কোচিন সিপয়ার্দ লিমিতেদ (সি.এস.এল.), কোচিনা এ.এস.কে.ও. মেরিতাইম এ.এস., নোর্ৱেগী ওতোনোমস ইলেক্ত্রিক ফেরী অনী শান্নবা অমসুং মসিগা চপ মান্নবা ভেসেল অনী অমগা শাবা য়াবগী ওপসনগা লোইননা সপ্লাই তৌনবগী কন্ত্রেক্ত সাইন তৌনখ্রে।

মালেমদা ইহান হানবা ওইনা মপুং ফানা ওতোমেতিক ওইবা ইলেক্ত্রিক ভেসেল এ.এস.কে.ও. মেরিতাইম এ.এস., নোর্ৱেগীদমক শানবগী কন্ত্রেক্ত সি.এস.এল.না খুৎয়েক পীনখিবা অমসুং জহাজ শাবগী ইন্দস্ত্রীদা পুৱারী ওইহৌরগদবা খোংথাং অসিগীদমক রাজ্যগী (ইন্দিপেন্দেন্ত চার্জ) পুরিবা কেন্দ্রগী মন্ত্রী মন্সুখ মান্দবিয়ানা থাগৎপা ফোংদোকখ্রে। শ্রী মান্দবিয়ানা হায়খি, সি.এস.এল.না মালেমগী থাক্তা মাংজৌননা থাজবা লৈখ্রবা অমসুং মমাংদগী হৌনা পুথোক্তুনা লৈখ্রবা সিপয়ার্দশিংগা লম্বা তৌনরদুনা কন্ত্রেক্ত অসি খুৎয়েক পীনখিবনি।

সি.এস.এল. অসি ভারতকী ওইনা খ্বাইদগী চাউবা কম্মর্সিএল জহাজ শাবা কম্পেনী অমনি। কম্পেনী অসিনা অসিগুম্বা এক্সপোর্তকী ওর্দর অসি নোর্ৱেজিয়ান রিতেল সেগমেন্তকী খ্বাইদগী চাউবা প্লেয়রশিংগী মনুংদা অমা ওইরিবা নোর্জেস গ্রুপ্পেন এ.এস.এ.গী সবসিদিয়ারী অমা ওইরিবা এ.এস.কে.ও. মেরিতাইম এ.এস.তগী ফংখিবনি। 

মসিগী ওতোনোমস ইলেক্ত্রিকেল ভেসেল প্রোজেক্ত অসি নোর্ৱেজিয়ান সরকারনা ওস্লো ফ্যোর্দ লান্না পোৎচৈ হোনবদা ইমিসন অমত্তা থাদোক্তনবা হোৎননবগীদমক শেল থাদবা নোর্ৱেগী য়াম্না চাউবা প্রোজেক্ত অমনি। মসিগী ভেসেলশিং অসি মেরিতাইম সিপিং কম্পেনীশিংগী মরক্তা খ্বাইদগী চাউবা অমা ওইরিবা এম/এস. ৱিলেমসেন অমসুং ওতোনোমস তেক্নোলোজীদা মালেমগী লুচিংবা অমা ওরিবা এম/এস. কোংজবর্গকগী অপুনবা ভেঞ্চর অমা ওইরিবা তেক্নিকেল মেনেজমেন্ত অমসুং ওতোনোমস ভেসেলশিং ওপরেৎ তৌনবা ইহান হানবা ওইনা লিংখৎখিবা এম/এস. মাস্তর্লী এ.এস.না য়েংশিনগনি। মথৌ তৌবা হেক হৌখিবগা, মসিগী ভেসেল অসিনা জিরো কার্বোন ইমিসন পুথোকপা ওতোনোমস ভেসেলশিংগী লমদা মর্চেন্ত সিপ্পিংগী সংসারদা অনৌবা মঙাল অমা পীরগনি।

মিতর ৬৭ শাংবা জহাজ অসি অহানবদা কিলোৱাৎ ১৮৪৬গী কেপাসিতী ওইবা বেতরীনা মৈ পীদুনা ফুল-ইলেক্ত্রিক ত্রান্সপোর্ত ফেরী অমা ওইনা পীখিগনি। নোর্ৱেদা ওতোনোমস ইক্বিপমেন্তশিং হাপচিল্লবা মতুংদা অমসুং ফিল্দ ত্রাইএল তৌরবা মতুংদা, হায়রিবসি এ.এস.কে.ও.গী মপুং ফানা ওতোনোমস ওইরবা, অমুক্কী খোংচত্তা ফ্যোর্দ লান্দুনা স্তেন্দার্দ ই.য়ু. ত্রেলর ১৬ হাপ্পা য়ারবা জহাজ অমা ওইনা শীজিন্নগনি। জহাজ অসি নেভেল দাইনামিক নোর্ৱেনা কোংজবর্গ মেরিতাইম সিস্তেম শীজিন্নদুনা সে.এস.এল.না অকুপ্পা ইঞ্জিনীয়রিং পুথোক্নবা দিজাইন তৌবনি মখোয়শিং অসি দি.এন.ভি. জি.এল. ক্লাসিফিকেসনগী মখাদা শাগনি অমসুং নোর্ৱেগীদমক লমথাখিগনি।

সি.এস.এল.না মসিগী এক্সপোর্ত ওর্দর অসি তোঙান-তোঙানবা মালেমগী সিপয়ার্দশিং অমসুং মখোয়না কস্তমরশিংদা পীবা ভেল্যু প্রোপোজিসনশিংদা য়ুম্ফম ওইদুনা মুন্না নৈনরবা মতুংদা মাই পাকখিবনি। সি.এস.এল.গী খুদম ওইনা উৎখ্রবা অমসুং নোংচুপ থংবা য়ুরোপকী মমল লৈরবা ক্লাইন্তশিংদা মগুন লৈবা অৱাংবা থাক্কী জহাজশিং শাদুনা পীখিবগী ত্রেক রেকোর্দশিংনা ক্লাইন্ত অসিগী পুক্নিং শুমহৎখিবনি। সি.এস.এল.না মসিগী কন্ত্রেক্ত অসিগী মনুংদা লাইচৎ অসিনা মরম ওইদুনা পীরিবা খুদোংচাদবশিংবুসু মুন্না কোনশিল্লদুনা খুৎয়েক পীনবনি। সি.এস.এল.না মমাংদগী হৌনা কোচি ৱাতর মেত্রোগী হাইব্রিদ ইলেক্ত্রিক বোৎ ২৩ অমসু শারি।

মসিগী প্রোজেক্ত অসিনা সি.এস.এল.বু অৱাংবা থাক্কী জহাজ শাবনা মালেমগী সিপবিল্দিং য়ার্দ অফাওবশিংগী মরক্তা চলহনবা ঙম্লগনি হায়না থাজবা থম্লি।

***