কোবিদ-১৯গী শেংনা থবক লৌখৎপা অমসুং শিল-লাংনবগী লাল্লোংগী শরুক অমা ওইনা কেন্দ্রনা কোবিদ-১৯ পোজিতিব ওইরববা অনাবশিং পুম্নমক্তা নিংথিজবা ক্লিনিকেল মেনেজমেন্ত শোইদনা ফংহন্দুনা শিবগী চাং অসি হন্থহন্নবা ৱাশক্লি। মসিগীদমক হকশেল অমসুং য়াইফ য়ুম্বালগী কেন্দ্র মন্ত্রীনা হৌজিক ন্যু দিল্লীগী এমসতগী স্পিসিএলিস্ত দোক্তরশিংবু রাজ্য অসিগী হোস্পিতালশিংদা আই.সি.য়ু.দা থবক পাংথোকপা দোক্তরশিংদা খ্বাইদগী অফবা লমজিং-লমতাকশিং অমসুং অমসুং ৱাখল-লৌশিং পীবদা মতেং ফংহন্নবগী থবক্তা য়াওশিলহনখ্রে।

তেলি-কন্সল্তেসন অসি কোবিদ-১৯গী লায়েং চত্থবগী প্রোতোকোলগী য়াম্না মরু ওইবা মচল অমনি। ন্যু দিল্লীগী এমসতগী স্পিসিএলিস্ত দোক্তরশিংগী তীম অমনা তেলি/ভিদিওদা কন্সল্তেসন তৌদুনা তোঙান-তোঙানবা হোস্পিতালশিংগী আই.সি.য়ুদা নিংথিজবা মওংগা লায়েং চত্থবগী থবক য়েংশিনবদা লমজিং লমতাক্কনি। মখোয়না শিবগী চাং হন্থন্নবা রাজ্য অসিদা কোবিদ-১৯গী অনাবশিংগী লায়েং চত্থবগী থবকশিং শিন্নগনি।

রাজ্য অসিদা দোক্তরশিংদা মতম চানা অমদি খ্বাইদগী অথোইবা লমজিং-লমতাকশিং ফংহন্নবগীদমক্তা মসিগী তেলি-কন্সল্তেসনগী সেসনশিং চয়োল খুদিংগী লৈবাকপোকপা অমসুং ইরাইদা অনিরক তৌগনি। থবক অসিগী অহানবা সেসন অসি ঙসি নুংথিল পুং ৪.৩০দগী হৌগনি। বুম্বাইদগী হোস্পিতাল ৯ অদুগা গোৱাদগী হোস্পিতাল ১ য়াওনা পুন্না হোস্পিতাল ১০ খনগৎখ্রে। মখোয়শিং অদুদিঃ নেসকো জম্বো ফেসিল্তী, পি. সাউথ (ফেজ II), সিদকো মুলুন্দ জম্বো ফোসিলিতী-তি.(ফেজ II); মলাদ ইনফিনিতী মোল জম্বো ফেসিলিতী, পি.এন.(ফেজ III); জিও কনভেন্সন সেন্তর জম্বো ফেসিলিতী, ঐচ.ই. (ফেজ III); নায়র হোস্পিতাল; এম.সি.জি.এম. সেভেন হীল্স, এম.এম.আর.দি.এ. বি.কে.সি. জম্বো ফেসিলিতী; ঐচ.ই. (ফেজ II), এম.এম.আর.দি.এ. বি.কে.সি জম্বো ফেসিলিতী, ঐচ.ই. (ফেজ I); মুম্বাই মেত্রো দহিসর জম্বো ফেসিলিতী, তি. (ফেজ II); অমসুং গোৱা পনাজীগী গবর্নমেন্ত মেদিকেল কোলেজ অমসুং হোস্পিতালশিং।

মখোয়শিং অসিদা আইসোলেসনগী ফমুংশিং, ওক্সিজেন শম্বা অমসুং আই.সি.য়ু.গী ফমুংশিং য়াওনা কোবিদ-১৯ লায়েংনবা ফমুং ১০০০গী মথক্তালৈ। ঙসিগী সেসন অসি দিল্লীগী এমসকী পলমোনরীগী মেদিসিনগী ঐচ ও.দি. দা. অনন্দ মোহন্না লুচিংগনি।.

মসিগী তেলি-কন্সল্তেসনগী থবক অসি ফমপং ৫০০-১০০০ ফাওবা লৈবা হোস্পিতালশিংগী ওইনা চয়োল অমদা অমুরক পাংথোক্কনি। মসিগী অখং-অহৈশিংনা লজিংবা তেলি-কন্সল্তেসনগী সেসনশিং অসি রাজ্য অসিদা জুলাই ৩১ ফাওবদা থুংনা পাংথোক্নবা কেলেন্দর অমা য়েকথোকখ্রে। পুন্না রাজ্য ১৭তা থবক পাংথোক্কনি(দিল্লী, গুজরাত, তেলঙ্গনা, কেরলা, অন্ধ্র প্রদেশ, কর্নাতকা, বিহার, নোংচুপ বেঙ্গল, তমিল নাদু, হরিয়ানা, ওরিশা, রাজস্থান, উত্তর প্রদেশ, মধ্য প্রদেশ, পঞ্জাব, ঝারখন্দ অমসুং মহারাস্ত্র)। ভি.সি.গা ৱারি শান্নবা অদুদা মরী লৈনবা রাজ্যশিংগী দিরেক্তর ওফ হেল্থ সর্ভিসেস(দি.জি.ঐচ.এস.)কা লোয়ননা হোস্পিতালশিং অদুদগী আই.সি.য়ু.গী থবক শেন্নরিবা দোক্তর অনিফাওবনা শরুক য়াগনি।

***