কোবিদ-১৯দগী ফরবা মশীং খুমাং চাউশিন্না হেনগৎলক্লি। হৌখিবা পুং ২৪ অসিদা কোবিদ-১৯না নারবা মীওই ১৯,১৩৮ ফখ্রে, মসিনা কোবিদ-১৯ অনাবশিংগী মরক্তগী অপুনবা ওইনা নাবা ফরবা মীওই মশীং ঙসিগা থানা ৪,৯৫,৫১৫ শুখ্রে। মসিনা মরম ওইরগা, লৈবাক অসিগী ওইনা নাবা ফবগী চাংদসু ০.৩৩% হেনগত্তুনা ঙসি ফাওবদা ৬২.৪২% শুখ্রে। এক্তিব কেস ২,৭৬,৮৮২ লৈরি অমসুং মখোয় পুম্নমক চেকশিন্না লাইয়েংলি।

নাবা ফবগী চাংদা হেনগৎলক্লিবসি কেন্দ্র অমসুং রাজ্য সরকারনা অপুনবা ওইনা প্রিএম্পতিব অমসুং প্রো এক্তিব ওইবা খোংথাং কয়া লৌখৎখিবগী ফলনি। অনাবা মী মশক খঙদোক্নবগীদমক তেস্ত তৌবগী চাং কা হেন্না ৱাংখৎলকপা; মাইল্দ ওইবা অমসুং লাইওং লাক্ত্রিবা অনাবশিংবু হোম আইসোলেসন তৌদুনা থম্বা; মতম চানা কেসশিংবু শেন্নদুনা লাইয়েংবা ঙম্বা হোস্পিতালগী ইনফ্রাস্ত্রকচর মতীক চানা থম্বা; লৈবাক অসিগী ওইনা হোস্পিতালগী ইনফ্রাস্ত্রকচর ফগৎলকপা অমসুং কেন্দ্র অমসুং রাজ্য সরকারনা চাং নাইনা তাথোক তাশিন তৌনবনা মরম ওইদুনা নাবা ফগৎলকপগী চাং হেনগৎলকপনি। ঙসি ফাওবদা ঐখোয়না কোবিদ খক্তগী ওইবা হোস্পিতাল ১২১৬, কোবিদ হেলথ কেয়র সেন্তর ২৭০৩ অমসুং কোবিদ কেয়র সেন্তর ৯৯০৯দা আইসোলেসন বেদ, ওক্সিজেন সপোর্ত অমসুং আই.সি.য়ু. ফেসিলিতীগা লোইননা লৈরে।

নাবা ফগৎলকপগী চাং ঐখোয়গী লৈবাক অসিদা খুমাং চাউশিন্না ফগৎলকপনা, লৈবাক অসিগী ওইবা নাবা ফবগী চাংদগী হেন্না ৱাংবা রাজ্য/য়ু.তি. ১৮সু লৈরি। মখোয়শিং অদুদিঃ

ভারতকী থাক্তা, মী শিবগী চাং অসি ২.২৭%দা লৈরি। হায়রিবসি মালেমগী লৈবাক কয়াদা লৈরিবা শিবগী চাংদগী হেন্না নেম্লি। কোবিদ-১৯ লাকশিন্নবগী পান্দমসু মী শিবগী চাং নেমহন্নবদা মীৎয়েং থম্লি। মসিগী মতাংদা কেন্দ্র সরকারগী মতেংগা লোইননা রাজ্য/য়ু.তি. কয়ানসু চহী য়াম্লক্লবা অমসুং কো-মোর্বিদ ওইবা হাই রিস্ক ওইবা মীওইশিং খঙদোকপগী খোংথাং কয়া লৌখৎখ্রে। কোবিদ অনাবশিংবু লাইয়েংবগী থাক ৱাংখৎনবদসু মীৎয়েং থম্লি। লৈবাক শীনবা থুংনা লৈরিবা মপাঙ্গল কল্লবা আসা অমসুং এ.এন.এম.শিংনসু আয়ুশ্মন ভারত – হেলথ অমসুং ৱেলনেস সেন্তরশিংগা খুৎশম্নদুনা কেসশিং অসি য়েংশিনবদা অমসুং শোক্ন-শম্নবা য়েংশিনবদা মতেং পাংলি। মসিগী মহৈনা, হৌজিক লৈবাক অসিগী মী শিবগী চাংদগী হেন্না নেম্বা রাজ্য/য়ু.তি. ৩০ লৈরে। মখোয়শিংদুদিঃ

লৈবাক শীনবা থুংনা তেস্ত, ত্রেক অমসুং ত্রিএৎ তৌনবগী খোংথাং লৌখৎখিবনা কোবিদ-১৯ খঙদোক্নবা তেস্ত তৌখ্রবা সেম্পল মশীং হৌজিক ফাওবদা ১,১০,২৪,৪৯১ শুরে। নোংমদা সেম্পল তেস্ত তৌবগী চাংসু ৱাংখৎলক্তুনা হৌখিবা পুং ২৪ অসিদা সেম্পল ২,৮৩,৬৫৯ তেস্ত তৌখ্রে।

লৈবাক অসিদা লৈরিবা তেস্ত তৌনবা লেবসু সরকারগী লেব ৮৩৫ অমসুং প্রাইবেৎ লেব ৩৩৪ শুরবগা লোইননা লৈবাক অসিদা অপুনবা ওইনা ১১৬৯ শুদুনা মপাঙ্গল কনখৎলক্লি। মসিগী মনুংদাঃ

• রিএল তাইম আর.তি. পি.সি.আর.দা য়ুম্ফম ওইবা তেস্ত তৌনবা লেবঃ ৬১৪ (সরকারগী ৩৮২+ প্রাইবেৎঃ ২৩২)
• ত্রুনাৎতা য়ুম্ফম ওইবা তেস্তিং লেবঃ ৪৫৮ (সরকারগী ৪৮১+ প্রাইবেৎঃ ৪০)
• সি.বি.এন.এ.এ.তি.দা য়ুম্ফম ওইবা তেস্তিং লেবঃ ৯৭ (সরকারগী ৩৫+ প্রাইবেৎঃ ৬২)

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদ্ভাইজরীশিংগী ঈ-পাউশিংগীদমক https://www.mohfw.gov.in/ দা অমসুং @MoHFW_INDIA  দা চাং নাইনা চঙবীয়ু।

কোবিদ-১৯গা মরী লৈনবা তেক্নিকেল ক্বেরীসিংগীদমক technicalquery.covid19[at]gov[dot]in দা থাবীয়ু অমসুং অতোপ্পশিংগী ওইনা ncov2019[at]gov[dot]in and @CovidIndiaSevaদা থাবীয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +91-11-23978046 নত্ত্রগা 1075 (তোল-ফ্রী) দা কোল তৌবীয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf দা ফংবীগনি।

***