কেন্দ্রগী হ্যুমেন রিসোর্স দিবেলপমেন্ত মিনিস্তর শ্রী রামেশ পোখ্রিয়াল ‘নিশঙ্ক’না দিজিতেল এজুকেসন্দা প্রগ্যাতা গাইদলাইনশিং ওনলাইন মিদিয়মগী থোংদা ঙসি ন্যু দিল্লীদা ফোঙখ্রে। ঐচ.আর.দি.গী স্তেৎকী মিনিস্তর শ্রী সঞ্জয় ধোত্রেসু ওনলাইন মিদিয়মগী থোংদা শরুক য়াখি।

থৌরম অদুদা ৱা ঙাংলদুনা শ্রী রামেশ পোখ্রিয়াল ‘নিশঙ্ক’না হায় কোবিদ-১৯ লায়চৎ অসিনা স্কুলশিং থোং লোনখিবনা লৈবাক অসিগী স্কুলশিংদা মিং চনখ্রবা অঙাং কোতি ২৪০গী মথক্তা শোকহল্লি। কুইনা শাংনা স্কুলশিং থোং লোনখিবনা মরম ওইরগা মহৈ তম্বদা অমাংবা থোক্লকপা য়াই। শ্রী পোখ্রিয়ালনা হায় লাইচৎ অসিগী চৈথেং অসি হন্থহন্নবা স্কুলশিংনা হৌজিক ফাওবদা চত্থরক্লিবা তাকপী-তম্বীবগী পাম্বৈ অসি শেমদোক-শাদোকপখক্তা নত্তনা য়ুমদা মহৈ তম্বা অমসুং স্কুলদা মহৈ তম্বা অনিগী অফবা অপুনবা অমগী থোংদা ক্বালিতি এজুকেসন পীনবা চান্নবা পাম্বৈ অমা হৌদোকপা মথৌ তাই।

Introducing 'PRAGYATA': Guidelines on #DigitalEducation for school heads, teachers, parents, and students containing recommended screen time for children, tips on coping with mental/physical stress during #DigitalLearning & more. Stay tuned for more details.#PRAGYATA pic.twitter.com/o1BkkhID7j

— Dr. Ramesh Pokhriyal Nishank (@DrRPNishank) July 14, 2020

মন্ত্রীনা ফোঙদোকখি মদুদি প্রগ্যাতা গাইদলাইনশিং অসি লোকদাউন্না মরম ওইরগা হৌজিক ময়ুমদা লৈরিবা মহৈরোয়শিংগী ওনলাইন/ব্লেন্দেদ/দিজিতেল এজুকেসন্দা মীৎয়েং অমা থম্বগা লোয়ননা লর্নর্সকী পর্সপেক্তিবতগী শেমগৎপনি। মহাক্না মখা তারদুনা মসিগী দিজিতেল/ওনলাইন এজুকেসন্দা গাইদলাইনশিং অসিনা এজুকেসনগী ক্বালিতি হেনগৎহন্দুনা ওনলাইন এজুকেসনবু মাংলোমদা পুনবা লম্বেল নত্রগা পোইন্তর অমা পীরি। মন্ত্রীনা হায় স্কুলগী হেদশিং, ওজাশিং, মমা মপাশিং, ওজাগী এজুকেতরশিং অমসুং মহৈরোয়শিং য়াওনা তোঙান তোঙানবা কাংলুপকী স্তেকহোল্দরশিংগী অপুনবা অমগী মরি লৈনবা অমসুং কান্নবা ওইগনি। গাইদলাইনশিং অসিনা দিজিতেল দিভাইসশিং ফঙবা ঙম্বা লর্নর্স অমসুং খরখক নত্রগা ফঙবা ঙমদবা লর্নর্স অনিমক্কী এন.সি.আর.তি.গী একাদেমিক কেলেন্দরগী মহুৎ শিনবা য়াবগী মতাংদা তাক্লি।   

প্রগ্যাতা গাইদলাইনশিংদা ওনাইন/দিজিতেল লর্নিংগী খোংথাং নিপাল য়াওরি মদুদি প্লান-রিভ্যু-এরেঞ্জ-গাইদ-য়াক(তোল্ক)-এসাইন-ত্রেক-এপ্রিসিএৎনি। মসিগী খোংথাংশিং অসিনা দিজিতেল এজুকেসনগী প্লান্নিং অমসুং ইমপ্লিমেন্তেসন খুদমশিংগা লোয়ননা মথং মথং লমজিংলি। 

থৌরম অদুদা ৱা ঙাংলদুনা শ্রী ধোত্রেনা হায় প্রগ্যাতা গাইদলাইনশিং অসি মহৈরোয়শিংদা চেকশিন থৌরাং অমসুং একাদেমিক্কী চাওখৎনবা ঐচ.আর.দি. মন্ত্রালয়না শেম্বনি। মহাক্না হায় লাইচৎ অসিগী মনুংদা ওনলাইন এজুকেসন্না অহোবা কয়া মেনশিনখি অদুবু মহৈরোয়শিং মহৈ তম্বীবা দিজিতেল তেক্নোলিজিশিং শিজিন্নবদা য়াম্না চেকশিনগদবনি। মহাক্না থাজবা থম্মি মদুদি মসিগী গাইদলাইনশিং অসিনা মহৈরোয়শিং, ওজাশিং, মমা মপাশিং, হেদশিং অমসুং অতোপ্পা স্তেকহোল্দরশিং  ওনলাইন সেফতি প্রেক্তিসশিং তম্বদা মতেং পাংলগনি। শ্রী ধোত্রেনা সেফ অমসুং সিক্যুর ওইবা দিজিতেল লর্নিং এনভাইরনমেন্ত অমা পীগদবা প্রগ্যাতা গাইদলাইনশিং পুথোকপগী মন্ত্রালয়গী খোংথাংশিং অসিবু থাগৎপা ফোঙদোকখি।

গাইদলাইনশিং অসিনা এদমিনিস্ত্রেতরশিং, স্কুল হেন্দশিং, ওজাশিং, মমা-মপাশিং অমসুং মহৈরোয়না মখাগী লমশিং অসিদা পাউতাকশিং পীরি:

• মথৌ তাবা এসেসমেন্তগী
• ওনলাইন অমসুং দিজিতেল এদিকেসন প্লান তৌবা মতমদা য়েংশিনগদবা অদুদি মতম, স্ক্রীন তাইম, ইনক্লুসিবনেস, ওনলাইন অমসুং ওফলাইন এক্তিবিতীশিং থাক্কী মতুং ইন্না চাং মান্ননা থম্বা
• রিসোর্সশিং চেকশিন্না খনবা, থাক্কী মতুং ইন্না চান্নবা মোদেলিতীশিং শীজিন্নবা
• দিজিতেল এজুকেসন তৌরিঙৈদা হকচাং অমসুং ৱাখল ফনা অনা অয়েক য়াওদনা থম্বা
• সাইবর সেফতীগী চেকশিল থৌরাংশিং অমসুং খোঙথাংশিং য়াওবা তৌগদবা সাইবর সেফতী অমসুং ইথিকেলশিং
• মখল কয়াগী খোঙথাংশিংগা লোয়ননা চুংশিন্নবা অমসুং পুনশিন্নবা

পীরিবা স্ক্রীন তাইম

স্কুলগী হেদশিং অমসুং ওজাশিংগী গাইদলাইনশিং অসিনা সাইবর সেফতী অমসুং প্রাইবেসীগী খোঙথাংশিং লৌখৎপগা লোয়ননা দিজিতেল এজুকেসন ইমপ্লিমেন্ত তৌবদা মথৌ তাবা এসেসমেন্ত, প্লানিং অমসুং খোঙথাংশিং অদু তাক্লি। মীমান্নদ্রবা মহৈরোয়শিংগীদমক্তা অখন্নবা মীৎয়েং চংনবগী মতাংদসু হায়রি। মরু ওইরিবা ৱাফমদি ওনলাইন অমসুং ওফলাইনগী ওইবা এক্তিবিতীশিং চাং অমদা থমদুনা মহৈরোয়গী থাক্কী মতুং ইন্না স্ক্রীন তাইম অসিনা মরু ওইবা পেরামিতর ওইহল্লি।

মা-মপাশিংগী ওইনা গাইদলাইন অসিনা হকশেল অমসুং ৱাখল ফনা লৈবগী মথৌ তাবা অদু খঙহনবগা লোয়ননা য়ুমদা অঙাংশিংগী সাইবর সেফতীগী খোঙথাংশিং লৌখৎপদা মতেং পাংলি। দিজিতেল দিবাইসশিং কুইনা শাংনা শীজিন্নবনা মরম ওইরগা অঙাংশিংদা ৱাখল ৱাবা নত্রগা অমাংবা থোকহন্দনবা (চুংফিরালদা শোকহনবা, মীৎ শোকহনবা অমসুং অতোপ্পা হকচাংদা নুংঙাইতবা থোকহনবা) স্তেকহোল্দর পুম্নমক্না লৌখৎকদবা খোঙথাংশিংগী ওইবা গাইদলাইনশিং অসিদা হকচাং ফনা অমসুং ৱাখল নুংঙাইনা লৈহন্নবা গাইদলাইনশিং য়াওরি। অর্গনমিক্স অমসুং সাইবর  সেফতীগী মতাংদা তৌগদবা অমসুং তৌরোইদবশিং অদুসু পীরি।

গাউদলাইনশিং অসিনা লৈবাক অসিদা লৈরিবা স্কুল তম্লিবা অঙাংশিং কান্ননবা দিজিতেল/ওনলাইন/ওন-এয়র এজুকেসনগা মরী লৈনবা পুন্না পুনশিন্দুনা হোৎনবা মথৌ তাবা অদুসু পনখি। খোঙথাং অসিদা দিকশা, স্বায়ম প্রভা, স্বায়ম এম.ও.ও.সি.এস., রেদিও ৱাহিনি, শিকশা ৱানি, মীমান্নদ্রবা অঙাংশিংগী ওইবা অখন্ননা শেম্বা, অমসুং আই.তি.পি.এ.এল. য়াওরি। ভারতগুম্বা জাতি মখল কয়া খুন্দাবা মফম ওইবনা তোঙান তোঙানবা স্তেৎশিং/য়ু.তি.শিংগী থাক্তা লৈবা ওর্গনাইজেসন অমসুং জাতিগী থাক্তা লৈবা ওর্গনাইজেসনশিংনা পুন্না খুৎশম্নদুনা অহোংবা অমা পুরকক্তুনা দিজিতেলগী মওংদা মহৈ মশিং তম্বদা ওন্থাবা ঙমগনি অমদি কোবিদ-১৯ মতুংদা ওইরক্কদবা অদুদসু কন্নরগনি।

গাইদলাইনশিংগীদমক লিঙ্ক অসি চংবীয়ু:

https://mhrd.gov.in/sites/upload_files/mhrd/files/upload_document/pragyata-guidelines.pdf

***