গবর্নেন্স অসিদা মীয়ামগী পার্তিসিপেসন অমসুং ত্রান্সপরেন্সী লৈনবা প্রধান মন্ত্রী শ্রী নরেন্দ্র মোদীগী ভিজন অসিগী মতুং ইন্না শিপ্পিং মন্ত্রালয়না স্তেকহোল্দরশিং অমসুং লৈবাক মীয়ামগী পাউতাক মতুং ইন্না ২০২০গী নেভিগেসন বিল এদসকী বিল পুথোকখ্রে।

দ্রাফ বিল অসিনা চহি মরিফুতরা লিরবা লাইতহাউস এক্ত ১৯২৭গী হোংদোক্নবগীদমক্তা মেরিন নেভিগেসনগী তেংবাং ওইগদবা লমশিংদা খ্বাইদগী ফনা থবক পাংথোক্নবশিং, তেক্নোলোজীগী মওংদা চাওখৎনবা থবকশিং অমসুং ভারতকী অন্তর্রাস্ত্রীয়গী ওইবা থৌদাংশিং হাপচিনগনি।   

সিপ্পিংগী(আই./সি.গী রাজ্য মন্ত্রী শ্রী মনসুখ মন্দাবিয়ানা মসিগী থৌরাং অসি মহাক্কী মন্ত্রালয়দগী মমাংঙৈগী খুন্দারকখিবগী ৱায়েল-পথাপশিং অদু চৎনহন্দনবা অমসুং মাগী মহুত্তা সমু্দ্রদা চত্থোক-চৎশিন তৌবগী লমশিংগী অনৌবা অমসুং মতমসিগী ওইনা মথৌ তাবশিং অদুগী মতুং ইন্না অনৌবা মওংদা শেম্নবগী নিংথিজনা পাংথোকপা য়াবা মীৎয়েং থম্লিবা অসিগী শরুক্নি হায়না ফোংদোকখি। শ্রী মন্দাবিয়ানা মীয়াম অমসুং স্তেকহোলদরশিংগী মায়কৈদগী থম্লকপা ৱাফমশিংগী ৱায়েল পথাপশিং অদু মপাঙ্গল কনখৎহনগনি। মহাক্না মখা তানা হায়খিবা ৱাফমদা বিল অসিনা হান্না লাইতহাউস এক্ত, ১৯২৭না পাংথোকপদা  শিজিন্নরম্বা হোংবা লৈতবা থৌরাংশিংনা চমম্নদুনা লৈরম্বা মেরিন নেভিগেসন অসি খ্বাইদগী অনৌবা তেক্নোলোজী অসি চৎনহন্নবগী পান্দম থম্লি হায়না ফোংদোকখি।

দ্রাফ বিল অসিনা অন্তর্রাস্ত্রীয়গী সন্ধিশিংগী মখাদা ভেসেল ত্রাফিক সর্ভিস, রেক ফ্লেগিং, ত্রেনিং অমসুং সর্তিফিকেসনগী থবক পাংথোকপশিংদা ভারতনা খুৎয়েক পীখ্রবা অতোপ্পা থৌদাংশিং অদু থবক পাংথোক্নবগীদমক্তা  দাইরেক্তর জেনরেলশ ওফ লাইতহাউসেস অমসুং লাইতহাউস(দি.জি.এল.এল.)দা অতৈ হকশিং অমসুং শক্তিশিং ফংহনগনি। মসিনা ইপা-ইপুগী ওইবা লাইতহাউশিং মশক খংদোক্কনি অমসুং শেমগৎকনি।

দ্রাফ তৌরবা বীল অসিদা নেভিগেসন্দা অপনবা পীরকপা অমসুং করিগুম্বা মখল অমত্তগদী মাংহন-তাকহন্নবা তৌরকপা অমদি কেন্দ্র সরকার অমসুং অতোপ্পা লোয়শঙশিংদগী থোরকপা ইনগদবশিং অদু ঙাক্তবা মতমদা চৈরাক্কী ওইবা পেনাল্তীশিং অমদি অসিগুম্বা থবকশিং অসিদা চৈরাক পীবগী থাক থম্নবগীদমক্তা অনৌবা সেদ্যুল কয়া অমা শেমখি।

মেরিন নেভিগেসন অসিগীদমক্তা শেমগৎনবা অনৌবা তেক্নোলোজীগী এদকী তেংবাং ওইবা খুৎলাইশিং থোরকপদগী মেরিন নেভিগেসন অসিবু চৎন-কাংলোন নাইনা মথৌ পাংথোকহল্লিবা অমসুং য়েংশিল্লিবশিং অসিগী অচৌবা থৌদাংসু য়াম্না হোংখ্রে। অনৌবা ৱায়েল-কাংলোন অসিদা লাইতহাউসকী মহুৎ শিনগদবা নেভিগেসন অদুগীদমক অনৌবা এদশিং শিজিন্নবা অকনবা মীৎয়েং থমখি।

মরম অসিনা দাইরেক্তোরেৎ জেনরেল ওফ লাইতহাউস অমসুং লাইতশিপকী ৱেবসাইত http://www.dgll.nic.in/Content/926_3_dgll.gov.in.aspx, অসিদা অপলোদ তৌখ্রে, মসিদা নাগরিকশিংনা দ্রাফ বিলগা মরি লৈনবা মখোয়গী ৱাফমশিং অমসুং ৱাখল্লোনশিং অদু   থেংলবদা ২৪.০৭.২০২০ ফাওবদা atonbill2020[at]gmail[dot]com দা পীশিল্লকপা য়াগনি।

***