হকশেল অমসুং য়াইফ-য়ুম্বাল মন্ত্রালয়

নাবা ফরবা কেস মশিং চাউরাক্না লাখ ৫ শুরে; এক্তিব কেস মশিংদগী লাখ ২.৩১ হেল্লে

নাবা ফগৎলকপগী চাং চাউরাক্না ৬৩% য়ৌরে

Posted On: 11 JUL 2020 4:37PM by PIB Imphal

কেন্দ্র অমসুং রাজ্য সরকারশিংনা কোবিদ-১৯দগী ঙাকথোক্নবা অমসুং লাকশিন্নবা হকথেংননা থবক তৌবা, অতম্ননা থবক তৌবা অমসুং থৌরাং য়াত্তুনা পাংথোকপা খোঙথাং কয়াগী পরিং অমা পাংথোক্লি। কন্তেনমেন্ত জোন চলায়বা, য়েংশিনবগী থবকশিং পাংথোকপা, মতম চানা লাইওং খংদোকপা অমসুং কোবিদ-১৯গী কেশশিংবু নিংথিনা ক্লিনিকেল মেনেজমেন্ত তৌবদগী ঙসি কোবিদ-১৯দগী নাবা ফগৎলকপা মীওইশিংগী মশিং লাখ ৫ হেনখ্রে।  হৌজিক পুন্না মীওই ৫,১৫,৩৮৫ নাবা ফরে অমসুং দিসচার্জ তৌখ্রে। নাবা ফরবা মশিংনা এক্তিব কেসকী মশিংদগী লাখ ২,৩১,৯৭৮ হেল্লি।

মসিগী অফবা মওংদা অহাংবা হেনগৎলকপা অসিগা লোয়ননা রিকোবরী রেৎশু মখা তানা ৬২.৭৮%দা হেনগৎলে। হৌখিবা পুং ২৪দা কোবিদ-১৯গী অনাবা ১৯,৮৭০ নাবা ফদুনা দিসচার্জ তৌখ্রে।

হৌজিক এক্তিব কেস মশিং ২,৮৩,৪০৭ লৈরি অমসুং অকনবা লাইওং উৎপা অনাবশিংনা কেন্দ্রগী নত্ত্রগা রাজ্য সরকারগী হোস্পিতালশিংদা কন্না লায়েংলি অমসুং সিম্পতম উত্তবা অমসুং ময়ায় ওইবা সিম্পতম উৎপা মীওইশিংনা য়ুমদা আইসোলেসন তৌদুনা লৈরি।

রেজিস্তর তৌরবা মেদিকেল প্রেক্তিস্নর অমনা তেস্তিং তৌবগী অয়াবা পীবা য়াহনবা অমসুং আর.তি.-পি.সি.আর.গা লোয়ননা রেপিদ এন্তিজেন তেস্ত তৌবগী থৌওং হৌদোকখিবগী পোলিসী কয়াদা হন্দক্তা অহোঙবা লৈখিবসিনা লৈবাক শিনবা থুংনা তেস্ত তৌবগী চাং য়াম্না হেনগৎহনখ্রে। হৌজিক ফাওবদা লৈবাক শিনবা থুংনা লৈবা আই.সি.এম.আর.গী লেব ১১৮০গী দাইগ্নোস্তিক নেতৱর্ক অসিগী মখাদা লৈবা সরকারগী অমসুং লন্নাইগী লেবশিংনা পুন্না সেম্পল ১,১৩,০৭,০০২ লৌখৎপা ঙমখি। পব্লিক সেক্তরদা লৈবা লেব মশিং অসি য়াম্না শিংথানিংঙাই ওইনা ৮৪১ হেনগৎলকপগা লোয়ননা লন্নাইগী লেব মশিংশু ৩৩৯ শুখ্রে। নোঙমদা তৌবা তেস্ত মশিং হেনগৎলকপগী চৎনবি অমা ওইনা ঙরাং সেম্পল ২,৮৫,৫১১ তেস্ত তৌখি। ঙসি ফাওবদা লৈবাক অসিগী তেস্ত পর মিলিয়ন (তি.পি.এম.) অসি ৮১৯৩দা লৈরি।

  • রিএল তাইম আর.তি. পি.সি.আর.দা য়ুম্ফম ওইবা তেস্ত তৌনবা লেবঃ ৬২০ (সরকারগী ৩৮৬+ প্রাইবেৎঃ ২৩৪)
  • ত্রুনাৎতা য়ুম্ফম ওইবা তেস্তিং লেবঃ ৪৬৩ (সরকারগী ৪২০+ প্রাইবেৎঃ ৪৩)
  • সি.বি.এন.এ.এ.তি.দা য়ুম্ফম ওইবা তেস্তিং লেবঃ ৯৭ (সরকারগী ৩৫+ প্রাইবেৎঃ ৬২)

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid19@gov.in দা থাবীয়ু অমসুং অতোপ্পশিংগী ওইনা ncov2019@gov.in and @CovidIndiaSevaদা থাবীয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবীগনি।

***



(Release ID: 1638008) Visitor Counter : 4