କୋଭିଡ-19କୁ ରୋକିବା ପାଇଁ କେନ୍ଦ୍ର ଏବଂ ରାଜ୍ୟ ସରକାରଙ୍କ ମଧ୍ୟରେ ସମନ୍ଵୟ ରକ୍ଷାକରି ବିଭିନ୍ନ ପ୍ରକାରର ପଦକ୍ଷେପ ଗ୍ରହଣ କରାଯାଉଛି । ଆବଦ୍ଧାଞ୍ଚଳରେ ଦୃଢ କାର୍ଯ୍ୟାନୁଷ୍ଠାନ, ନୀରିକ୍ଷଣ କାର୍ଯ୍ୟକଳାପ, ଠିକ ସମୟରେ ରୋଗୀ ଚିହ୍ନଟ ଏବଂ କରୋନାର ପ୍ରଭାବଶାଳୀ ଚିକିତ୍ସା ପରିଚାଳନା ଦ୍ଵାରା ସମୁଦାୟ ଆରୋଗ୍ୟଙ୍କ ସଂଖ୍ୟା ଆଜି 5ଲକ୍ଷ ଅତିକ୍ରମ କରିଛି ।  5,15,385 କୋଭିଡ-19 ରୋଗୀ ଏପର୍ଯ୍ୟନ୍ତ ଆରୋଗ୍ୟ ହୋଇ ଘରକୁ ଫେରିଛନ୍ତି । ସକ୍ରିୟ ମାମଲା ତୁଳନାରେ ସୁସ୍ଥ ହୋଇଥିବା ମାମଲା ସଂଖ୍ୟା 2,31,978 ଅଧିକ ।

ଏହି ବିସ୍ତାରିତ ବ୍ୟବଧାନ ଦ୍ଵାରା ଆରୋଗ୍ୟ ହାର 62.78%ରେ ପହଞ୍ଚିଛି । ଗତ 24 ଘଣ୍ଟା ମଧ୍ୟରେ, 19,870 କରୋନା ରୋଗୀ ଆରୋଗ୍ୟ ହୋଇ ଘରକୁ ଫେରିଛନ୍ତି ।

ଏବେ ଦେଶରେ ମୋଟ 2,83,407 ସକ୍ରିୟ ରୋଗୀ ଚିକିତ୍ସାଧୀନ ଅଛନ୍ତି । ଅତ୍ୟଧିକ ଲକ୍ଷଣ ଥିବା ରୋଗୀ ରାଜ୍ୟ ଓ କେନ୍ଦ୍ର ସରକାରଙ୍କ ଚିକିତ୍ସାଳୟଗୁଡ଼ିକରେ ଚିକିତ୍ସିତ ହେଉଥିବା ବେଳେ ପ୍ରାକଲକ୍ଷଣ ରୋଗୀ ଏବଂ ସ୍ୱଳ୍ପ ଲକ୍ଷଣ ଦେଖାଉଥିବା ବ୍ୟକ୍ତି ଘରୋଇ ସଙ୍ଗରୋଧରେ ଅଛନ୍ତି ।

ନିକଟରେ ସମସ୍ତ ପଞ୍ଜିକୃତ ପରୀକ୍ଷାଗାରଗୁଡ଼ିକୁ କୋଭିଡ ପରୀକ୍ଷା ପାଇଁ ଅନୁମତି ଦେବା ଏବଂ ରାପିଡ଼ ଆଣ୍ଟିଜେନ ଟେଷ୍ଟ ଯୋଗୁଁ ଦେଶରେ ନମୁନା ପରୀକ୍ଷା ହାର ଯଥେଷ୍ଟ ବୃଦ୍ଧି ପାଇଛି। ଏପର୍ଯ୍ୟନ୍ତ 1,13,07,002ଟି ନମୁନା ପରୀକ୍ଷା କରାଯାଇଛି । ଦେଶରେ 841ଟି ସରକାରୀ ଓ 339ଟି ଘରୋଇ ଏହିପରି ମୋଟ 1180ଟି ପରୀକ୍ଷାଗାରରେ ନମୁନା ପରୀକ୍ଷଣ କରାଯାଉଛି । ଗତକାଲି ଗୋଟିଏ ଦିନରେ 2,82,581ଟି ନମୁନା ପରୀକ୍ଷା କରାଯାଇଛି । ବର୍ତ୍ତମାନ ଦେଶରେ 10 ଲକ୍ଷ୍ୟ ଜନସଂଖ୍ୟାରେ 8,193ଟି ନମୁନା ପରୀକ୍ଷା କରାଯାଉଥିବା ଜଣାଯାଉଛି ।

• ରିଅଲ-ଟାଇମ ଆରଟି ପିସିଆର ଆଧାରିତ ପରୀକ୍ଷାଗାର : 620 (ସରକାରୀ: 386 + ଘରୋଇ: 234)
• ଟ୍ରୁ ନ୍ୟାଟ ଆଧାରିତ ପରୀକ୍ଷାଗାର : 463 (ସରକାରୀ: 420 + ଘରୋଇ: 43)
• ସିବିନ୍ୟାଟ ଆଧାରିତ ପରୀକ୍ଷାଗାର : 97 (ସରକାରୀ: 35 + ଘରୋଇ: 62)

କୋଭିଡ-19 ସମ୍ବନ୍ଧୀୟ ବୈଷୟିକ ତଥ୍ୟ, ମାର୍ଗଦର୍ଶିକା ଓ ନିୟମାବଳୀର ସୂଚନା ପାଇଁ ନିୟମିତ ପରିଦର୍ଶନ କରନ୍ତୁ: https://www.mohfw.gov.in/ ଏବଂ @MoHFW_INDIA ।

ଏ ସମ୍ପର୍କିତ ବୈଷୟିକ ପ୍ରଶ୍ନାବଳୀ technicalquery.covid19[at]gov[dot]in ଏବଂ ncov2019[at]gov[dot]in ଏବଂ @CovidIndiaSeva କୁ ପଠାଇ ପାରିବେ ।

କୋଭିଡ-19 ଜନିତ କୌଣସି ଜିଜ୍ଞାସା ପାଇଁ ଦୟାକରି ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟର ହେଲ୍ପଲାଇନ ନଂ : + 91-11-23978046 କିମ୍ବା 1075 (ଦେୟ ମୁକ୍ତ)ରେ ସମ୍ପର୍କ କରିପାରନ୍ତି । ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳର କୋଭିଡ-19 ହେଲ୍ପଲାଇନ ନମ୍ବରଗୁଡ଼ିକର ତାଲିକା ନିମ୍ନ ୱେବସାଇଟ ରେ ଉପଲବ୍ଧ ।

https://www.mohfw.gov.in/pdf/coronvavirushelplinenumber.pdf

**********