ঙসি আয়ুশ মন্ত্রালয়না ‘ঐগী পুন্সি – ঐগী য়োগ’ ভিদিও ব্লোগিং কন্তেস্তকী মকোক মথং তাবশিংগী মিং লাউথোকখ্রে। দিজিতেল প্লেৎফোর্মদা পাংথোকপা মালেমগী ওইবা চাংয়েংনবা অসি আয়ুশ মন্ত্রালয় অমসুং ইন্দিয়ন কাউন্সিল ফোর কলচরেল রিলেসন্স (আই.সি.সি.আর.)না পুন্না পাংথোকপনি অমসুং ৬শুবা মালেমগী য়োগ নুমিৎকী থৌরমদা প্রধান মন্ত্রী শ্রী নরেন্দ্র মোদীনা মে ৩১, ২০২০দা হৌদোকখিবনি।

চাংয়েংনবা অসি থাক তরুক্তা পাংথোকখি- নুপী অমসুং নুপাশিংনা তোঙান্না প্রোফেস্নেল, অহল (চহী ১৮গী মথকশিং) অমসুং নহা (চহী ১৮গী মখা)। ভারত্তগী অপুনবা মীওই ৩৫১৪১ অমসুং অতোপ্পা লমশিংদগী চাউরাক্না মীওই ২০০০মুক্না শরুক য়াখি। অতোপ্পা লমদগী য়াওরকপা মীওইশিংদি মফমশিংদুগী মরী লৈনা ইন্দিয়ন মিসনশিংনা য়েংশিনখি।

প্রোফেস্নেল থাক্কী অহানবা মকোক তাবশিং অদুদি অশ্বাথ হেগদে (নুপা) অমসুং রজনি গেহলোত (নুপী)নি। রাজপাল সিংহ আর্য়া অমসুং শাইলী প্রসাদনা অহলগী থাক্কী (চহী ১৮গী মথক) অমসুং প্রনায় শর্ম অমসুং নাব্যা এস.ঐচ.না নহাগী থাক্কী (চহী ১৮গী মখা) মকোক ওইবশিংনি।

ভারত্তগী শরুক য়ারকপশিং অসি য়োগগী হৈ-শিংবা মীওই ২০০না য়েংশিনখি অমসুং তুংদা ভিদিও ১৬০ খনগৎখি। মখা তাবা ওইনা কাংলুপশিং অসিদা খনগৎলবশিং অসি অমুক মেম্বর ১৫গী জ্যুরীনা য়েংশিনখি। জ্যুরী মেম্বরশিংনা মশানা পীবা স্কোর্শিং অসিগী চাংচৎনা মকোক তাবশিং খনখি। চাংচৎকী স্কোর খ্বাইদগী য়াম্বা অদু মকোক তারে হায়না লাউথোকখি।

চাংয়েংনবা অসিদা মালেম পুম্বগী মীওইশিংনা য়াওবা য়াহনখি। চাংয়েং অসিদা য়াওগে হায়রবদি য়াওগদৌরিবা মীওই অদুনা য়োগগী থৌওং ৩ (ক্রিয়া, অসানা, প্রনায়ামা, বন্ধা নত্ত্রগা মুদ্রা)গী মিনিৎ অহুম শাংবা ভিদিও অমগা লোয়ননা হায়রিবা য়োগগী থৌওংশিং অসিনা মখোয়গী পুন্সিদা করম্না ইথিল পীবগে হায়বগী ৱারোল অমা য়াওদুনা অপ্লোদ তৌগদবনি। মসিগী ভিদিওশিং অসি হেশ্তেগ #মাইলাইফমাইয়োগ অসিগা লোয়ননা ফেসবুক, ত্বীত্তর অমসুং ইন্সতাগ্রামদা অপ্লোদ তৌখি। চাংয়েংনবা অসি মালেমগী য়োগ নুমিৎ, জুন ২১, ২০২০গী পুং ২৩.৫০দা লোইশিনখি।

ভারতকী ওইনা কাংলুপ তরুক অসিদা মকোক মথং তাখিবশিং মখাদা পীরিঃ

১. প্রোফেস্নেলগী থাক

নুপা                            

নুপী

২. অহল (চহী ১৮গী মথক)গী থাকঃ

নুপা

নুপী

৩. নহা (চহী ১৮গী মখা)গী থাকঃ

           নুপা

নুপী

ভারতকী মপান্দগী শরুক য়ারকপা মকোক মথং তারকপা মীওইশিংগী মিংদি কোন্না লাউথোরক্কনি

***