তা শিনখি। ৱারী ৱাতাই শাবশিং অসিদা মন্ত্রী প্রধাননা য়ু.এস.কী কম্পনীশিং অমসুং ইনবেস্তরশিংবু বর্তন তৌদুনা ভারতকী অনৌবা খুদোংচাবশিংদা থবক লৌখৎনবা অমসুং ইনবেস তৌনবা হায়জখি। মহাক্না হায়খি ভারতকী অমসুং অমেরিকাগী কম্পনী খরগী মরক্তা চুংশিন্নদুনা হোৎনরি অদুবু মখোয়গী তৌবা ঙম্বা অদুগী মখাদা লৈরি। য়ু.এস.-ইন্দিয়া চেবেলগী ৱারী ৱাতাই শাবদুনা ইনর্জী পার্তনর্শিপকী পাঙ্গল অমসুং য়ু.এস.-ইন্দিয়া চেবেলগী ৱারী ৱাতাই শাবদুনা স্ত্রেতেজিক ইনর্জী পার্তনর্শিপকী খ্বাইদগী মরু ওইবা য়ুম্বী অমনি হায়না মহাক্না ফোঙদোকখি। শ্রী প্রধান্না হায়খি খুদোংচাদবা কয়া মায়োক্নরিবা মতম অসিগী মনুংদা, মালেমগী ইনর্জীগী কৈথেল স্তেবিলাইজ তৌবা নত্রগা কোবিদ-১৯ লাকশিন্নবা পুন্না হোৎনবা ওইরবসু ভারত অমসুং য়ু.এস.না পুন্না চুংশিন্নদুনা হোৎনরি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638974

 

কোবিদ ১৯গী মায়োক্তা ভারতনা লান্থেংনরিবা অসিদা তেংবাংনবা ভোলুন্তীয়রশিংগী মোবিলাইজেসন করোর ১ ফাওবা হেঙ্গৎহন্নবা কেন্দ্র অমসুং রাজ্যনা পুন্না থবক তৌমিন্নগনি: শ্রী কিরেন রিজিজু

 

য়ুথ এফিয়র্স অমসুং স্পোর্তস মিনিস্তর শ্রী কিরেন রিজিজুনা মশিং য়াম্লবা নেহরু য়ুব কেন্দ্র সঙ্গথন, নেস্নেল সর্বিস স্কিম অমসুং ভারত স্কাউত্স অমসুং গাইদসকী ভুলুন্তীয়রশিংবু মোবিলাইজ তৌনবা রাজ্য অমসুং য়ু.তি. পুম্নমক্তগী য়ুথ এফিয়র্স অমসুং স্পোর্তস দিপার্তমেন্তকী মন্ত্রীশিং অমসুং সেনিয়র ওফিসর ইন চার্জদা খংহনখ্রে।  

 

অকুপ্পা ৱারোলগীদমক: https://pib.gov.in/PressReleasePage.aspx?PRID=1638830

 

রক্সা রাজ্য মন্ত্রী শ্রী শ্রীপদ নাইকনা এরোস্পেস অমসুং দিফেন্স মেন্যুফেকচরিং তেক্নোলোজীশিংদা কনফরেন্স হৌদোকখ্রে

 

রক্সা রাজ্য মন্ত্রী শ্রী শ্রীপদ নাইকনা হায় ভারতকী দিফেন্স অমসুং এরোস্পেস ইন্দস্ত্রী অসি ঙসিদি ভারত সরকারগী ‘মেক ইন ইন্দিয়া’ অমসুং ‘অত্মানির্ভর ভারত’ অভিয়ান অসি থৌগৎনবা লৌখৎপা তোঙান তোঙানবা খোঙথাংশিংগী মখাদা অওনবা পুরকপা ঙম্লগনি। ঙরাং এরোস্পেস অমসুং দিফেন্স মেন্যুফেকচরিং তেক্নোলোজীশিংগী কনফরেন্সকী ৫শুবা ইদিসনদা থৌরম হৌদোকপগী ৱারোল পীরদুনা শ্রী নাইকনা হায়খি মদুদি দিফেন্স প্রদক্সন পোলিসীগী পান্দম ওইরিবা দিফেন্স প্রদক্সনদা লৈবাক অসি মরোমদোম লেপচবা ঙম্নবা অমসুং ২০২৫ ফাওবদা য়ু.এস. দোলর বিলিয়ন ২৬কী দোমেস্তিক প্রদক্সন হেনগৎহনবদা ভারতকী এ অমসুং দি ইন্দস্ত্রীনা অচৌবা থৌদাং লৌবা মথৌ তাই। মহাক্না হায়খি, “কোবিদ অসিনা মালেম পুম্বদা শেন্মীৎলোন অমসুং খুন্নাইদা ফীভম শোক্না খুদোংচাদবশিং থোকহল্লি… হৌখিবা থা মরি অসিদা ঐখোয়গী মীশিং য়াম্লবা প্রজাশিংগী মরক্তা অহানবদা এৱের্নেস পীবা, তেস্তিং চাং মরাং কাইহনবা অমসুং হেল্থ ক্যের পীবা, অমসুং ভাইরস অসি শন্দোকপদা তপথহনবদা মায় পাকখ্রে।”

 

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638887

 

তি.আই.এফ.এ.সি.না ‘এক্তিব ফার্মাক্যুতিকেল ইনগ্রিদেন্তস- স্তেতস, ইসুস, তেক্নোলোজী রীদিনেস অমসুং চেলেঞ্জেস’তা রিপোর্ত রিলিজ তৌখ্রে

 

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1638810

 

কেন্দ্রগী ফিসরিজ, এনিমেল হজবেন্দরী অমসুং দেরিয়ীং মন্ত্রী শ্রী গিরিরাজ সিংহনা এনিমেল হজবেন্দরী ইনফ্রাস্ত্রকচর দিবেলপমেন্ত ফন্দ থবক ওইনা পায়খৎনবগী চৎন-কাংলোনশিং ফোঙখ্রে

ফিসরিজ, এনিমেল হজবেন্দরী অমসুং দেরিয়ীংগী কেন্দ্রগী মন্ত্রী শ্রী গিরিরাজ সিংহনা লুপা কোতি ১৫,০০০গী ওইগদবা এনিমেল হজবেন্দরী ইনফ্রাস্ত্রকচর দিবেলপমেন্ত ফন্দ থবক ওইনা পায়খৎনবগী চৎন-কাংলোনশিং ফোঙখ্রে, হায়রিবসি কেন্দ্রগী মন্ত্রী মন্দল মীফম্না আত্মনির্ভর ভারত অভিয়ানগী মখাদা তোঙান-তোঙানবা হীরমশিংদা চাউখৎপা পুরক্নবা তাং ২৪.০৬.২০২০দা অয়াবা পীখিবনি। ইনফ্রাস্ত্রকচর অসিনা হেক শেমগৎখিবদগীদি লৌমী লাখ কয়ানা কান্নবা ফংলগনি অমসুং অহেনবা শঙ্গোমশিংসু পুথোক্লগনি হায়খি। হৌজিক্কী ওইনদি পুথোক্তবগা চপ মান্নরিবা মপান্দা থাদোক্নবা শঙ্গোমসু মসিনা হেনগৎহল্লগনি। দেরীগী হীরমদদি ন্যু জিলেন্দগুম্বা লৈবাকশিংগী থাক্তা ভারতনা কাখৎনবা হোৎনবা তাই। কোবিদ-১৯ লোকদাউনগী মনুংদা শঙ্গোম শীজিন্নরিবা মীয়ামগীদমক শঙ্গোম পুথোক্লিবা লৌমীশিংনা শঙ্গোম ৱাৎহন্দনা পীখিবদা মহাক্না অপেনবা ফোংদোকখি।

অকুপ্পা ৱারোলগীদমক: https://www.pib.gov.in/PressReleseDetail.aspx?PRID=1639069

 

পি.আই.বি. ফিল্দ ওফিসশিংদগী ফংবা পাউ

•           চান্দিগর: য়ুতি.তি. চান্দিগরগী এদমিনিস্ত্রেতরনা মীয়াম তিনবনা মরম ওইরগা  লৌনবগী খুদোংথিনীংঙাই ওইবা ফিজিকেল প্রেস কনফরেন্সতা অথিংবা থমখ্রে, । মআক্না পোলিতিকেল পার্তী খুদিংমক্তা অসিগুম্বা মীয়াম তিনবা নত্রগা থৌরমশিং অসি তৌদনবা আপীল তৌখি।

          পঞ্জাব: কোবিদকা লান্থেংনবগী অসিগুম্বা চিরবা তাঙ্কক অসিদা মালেমগী ওইনা সোসিয়েল মেদিয়াগী মরু ওইবা অসি চাউনা হেনগৎলকপগী মরক অসিদা পঞ্জাব সরকারনা আউৎসোর্স মোদেলগী মতুং ইন্না  সোসিয়েল মেদিয়া এক্সপর্ত তীম ১৫ লিংখত্তুনা সোচিয়েল মেদিয়ানা শন্দোকপা অসি হেনগৎহন্নবা ৱারেপ লৌখ্রে। মুখ্য মন্ত্রীনা খোংথাং অসি নোভেল কোরোনা ভাইরসকী লাইচৎকী মতাংদা মরী লৈনবা ই-পাউশিং খ্বাইদগী ফবা অমসুং কান্নাবা ফল পুরক্কদবা মওংদা রাজ্য অসিনা মীয়ামদা খঙহনবদা অমসুং  শন্দোকপদা সরকার অসিনা হোৎনরিবশিং অসি কনখৎহনবদা য়াম্না মরু ওই হায়না হায়খি।

          হরিয়ানা: কোবিদ-১৯গী লাইচৎ অসিগী মতংদা ঙাকথোক্নবগী পাম্বৈশিংগী মতাংদা মীয়ামদা খঙহন্নবগীদমক্তা, হরিয়ানাগী মুখ্য মন্ত্রীনা হরিয়ানা সাহিত্যা একাদেমিনা ফোংবা ‘হরিগন্ধা হায়রিবা থাগী চেফোংগী অখন্না জোইন্ত ইসু ফোংখ্রে।

          হিমাচল প্রদেশ:  মুখ্য মন্ত্রীনা রাজ্য অসিগী আশা ৱার্করশিংদা মখোয়গী থবকশিং অদু নীংথিনা অমসুং মপুং  ফানা পাংথোক্নবগীদমক্তা স্মার্ত ফোন লেম্না য়েনখ্রে।

          মহারাস্ত্র: হৌখিবা পুং ২৪দা অনৌবা ইনফেক্সনগী কেস ৭,৯৭৫ থেংনখ্রে , মসিনা রাজ্য অসিগী মশিং ২,৭৫,৬৪০ য়ৌহনখ্রে। তৌইগুম্বশুং মহারাস্ত্রদা এক্তিব কেস-লোদ অসি হৌজিক্কী ওইনা ১,১১,৮০১ নি। মুম্বাইগী এক্তিব কেস-লোদ অসি ২২,৯৫৯ য়ৌখ্রে। মহারাস্ত্রদা ফগৎলকপগী চাং অসি ৫৫.৩৭% নি অদুগা শীবগী চাংনা ৩.৯৬% নি।   

          গুজরাত: গুজরাত্তা য়ুমশখৈশা নুমিত্তা কোবিদ-১৯গী অনৌবা কেস ৯২৫  অমসুং ১০ শিখিবগী পাউ লৈখি। মসিনা রাজ্য অসিগী অপুনবা মশিং ৪৪,৬৪৮ য়ৌহনখ্রে, মসিদা দিসচার্জ তৌখিবা ৩১,৩৪৬ অমসুং শিখিবগী মশিং ২,০৮১ য়াওরি।

          রাজস্থান: ঙসি অয়ুক্তা রাজস্থান্দা অনৌবা পোজিতিব কেস ১৪৩ অমসুং ৪ শিখিবগী পাউ লৈখ্রে। য়ুমশকৈশা নুমিত্তা রাজ্য অসিদা তেস্ত তৌবদা  মীওই ৮৬৬ পোজিতিব ওইখি। অদুগা রাজ্য অসিদা কোবিদ-১৯গী মশিং অসি ২৬,৫৮০ য়ৌখ্রে অমসুং এক্তিব কেসকী মশিংনা ৬,৪৫৯ য়ৌখ্রে।

          মথ্য পর্দেশ: রাজ্য অসিদা অনৌবা পোজিতিব ওইবা পেসেন্ত ৬৩৮ থেংনখ্রে, মসিনা রাজ্য অসিগী অপুনবা মশিং ১৮,৬৪৩ য়ৌহনখ্রে। এক্তিব কেস লোদ অসি ৫,০৫৩ নি অদুগা ফগৎখিবা পেসেন্তকী মশিংনা ১৩,৯০৮ নি। হৌজিক ফাওবদা লাইনা অসিদগী মীওই ৬৮২ লৈখিদ্রে।

          ছত্তিসগর। ছত্তিসগরদা অনৌবা পোজিতিব কেস ১৫৪ টেংনখ্রে। মসিনা রাজ্য অসিদা কোবিদ-১৯গী মশিং ৪,৫৫৬ য়ৌহনখ্রে। রাজ্য আসিগী এ্তিব কেস লোদ অসি ১.২১২ য়ৌরে।

          গোৱা: গোৱাদা য়ুমশকৈশা নুমিত্তা অনৌবা পোজিতিব কেস ১৯৮ থেংনখ্রে, হায়রিবা অসি হৌজিক ফাওবদা রাজ্য অসিদা নোংমদা খ্বাইদগী হেন্না ৱাংকৎখিবা ওইরি। রাজ্য অসিদা কোরোনা ভাইরসকী মশিং অসি ২,৯৫১দা হেনগৎলকখ্রে অদুগা ঔজিক্কী ওিনা এক্তিব কেসকী মশিংনা ১২৫৯ নি।

          কেরলা: রাজ্য অসিদা ঙসি অমমুক শিখিবগী পাউ লৈখ্রে মসিনা রাজ্য অসিদা শিখিবগী মশিং অসি ৩৬ য়ৌখ্রে। মথং থাদা থোরকপা য়ানা লৈবা কোবিদকী কেসশিং অদু মায়োক্নবা ঙম্নবা জিলা খুদিংমক্তা লৈবা লাইনা অসিগীদমক্তা ওইবা ফার্স্ত-লাইন ত্রীৎমেন্ত সেন্তরশিংদা ফমুং ৫,০০০গী কেপাসিতী থম্লগনি।। ঙরাং কোবিদ-১৯গী অনৌবা কেস    ৬২৩ খঙবা ঙম্লে মসিদা ৪৫০ অমদগী লোকেল ত্রান্সমিশন্নি অমসুং ৩৭ অমদি হৌরকফম খঙদ্রি। পেসেন্ত ৪,৮৮০ লাইয়েংবা মখা চত্থরি অমসুং মীওই ১,৮৪,৬০১ অমদি জিলা কয়া অমদা সর্ভিলেন্স তৌদুনা লৈরি।

          তামিল নাদু: পুদুচেরীদা থা মাপলদা ঙাইরিবা অমা কোবিদ-১৯ না মরম ওইরগা লৈখিদ্রে, মসিনা শিখিবগী মশিং ২২দা হেগৎখ্রে। হৌজিক ফাওবদা য়িনিয়ন তরিতোরী অসিদা ঙসি কেস ১৪৭ থেংনদুনা খ্বাইদগী য়াম্না হেনগৎখি, মসিননা রাজ্য অসিদা কোবিদকী মশিং ১,৭৪৩ য়ৌহনখি। চেনআইদা ইরানদগী তি.এন.গী ঙামী ৪০ থুংলরে। কোএমবাতোরগি কোলেক্তর অদু তেস্ত তৌবদা কোবিদ-১৯ পোজিতিব ওইরে। ঙরাং অনৌবা কেস ৪৪৯৬ অমসুং ৬৮ শিখিবগী পাউ লৈখ্রে। চান্নাইদগী কেস ১২৯১ লৈখি। অপুনবা কেস ১,৫১,৮২০; এক্তিব কেস;: ৪৭,৩৪০; শিখিবশিং:২১৬৭; চেন্নাইদা এক্তিব কেসকী মশিং: ১৫,৬০৬।   

          কর্নাতকা: নুমিৎ তরেৎনিগী লোকদাউন অদু নুমিৎ নিনি সুখ্র। তৌবীমল খঙবা উৎপা ওইনা ব্লদ দোনরশিংদা লুপা ৫০০০গী মনা পীরগনি হায়না দা. কে. সুধাকর.না হাবখি। ঙরাং অনৌবা কেস ৩১৭৬ অমসুং ৮৭ শিখিবগী পাউ লৈখি মসিদা কেস ১৯৭৫ অমদি বেঙ্গলোর সিতীদগীনি। অপুনবা পোজিতিব কেস: ৪৭,২৫৩; ইক্তিব কেসশিং: ২৭,৮৫৩; শিখিবশিং: ৯২৮।

          অন্ধ্র প্রদেশ। জানুৱারী ৩দগী ৱেস্ত গোদাবরি দিস্ত্রিক্তা হৌদোকপা প্রোজেক্ত ওইনা, সি.এম.না অহেনবা জিলা তরুক্তা ৱাই.এস.আর. আরোগ্যস্রি স্কীম এক্সপান্সন সার্বিস হৌদোকখ্রে। রাজ্য অসিনা মাস্ক তরুক অমসুং সাপোন অনি য়াওবা কোবিদ-১৯ কিৎশিং কৃষ্ণা জিলাদা লৈরিবা অর্বান এরিয়াশিংদা লৈরিবা চাক্নিবশিংদা য়ৈন্থোক্কী। হৌখিবা পুং২৪দা অনৌবা কেস ২৫৯৩, দিসচার্জ তৌখিবনা ৯৪৩ অমসুং ৪০ শিখিবগী পাউ লৈখি। অপুনবা কেস: ৩৮,০৪৪; এক্তিব কেসশিং: ১৮,১৫৯; শিখিবশিং: ৪৯২।

          তেলঙ্গানা: তেলঙ্গানাগী সিদপেত জিলাদা ফমুং ১০০গা লোইননা আই.সি.য়ু. ২০ য়াওবা কোবিদ আইসোলেশন ব্লোক অমা হাংদোকখ্রে।। ঙরাং অনৌবা কেস ১৫৯৭ অমসুং ১১ শিখিবগী পাঊ লৈখ্রে; জি.ঐচ.এম.সি.দগী কেস ৭৯৬গী পাউ লৈখি। ঙরাং ফাওবদা থেংনখিবা  অপুনবা কেসশিং: ৩৯,৩৪২, এক্তিব কেসশিং: ১২,৯৫৮ অমসুং শিখিবগী মশিং: ৩৮৬।

          অরুনাচল প্রদেশ: অরুনাচল সরকারনা ইতানাগরদা লৈবা নৌনা শাখিবা এম.এল.এ.গী এপার্তমেন্তশিং আদু কোবিদকীদমক্তা ওইবা হোসপিতাল ওইনা শেমগৎপগী অয়াবা পীখ্রে।

          আসাম: অজারাদা লৈবা গিরিজান্নদা চৌধুরী ইন্সতিত্যুত ওফ ফার্মসিতিকেল সাইন্সনা ফমুং ১০০০গী কেপাসিতী লৈবা কোবিদ-১৯ কেয়র সেন্তর ওইনা মথৌ তৌরগনি হায়না অসামগী হকশেলগী মন্ত্রী হিমন্তা বিস্বাস সরমানা ত্বীত তৌরকখি।

          মনিপুর: থৌবাল দিস্ত্রিক্ত ৱুমেনস দিবেলপমেন্ত ওর্গনাইজেশন (থৌবাল ইমা), লৈরোংথেল ৱুমেন দিবেলপমেন্ত এসোসিয়েশন অমসুং কোলিশন এগেন্সত দ্রগস এনদ আল্কোহোল (কাদা)না থৌবালদা  লৈরোংথেল ময়াই লৈকাইদা কোবি-১৯গী এৱেবরনেস প্রোগ্রাম অমা পাংথোকখি। মনিপুর বাপতিস্ত কনভেন্সন্না এম.বি.সি. চর্র্চ, ইমফালদা মতাংদা “ৱান দে ৱেৱেবরনেস প্রোগ্রাম কোবিদ-১৯গী এৱেবরনেস অমা পাংথোকখি।

          মিজোরাম: মিজোরামদা ঙসি ফগৎলবা কোবিদ-১৯গী পেসেন্ত অমা দিসচার্জ তৌখ্রে। রাজ্য অসিদা হৌজিক পুন্না কেস ১৬৭ সুরে।

          নগালেন্দ: নগাগালেন্দগী মুখ্য মন্ত্রিনা চেকশিন থৌরাং লৌখৎপা ওইনা মহাক্না দিল্লীদগী হল্লকপদা সেল্ফ-ক্বরন্তিন তৌখি, মহাক্না মহাক্কী মথৌ লেপ্তনা অদুমক তৌখিগনি।

          সিক্কিম: সিক্কিমগী মুখ্য মন্ত্রী শ্রী প্রেম সিংহ তামাঙগা লোইননা মহাক্কী লোইনবী শ্রীমতি সর্দা তামঙ অমসুং মচানুপা এম.এল.এ. শ্রী অদিত্য তামাঙ,  কোবিদ-১৯ তেস্ত তৌনবগী সেমপল লৌখি, মসিগী মথংদা সেক্যুরিতী পর্সোনেল অমসুং রেসিদেন্সিয়েল স্তাফশিংগীসু খোমখি। পুন্না সেমপল ৯৫ খোমগৎখি।

ফেক্ত চেক

*****

 



(Release ID: 1639196) Visitor Counter : 8