কেন্দ্রগী কেমিকেলস এন্দ ফর্তিলাইজরসকী মন্ত্রী শ্রী দি.ভি. সদানন্দ গৌরানা হায় ফার্মাস্যুতিকেল্স বিভাগনা লৈবাক অসিদা লিংখৎকদৌরিবা বল্ক দ্রগস পার্ক অহুম অমসুং মেদিকেল দিবাইসেস পার্ক মরিগী মরু ওইবা মফমশিং খনবদা মতেং ওইগদবা দাইদলাইনশিং অরোইবা ওইনা শেম্লি।

ঙসি পঞ্জাবকী ফাইনান্স মন্ত্রী শ্রী মনপ্রিৎ সিংহ বাদলনা ন্যু দিল্লীদা শ্রী দি.ভি. সদানন্দ গৌরাগা উন্নখ্রে অমসুং প্রপোজ তৌরিবা বলক দ্রগ পার্কশিংদগী অমা পঞ্জাবকী বথিন্দাদা লিংখৎবা হায়জবগী চে শ্রী গৌরাদা শিন্নখি।

পার্কশিং অসিগী শেমগৎপদা মতেং পাংনিংবগী অপাম্বা ফোঙদোরকপা অসিদা শ্রী গৌরানা শ্রী বাদলবু থাগৎখি।

থৌরম অসিদা ৱারোল পীবদা শ্রী বাদলনা হায় বথিন্দাগী মফম অসিদা লম্বী-থোংগী ফীভম ফৈ, ঈশিং অমসুং লম মরাং কাই অমসুং রাজ্য অসিদা খ্বাইদগী চাওবা য়ু.এস.এফ.দি.এ.না এপ্রুফ তৌরবা ফার্মাকোতিকেল কম্পনীশিং অমসুং নিপর, আই.আই.এস.ই.আর., এমসগুম্বা ফার্মা ইন্সতিত্যুৎ কয়া হান্ননা মমাংদগী লৈরে।

অরুবা এ.পি.আই.শিং/কে.এস.এম অমসুং মেদিকেল দিবাইশিংগী দোমেস্তিক প্রদক্সন হেনগৎনবগীদমক মার্চ ১২, ২০২০দা কেন্দ্রগী কেবিনেৎনা বল্ক দ্রগ অহুম অমসুং মেদিকেল দিবাইস পার্ক মরি শেমগৎনবা স্কিম অমা অয়াবা পীখ্রে মসিদা ভারত সরকারনা খ্বাইদগী চাওবা অক্কনবা ওইনা দ্রগ পার্ক অমদা লুপা কোতি ১০০০ অমসুং মেদিকেল দিবাইস পার্ক অমদা লুপা কোতি ১০০ থমদুনা রাজ্যদা গ্রান্ত-ইন-এদ ওইনা পীরি। মসিগী মথক্তা ভারত সরকারনা লৈবাক অসিদা শাজবা মরু ওইবা হৌদোক্নবা পোৎচাকশিং/ দ্রগ ইন্তর্মিদি‌এৎশিং অমসুং এ.পি.আই.শিং অমসিং মেদিকেল দিবাইসশিং লৈবাক অসিদা শাবা হেনগৎনবা প্রদক্সন লিঙ্ক ইন্সেন্তিব স্কিম অমসু লাউথোকখ্রে। স্কিমশিং অসিগী অপুনবা ফাইনান্সিএল ইমপ্লিকেসনশিং অসি লুপা কোতি ১৩৭৬০নি।  স্কিম অসিগী বল্ক দ্রগ পার্ক হেনগৎপনা লুপা কোতি ৪৬,৪০০রোমগী বল্ক দ্রগ পুথোকপা চাং য়াম্না হেনগৎহল্লগনি, অঞরোমদা মেদিকেল দিবাইস পার্ক পুথোকপগী স্কিমনা লুপা কোতি ৬৮,৪৩৭রোমগী মেদিকেল দিবাইস পুথোকপা চাং য়াম্না হেনগৎহল্লগনি। স্কিম অসিনসু থবক চাওনা পীবা ঙমহল্লগনি।

***