(মসিদা হৌখিবা পুং ২৪ দা থোকখিবা কোবিদ -১৯গা মরী লৈনবা চেফোংশিং, ফিল্দ ওফিসশিংদগী ফংবা পাউশিং, অমসুং পি.আই.বি.না লৌখৎপা ফেক্ত চেকশিং য়াওরি )

• মালেমগী ওইনা মীওই মিলিয়ন খুদিংগী কোবিদ-১৯ নাবা মীশিং খ্বাইদগী নেম্বা লৈবাকশিংগী মনুংদা ভারতসু ওইরি হায়না জুলাই ৬, ২০২০গী দব্লিউ.ঐচ.ও.গী সিচুএসন রিপোর্তনা উৎলি‍।
• কোবিদ-১৯ অনাবা মীওই লাখ ৪.৪ য়ৌনা নাবা ফখ্রে, এক্তিব কেসতগী লাখ ১.৮ হেনখ্রে। লৈবাক অসিগী রিকোবরী রেৎনা ৬১%% য়ৌরে।
• লৈবাক অসিগী এক্তিব কেস মশীং ২,৫৯,৫৫৭ লৈরি।
• গৃহ মন্ত্রালয়না য়ুনিবর্সিতী অমসুং ইন্সতিত্যুসনশিংনা পরিখা পাংথোকপগী অয়াবা পীখ্রে; য়ু.জি.সি.গী য়ুনিবর্সিতীশিংগী একজামিনেসন অমসুং একাদেমিক কেলেন্দরগী গাইদলাইন ফোংখ্রে

হকশেল অমসুং য়াইফ-য়ুম্বাল মন্ত্রালয়দগী ফংবা কোবিদ-১৯গী পাউঃ ভারতনা মালেমগী ওইনা মীওই মিলিয়ন খুদিংগী কোবিদ-১৯ নাবা মীশিং খ্বাইদগী নেম্বশিংগী মরক্তা অমা ওইরি; ফগৎলবা কেস লাখ ৪.৪ ময়া য়ৌরে; এক্তিব কেসতগী লাখ ১.৮গী মথক্তা হেল্লে; লৈবাক্কী ওইনা ফগৎলকপগী চাং চাদা ৬১ লাল্লে

মালেমগী ওইনা মীওই মিলিয়ন খুদিংগী কোবিদ-১৯ নাবা মীশিং খ্বাইদগী নেম্বা লৈবাকশিংগী মনুংদা ভারতসু ওইরি হায়না জুলাই ৬, ২০২০গী দব্লিউ.ঐচ.ও.গী সিচুএসন রিপোর্তনা উৎলি‍। ভারতকী মীওই মিলিয়ন খুদিংদা নাবগী মীশিং ৫০৫.৩৭ ওইরি অদুগা মালেমগী চাংচৎনা ১৪৫৩.২৫ ওইরি‍।

সিচুএসন রিপোর্ত অদুনা ভারততা মীওই মিলিয়ন খুদিংগী শিবা মীশিংগী চাংসু খ্বাইদগী নেম্বশিংগী মরক্তা লৈরি হায়বা উৎলি‍। ভারতকী মীওই মিলিয়ন খুদিংগী শিবা মীশিং ১৪.২৭ ওইরি অদুগা মালেমগী চাংচৎনা মসিগী শরুক মরি হেনগৎলগা ৬৮.২৯ ওইরি‍।

কোবিদ নারবা মীওইশিং য়েংশিন্ননবগীদমক্তা তোখায়বা কোবিদ হোস্পিতাল ১২০১, তোখায়বা কোবিদ হেল্থকেয়র সেন্তর ২৬১১ অমসুং কোবিদ কেয়র সেন্তর ৯৯০৯ লৈরে‍। থাক অসি য়ৌনা শেম শাবা অসিনা ফগৎলকপগী চাং লেপ্পা নাইদনা হেনগৎলকপা অমদি শিবগী চাং নেম্না থমবা ঙম্লি‍। হৌখিবু পুং ২৪ অসিদা কোবিদ-১৯ নারমবা মীওই পুন্না ১৫,৫১৫ নাবা ফদুনা ঙসিফাওবদা ফখ্রবা মশিং ৪,৩৯,৯৪৭ শুরে‍। ঙসি ফাওবদা হৌজিক নারিবা মশিংদগী ফখ্রবা মশিংনা ১,৮০,৩৯০ হেল্লে‍। কোবিদ-১৯ নাবশিংগী রিকভরী রেত ঙসি চাদা ৬১.১৩দা লৈরে‍। হৌজিক হৌজিক নারিবা মীওই ২,৫৯,৫৫৭ মেদিইকেলগগী মীৎয়েং মখাদা লৈরি‍।হৌখিবা পুং ২৪ অসিদা সেম্পল ২,৪১,৪৩০ তেস্ত তৌখি‍। অসুম্না হেনগৎলকপসিনা হৌজিকফাওবদা লৈবাক পুম্বগী ওইনা তেস্ত তৌখরবা সেম্পল মশিং অসি ১,০২,১১,০৯২ ওইরি‍।তেস্তিং লেবকী নেতৱর্ক অসি স্তেত/য়ু.তি.শিংদা অহেনবা লেবশিং হাপচিনবগা লোয়ননা অসুম অসুম চাউথোরক্লি‍। লৈঙাক্কী সেক্তরদা লেব ৭৯৩ অমদি লনাই লেব ৩২২ লৈদুনা লৈবাকসিগী ওইনা পুন্না লেব ১১১৫ লৈর ‍।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636958

গৃহ মন্ত্রালয়না য়ুনিবর্সিতী অমসুং ইন্সতিত্যুসনশিংনা পরিখা পাংথোকপগী অয়াবা পীখ্রে

গৃহ মন্ত্রালয়না য়ুনিয়ন হায়র সেকন্দরী ইদুকেসন সেক্রেতরীদা ঙসি ইবা চিথি অমদা য়ুনিবর্সিতী অমসুং ইন্সতিত্যুসনশিংনা পরিখা পাংথোকপগী অয়াবা পীখ্রে। অরোয়বা তর্ম একজামিনেসনশিং অসি য়ু.জি.সি.গী য়ুনিবর্সিতীশিংগী একজামিনেসন অমসুং একাদেমিক কেলেন্দরগী গাইদলাইনগী মতুং ইন্না শোয়দনা পাংথোক্কদবনি অমসুং স্তেন্দর্দ ওপরেতিং প্রোসিজর (এস.ও.পি.)গী মতুং ইন্না কেন্দ্রগী হকশেল অমসুং য়াইফ য়ুম্বাল মন্ত্রালয়নশু অয়াবা পীখ্রে।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636867

ঐচ.আর.দি. মন্ত্রীনা কোবিদ-১৯ লাইচত্তা মীৎয়েং থমদুনা য়ুনিবর্সিতীশিংগী একজামিনেসন অমসুং একাদেমিক কেলেন্দরগী য়ু.জি.সিগী শেমদোক্লবা চৎন-পথাপ ফোঙখ্রে

কেন্দ্রগী হ্যুমেন রিসোর্স দেভেলপমেন্ত মন্ত্রী শ্রী রামেশ পোখ্রিয়াল ‘নিসঙ্ক’না নই দিল্লীদা জুলাই ৬, ২০২০দা কোবি দ-১৯ লাইচৎ অসিদা মীৎয়েং থমদুনা শেমবা য়ুনিবর্সিতীশিংগী পরিক্ষ্যা অমসুং একাদেমিক কেলেন্দরগী য়ু.জি.সি.গী শেমদোক্লপা চৎন-পথাপ ভর্চুএল ওইনা ফোঙখ্রে‍। শ্রী পোখ্রিয়ালনা হায়খিবদা ফিরেপ অসি হকশেল, শাফবা ফীভম, অচুমবা অমদি মান্নবা খুদোংচাবা মহৈরোয়শিংদা পীননবগীদমক লৌখি‍বনি‍। অদুগা অমুকসু মালেমগী ওইনা মহৈরোয়শিংগী একাদেমিক ক্রেদিবিলিতী, করিয়রগী খুদোংচাবা অমদি তুংদা খুমাঙ চাউশিন্নবগীদমক হোৎনবা হায়বসি মরুওইবা অমনি‍। কোবিদ-১৯ লাইচৎকী চিরবা তানফমসিদা মতম পুম্নমক্তা তাকপা, তমবা, চাংয়েং, একাদেমিক কেলেন্দরগা মরী লৈনবা হীরম কয়ামরুমদা হোৎনবগীদমক্তা মহাক্না য়ু.জি.সি.বু থাগৎখি‍।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636963

“লায়চৎ অসিনা ঐখোয়বু খাম্বা ঙমহল্লোই”; দা. হর্শ বর্ধন্না কোবিদ-১৯গী লায়চৎ অসিগী বেকগ্রাউন্দা মহাক্কী স্বেদিসকী লেংমান্ননা থবক তৌবদা শরুক য়ামিন্নরিবশিংগা নাকল অনিগী ওইবা হকশেলগী তেংবাংগী মতাংদা ৱা খন্নবা

স্বিদেনগী হকশেল অমসুং য়াইফ য়ুম্বলগী মন্ত্রী শ্রীমতি লেনা হেল্লেনগ্রেনা দিজিতেলগী থোংদা কেন্দ্রগী হকশেল অমসুং য়াইফ-য়ুম্বালগী মন্ত্রী দা. হর্শ বর্ধনগা ঙসি মফম অসিদা হকশেল অমসুং হীদাকশিংগী মতাংদা খন্ননবা উন্নখ্রে। মন্ত্রী অনিনা লৈবাক অসিদা কোবিদ-১০গী মতাংদা মরিক চুম্বা থাক অমসুং পায়খৎলিবা থৌরাংশিং অমসুং মদু য়েংশিন্নবগী তুংদা পায়খৎকদবা থবকশিংগী মতাংদা খন্নখি। কোবিদ-১৯গী লায়চৎ অসি য়েংশিনবদগী ভারতনা ফংহৌবা পারা কয়া তমহৌবা পারাশিংগী মতাংদা দা. হর্শ বর্ধন্না হায়খি, “ভারত্তা ফগৎলকপগী চেং অসি চাদা ৬১দগী হেল্লে অমসুং বিলিয়ন ১.৩৫ লৈবা লৈবাক অমা ওইজরগসু শিবগী চাং অসি চাদা ২.৭৮দা নেম্না লৈ। নোংমদা মীওই লাক্ষ ২.৫ তেস্ত তৌই। কোবিদ-১৯ দাইগ্নোজ তৌনবা লেব অসি থা মরীগী মমাংদা লেব অমক্তমক লৈরম্বা অদু হৌজিক লেব ১১০০ হেন্না লৈরে। ” দা. হর্শ বর্ধন্না ভারতনা নোভেল কোরোনা ভাইরস লাইচৎ অসিবু খুদোংচাবা অমা ওইনা লৌই হায়না ফোংদোকখি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637000

গঙ্গা অমুক হিঙ্গৎহনবদা মতেং পাংনবা ৱাল্দ বেঙ্কনা দোল্লর মিল্লিয়ন ৪০০ পীরে

গঙ্গা অমুক হিঙ্গৎহন্নবা হোৎনরিবা নমামি গঙ্গে শৌগৎনবা লোন অমা পীনবা ঙসি ভারত সরকার অমসুং ৱাল্দ বেঙ্ক য়ানচে অমা খুৎয়েক পীনখ্রে। অনিসুবা নেসনেল গঙ্গা রিভর বেসিন প্রোজেক অসিনা তুরেল অসি মোৎপদগী কন্নবা অমসুং মীওই মিল্লিয়ন ৫০০ হেন্না খুন্দারিবা তুরেল অসিগী মপান শেমজিন-শাজিনবগী থবকশিং মতেং পাংগনি। দোল্লর মিল্লিয়ন অসিদা দোল্লর মিল্লিন ৩৮১গী লোন অমা অমসুং দোল্লর মিল্লিয়ন ১৯গী গরেন্তি অমা য়াওরি। প্রোজেক অসিনা অখন্নবা সহরগী মফম খরদা সিৱেজ নেতৱার্কশিং শেমগৎপা অমসুং অমোৎপা শেংদোক্নবা প্লান্তশিং শেমগৎপদা মতেং পাংগনি। হায়রিবা মচাকশিং অসিগী শেন থাদবা অমসুং থবক পীবদা কোবিদ-১৯না মরম ওইদুনা ফিবম শোক্লবা ভারতকী শেন-থুমগী ফিবম ফগৎহনবদা মতেং পাংগনি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636999

নেস্নেল মেদিস্নেল প্লান্তস বোর্দ অমসুং আই.সি.এ.আর.- নেস্নেল ব্যুরো ওব প্লান্ত জেনেতিক রিসোর্সেস্কী মরক্তা খুৎয়েক পীনখিবা য়ানা ৱারোল

আয়ুশ মন্ত্রালয়গী মখাদা লৈবা নেস্নেল মেদিস্নেল প্লান্তস বোর্দ (এন.এম.পি.বি.) অমসুং এগ্রিকলচরেল রিসর্স এন্দ এজুকেসন বিভাগকী মখাদা লৈবা আই.সি.এ.আর.- নেস্নেল ব্যুরো ওব প্লান্ত জেনেতিক রিসোর্সেসকগী মরক্তা জুলাই ৬, ২০২০দা য়ানা ৱারোল অমা খুৎয়েক পীনখ্রে। হায়রিবা য়ানা ৱারোল অসিগী পান্দমদি মেদিস্নেল এন্দ এরোমেতিক প্লান্তস জেনেতিক রিসোর্সেস (এম.এ.পি.জি.আর.)বু আই.সি.এ.আর.-এন.বি.পি.জি.আর.গী অহাংবা মফমদা নেস্নেল জিন বেঙ্কতা অশাংবা মতমগী ওইনা তুংশিন্নবা (ফংবগী চাংগী মতুং ইন্না) অমসুং নত্ত্রগা রিজনেল স্তেসন্দনা ময়াই ওইবা মতমগী ওইনা তুংশিন্নবা অমসুং পাম্বীশিংগী জর্মপ্লাজম য়োকখৎনবা তেক্নিকশিংবু এন.এম.পি.বি.গী শিন্মীশিংদা ত্রেনিং পীনবগীদমক্তনি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636964

বি.এস.আই.পি.না য়ু.পি.গী সরকারগা লোয়ননা স্তেৎ অসিদা কোবিদ ১৯ লাকশিন্নবা খুৎশম্নখ্রে

রাজ্য সরকারশিংগা লোয়ননা ভারত সরকারনা কোবিদ-১৯ ঙাকথোক্নবা, লাকশিন্নবা অমসুং য়েংশিন্নবা চোকথবা লৈতনা হোৎনরি। সাইন্স অমসুং তেক্নোলোজী বিভাগ (দি.এস.তি.)গী মখাদা লৈবা ওতোনোমস ইন্সতিত্যুসন অমা ওইরিবা বির্বল সাহনি ইন্সিতিত্যুৎ ওফ পেলিওসাইন্সেসনা উত্তর প্রদেশ সরকারগা লোয়ননা স্তেৎ অসিদা কোবিদ-১৯ লান্থেংননবা খুৎশম্নখ্রে। বি.এস.আই.পি. অসি কোবিদ-১৯ লেবোরেতরিদা তেস্ত তৌনবা অহানবা খোংথাং লৌখৎখি। মমাংঙৈগী দি.এন.এ. বি.এস.এল-২এ লেবোরেতরি ইন্সতিত্যুৎ মশা মক্তা লৈবনা খুদক্তা তেস্ত তৌবা ঙম্বা অসি ওইথোকহল্লি। লেব অসিনা ২৪ x৭ মথৌ তৌদুনা উত্তর প্রদেশকী তোঙান তোঙানবা জিলাশিংদগী নোংমদা সেম্পল ৪০০ রোম তেস্ত তৌরি। হৌজিক ফাওবদা সেম্পল ১২,০০০ হেন্না তেস্ত তৌখ্রে।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1636948

১৫শুবা ফাইনান্স কম্মিসন্না ৱার্দ বেঙ্ককা অমসুনা মসিগী ঐচ.এল.জি.গা লোইননা হকশেলগী সেক্তরদা মীফম পাঙথোকখ্রে

ভারতকী হকশেলগী হীরমদা হেন্না মমুৎ তানা খঙনবা অমসুং কেন্দ্র সরকারনা হকশেলগী লমদনা হেন্না শেল থাদরিবসিদা হান অকোন নৌনা লেপথোক্নবগীদমক ১৫শুবা ফাইনান্স কম্মিসন্না ৱার্দ বেঙ্ককী মীহুৎশিং, নিতি আয়োগ অমসুং কম্মিসনরগী অৱাংবা থাক্কী কাংবু (ঐচ.এল.জি.)গা লোইননা হকশেলগী হীরমদা মীফম পাঙথোকখ্রে। চীয়রমেন্না হায়খি মদুদি, কম্মিসন অসিনা ইহান-হানবা ওইনা হকশেলগী লমদা অপুনবা ওইনা ৱাখল থাদগনি।

অকুপ্পা ৱারোলগীদমক, https://www.pib.gov.in/PressReleseDetail.aspx?PRID=1637002

পি.আই.বি. ফিল্দ ওফিসশিংদগী ফংবা পাউ

• চন্দিগরঃ য়ু.তি. চন্দিগরগী এদমিনিস্ত্রেতরনা মপান্দগী চঙলকপা মীওইশিংগী মখোয়না শহর অসিদা হেক চঙলকপা মীকুপতগী অমসুং মখোয়না লৈরিবা মফমদুদা কন্তেক্ত ত্রেসিং অমসুং স্ক্রীনিং হকচিন্না তৌনবা অকনবা ৱাফম থমখ্রে। মহাক্না দোক্তর অমসুং ম্যুনিসিপাল ওথোরিতীশিংদা মোন্সুনগা মরী লৈনবা লাইনা শন্দোকহন্দনবা চেকশিন্নবগীদমক খঙহল্লক্লি। এদমিনিস্ত্রেতর অসিনা সোসিএল দিস্তেন্সিংগী কাংলোনশিং য়েংলদুনা ইমপ্লোয়ীশিংনা কেন্তিন নত্ত্রগা ওফিসশিংদা লঞ্চ চামিন্নবা লেপনবা খঙহল্লক্লি। চা থক্নবগী মতমদসু ইমপ্লোয়ীশিংনা মাস্ক উপতুনা সোসিএল দিস্তেন্সিংগী কাঙলোন ইন্নবা খঙহল্লক্লি।
• পঞ্জাবঃ পঞ্জাবতা লাকপা খুদিংমক্না ই রেজিস্ত্রেসন তঙাইফদনা তৌনবা খঙহনখ্রে।সরকারনা পীরিবা চৎন-কাংলোনগী মতুং ইন্না ত্রাবেল্লরশিংনা চৎথোক-চৎশিন্দা অপনবা লৈতনবগীদমক মশা-মশানা ওনলাইন্দা মখোয়গী ময়ুমদগী তৌবা য়াগনি। ই রেজিস্ত্রেসন অসিগী পান্দমদি ঙমখৈগী চেকপোস্তশিংদা শাংনা শাংনা মী চিন্না লেপতুনা ত্রাবেল্লরশিংদা খুদোংচাদবা থোকহল্লিবদু ফনবগীদমক্তনি।
• হরিয়ানাঃ রিএল ইস্তেত ইন্দস্ত্রীশিংদা কোবিদ-১৯না মরম ওইদুনা থোকহল্লিবা খুদোংচাদবশিং কোকহন্নবগীদমক রিলিফকী ওইবা খোংথাং কয়া পীরদুনা হরিয়ানা সরকারনা সি.এল.য়ু.শিংগী প্রোজেক্ত অমসুং লাইসেন্সনচিংবশিংদা থা তরেৎকী ওইনা মার্চ ১, ২০২০দগী সেপ্তেম্বর ৩০, ২০২০ ফাওবগী ওইনা ইন্তরেস্ত থীবদা চোন্থনবগী ৱারেপ লৌখ্রে। হায়রিবা মোরাতোরিয়ম অসিগী মতম অসিদা হায়রিবা মার্চ ১, ২০২০দগীনা সেপ্তেম্বর ৩০, ২০২০ ফাওবসি জিরো পেরদ হায়না লৌগনি।
• হিমাচল প্রদেশঃ কোবিদ-১৯গী মনুংদফাওবা রাজ্য অসিদা লৈরিবা ফার্মা কম্পেনীশিং মথৌ তৌদুনা লেপ্তনা হিদাক শাদুনা মপান লমদফাওবা হিদাক থাদোকখি হায়না মুখ্য মন্ত্রীনা ফোংদোকখ্রে। মহাক্না হায়খি মদুদি, খুদোংথীবা মতম অসিবু খুদোংচাবা অমা ওইনা ওন্থোক্নবা ঐখোয় খুদিংমক্না হোৎনগদবনি, মরমদি রাজ্য অয়াম্বা কোবিদ-১৯ লাইচৎনা শোকহনবা মতমদা হিমাচল প্রদেশনা ময়ামদগী হেন্না শাফরিবনি।
• কেরলাঃ কোবিদনা মরম ওইদুনা মীওই অমগা লৈখিদবগা লোইননা অপুনবা মীওই ২৮ লৈখিদ্রে। লৈখিদ্রবা অদু গল্ফ লৈবাক্তগী কোল্লম জিল্লাদা হল্লকপনি, চহী ২৪ শুরে, মহাক ঙরাং হোম ক্বারেন্তিন তৌরিঙৈদা লৈখিদবনি, মহাক্কী রিজল ঙসি পোজিতিব ওইদুনা লাকখি। কোঝিকোদেগী এপার্ত্মেন্ত কমপ্লেক্স অমদা লৈবা মীওই তরুক অমগা পোজিতিব ওইদুনা পুন্না ১১ শুখ্রে। মসিগী মতুংদা, মফম অসিদা লৈরিবা মীওইশিংনা কোবিদ-১৯গী প্রোতোকোল ঙাক্লমদবা থেংনবদগী জিল্লা অসিগী এদমিনিস্ত্রেসন্না অনৌবা উপাই পুথোকখ্রে। রাজ্য অসিগী মপান্দা কোরোনানা মরম ওইদুনা মীওই ৩ অমগা লৈখিদ্রে। কুৱেত্তা অমা অমসুং মুম্বাইদা অনীনি। মুম্বাইদা লৈখিদবা মলায়ালী মশীং নিফু শুখ্রে। ঙরাং কেরলাদা কোবিদ-১৯গী অনৌবা কেস ১৯৩ লাকখি। হৌজিক অনাবা মীওই ২,২৫২ রাজ্য অসিদা তোঙান-তোঙানবা হোস্পিতালশিংদা লাইনা অসিদগী লাইয়েংলি অমসুং লাখ ১.৮৩না তোঙান-তোঙানবা ক্বারেন্তিন সেন্তরদা লৈরি।
• তমিল নাদুঃ প্রাইবেৎ মেদিকেল কোলেজশিং কোবিদ-১৯ লাকশিন্নবগীদমক পুদুচেরী সরকারগী মখাদা লৈরগনি। হাউসিং অমসুং অর্বান এফিয়র্সকী কেন্দ্রগী মন্ত্রালয়না গ্রেতর চেন্নই কোরপোরেসন (জি.সি.সি.)বু জুলাই ১৫ ফাওবগী মনুংদা কোবিদ-১৯না মরম ওইদুনা লৈখিদ্রবা মীওইশিংগী মপুং ফারবা দেতা পীখৎলক্নবা খঙহনখ্রে। আই.আই.তি. মদ্রাসকী রিসর্চরশিংনা কোবিদ-১৯ লাইয়েংলিবা হেলথ কেয়র ৱারকরশিংবু ঙাকথোক্নবগীদমক নাইলোন্দা য়ুম্ফম ওইবা নেনো-কোতেদ ফিলতর অমা পুথোকখ্রে; প্রোজেক্ত অসি দি.আর.দি.ও.না শেল থাদবনি। ঙরাং অনৌবা কেস ৩৮২৭, রিকোবরী ৩৭৯৩ অমসুং মীওই ৬১ লৈখিদ্রে। অপুনবা কেসঃ ৯১৪৯৭৮, এক্তিব কেসঃ ৪৬,৮৩৩, লৈখিদ্রবাঃ ১৫৭১। চেন্নইদা লৈবা এক্তিব কেস অসি ২৪,০৮২নি।
• করনাতাকাঃ মুখ্য মন্ত্রীনা রাজ্য অসিগী কোবিদ-১৯ ইকোনোমিক রিলিফ পেকেজ ওইনা হেন্দলুম ৱেবরশিংগী ওইবা দাইরেক্ত বেনিফিৎ ত্রান্সফর 'নেকারা সমানা য়োজনে' হৌদোকখ্রে। রাজ্য অসিগী ফাইনেল ইয়র এম.বি.বি.এস. অমসুং নর্সিং মহৈরোইশিংবু কোবিদ কেয়র সেন্তরশিংদা থাগদৌরি। করনাতাকা শীনবা থুংনা লৈরিবা লাইচৎ অসিবু থেংনরিবা আসা ৱারকরশিংনা মখোয়না তাল্লিবা দাবী রাজ্য সরকারনা পীবীদবগীদমক জুলাই ১০দগী থবক লেপ্পগী খোংজং চঙশিনগদৌরি। ঙরাং অনৌবা কেস ১৮৪৩ লাক্লে অমসুং ৬৮০ দিসচার্জ অমসুং মীওই ৩০ লৈখিদবগী রিপোর্ত তৌরকখ্রে। অপুনবা কেসঃ ২৫৩১৭, এক্তিব কেসঃ ১৪৩৮৫, লৈখিদ্রবাঃ ৪০১, দিসচার্জঃ ১০৫২৭।
• অন্ধ্র প্রদেশঃ রাজ্য সরকারনা ইঞ্জিনীয়রিং অমসুং মেদিসিন এন্ত্রান্স (ই.এ.এম.সি.ই.তি.) একজাম অকনবা চেকশিন থৌরাংগা লোইননা পাঙথোক্নবা লেপখ্রে; জুলাই ১৯দা কম্প্যুতর সোসাইতী ওব ইন্দিয়াগী মতেংগা লোইননা মোক তেস্ত পাংথোক্কনি। নেলোরদা এ.পি.এস.আর.তি.সি.গী শিন্মীশিংনা লৈবাকপোকপা নুমিত্তা শিন্মী অনী কোবিদ-১৯না মরম ওইদুনা লৈখিদবা অমসুং কেস হেনগৎলকপনা মরম ওইদুনা থবক শুবা কিবদগী থবক লেপখ্রে। হৌখিবা পুং ২৪ অসিদা সেম্পল ১৬,২৩৮ তেস্ত তৌরবা মতুংদা অনৌবা কেস ১১৭৮, দিসচার্জ তৌখিবা ৭৬২, অমসুং লৈখিদ্রবা ১৩ রিপোর্ত তৌরকখ্রে। কেস ১১৭৮গী মনুংদগী ২২না ইন্তর স্তেত কেসনি অমসুং অমনা মপান্দগীনি। অপুনবা কেসঃ ২১,১৯৭, এক্তিব কেসঃ ১১২০০, দিসচার্জঃ ৯৭৪৫, লৈখিদ্রবাঃ ২৫২।
• তেলঙ্গানাঃ হায়দেরবাদকী প্রাইবেৎ মেদিকেল কোলেজশিংনা কোবিদ-১৯ অনাবা লাইয়েংমল ময়েক শেংনা খঙহন্নবা ঙাইরি। কোবিদ-১৯ কেস হেনগৎলকপদগী তেলঙ্গানা সরকারনা মতম কুইনগী মমাংদগী থবক ওইনা ওন্থোকপা ঙমদনা লাকপা ই ওফিস সিস্তেম লিংখৎনবা হোৎনরি। ঙরাং ফাওবদা লৈখিবা অপুনবা কেসঃ ২৫,৭৩৩, এক্তিব কেসঃ ১০,৬৪৬, লৈখিদ্রবাঃ ৩০৬ দিসচার্জঃ ১৪৭৮১।
• অসমঃ অসমগী সিফাই ২৫০ হেন্না কোবিদ-১৯না নারে, মখোয়গী মনুংদগী চাদা মরিফুদি গৌহাতীদগীনি হায়না অসমগী দি.জি.পি. শ্রী ভাস্কর জ্যোতি মহন্তনা ত্বীৎ তৌরক্লি।
• মনিপুরঃ মনিপুর পুলিসনা মীওই ৪৪২ লোকদাউনগী কাংলোন থুগাইদুনা মাস্ক উপতবগীদমক অমসুং সোসিএল দিস্তেন্সিংগী কাঙলোন থুগাইবগীদমক ফাগৎখ্রে। গারী ২৬৫সু পনখি। ভাইওলেতরশিং অসিদগী অপুনবা শেনফম লুপা ৫৭,৫০০ সু ফাইন ওইনা খোমগৎখি।
• মিজোরমঃ মিজোরমদগী কোবিদ-১৯দগী নাবা ফরবা মীওই তরুক দিসচার্জ তৌখ্রে, হৌজিক এক্তিব কেস ওইনা ৫৮ লৈরি অমসুং ১৩৯না নাবা ফখ্রে।
• নাগালেন্দঃ বেঙ্গলোরদগী ময়ুমদা হল্লকপা মীওই ৫০০ পুবা অখন্নবা ত্রেন অমা জুলাই ৯, ২০২০দা নাগালেন্দগী দিমাপুরদা থুংলগদৌরি। নাগালেন্দদা অনৌবা কোবিদ-১৯ পোজিতিব কেস ১১ লাক্লে। রাজ্য অসিদা লৈরিবা অপুনবা পোজিতিব কেস মশীং অসি ৬৩৬নি অমসুং মসিগী মনুংদগী ৩৯৩না এক্তিব কেস্নি অমসুং ২৪৩না রিকোবর্দ কেসনি।
• মহারাস্ত্রাঃ রাজ্য সরকারনা মিসন বিগিন অগেনগী ৫শুবা তাংকক ওইনা অথিংবা তপ্না-তপ্না লৌথোক্লি। কন্তেন্মেন্ত জোনগী মপান্দা লৈবা হোতেল, লোদজ অমসুং গেস্ত হাউজশিং মখোয়গী কেপাসিতীগী ৩৩% হয়েংদগী হাংনবগী অনৌবা ওরদর অমা থোক্লে। মহারাস্ত্রদা মীওই ৫,৩৬৮ পোজিতিব ওইরকপগা লোইননা রাজ্য অসিগী অপুনবা মশীং ২,১১,৯৮৭ লৈরি। নিংথৌকাবা নুমিত্তা মীওই ৩,৫২২ নাবা ফখ্রে অমসুং চিসচার্জ তৌখ্রে, মসিনা হৌজিক ফাওবদা অপুনবা মীওই ৯,১৫,২৬২ নাবা ফখ্রে। রাজ্য অসিদা লৈরিবা অপুনবা এক্তিব মশীংনা ৮৭,৬১৮নি।
• গুজরাৎঃ অনৌবা কেস ৭৩৫ লাকপগা লোইননা হৌজিক ফাওবদা অপুনবা কেস ৩৬৮৫৮ য়ৌরে। রাজ্য অসিদা অহুমশুবা নুমিৎ ওইনা মীওই ৭০০কী মথক্তা অনৌবা কেস লাকখ্রে। কোবিদ-১৯না মরম ওইদুনা ১৭ লৈখিদবগা লোইননা অপুনবা লৈখিদবা মশীং ১,৯৬২ শুখ্রে। খ্বাইদগী য়াম্বা কেস সুরত্তগী ২০১ লাকখি, অহেমদবাদ শহরদগী অনৌবা কেস ১৬৮ লাকখি।
• রাজস্থানঃ ঙসি অয়ুক্তা অনৌবা কেস ২৩৪ লাকপগা লোইননা রাজ্য অসিগী অপুনবা মশীং ২০,৯২২ য়ৌখ্রে। রিকবরী মশীংনা ১৬,৩২০ ওইরে। এক্তিব কেস মশীংনা ৩,৯৪৯
• মধ্য প্রদেশঃ রাজ্য সরকারগী কিল কোরোনা কেম্পেনগী মখাদা মীওই চাউরাক্না ২.৯ কোনশিল্লদুনা ইনুং লাখ ৫৬ সর্বে তৌখ্রে। হৌখিবা পুং ২৪ অসিদা রাজ্য অসিদা অনৌবা পোজিতিব কেস ৩৫৪ লাকখ্রে, মসিনা অপুনবা কেস মশীংদা ১৫,২৮৪ য়ৌহনখ্রে। অপুনবা রিকোবরী মশীংনা ১১,৫৭৯ য়ৌবগা লোইননা নিংথৌকাবা নুমিত্তা হোস্পিতালশিংদগী মীওই ১৬৮ দিসচার্জ তৌখি।

ফেক্ত চেক

*****